"എസ് എസ് ജി എച്ച് എസ് എസ് പുറനാട്ടുകര/പ്രവർത്തനങ്ങൾ/സ്വാതന്ത്ര്യത്തിന്റെ അമൃത മഹോത്സവം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ഇന്ത്യക്ക് ഉടനടി സ്വാതന്ത്ര്യം നൽകുക എന്ന മഹാത്മാ ഗാന്ധിയുടെ ആഹ്വാനപ്രകാരം 1942 ഓഗസ്റ്റ് മാസം ആരംഭിച്ച നിയമലംഘന സമരമാണ് ക്വിറ്റ് ഇന്ത്യ സമരം. ഈ സമരത്തിന്റെ പ്രാധാന്യം ഓർമ്മിപ്പിച്ചു കൊണ്ട് ഒമ്പതാം ക്ലാസ്സിലെ ക്രിസ്റ്റീന അസംബ്ലിയിൽ പ്രസംഗിച്ചു. യു പി , ഹൈസ്കൂൾ വിഭാഗങ്ങൾക്കായി ക്വിസ് മത്സരവും നടത്തി.

എല്ലാവരേയും ഏറെ ആകർഷിച്ച പ്രധാന ആശയമായിരുന്നു സ്വാതന്ത്ര്യത്തിന്റെ കയ്യൊപ്പ് . സ്കൂൾ മാനേജർ , പ്രിൻസിപ്പൽ സുനന്ദ വി ,ഹെഡ് മിസ്ട്രസ്സ് സുമ എൻ കെ , പി ടി എ പ്രസിഡന്റ് വിജയരാഘവൻ സി, എം പി ടി എ രാധിക മറ്റു പി ടി എ അംഗങ്ങൾ, അധ്യാപകർ, അനധ്യാപകർ, വിദ്യാർത്ഥിനികൾ എല്ലാവരും ക്യാൻവാസിൽ ഒപ്പു രേഖപ്പെടുത്തി. ഈയൊരു അവസരത്തിൽ കുറച്ചു പേരുടെ മനസ്സിലൂടെയെങ്കിലും സ്വാതന്ത്ര്യ സമരവും അതിൽ പങ്കെടുത്ത ദേശസ്നേഹികളുടെയും ചിന്തകൾ കടന്നുപോയിട്ടുണ്ടാകാം.  

ഈ ആഘോഷ വേളയിലും ഒരു വേറിട്ട അനുഭവം ആയിരുന്നു എട്ട് ഇ യിൽ പഠിക്കുന്ന ഗൗരിയുടെ വീട് സന്ദർശനം. സ്കൂളിൽ സ്ഥിരം എത്താൻ സാധിക്കാതെ വീട്ടിലിരിക്കേണ്ടി വന്ന ഗൗരിക്ക് പ്രധാന അദ്ധ്യാപികയും ക്ലാസ്സ്ടീച്ചറും കൂട്ടുകാരും ചേർന്ന് പതാക നൽകി. സന്തോഷം പങ്കു വെച്ചു.

അന്നേ ദിവസം രാവിലെ പ്രാർഥനക്കു ശേഷം 8:45 ന് സ്കൂൾ മാനേജർ , പ്രിൻസിപ്പൽ, പ്രധാനാധ്യാപിക എന്നിവരുടെ നേതൃത്വത്തിൽ ദേശീയ പതാക ഉയർത്തി. വിദ്യാർത്ഥിനികളും അധ്യാപകരും ദേശഭക്തിഗാനങ്ങളാലപിച്ചു. തുടർന്ന് സ്കൂൾ മാനേജർ ,പ്രിൻസിപ്പൽ, പ്രധാനാധ്യാപിക എന്നിവർ സ്വാതന്ത്ര്യ ദിന സന്ദേശം നൽകി. യുപി,  ഹൈസ്കൂൾ, ഹയർ സെക്കന്ററി വിഭാഗങ്ങളിലെ പ്രസംഗ മത്സര ജേതാക്കൾ പ്രസംഗിച്ചു. സ്റ്റാഫ് സെക്രട്ടറി രാജേശ്വരി പി വി സ്വാതന്ത്ര്യ സഹന സമരത്തെ കുറിച്ച്  പ്രസംഗിച്ചു. കുട്ടികൾ സേവ് ദ സോയിൽ എന്ന ഗാനം ആലപിച്ചു. ആനന്ദ നടനം എന്ന നൃത്ത രൂപം എല്ലാവരെയും ആനന്ദിപ്പിച്ചു. 6 എയിൽ പഠിക്കുന്ന ദിൻഷയുടെ വീണയിലുള്ള ദേശീയ ഗാനാലാപനത്തോടെ ആഘോഷങ്ങൾക്ക് വിരാമമിട്ടു. കുട്ടികൾ മധുരം വിതരണം ചെയ്തു. പ്രളയവും കോവിഡ് മഹാമാരിയും സൃഷ്ടിച്ച നീണ്ട കാലയളവിനു ശേഷം വിദ്യാ‍ർഥികളും അധ്യാപകരും ഒരു പോലെ പങ്കാളികളായ സ്വാതന്ത്ര്യ ദിനം...