"ഗവൺമെന്റ് എൽ.പി സ്കൂൾ കരിങ്കുന്നം/എന്റെ ഗ്രാമം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

കരിങ്കുന്നത്തിന്റെ മണ്ണിൽ, അക്ഷരങ്ങളുടെയും, അറിവിന്റെയും അനിവാര്യത തിരിച്ചറിഞ്ഞവർ ഏറെ. അപ്പോൾ കേരളത്തിലാകമാനം ഒരു വിദ്യാഭ്യാസ മുന്നേറ്റത്തിന്റെ അലകൾ ദൃശ്യമായി തുടങ്ങിയ കാലഘട്ടമായിരുന്നു അത്. എങ്കിലും ഈ പ്രദേശത്ത് വസിച്ചു വന്നവരുടെ മക്കളുടെ  വിദ്യാഭ്യാസം കുടിപ്പള്ളികൂടങ്ങൾക്കുമപ്പുറം  അസാധ്യമായിരുന്നു. കാരണം  മറ്റുള്ള സ്കൂളുകളിലേക്കുള്ള  ദൂരം , വഴികൾ, ദുർഘടങ്ങൾ, സാമ്പത്തികം. അപ്പോഴും അപൂർവ്വമായി ചിലർ  ദൂരെ  ദിക്കുകളിൽ  പോയി വിദ്യ അഭ്യസിച്ചിരുന്നു. എങ്കിലും തങ്ങളുടെ  പ്രദേശത്തും  സ്കൂൾ  എന്ന മോഹം അവർ  താലോലിച്ചിരുന്നു.

'എന്തിനും, ഏതിനും ഒരു കാലവും, നിയോഗവുമുണ്ട്'. എന്ന ചൊല്ലിൽ പതിരില്ലെന്നതിന് ഒരു തെളിവുപോലെ അന്നത്തെ ദിവാനായിരുന്ന  തിരുവിതാംകൂർ  ദിവാനായിരുന്ന ശ്രീ : രാജാഗോപാലചാരി  യാത്രാ മദ്ധ്യേ കരിങ്കുന്നത്ത് വിഷമിക്കാൻ  ഇടയായി. ആ സന്ദർശനത്തെ തങ്ങളുടെ  അഭിലാഷ സഫലീകരണത്തിനുള്ള  ഒരവസരമായി  വിനിയോഗിച്ചാൽ.. ഒരു പക്ഷെ  എന്തെങ്കിലും ഫലം  കിട്ടിയേക്കാം, ഇല്ലാതെയും വരാം. പരിശ്രമിച്ചില്ലെന്ന് വേണ്ട.. ആ കാലയളവിൽ  വിദ്യാർദ്ധിയായിരുന്ന  ശ്രീ. ജോസഫ്  ചക്കുങ്കലിന്റെ (പിന്നീട് ഫാദർ  ജോസഫ് ചക്കുങ്കൽ ) നേതൃത്വത്തിൽ  കരിങ്കുന്നം നിവാസികൾ ദിവാനെ  മുഖം  കാണിക്കുകയും, തങ്ങളുടെ  ആഗ്രഹങ്ങൾ, സാഹചര്യങ്ങൾ  വിശദീകരിക്കുകയും ദിവാനെ അറിയിക്കുകയും, അപേക്ഷിക്കുകയും ചെയ്തു. വിദ്യാഭ്യാസത്തിന്റെ പ്രസക്തി  തിരിച്ചറിയാവുന്ന ദിവാൻ  ഈ നാടിന്റെ ഒരു സ്കൂൾ  എന്ന സ്വപ്നം യാഥാർഥ്യമാക്കിക്കൊണ്ട്  ഉത്തരവിട്ടു. നാടിന്റെ മുഴുവൻ  പിന്തുണയും, പിൻബലവും ആർജ്ജിച്ചു ആരംഭിച്ച സ്കൂളാണ് ഇന്ന് എല്ലാവിധ  സൗകര്യങ്ങളോടെയും കാണുന്ന  കെട്ടിട സാമുച്ചയമായ ഗവണ്മെന്റ്. എൽ. പി സ്കൂൾ. നിറയെ  കരിങ്കൽ  പാറകൾ  നിറഞ്ഞ സ്ഥലത്ത് അവ  പൊട്ടിച്ചു മാറ്റി വിദ്യാലയം  നിർമ്മിച്ചതിനാൽ ' പാറേൽ പള്ളിക്കൂടം ' എന്ന അപര  നാമധേയത്തിലും  ഈ  സ്കൂൾ  വിഖ്യാതമാണ്.