"സെന്റ് റാഫേൽസ് എച്ച് എസ് എസ് എഴുപുന്ന/പ്രവർത്തനങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== ജീവകാരുണ്യനിധിയും ഭവന സന്ദർശനവും ==

രോഗബാധിതരായി ആശുപത്രിയിൽ കഴിയുന്ന നിർദ്ധനരായ കുട്ടികൾക്കും അവരുടെ കുടുംബാംഗങ്ങൾക്കും അടിയന്തര സാമ്പത്തിക സഹായം നൽകുന്നതിനായുള്ള ജീവകാരുണ്യനിധി സ്കൂളിൽ നിലവിലുണ്ട്. സ്കൂളിലെ സ്റ്റാഫ് അംഗങ്ങൾ അവരുടെ വീടുകളിലെ സന്തോഷകരമായ വിശേഷാവസരങ്ങളിൽ സ്കൂളിലെ ജീവകാരുണ്യ നിധിയിലേക്ക് നിറഞ്ഞമനസ്സോടെ നൽകുന്ന തുകയാണ് ജീവകാരുണ്യനിധിയായി സമാഹരിച്ചിട്ടുള്ളത്. സ്കൂളിൽ നിന്ന് ട്രാൻസ്ഫറായി പോയ സ്റ്റാഫ് അംഗങ്ങളും സർവീസിൽ നിന്ന് വിരമിച്ചവരുമൊക്കെ സന്തോഷത്തോടെ കുട്ടികൾക്കായി നൽകുന്ന തുകയും ജീവകാരുണ്യനിധിയിൽ ഉൾപ്പെടുത്തുന്നു. മാതാപിതാക്കളുടെ മരണവും രോഗവും മൂലം ബുദ്ധിമുട്ടുന്ന നിരവധി കുട്ടികളാണുള്ളത്. നിത്യേന മരുന്നു കഴിക്കുന്ന നിരവധി കുട്ടികളുണ്ട്. ക്ലാസ് അധ്യാപകരുടെയും ഹെഡ്മാസ്റ്ററുടേയും നേതൃത്വത്തിൽ, ഇങ്ങനെയുള്ള വിദ്യാർത്ഥികളുടെ ഭവനം അധ്യാപകർ സന്ദർശിക്കുകയും അവർക്ക് ഉടനടി സഹായം നൽകേണ്ട സാഹചര്യമുണ്ടെങ്കിൽ അർഹിക്കുന്ന സഹായം നൽകുകയും ചെയ്യുന്നു. പഠന-പാഠ്യേതര പ്രവർത്തനങ്ങളിൽ മാത്രമല്ല,കുട്ടികളുടെ ജീവിതത്തിലെ ഏത് വിഷമ സന്ധിയിലും അധ്യാപകരും വിദ്യാലയവും ഒപ്പമുണ്ട് എന്ന് ഓർമ്മപ്പെടുത്തുകയാണ് ഓരോ ഭവന സന്ദർശനവും.

== 2020 ==