"മൗണ്ട് കാർമൽ എച്ച്.എസ്സ്,എസ്സ് ഫോർ ഗേൾസ്,കോട്ടയം/എന്റെ വിദ്യാലയം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

അന്താരാഷ്ട്ര പ്ലാസ്റ്റിക് ബാഗ് വിമുക്ത ദിനത്തിൽ  സീഡ് ക്ലബ് അംഗങ്ങൾ 150 തുണി സഞ്ചികൾ തയ്ച്ച് വില്പനയ്ക്കായി തയ്യാറാക്കി.തുണിസഞ്ചി വിറ്റുു കിട്ടുന്ന തുക *'''സഹപാഠിക്കൊരു വീട്'''*പദ്ധതിക്കായി നൽകും.പ്ളാസ്റ്റിക് കാരി ബാഗ് വിരുദ്ധ പ്രതിജ്ഞ മറ്റു ബോധവൽക്കരണ പ്രവർത്തനങ്ങൾ എന്നിവയും ക്ളബ് അംഗങ്ങളുടെ നേതൃത്വത്തിൽ നടത്തുകയുണ്ടായി. കൂടാതെ വീട്ടിലെ പ്ലാസ്റ്റിക് മാലിന്യങ്ങൾ കൃത്യമായി ഹരിത കർമ്മ സേനയ്ക്ക് കൈമാറുകയും അത് രേഖപ്പെടുത്തി വയ്ക്കുകയും ചെയ്യാൻ കുട്ടികളെ ബോധവൽക്കരിച്ചിട്ടുണ്ട്.

=== '''പ്രകൃതിസൗഹൃദ വേസ്റ്റ് ബിൻ  ചവിട്ടി ചലഞ്ച്''' ===

കോട്ടയം മൗണ്ട് കാർമൽ സ്കൂൾ സീഡ് ക്ലബ്ബിന്റെ നേതൃത്വത്തിൽ  ആയിരത്തിലധികം കുട്ടികൾ ഉപയോഗശൂന്യമായ കാർബോർഡ് ബോക്സുകളും പഴയ സാരികളും വസ്ത്രങ്ങളും ഉപയോഗിച്ച് തയ്യാറാക്കിയ വേസ്റ്റ് ബിന്നുകളും ചവിട്ടികളും വിവിധ പൊതു സ്ഥാപനങ്ങളിലേക്ക് നൽകി. കുട്ടികൾ താമസിക്കുന്ന പ്രദേശങ്ങളിലെ തദ്ദേശ സ്വയംഭരണ സ്ഥാപനങ്ങളിലും പൊതുസ്ഥാപനങ്ങളിലും കുട്ടികൾ തന്നെ ബിന്നുകൾ എത്തിക്കുകയുണ്ടായി. ലോകപ്രകൃതിസംരക്ഷണ ദിനാചരണവുമായി ബന്ധപ്പെട്ടാണ് ഈ പ്രവർത്തനം സ്കൂളിലെ മുഴുവൻ കുട്ടികളെയും പങ്കെടുപ്പിച്ച് കൊണ്ട് നടത്തിയത്. കുട്ടികൾ അവരവരുടെ വീടുകളിലും ആവശ്യത്തിനുള്ള ബിന്നുകൾ തയ്യാറാക്കുകയുണ്ടായി. പ്രശസ്ത പ്രകൃതി സംരക്ഷണ പ്രവർത്തകനും കോട്ടയം സെൻമേരിസ് കോളേജ് പ്രിൻസിപ്പലുമായ ഡോക്ടർ പുന്നൻ കുര്യൻ സാർ ബിന്നുകളുടെ വിതരണ പരിപാടി ഉദ്ഘാടനം ചെയ്തു.

 

കോട്ടയം മൗണ്ട് കാർമ്മൽ സ്കൂൾ സീഡ് ക്ലബ്ബിന്റെ നേതൃത്വത്തിൽ '''ലോക ലഹരി വിരുദ്ധ ദിനം''' വേറിട്ട പ്രവർത്തനങ്ങളോടെ ആചരിച്ചു.

ബസ്സ് സ്റ്റോപ്പുകളിലും വ്യവസായ ശാലകളിലും. പാരഗൺ കമ്പനിയിൽ ജോലി ചെയ്യുന്ന തൊഴിലാളികൾക്കിടയിലും ഹിന്ദി, ബംഗാളി, തമിഴ് ഭാഷകളിൽ തയ്യാറാക്കിയ നോട്ടീസ് നൽകിയുളള ബോധവൽക്കരണം .

== <big>'''എന്റെ വീട് ലഹരി വിമുക്ത വീട്. പോസ്റ്റ്‌ കാർഡ് ലെറ്റർ.'''</big> ==

കുട്ടികളുടെ മാതാപിതാകൾക്ക് പോസ്റ്റ്‌ കാർഡിൽ ലെറ്റർ എഴുതി, ലഹരി ഒരിക്കലും ഉപയോഗിക്കില്ലെന്ന് മാതാപിതാക്കൾക്ക് ഉറപ്പ് നൽകുകയും, വീട്ടിൽ ആരും ഉപയോഗിക്കരുതെന്ന് അഭ്യർത്ഥിക്കുകയും അതിനായി ബോധവൽക്കരണ പരിപാടിയിൽ പങ്കെടുക്കാൻ പിന്തുണ വേണമെന്നും ആവശ്യപ്പെട്ടുകൊണ്ടുള്ള സത്യവാങ്മൂലം

എക്സ്സൈസ് അസിസ്റ്റന്റ് ഇൻസ്‌പെക്ടർ സബിന്റെ നേതൃത്വത്തിൽ ബോധവൽക്കരണ ക്ലാസ്സ്‌

കുട്ടികളിലെ ആരോഗ്യ- കായിക ക്ഷമതയ്ക്ക് പാഠ്യപ്രവർത്തനങ്ങളോടൊപ്പം തന്നെ പ്രാധാന്യം കല്പ്പിക്കുന്ന കോട്ടയം  ജില്ലയിലെ പ്രമുഖ സ്കൂളാണ് മൗണ്ട് കാർമൽ എച്ച്എസ് കഞ്ഞിക്കുഴി.കായികരംഗത്ത് അന്തർ ദേശീയ, ദേശീയ സംസ്ഥാന മത്സരങ്ങളിൽ മികച്ച പ്രകടനം പിന്തുടരുന്ന പാരമ്പര്യമാണ് മൗണ്ട് കാർമൽ സ്കൂളിന് ആദ്യകാലം മുതൽ ഉള്ളത്. കുട്ടികളുടെ കായികാഭ്യാസത്തിന് മുതൽക്കൂട്ടാകുന്ന  പ്ലേഗ്രൗണ്ടുകളും കായിക ഉപകരണങ്ങളും അധ്യാപികയും വ്യത്യസ്ത ഇനങ്ങൾ പരിശീലിപ്പിക്കുന്ന കോച്ചുകളും സ്കൂളിന്റെ മാത്രം സവിശേഷതകളാണ്. കായിക മേഖലകളിൽ കുട്ടികളുടെ അഭിരുചി മനസ്സിലാക്കി അദ്ധ്യായന വർഷ ആരംഭം മുതലേ അവർക്ക് പ്രത്യേക പരിശീലനം നൽകുകയും വിവിധ മത്സരങ്ങൾക്കായി ഒരുക്കുകയും ചെയ്യുന്നു.

1)ബാസ്ക്കറ്റ് ബോൾ -(സബ് ജൂനിയർ,ജൂനിയർ, സീനിയർ ) - 40 കുട്ടികൾ

2) നെറ്റ് ബോൾ- ( സബ് ജൂനിയർ, ജൂനിയർ, സീനിയർ ) - 20 കുട്ടികൾ

3)ത്രോ ബോൾ- (സബ്ജൂനിയർ ജൂനിയർ, സീനിയർ)- 20 കുട്ടികൾ

4) വടംവലി- 30 കുട്ടികൾ

5) ടെന്നിക്കോയിറ്റ്- 12 കുട്ടികൾ

6) റോളർ സ്കേറ്റിംഗ്-10 കുട്ടികൾ

7) കരാട്ടെ- 50 കുട്ടികൾ

9) അത് ലറ്റിക്സ്

a) ഓട്ടങ്ങൾ - ( 100m,200m,400m,800m,1500m, റിലേ )

b) ചാട്ടങ്ങൾ -( high jump, long jump )

c) ത്രോസ്‌-  ( ഡിസ്‌കസ് , ജാവെലിൻ, ഷോട്ട് പുട്, ഹാമർ )

d) ഹർഡിൽസ്  എന്നിവയും കൂടാതെ സ്വിമ്മിങ്ങിനും  പരിശീലനം നടത്തുന്ന  കുട്ടികളും സ്കൂളിൽ 2023 - 24 അധ്യയനവർഷം ഉണ്ട്.

  2014 ൽ  അർജുന അവാർഡ് ജേതാവായ ഗീതു അന്ന ജോസ് സ്കൂളിന്റെ വിജയഗാഥയുടെ എക്കാലത്തെയും വലിയൊരു നേട്ടമായി എടുത്തുപറയേണ്ടതാണ്. അതോടൊപ്പം അൻപത്തിൽപരം അന്തർദേശീയ കായിക താരങ്ങളും നൂറിൽ അധികം ദേശീയ താരങ്ങളും ഇരുന്നൂറിലധികം സംസ്ഥാന താരങ്ങളും സ്കൂളിന്റെ കായിക മേഖലയിലേക്കുള്ള സംഭാവനകളാണ്.

       സംസ്ഥാനതലത്തിൽ നടത്തപ്പെട്ട മത്സരങ്ങളിൽ ബാസ്ക്കറ്റ്ബോൾ- സീനിയർ, ജൂനിയർ, സബ് ജൂനിയർ എന്നീ വിഭാഗങ്ങളിൽ 36 കുട്ടികൾ പങ്കെടുത്തു. മിനി ബാസ്ക്കറ്റ്ബോൾ ഡെനിയ മിർസ ഡിമൽ, ഷെർലിൻ ഷിബു, കൃഷ്ണേന്ദു എസ്, അൽമ മേരി ടിറ്റോ, അന്നാ മറിയം രതീഷ്, ഫേബ അന്ന ലിബിൻ, റിയാന്ന റെന്നിഎന്നിവർ മൂന്നാം സ്ഥാനം കരസ്ഥമാക്കി.നെറ്റ് ബോളിൽ ജൂനിയർ, സബ് ജൂനിയർ, മിനി ചാമ്പ്യൻഷിപ്പുകളിൽ മുപ്പത് കുട്ടികൾ വീതം പങ്കെടുത്തു. ത്രോ ബോളിൽ സീനിയർ വിഭാഗത്തിൽ ആയി മൂന്ന് കുട്ടികളും ജൂനിയർ വിഭാഗത്തിൽ രണ്ടു കുട്ടികളുംമൂന്നാം സ്ഥാനം കരസ്ഥമാക്കി. ടെന്നീസ് കോട്ടിൽ ജൂനിയർ വിഭാഗത്തിൽ മൂന്നു കുട്ടികൾ പങ്കെടുക്കുകയും ഒന്നാംസ്ഥാനം കരസ്ഥമാക്കുകയും ചെയ്തു. റോളർ സ്കേറ്റിംഗ്,കരാട്ടെ, ഷട്ടിൽ ബാഡ്മിന്റൺ എന്നിവയിലും കുട്ടികൾ സ്റ്റേറ്റ് ലെവൽ വരെ പോകുന്നു.

ന്യൂഡൽഹിയിൽ വെച്ച് നടന്ന JNBA നാഷണൽ ചാമ്പ്യൻഷിപ്പിൽ നിവേദിത രാജ് കെ കേരളത്തെ പ്രതിനിധീകരിച്ചു.  ചെന്നൈയിൽ വെച്ച് നടന്ന കരാട്ടെ ടൂർണമെന്റിൽ പങ്കെടുത്ത അഞ്ചാം ക്ലാസ് വിദ്യാർത്ഥിനി തമ്പുരു എലീസ് ധനേഷിനു സിൽവർ മെഡലും കുമ്മിറ്റ് ൽ  ബ്രോൺസ്‌ ഉം ലഭിച്ചു.

ബാംഗ്ലൂരിൽ വെച്ച് നടന്ന നാഷണൽ റോളർ സ്കേറ്റിംഗ് ചാമ്പ്യൻഷിപ്പിൽ ഏഴാം ക്ലാസിലെ ദൃശ്യ ആർ സബ്ജൂനിയർ ഫീമെയിൽ സ്ക്വാഡിൽ കേരളത്തെ പ്രതിനിധീകരിച്ചു.  കോഴിക്കോട് വെച്ച് നടന്ന റോളർ സ്കേറ്റിംഗ് ചാമ്പ്യൻഷിപ്പിൽ Road 1, Road 2, Road 3 എന്നീ മൂന്ന് ഇനങ്ങളിലുംസ്വർണ്ണമെഡൽ കരസ്ഥമാക്കി.ഒമ്പതാം ക്ലാസിലെ ദേവനന്ദ എം ബി നാഷണൽ സബ്ജൂനിയർ ടെന്നീസ് കോർട്ട് ചാമ്പ്യൻഷിപ്പിൽ കേരളത്തെ പ്രതിനിധീകരിക്കാൻ യോഗ്യത നേടി. ഒഡീസയിൽ വെച്ച് നടന്ന നാഷണൽ സീനിയർ ത്രോബോൾ ചാമ്പ്യൻഷിപ്പിൽ പത്താം ക്ലാസിലെ അലോന വിമല ജോണി കേരളത്തെ പ്രതിനിധീകരിച്ചു.

കുട്ടികളെ പഠന മേഖലയിലെ വളർച്ചയ്ക്ക് ഒപ്പം തന്നെ കായിക ക്ഷമതയും വർദ്ധിപ്പിക്കാനായി പ്രത്യേക കരുതലും ശ്രദ്ധയും സ്കൂൾ നൽകാൻ എപ്പോഴും ശ്രമിക്കുന്നു.ഏതു മത്സര ഇനത്തിലും സമ്മാനം വാങ്ങിക്കുക എന്നതിലുപരിയായി കുട്ടികളിലെ കായിക ശേഷി വർദ്ധിപ്പിക്കുന്നതിന് സ്കൂൾ പ്രതിജ്ഞാബദ്ധമാണ്. വരുംകാലങ്ങളിലും സംസ്ഥാനതലത്തിലും ദേശീയ അന്തർ ദേശീയതലത്തിലുള്ള മത്സരങ്ങളിലും കൂടുതൽ മികവുറ്റ താരങ്ങളെ സമ്മാനിക്കാൻ സ്കൂളിന് സാധിക്കും എന്ന് ഉറപ്പുണ്ട്.

രക്തദാനസമ്മതം നൽകിയ ആളുകളുടെ പേര് വിവരങ്ങൾ ഇന്ത്യൻ ജൂനിയർ റെഡ് ക്രോസ് സൊസൈറ്റി ചെയർമാൻ ജോബി തോമസിനും ജില്ലാ കോഡിനേറ്റർ ബിനു കെ പവിത്രൻ സാറിനും കൈമാറി

ജോസഫ് സാറി ൻറെ പരിശീലനത്തിൽ 35 കുട്ടികൾ സിസിഎ പങ്കെടുക്കുന്നു.സബ്ജൂനിയർ വിഭാഗത്തിൽ 12 കുട്ടികൾ ജില്ലാ സബ്ജൂനിയർ നെറ്റ് ബോൾ  ചാമ്പ്യൻഷിപ്പിൽ പങ്കെടുത്ത് ഒന്നാം സ്ഥാനം കരസ്ഥമാക്കി.

 

കുറവിലങ്ങാട് ദേവമാതാ  കോളേജിൽ വച്ച് 22/9/23ൽ  നടന്ന ജില്ലാ തല നെറ്റ് ബോൾ ചാമ്പ്യൻഷിപ്പിൽ ഒന്നാം സമ്മാനം കരസ്ഥമാക്കി  

2023 - 24 അക്കാദമിക വർഷത്തിൽ കുട്ടികൾക്കായി എല്ലാ ബുധനാഴ്ചയും ചെസ്സ് പരിശീലനം നടന്നു വരുന്നു. 29 കുട്ടികൾ ചെസ്സ് പരിശീലിക്കുന്നുണ്ട്. കുട്ടികളുടെ ബുദ്ധിലബ്ധി (IQ), സർഗാത്മകത,  ആസൂത്രണത്തിന്റെ പ്രാധാന്യം, ചിന്ത, ഓർമ ശക്തി എന്നിവ  മെച്ചപ്പെടുത്തുന്ന കഴിവുകൾ ചെസ്സ് കളിക്കുന്നതിലൂടെ കുട്ടികൾ ആർജിച്ചെടുക്കുന്നു.  ചെസ് പരിശീലിക്കുന്ന കുമാരി പാർവതി ഷിജു 13/09/2023 ൽ MDS HSS ൽവച്ച് നടന്ന സബ് ഡിസ്ട്രിക്ട് ചെസ് ചാമ്പ്യൻഷിപ്പിൽ  രണ്ടാം സ്ഥാനത്തിന് അർഹയായി.

കുട്ടികളിലെ കായികക്ഷമത വളർത്തുന്നതിന് CCA യുടെ ഭാഗമായി 30 കുട്ടികൾക്ക് ത്രോ ബോൾപരിശീലനം എല്ലാ ബുധനഴ്ചയും നടത്തിവരുന്നു. ജില്ലാ ത്രോബോൾ അസോസിയേഷൻ കോച്ച് പ്രദീപ്‌സാർ പരിശീലനം നൽകുന്നു. ഈ വർഷത്തെ ജില്ലാതലമത്സരത്തിൽ ഒന്നാം സ്ഥാനവും ജില്ലാ ടീമിലേക്ക് 6 കുട്ടികൾ സെലക്ട്‌ ആകുകയും ചെയ്തു.

കുട്ടികളിലെ കലാവാസന വളർത്തുന്നതിനും ,  പ്രോത്സാഹിപ്പിക്കുന്നതിനുമായി, സ്കൂളിൽ നൃത്തം പരിശീലിപ്പിക്കുന്നു. CCA യുടെ ഭാഗമായി നടത്തുന്ന ഈ പരിശീലന ക്ലാസ്സിൽ 5 മുതൽ 8 വരെയുള്ള 55 കുട്ടികൾ പങ്കെടുക്കുന്നു. കുട്ടികളെ വിവിധ ഗ്രൂപ്പുകളായി തിരിച്ച്, നൃത്താധ്യാപികയുടെ നേതൃത്വത്തിൽ നടത്തുന്ന ക്ലാസ്സിൽ അതീവ താല്പര്യത്തോടെ, കൃത്യമായി കുട്ടികൾ പങ്കെടുക്കുന്നു.

പഠനപ്രവർത്തനങ്ങളോടൊപ്പം തന്നെ കുട്ടികളിലെ സർഗവാസനകൾ പ്രോത്സാഹിപ്പിക്കുന്ന തിനായി ആഴ്ചയിൽ ഒരു ദിവസം  1:30 pm മുതൽ 3 മണിവരെ കീബോർഡി ന്റെയും ഗിറ്റാറിന്റെയും ക്ലാസുകൾ  നടത്തുന്നു. കുട്ടികളുടെ മാനസിക ഉല്ലാസത്തിനും വ്യക്തിഗത നൈപുണികൾ  വളർത്തുന്നതിനും ശ്രീ ബേബി സാറിന്റെയും ജോണി സാറിന്റെയും നേതൃത്വത്തിലുള്ള  പരിശീലനം വളരെയധികം ഉപകാരപ്രദമാണ്.  

കുട്ടികളെ സ്വയം പര്യാപ്തരാക്കുക  എന്ന ലക്ഷ്യത്തോടുകൂടി തയ്യൽ പരിശീലനം നൽകുന്നു. തൊഴിലധിഷ്ഠിത വിദ്യാഭ്യാസം എന്ന ലക്ഷ്യം ഇതിലൂടെ കൈവരിക്കുന്നു

2023-2024 അധ്യയന വർഷത്തിലെ CCA  USS പരിശീലന പരിപാടി ശ്രീമതി. സാലിക്കുട്ടി മിസ്സിന്റെയും ബിൻസി മിസ്സിന്റെയും നേതൃത്വത്തിൽ ആരംഭിച്ചു. 45 ഓളം കുട്ടികൾ പരിശീലനത്തിൽ പങ്കെടുക്കുകയും രണ്ടുമാസത്തിനുശേഷം സ്ക്രീനിംഗ് ടെസ്റ്റ് നടത്തി 27 കുട്ടികളെ സെലക്ട് ചെയ്യുകയും ചെയ്തു. വിഷയാടിസ്ഥാനത്തിൽ ഓരോ ആഴ്ചയിലും മൂന്നു മുതൽ മൂന്നു നാല്പത്തിയഞ്ച് വരെയും ശനിയാഴ്ചകളിൽ ഉച്ചവരെയും പരിശീലനം തൃപ്തികരമായി നടത്തിവരുന്നു.

2023-24 അധ്യയന വർഷത്തെ സ്‌പെഷ്യൽ എഡ്യൂക്കേഷൻ ബി ആർ സി ട്രെയിനർ ഷീബ ടീച്ചറിന്റെ നേതൃത്വത്തിൽ നടത്തപ്പെടുന്നു. പഠനത്തിൽ പ്രത്യേക പരിശീലനം ആവശ്യമാണ്(യൂപി, എച്ച് എസ്സ്,) ഇരുപതോളം കുട്ടികളെ ആഴ്ചയിൽ രണ്ട് ദിവസം വീതം പ്രത്യേക പരിശീലനം നൽകുന്നു.

31/7/23 മുതൽ ആരംഭിച്ചു. അക്കാദമിക വർഷത്തിലെ ആദ്യ യൂണിറ്റ് ടെസ്റ്റിന് ശേഷം പഠനത്തിൽ പിന്നോക്കം നിൽക്കുന്നതും, എഴുതാനും വായിക്കാനും ബുദ്ധിമുട്ടുള്ള 40 ഓളം കുട്ടികളെ ക്ലാസ് ടീച്ചർ പ്രത്യേക നിർദ്ദേശപ്രകാരം കണ്ടെത്തി എല്ലാ ദിവസവും 3 മുതൽ 3.45 വരെ കൃത്യമായ ടൈംടേബിൾ പ്രകാരം അധ്യാപകർ വിഷയാടിസ്ഥാനത്തിൽ ക്ലാസുകൾ നൽകിവരുന്നു

രണ്ടായിരത്തോളം പെൺകുട്ടികൾ പഠിക്കുന്ന ഈ സ്കൂളിൽ ഓരോ കുട്ടിക്കും അനുയോജ്യമാംവിധം ഉപയോഗിക്കത്തക്ക രീതിയിൽ ടോയ്‌ലറ്റ് സൗകര്യം ഒരുക്കിയിരിക്കുന്നു.പ്രത്യേക അവസരങ്ങളിൽ ഉപയോഗിക്കാൻ ഗേൾഫ്രണ്ട്‌ലി ടോയ്ലറ്റ് ഒരുക്കിയിട്ടുണ്ട്.രണ്ടു നിലകളിൽ ഇരുവശങ്ങളിലുമായി 35 ടോയ്ലറ്റുകളും,രണ്ട് വാഷ്ബേസിനുകളും, കുറച്ചു മാറി അഞ്ചു ടോയ്‌ലറ്റുകളും, പുറത്തുനിന്നും പരിശീലകരായി എത്തുന്ന അധ്യാപകർക്കായി രണ്ട് ടോയ്ലറ്റുകളും (ഒന്ന് ജന്റ്സ് ടോയ്ലറ്റ് )സ്കൂളിൽ ഉണ്ട് . മുകൾ നിലയിലും താഴത്തെ നിലയിലും ഓരോ ഇൻസിനറേറ്റർ സജ്ജീകരിച്ചിരിക്കുന്നു. സ്കൂളിൻറെ വിവിധ ഭാഗങ്ങളിലായി തിരക്കൊഴിവാക്കത്തക്കവിധം 63 ടാപ്പുകളുള്ള വാഷ് ഏരിയ ക്രമീകരിച്ചിരിക്കന്നു. ശുദ്ധജല ലഭ്യതയ്ക്കായി സ്കൂളിൽ തന്നെ കിണറുകളും രണ്ട് മഴവെള്ള സംഭരണികളും ഉണ്ട്. മൂന്ന് വാട്ടർ പ്യൂരിഫൈർ പ്രവർത്തനക്ഷമമാണ്. പരിസ്ഥിതി സൗഹാർദ്ദപരവും മാലിന്യരഹിതവുമാണ്…

മയക്കുമരുന്ന് ദുരുപയോഗവുമായി ബന്ധപ്പെട്ട ആരോപണം, ലൈംഗിക ദുരുപയോഗവുമായി ബന്ധപ്പെട്ട കാര്യങ്ങൾ എന്നീ പ്രശ്നങ്ങൾ പരിഹരിക്കുന്നതിൽ സ്കൂൾ സ്വീകരിച്ച നടപടികൾ.

എല്ലാ ക്ലാസ് റൂമുകളും ആധുനിക സജ്ജീകരണങ്ങളോടുകൂടി ചിട്ടയായി ക്രമീകരിച്ചിരിക്കുന്നു. പാഠ്യപദ്ധതിയുമായി ബന്ധപ്പെട്ട ശാസ്ത്ര അവബോധവും പൗരബോധവും കുട്ടികളിൽ വളർത്തുന്നതിനായിസയൻസ് ലാബ് , ഗണിത ലാബ്, സോഷ്യൽ സയൻസ് ലാബ് തുടങ്ങിയവ  കുട്ടികൾ പ്രയോജനപ്പെടുത്തുന്നു.

കായിക പ്രവർത്തനങ്ങളിലൂടെ കുട്ടികളുടെ കായിക ക്ഷമത വർദ്ധിപ്പിക്കുന്നതിനായി വിവിധതരം കായിക ഇനങ്ങളും മാനസിക ഉല്ലാസം വർദ്ധിപ്പിക്കാനായി വിവിധ തരംപാഠ്യേതര പ്രവർത്തനങ്ങളും ഏറ്റെടുത്ത് ജില്ലയുടെ അമരത്തിൽ തന്നെ നിലകൊള്ളുന്നു.

ഒരു ആയുഷ്ക്കാലം മുഴുവൻ മക്കൾക്കും കുടുംബത്തിനും വേണ്ടി  ചെലവഴിച്ചിട്ടൊടുവിൽ വൃദ്ധസദനങ്ങളിൽ തള്ളപ്പെടുന്ന നമ്മുടെ കാണപ്പെട്ട ദൈവങ്ങളായ വൃദ്ധ മാതാപിതാക്കളെ സ്നേഹിക്കാനും ആദരിക്കാനും അത് ജീവിതത്തിൽ പ്രാവർത്തികമാക്കാനും കുട്ടികളെ പരിശീലിപ്പിക്കുക എന്ന ലക്ഷ്യത്തോടെയാണ് സീഡ് ക്ലബ് ഇത്തരം പ്രവർത്തനങ്ങൾ ചെയ്യുന്നത്. അതോടൊപ്പം തങ്ങളാൽ കഴിയുന്ന സഹായങ്ങൾ ഇതുപോലുള്ള അശരണർക്ക് നൽകാനുള്ള മനസ്സ് സാധ്യമാക്കുക എന്നതും ലക്ഷ്യമിടുന്നു. ക്ളബ് അംഗങ്ങൾ  ശേഖരിച്ച ലുങ്കി, തോർത്ത്, നൈറ്റി, സാരി, ബെഡ്ഷീറ്റ്, സോപ്പ്, പേസ്റ്റ് തുടങ്ങിയവ അടങ്ങിയ സമ്മാനപ്പൊതികളാണ് 50 പേർക്ക് വിതരണം ചെയ്തത്. അതോടൊപ്പം വിവിധ കലാപരിപാടികൾ അവതരിപ്പിച്ച് അവരെ സന്തോഷിപ്പിക്കുകയും ചെയ്തു. ഓണത്തിനൊരു സ്നേഹ സമ്മാനം*കോട്ടയം മൗണ്ട് കാർമൽ സീഡ് ക്ലബ് അംഗങ്ങളുടെ നേതൃത്വത്തിൽ കുട്ടികളുടെയും അധ്യാപകരുടെയും മാതാപിതാക്കളുടെയും സഹായത്തോടെ തിരുവാർപ്പ് പഞ്ചായത്തിലെ ചെങ്ങളം പ്രദേശത്തും കോട്ടയം മുനിസിപ്പാലിറ്റിയിലെ വേളൂർ ഭാഗത്തും വെള്ളപ്പൊക്കം മൂലം എപ്പോഴും ദുരിതം അനുഭവിക്കുന്ന 50 കുടുംബങ്ങൾക്ക് സ്നേഹസമ്മാനങ്ങൾ കൈമാറി. ഈ പ്രദേശത്ത് ക്ലബ്ബ് അംഗങ്ങളും ടീച്ചർ കോ-ഓർഡിനേറ്ററും മുൻകൂട്ടി സന്ദർശനം നടത്തുകയും അവർക്ക് അത്യാവശ്യമായ സാധനങ്ങൾ ക്ലബ്ബങ്ങൾക്ക് ആവുംവിധം ഏവരുടെയും സഹായത്തോടെ വാങ്ങി നൽകുകയുമാണ് ചെയ്തത്. ഓരോ കുടുംബത്തിനും ആയിരം രൂപയുടെ സാധനങ്ങൾ ആണ് നൽകിയത്. തിരുവാർപ്പ് പഞ്ചായത്ത് പ്രസിഡൻറ് ശ്രീ അജയൻ ഓണസമ്മാന പദ്ധതി ഉദ്ഘാടനം ചെയ്തു. വേളൂ സെൻറ് ജോൺസ് എൽ പി സ്കൂളിൽ നടന്ന വിതരണ പരിപാടിയുടെ ഉദ്ഘാടനം സ്കൂൾ ലോക്കൽ മാനേജർ റവ:ഡോ:നവാസ് നിർവഹിച്ചു. മൗണ്ട് കാർമൽ സ്കൂൾ ലോക്കൽ മാനേജർ സിസ്റ്റർ മൃദുൽ ഹെഡ്മിസ്ട്രസ് സിസ്റ്റർ ജെയിൻ എന്നിവർ പരിപാടിയിൽ സന്നിഹിതരായിരുന്നു.*കോട്ടയം മൗണ്ട് കാർമൽ എച്ച്എസ് സീഡ് ക്ലബ്ബിന് നന്മയുടെ ഓണം

       രക്തദാന ദിനത്തിൽ ക്ളബ് അംഗങ്ങൾ  അവതരിപ്പിച്ച മോക് ഡ്രിൽ ശ്രദ്ധേയമായി. ജീവൻ നിലനിർത്തണമെങ്കിൽ രക്തം ആവശ്യമാണെന്നും അപകടങ്ങളിൽ നിന്നുള്ള സുരക്ഷയ്ക്ക് വളരെയേറെ പ്രാധാന്യമുണ്ടെന്നുമുള്ള ബോധനം നടന്നു രക്തദാനത്തിന്റെ പ്രാധാന്യം വെളിപ്പെടുത്തുന്ന പോസ്റ്റർ പ്രദർശനവും നടന്നു.മറഞ്ഞിരുന്ന നന്മയ്ക്ക് രക്തദാന ദിനാചരണ വേളയിൽ ബിബിൻ കെ.താന്നിക്കലിന് കോട്ടയം മൗണ്ട് കാർമൽ ഹൈസ്കൂളിന്റെ സ്നേഹാദരവ്.

  ലോക രക്തദാന ദിനാചരണത്തോടനുബന്ധിച്ച് മൗണ്ട് കാർമൽ ഗേൾസ് ഹൈസ്കൂളിലെ റെഡ് ക്രോസ്സ് അംഗങ്ങളുടെയും മറ്റു സംഘടനകളുടെയും നേതൃത്വത്തിൽ നടത്തിയ രക്തദാന സർവ്വേയിൽ രക്തദാന സമ്മതം നൽകിക്കൊണ്ട് 200ലധികം ആളുകൾ പങ്കെടുത്തു. 37 വയസ്സിനുള്ളിൽ 40 ലധികം പ്രാവശ്യം രക്തദാനം നടത്തിയ  ടാക്സി ഡ്രൈവർ ശ്രീ ബിബിൻ കെ താന്നിക്കലിനെ സർവ്വേ വഴി  കണ്ടെത്തുകയും സ്കൂൾ ഓഡിറ്റോറിയത്തിൽ സംഘടിപ്പിച്ച സമ്മേളനത്തിൽ സ്കൂൾ ഹെഡ്മിസ്ട്രസ് സിസ്റ്റർ ജെയിൻ പൊന്നാട അണിയിച്ചും മെമന്റോ നൽകിയും  ആദരിച്ചു. ആരോഗ്യവകുപ്പിന്റെ രാഷ്ട്രീയ കിഷോർ സ്വസ്ത്യ കാര്യക്രമ് പരിപാടിയുടെ ഭാഗമായി പ്രത്യേക പരിശീലനം ലഭിച്ച, സഹപാഠികളുടെ ആരോഗ്യപരമായ സുരക്ഷയ്ക്ക് വേണ്ടി അമ്പതിലധികം അധികം ക്ലാസുകൾ നടത്തി കൂട്ടുകാരെ ബോധവൽക്കരിച്ച, ആരോഗ്യവകുപ്പിന്റെ പ്രത്യേക പ്രശംസ നേടിയ കുട്ടി ഡോക്ടർമാരായ ആതിര പ്രദീപ്, ആതിര ടി. എസ്, ഏതൻ റോസ്, പാർവതി കെ എസ്   എന്നിവരെയും ആദരിച്ചു. രക്തദാന സമ്മതം നൽകിയ ആളുകളുടെ പേര് വിവരങ്ങൾ ഇന്ത്യൻ ജൂണിയർ റെഡ് ക്രോസ് സൊസൈറ്റിക്ക് കൈമാറും.

   കേരളത്തിന്റെ ജൈവ പ്രകൃതിയെ വീണ്ടെടുത്ത് എല്ലാ നന്മകളോടും കൂടി അടുത്ത തലമുറയ്ക്ക് കൈമാറാനുള്ള ഏറ്റവും ഫലപ്രദമായ മാർഗമാണ് ജൈവകൃഷി. ജൈവഘോഷം എന്ന പേരിൽ കഴിഞ്ഞ അഞ്ച് വർഷങ്ങളിലായി നടത്തിവരുന്ന ജൈവ പച്ചക്കറി കൃഷി ഈ വർഷം വളരെ മികച്ച രീതിയിൽ നടപ്പിലാക്കുകയുണ്ടായി. 40 കുട്ടികളും മൂന്ന് അധ്യാപികമാരും ഹെഡ്മിസ്ട്രസും ഉൾക്കൊള്ളുന്ന കൃഷി കൂട്ടായ്മയാണ് സ്കൂളിലെയും സ്കൂളിന് പുറത്തുള്ള കൃഷികൾക്കും മേൽനോട്ടം നൽകുന്നത്. ജൈവ കൃഷി രീതി എന്നാൽ മനുഷ്യന്റെയും ആവാസവ്യവസ്ഥയുടെയും മണ്ണിന്റെയും ആരോഗ്യം നിലനിർത്തുന്ന ഒരു ഉത്പാദന രീതിയാണ്. അതിനാൽ തന്നെ ജൈവകൃഷിയെക്കുറിച്ച് ശരിയായ ബോധവൽക്കരണം നൽകിയതിനു ശേഷം ജൂൺ മൂന്നാമത്തെ ആഴ്ചയോടുകൂടി കൃഷിപ്പണികൾ ആരംഭിച്ചു. സ്കൂൾ ജൈവ പച്ചക്കറി തോട്ടം, നാട്ടുതോട്ടങ്ങൾ, തരിശു നിലം കൃഷിയിടമാക്കൽ, മധുര വനം , വീടുകളിലെയും സ്കൂളിലെയും മീൻ വളർത്തൽ തുടങ്ങിയവ പ്രധാന കാർഷിക പ്രവർത്തനങ്ങളാണ്.

ശാസ്ത്രീയമായ രീതിയിൽ നിലവും ഗ്രോ ബാഗുകളും ഒരുക്കി വിവിധ നേഴ്സറികളിൽ നിന്നും വിത്തും തൈയ്യും വാങ്ങി നട്ട് പരിപാലിച്ചു പോരുന്നു.  പച്ചമുളക്, കാന്താരി, കോളിഫ്ലവർ, ക്യാബേജ് വഴുതന ഇഞ്ചി കോവൽ, പാവൽ, പടവലം പയർ, വഴുതന, തക്കാളി, ചേമ്പ്, ചേന എന്നിവ പച്ചക്കറി തോട്ടത്തിലെ പ്രധാന ഇനങ്ങളാണ്. എല്ലാ വെള്ളിയാഴ്ചയും ഉച്ചകഴിഞ്ഞ് രണ്ടുമണിക്കൂറും മറ്റു ദിവസങ്ങളിൽ മൂന്ന് മണിക്ക് ശേഷവും തോട്ടപരിപാലനം നടത്തുന്നു. മെച്ചപ്പെട്ട വിളവുകൾക്ക് ജൈവവളവും ജൈവ കീടനാശിനികളും ഉപയോഗിക്കുന്നു. തൈകൾ നട്ടു രണ്ടു മാസങ്ങൾ കഴിഞ്ഞപ്പോൾ മുതൽ വിളവെടുപ്പ് തുടങ്ങി. പിന്നീട് എല്ലാ ആഴ്ചകളിലും വിളവെടുക്കുന്നു. തോട്ടത്തിലെ കായ്ഫലങ്ങൾ ഉച്ചഭക്ഷണ പദ്ധതിക്ക് നൽകുന്നുണ്ട്. ഒപ്പം തന്നെ അധ്യാപകരും രക്ഷിതാക്കളും തോട്ടത്തിലെ കായ്ഫലങ്ങൾ വാങ്ങുന്നു.

     കുട്ടികളുടെ വീടിന് പരിസരത്തുള്ള ഏതെങ്കിലും കൃഷി സ്ഥലമോ അല്ലെങ്കിൽ കുട്ടികളുടെ തന്നെ കൃഷി സ്ഥലമോ ഉപയോഗിച്ച് നാട്ടുതോട്ടങ്ങൾ ആരംഭിച്ചു. അടുത്തടുത്ത് താമസിക്കുന്ന വിദ്യാർത്ഥികളും അവരുടെ രക്ഷിതാക്കളും ചേർന്നാണ് നാട്ടുതോട്ടങ്ങൾ പരിപാലിച്ചുകൊണ്ട് പോരുന്നത്. പാറമ്പുഴ, കേൾക്കുന്ന പാമ്പാടി, നാട്ടകം ,കന്നുകുഴിച്ചിറ, പുതുപ്പള്ളി, വടവാതൂർ, കുറിച്ചി എന്നിവിടങ്ങളിലാണ് നാട്ടു തോട്ടങ്ങൾ സാധ്യമാക്കിയത്. നാട്ടു തോട്ടങ്ങളിലെ പ്രധാന കൃഷി ഇനങ്ങൾ കപ്പ ,ചേമ്പ്, ചേന ,വിവിധ ഇനം പച്ചക്കറികൾ ,വാഴ, മഞ്ഞൾ ,ഇഞ്ചി എന്നിവയാണ്.

        നാൽപ്പതിലേറെ മധുര ഫലങ്ങൾ ഉത്പാദിപ്പിക്കുന്ന വൃക്ഷങ്ങളും വൃക്ഷത്തൈകളും സ്കൂൾ ക്യാമ്പസിൽ നട്ട് പരിപാലിച്ചു പോരുന്നു .മാവ് ,പ്ലാവ് ,പേര ചാമ്പ ,സപ്പോട്ട ,പപ്പായ മുന്തിരി, കമ്പിളി നാരങ്ങ, മുള്ളാത്ത ,മുട്ട പഴം, ഫാഷൻ ഫ്രൂട്ട് ,മൾബറി, റമ്പൂട്ടാൻ ഇവ പ്രധാന ഇനങ്ങൾ ആണ് കുട്ടികളുടെ വീടുകളിലും ഫലവൃക്ഷങ്ങൾ നട്ട് പരിപാലിച്ചു പോരുന്നു. തെങ്ങ് ,പ്ലാവ് ,മാവ് ഇവയുടെ സംരക്ഷണം ഈ വർഷത്തെ പ്രധാന പ്രോജക്ടുകളിൽ ഒന്നാണ്.

== '''ഫാമിലി ബഡ്ജറ്റ്''' ==

സാമൂഹിക പ്രതിബദ്ധത വിദ്യാർത്ഥികളുടെ മനസ്സിൽ സാമൂഹിക മൂല്യങ്ങളുടെ ചൈതന്യം വളർത്തിയെടുക്കും എന്ന ലക്ഷ്യത്തോടെ വളരെ സജീവമായി നിരവധി പ്രവർത്തനങ്ങൾ സ്കൂളിൽ നടത്തുന്നു. സമൂഹവും പരിസ്ഥിതിയും ഏവരുടെയും ജീവിതത്തിന്റെ ഭാഗമാണെന്നും അതിൻെറ പുരോഗതിയ്ക്കായി പ്രവർത്തിക്കേണ്ടതുണ്ടെന്നുമുള്ള ധാരണ കുട്ടികളിൽ വളർത്തിയെടുത്തുകൊണ്ടാണ് പ്രവർത്തനങ്ങളെല്ലാം നടപ്പിലാക്കിയത്.

ഷോർട്ട് ഫിലിം മത്സരം വിഷയം പരിസ്ഥിതി സംരക്ഷണം കോട്ടയം ജില്ലയിലെ സ്കൂളുകളെ പങ്കെടുപ്പിച്ചുകൊണ്ട് നടത്തിയ പരിസ്ഥിതി ദിന ഷോർട്ട് ഫിലിം മത്സരത്തിൽ 33 എൻട്രികൾ ലഭിച്ചു. മത്സരത്തിന്റെ പ്രധാന വിധികർത്താവ് പ്രശസ്ത സിനിമാതാരം വിനു മോഹൻ ആയിരുന്നു. ഹരിതം നിറവ്, തണൽ, എന്റെ ഭൂമി എന്നീ പരിസ്ഥിതി ദിന ഷോർട്ട് ഫിലിമുകൾ 1, 2 ,3 സ്ഥാനങ്ങൾ നേടി. ഷോർട്ട് ഫിലിം ആയതുകൊണ്ട് തന്നെ വിവിധ മാധ്യമങ്ങളിലൂടെ പരിസ്ഥിതി സംരക്ഷണ ബോധവൽക്കരണം അനേകരിലെത്തിക്കാൻ സാധിച്ചു. മത്സരാർത്ഥികൾക്ക് ക്യാഷ് അവാർഡ് സമ്മാനിച്ചു.