"പി.കെ.എം.എ.യു.പി.എസ്. ചിറ്റില‍ഞ്ചേരി" എന്ന താളിന്റെ പതിപ്പുകൾ തമ്മിലുള്ള വ്യത്യാസം

1990 മുതൽ 2002 വരെ പി മുരളീധരൻ മാസ്റ്ററാണ് ഈ വിദ്യാലയത്തിന് ചുക്കാൻ പിടിച്ചത്. ഈ കാലയളവിൽ സ്കൂളിന് അത്ഭുത പൂർവ്വമായ വളർച്ചയുണ്ടായി. 33 ഡിവിഷനുകളിലായി ആയിരത്തി അഞ്ഞൂറോളം കുട്ടികൾ ഈ വിദ്യാലയത്തിൽ ഉണ്ടായിരുന്നു .1993 ൽ ഈ സരസ്വതി ക്ഷേത്രത്തിൻ്റെ നൂറാം പിറന്നാൾ ആഘോഷിച്ചു. ചിറ്റിലഞ്ചേരിയിലെ പൗരാവലി ഈ ആഘോഷത്തെ നാടിൻ്റെ തന്നെ ഉത്സവമാക്കി മാറ്റി. സാംസ്കാരിക നായകന്മാരും മന്ത്രിമാർ ,എം.പി മാർ തുടങ്ങിയവരാലും സമ്പന്നമാക്കപ്പെട്ട ആഘോഷം മൂന്ന് ദിവസം നീണ്ടുനിന്നു.

ശ്രീ മുരളീധരൻ മാസ്റ്ററുടെ വിരമിക്കലിനു ശേഷം ശ്രീമതി കല്യാണം ടീച്ചർ പ്രധാന അധ്യാപികയായി .ടീച്ചറിനു ശേഷം പ്രധാന അധ്യാപകനായി 2004ൽ കെ.സി ബാബു ദാസ് മാസ്റ്റർ  ആ സ്ഥാനം ഏറ്റെടുത്തു . ശ്രീമതി പതിയിൽ മദനകല്യാണി അമ്മയുടെ നിര്യാണത്തെ തുടർന്ന് പതിയിൽ മുരളീധരൻ മാസ്റ്റർ മാനേജറായി ചുമതലയേൽക്കുകയും അദ്ദേഹത്തിനു ശേഷം പതിയിൽ രുഗ്മിണിയമ്മ മാനേജറുടെ ചുമതല ഏറ്റെടുക്കുകയും ചെയ്തു. 2019 ൽ ഈ സരസ്വതി ക്ഷേത്രത്തിൻ്റെ 125 ആം പിറന്നാൾ അതിഗംഭീരമായി ആഘോഷിച്ചു. ഈ വിദ്യാലയത്തിൽ നിന്ന് പിരിഞ്ഞു പോയ പോയ എല്ലാ അധ്യാപകരേയും ആദരിച്ചുകൊണ്ട് നടത്തിയ ഗുരുവന്ദനം എന്ന പരിപാടി അന്ന് ശ്രദ്ധേയമായിരുന്നു.

128 വർഷത്തെ മഹത്തായ പ്രവർത്തന പാരമ്പര്യം മുറുകെ പിടിച്ചു കൊണ്ട് വിദ്യാഭ്യാസ മേഖലയിലെ പുത്തൻ ആശയങ്ങളെയും നൂതന സാങ്കേതിക വിദ്യകളെയും ഉൾക്കൊള്ളിച്ചുകൊണ്ട് വിദ്യാർത്ഥികളെ അറിവും കഴിവും ലക്ഷ്യബോധവും ഉള്ളവരാക്കി തീർക്കാൻ പ്രയത്നിക്കുന്നുണ്ട്.ഈ പ്രവർത്തനത്തിൽ മാനേജ്മെൻ്റുംഅധ്യാപകരും രക്ഷകർത്താക്കളും കൂട്ടായി നേതൃത്വം നൽകി വരുന്നു .ഇപ്പോൾ ഈ വിദ്യാലയം വളർച്ചയുടെ പടവുകളിലാണ്.