"ഡബ്ല്യു.ഒ.വി.എച്ച്.എസ്.എസ്. മുട്ടിൽ/ഹൈസ്കൂൾ/കൂടുതലറിയാം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

  സാമൂഹിക സാംസ്കാരിക വിദ്യാഭ്യാസ മേഖലകളിലെ പിന്നാക്കം നിൽക്കുന്ന പ്രദേശങ്ങൾ ഉയർത്തിക്കൊണ്ടുവരാൻ കേരള സർക്കാർ തുടക്കം കുറിച്ച   സംരംഭത്തിൽ നിന്നാണ് വയനാട് മുസ്ലിം ഓർഫനേജ് ഹൈസ്കൂൾ ഉദയം കൊള്ളുന്നത്. വയനാട് മുസ്ലിം ഓർഫനേജ് കമ്മിറ്റിയുടെ നിരന്തര പരിശ്രമവും അഭ്യുദയകാംക്ഷികളുടെ പരിപൂർണ സഹകരണവും സർക്കാരിൻറെ  പിന്തുണയും കഴിവും ഒത്തുചേർന്നപ്പോൾ 1968 നവംബർ 12 സുപ്രഭാതത്തിൽ കേരള മുസ്ലീങ്ങളുടെ എക്കാലത്തെയും ഉജ്ജ്വല നേതാവ് യശശരീരനായ സി .എച്ച്. മുഹമ്മദ് കോയ സാഹിബ് സ്ഥാപനം ഉദ്ഘാടനം ചെയ്തു.

    പ്രകൃതി സൗന്ദര്യം കനിഞ്ഞനുഗ്രഹിച്ച മുട്ടിൽ മലയുടെ താഴ് വരയിൽ ഒരു താരകമായി ജ്വലിച്ചുയർന്ന ഈ വിദ്യാലയത്തിലെ വളർച്ച ആദ്യം സമാധാനവും പിന്നീട് ദ്രുതഗതിയിലായിരുന്നു. പാഠ്യപാഠ്യേതര വിഷയങ്ങൾ നാടിനും നാട്ടുകാർക്കും അഭിമാനിക്കാവുന്ന രീതിയിൽ ഒട്ടേറെ നേട്ടങ്ങൾക്ക് സ്ഥാപനം സാക്ഷിയായി. മൗലികമായ സംഭാവനകൾ കൊണ്ട് വയനാട് വിദ്യാഭ്യാസ ചരിത്രത്തിൽ തന്നെ സുപ്രധാന സ്ഥാനം അലങ്കരിച്ച ഈ സ്ഥാപനം ഇന്ന് ഒരു വിദ്യാലയത്തിൽ കൈവരിക്കാൻ സാധിക്കുന്ന പരമാവധി സൗകര്യങ്ങൾ ആവാഹിച്ചെടുത്തിരിക്കുന്നു.