"സെന്റ് ജോസഫ്സ് എച്ച്. എസ്സ്. മതിലകം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

    

'''"'''ഏറ്റവും കൂറ്റുതൽ  SC കുട്ടികൾ പാസ്സ് ആയതിനുള്ള  സ്റ്റേറ്റ് അവാർഡ്  2009-'10 ൽ നേടി'''"'''

പല മതങ്ങളുടേയും ഒരു കൂട്ടായ്മ അന്ന് ഇവിടെ  ഉണ്ടായിരുന്നു.ജൈനരും, ബുദ്ധമതക്കാരും,യഹൂദരും, ക്രിസ്ത്യാനികളും, മുസ്ലിമുകളും, ഹൈന്ദവരും ഇവിടെ അവരവരുടെ ആരാധനാലയങ്ങൾ സ്ഥാപിച്ചിരുന്നു. മതസൗഹാർദ്ദത്തിൻറെ പ്രതീകമായി തൃക്കണാമതിലകം  ശോഭിച്ചിരുന്നു എന്ന് ചുരുക്കം. മനുഷ്യനെ മനുഷ്യനായി ജീവിക്കാൻ സഹായിക്കുകയാണല്ലോ വിദ്യഭ്യാസത്തിന്റെ പരമമായ ലക്ഷ്യം. സർവ്വ മനുഷ്യരുടെയും സർവ്വതോമുഖമായ വളർച്ചയാണ് വിദ്യഭ്യാസത്തിന്റെ പരമമായ ലക്ഷ്യം. ഇവിടത്തെ വിദ്യ പല മേഖലകളെയും വളർച്ചക്ക് ഉതകത്തക്കതായിരുന്നു. ചേര രാജാക്കൻമാരുടെ നാശത്തോടെ തൃക്കണാമതിലകത്തിന്റെയും ഒപ്പം വിദ്യാകേന്ദങ്ങളുടെയും  വിദ്യയിടെയും ശോഭ മങ്ങി . പള്ളിയോടനുബന്ധിച്ച് പള്ളിക്കൂടങ്ങൾ വേണമെന്ന മിഷണറിമാരുടെ തീരുമാനമനുസരിച്ച് അക്കാലത്ത് ധാരാളം വിദ്യാലയങ്ങൾ ആരംഭിച്ചു. 1904 ൽ ആർ.സി സ്ക്കൂൾ എന്ന പേരിൽ മതിലകം സെന്റെ ജോസഫ്സ് ലാറ്റിൻ പള്ളിയുടെകീഴിൽ ഒരു പ്രൈമറി വ്ദ്യാലയത്തിന് തുടക്കം കുറിച്ചു. അന്നിവിടെ അദ്ധ്യാപകവൃത്തി നിർവഹിച്ചിരുന്നത് കോഴിക്കോട്ടു നിന്നും വന്ന ബ്രാഹ്മണരായിരുന്നു. 41 വിദ്യാർത്ഥികളാണ് അന്ന് ഇവിടെ അദ്ധ്യയനം നടത്തിയിരുന്നത്. 1912 ൽ വിദ്യാലയം ഒരു എലമെന്ററി സ്ക്കൂൾ ആയി ഉയർത്തപ്പെട്ടു. അന്നൊക്കെ ആൺകുട്ടികളും പെൺകുട്ടികളും ഇവിടെ അദ്ധ്യയനം നടത്തിയിരുന്നു. 1945 വരെ പള്ളി മാനേജ്മെന്റാണ് അദ്ധ്യപകർക്ക് ശമ്പളം നല്കിയിരുന്നത്. ഇന്നത്തെ എൽ.കെജി യുകെ.ജി എന്നിവക്ക് പകരം സ്ക്കൂളിൽ ചെറിയ ശിശു വലിയ ശിശു ക്ലാസുകളും ഒരു നെയ്ത്ത് ശാലയും പള്ളിയുടെ മേൽ നോട്ടത്തിൽ കാര്യക്ഷമമായി പ്രവർത്തിച്ചിരുന്നു . 1940 ൽ ആണ് പള്ളിയുടെ സമീപത്തായി  ഒരു കോൺവെന്റ് ആരംഭിച്ചത്. എന്നാൽ 1953 ൽ ആണ് ഇന്നത്തെ ഒ.എൽ.എഫ്.ജി.എച്ച് സ്ക്കൂൾ നിലവിൽ വരുന്നത്. ഇവിടെ പഠിച്ചിരുന്ന പെൺകുട്ടികൾ കോൺവെന്റ് സ്ക്കൂളിലേക്ക്  മാറിയതോടെ സെന്റ് ജോസഫ്സ് ബോയ്സ് സ്ക്കൂള് മാത്രമായി അൽപ്പം ശുഷ്കിച്ചു എന്ന് പറയാം. ശ്രീ.കെ.ടി.അച്ചുതൻ ട്രാൻസ്പോർട്ട് മന്ത്രിയായിരിക്കെ അദ്ദേഹത്തിന്റെയും അന്നത്തെ മാനേജർ അയിരുന്ന റവ.ഫാ.ബ്ലെയ്സ്.ഡി.ആൽമേഡയുടെയും മതിലകത്തെ പ്രമുഖ സാമൂഹ്യ പ്രവർത്തകനായ ശ്രീമാൻ ഒ.എ ഫ്രാൻസിസിന്റെയും ശ്രമഫലമായി  1964 ൽ ഈ സ്ക്കൂൾ ഹൈസ്ക്കൂൾ ആയ് ഉയർന്നു. 1967 ൽ ആണ് ഇവിടത്തെ എസ്.എസ്.എൽ.സി ആദ്യ ബാച്ച് പരീക്ഷ എഴുതുന്നത്.അന്ന് ആകെ പരീക്ഷ എഴുതിയവർ 19 പേർ മാത്രമായിരുന്നു. അന്ന് തന്നെ സ്ക്കൂളിന് 65% വിജയം കൈവരിക്കാൻ കഴി‍ഞ്ഞു. സെന്റ് ജോസഫ്സ് ഹൈസ്ക്കൂളിന്റെ പ്രഥമ ഭരണ സാരഥിയായിരുന്ന ശ്രീമാൻ ഒ.എ .ജോസ് മാസ്റ്റർ ഇന്നും അത്യാദരവുകളോടെ സ്മമരിക്കപ്പെടുന്നു. പിന്നീടുള്ള സ്ക്കൂളിന്റെ വളർച്ച ദ്രുതഗതിയിലായിരുന്നു. 1993 മുതൽ ഇവിടെ പെൺകുട്ടികൾക്കും പ്രവേശനം നൽകിവരുന്നു. ഇന്നിവിടെ കെ.ജി വിഭാഗം മാറ്റി നിർത്തിയാൽ ആകെ 49 ഡിവിഷൻ പ്രവർത്തിക്കുന്നു. എൽ.പി-8 ,യു.പി-11,എച്ച്എസ്-30. 5,6 ക്ലാസുകളിൽ ഓരോ ഡിവിഷൻ ഇംഗ്ലീഷ് മീഡിയത്തിലും പ്രവർത്തിക്കുന്നു. ഈ വർഷം ഇവിടെ  2200 ഓളം വിദ്യാർത്ഥികളും 70 ഓളം അദ്ധ്യാപകരും 7 അനദ്ധ്യാപകരും ഉണ്ട് . ഇന്ന് സെന്റ് ജോസഫ്സ് വിദ്യാലയമാകുന്ന വടവൃക്ഷം പടർന്നു പന്തലിച്ച് മതിലകം പ്രദേശത്തിന് കുളിർമ്മയേകി നില കൊള്ളുകയാണ്.