"ജി.യു.പി.എസ് പഴയകടക്കൽ/സാമൂഹിക പങ്കാളിത്തം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

തോട്ടം തൊഴിലാളികൾ താമസിക്കുന്ന മേഖലയിൽ സ്ഥിതി ചെയുന്ന ഈ വിദ്യാലയത്തിൻറെ വർഷങ്ങൾക്ക് മുമ്പുളള അവസ്ഥ വളരെ പരിതാപകരവും ശോചനീയവുമായുരുന്നു.രക്ഷിതാക്കൾക്ക് മക്കളെ പ്രായം തികഞ്ഞാൽ വിദ്യാലയത്തിൽ ചേർക്കണമെന്നല്ലാതെ അവരുടെ പഠന പാഠ്യേതര പ്രവർത്തനങ്ങളിൽ ഒരു ശ്രദ്ധയും ഉണ്ടായുരുന്നില്ല എന്നത് വളരെ വലിയ ഒരു വെല്ലുവിളിയായിരു്ന്നു. പ്രിയ മുൻ ഹെ‍ഡ്മാസ്റ്റർ കെ കെ ജയിംസ് മാസ്റ്ററുടെയും ഇപ്പോഴത്തെ പ്രധാനാധ്യാപകൻ ജോസ്കുട്ടിയുടെയും നേതൃതത്തിലുളള ചിട്ടയാർന്ന പഠന പാഠ്യേതര പ്രവർത്തനങ്ങളിലൂടെയും ഭൗതിക സൗകര്യങ്ങൾ മെച്ചപ്പെടുത്തുന്നതിലൂടെയും ഈ അവസ്ഥക്ക് ഒുപാട് മറ്റുങ്ങൾ വരുത്താൻ സാധിച്ചു എന്നത് തെന്നെ സമൂഹത്തിൻറെ പങ്കാളിത്തം എത്രത്തോളമുണ്ടെന്നതിന് തെളിവാണ്. അനംഗീകൃതവിദ്യാലയങ്ങളുടെ കടന്നു കയറ്റത്തിൽ  താളം തെറ്റിയ  ഒരു സ്കൂളിനെ വീണ്ടെടുത്ത്  മികച്ച ഒരു വിദ്യാലയമാക്കി മാറ്റിയ സാമൂഹ്യപങ്കാളിത്തം എടുത്തു പറയേണ്ടതാണ്.

ഒരു വിദ്യാലയത്തിൻറെ ഭൗതിക വളർച്ചക്കും,  വികസനത്തിനും നാടും സമൂഹവും പങ്കാളികളായതാണ് വിദ്യാലയത്തിന്റെ മുന്നേറ്റം സാധ്യമാക്കിയത്. പ്രവാസികൾ, വ്യാപാരികൾ, സ്ഥാപനങ്ങൾ,ഓട്ടോതൊഴിലാളികൾ,പ്രതീക്ഷ ചാരിട്റ്റബിൾ ട്രസ്റ്റ്, പൂർവ്വ വിദ്യാർഥികൾ, ക്ലബുകൾ തുടങ്ങി സമൂഹത്തിന്റെ നാനാ തുറകളിൽ നിന്നും സഹായങ്ങൾ ലഭ്യമായി.കമ്പ്യൂട്ടർ ലാബിൽ A/C സംവിധാനം ഒരുക്കാൻ സഹായം നൽകിയത് ഒരു സുമനസ്സിന് ഉടമയാണ്. വാട്ടർപൂരിഫെയർ സിസ്റ്റം,സ്പീച്ചിങ്ങ്,സൗണ്ട് സിസ്റ്റം, എന്നിവ നൽകിയത് പ്രദേശത്തെ ക്ലബുകളാണ്. പി.ടി.എ യുടെ നേതൃത്വത്തിൽ പൊതുജനങ്ങളിൽ നിന്ന് സംഭാവന സ്വീകരിച്ചാണ് കുട്ടികളുടെ പാർക്കും, മുറ്റം ലാൻറ് സ്ക്കേപ്പ് ചെയ്ത് ഗാർഡനിംങ്ങ് ആരംഭിച്ചതും.ഹൈടെക്ക് ക്ലാസ് റൂമുകളും,ലാബും ഒരുക്കാൻ ഫണ്ട് ശേഖരണത്തിന് പി.ടി.എ നേതൃത്വത്തോടെവിജയിപ്പിച്ചതിലും നാട്ടുകാരുടെ പരിപൂർണ സഹകരണമാണ്. സ്ക്കൂൾ വാർഷികാഘോഷങ്ങൾ നാടിന്റെ ഉത്സവമായിട്ടാണ് ആഘോഷിച്ചു വരുന്നത്.സ്ക്കൂൾ ബസ് വാങ്ങൽ, മറ്റു നവീകരണ പ്രവൃത്തികൾ തുടങ്ങിയവക്കെല്ലാം നാട്ടുകാരുടെ പരിപൂർണ സഹകരണം ലഭിക്കുന്നു.  

=== <u>കുട്ടിക്കളം പാർക്ക്</u> ===

കുട്ടികൾക്കായൊരു പാർക്ക് എന്നത് പ്രിയ ജയിം മാഷിൻറെ മനസ്സിലെ ഒരു അധിയായ ആഗ്രഹമായിരുന്നു. പി.ടി.എയുടെയും എസ്സ് എം സി യുടെയും പല യോഗങ്ങൾ ഇതിനായി കൂടുകയും സാമ്പത്തിക പ്രതിസന്ധി വലിയ ഒരു പ്രശ്നമായി മാറുകയും ചെയ്തപ്പോൾ മാഷ് തെന്നെ സധൈര്യം  2017-18 വർഷം ഏറ്റെടുത്ത ഒരു പ്രോജക്ടായിരുന്നുഅത് . അതിന് ആദ്യമായി അധ്യാപകരുടെ പങ്കാളിത്തം അതിന് ഉറപ്പ് വരുത്തുകയും ചെയുതു.വിദ്യാലയത്തിലെ സീനിയർ അസിസ്റ്റൻറും,ദീർഘ കാല അധ്യാപികയുമായ ശ്രീമതി ഫൗസിയ ടീച്ചർ ഒരു റൈ‍ഡ് സ്പോൺസർ ചെയ്തതോടെ  പാർക്കിൻറെ പ്രവർത്തനം പെട്ടെന്ന് തുടങ്ങാനും പൂർത്തിയാക്കാനും സാധിച്ചു. ഉപജില്ലയിലെ മികച്ച പി.ടി.എ ക്കുള്ള അവാർഡ് തുകയായ 10,000 രുപയായിരുന്നു ആകെയുണ്ടായിരുന്ന മൂലധനം. പൊതുജനങ്ങളിൽ നിന്ന് സംഭാവന ശേഖരിക്കാൻ പി.ടി.എ തീരുമാനിക്കുകയുംചെയുതു.  ഊഞ്ഞാൽ, സ്ലൈഡർ, അടക്കമുള്ള കളിയുപകരണങ്ങൾ സ്പോർണ സർഷിപ്പിലൂടെ നേടാനായി. മുറ്റം ലാന്റ് സ്കേപ്പ് ചെയ്ത് നടപ്പാതകൾ നിർമിച്ചു.ചെടികൾ നട്ടുപിടിപ്പിച്ചു.പാർക്ക് ചെയറുകൾ സ്ഥാപിച്ചു.പാർക്കിനോട് ചേർന്ന് നിൽക്കുന്ന ക്ലാസ്സ് ചുമരുകളിൽ വിവധ ചിത്രങ്ങൾ, മീൻ വളർത്തുന്നതിനാവശ്യമായ കുളം, അതിൽ മോട്ടർ, മറ്റ് ഉപകരണങ്ങൾ തയ്യാറാക്കൽ ഇവയെല്ലാം സ്പോൺർ ചെയ്തത് പ്രതീക്ഷ ചാരിറ്റബിൽ സൊസൈറ്റഇയാണ്. പാർക്കിൻറെ ഒരു വശത്തെ ചുമരും, മൂന്നാം ക്ലാസ്സ് ബ്ലോക്കിൻറെ മുൻ ചുമരിൽ ഭംഗിയായി ചിത്രം വരച്ചതും കേരളയിലെ കലാകാരനും ആർട്ടിസ്റ്റുമായ അസീസ് കേരളയാണ്. ഇതിന് വേണ്ടി സഹകരിച്ച സഹായിച്ച എല്ലാവരെയും നന്ദിയോടെ ഓർക്കുന്നു.സ്മരിക്കുന്നു.