"എടച്ചേരി നോർത്ത് യു പി എസ്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

പത്തു പതിറ്റാണ്ടുകൾ അഭിമാനിക്കാൻ ഏറെ വക നൽകി [[എടച്ചേരി നോർത്ത് യു പി എസ്/എടച്ചേരി|എടച്ചേരി]] നോർത്ത് യു.പി സ്കൂൾ പുരോഗതിയുടെ പാതയിൽ ഒരു പ്രകാശ ഗോപുരമായി നില്കുന്നു. പാഠ്യ-പഠ്യേതര പ്രവർത്തനങ്ങളിൽ എന്നും മികവുപുലർത്തുന്ന ഈ വിദ്യാലയം ഇതിനകം നിരവധി പുരസ്കാരങ്ങളും ഏറ്റുവാങ്ങിയിട്ടുണ്ട്. കുട്ടികളുടെ സർവ്വതോൻമുഖമായ വളർച്ചയ്ക്ക് എന്നും ഒരു കൈത്താങ്ങായി നിലകൊള്ളുന്നു ഈ വിദ്യാലയം.എടച്ചേരി നോർത്ത് യു പി സ്കൂൾ 1922 ലാണ് സ്ഥാപിതമായത്.ഗുരുകുല സമ്പ്രദായ വട്ടോംപൊയിൽ,പനോളി കുനിയിൽ,ഇല്ലത്ത് താഴക്കുനിയിൽ,നല്ലൂ൪താഴക്കുനിയിൽ, എന്നീ സ്ഥലങ്ങളിലാണ് സ്ഥാപനം പ്രവ൪ത്തിച്ചുവന്നത്.വട്ടോംപൊയിൽ എഴുത്തുപള്ളി എന്ന പേരിലാണ് ആദ്യകാലത്ത് വിദ്യാലയം അറിയപ്പെട്ടിരുന്നത്.യോഗിക്കുരിക്കൾ എന്നറിയപ്പെട്ടിരുന്ന അധ്യാപകനായിരുന്നു ഈ വിദ്യാഭ്യാസ കേന്ദ്രത്തി൯െറ സ്ഥാപകനും പ്രധാനധ്യാപകനുംഅതിനുശേഷമാണ് സ്കൂൾ ഇന്ന് സ്ഥിതി ചെയ്യുന്ന പടിഞ്ഞാല്ലൂർ എന്ന സ്ഥലത്ത് എത്തിപ്പെടുന്നത്. പടിഞ്ഞാല്ലൂർ പറമ്പിൽ സ്ഥിതി ചെയ്യുന്നത്കൊണ്ട് ജനങ്ങൾ അന്നും ഇന്നും സ്ഥാപനത്തെ പറിഞ്ഞാല്ലൂർ സ്കൂൾ എന്ന് വിളിക്കുന്നു. തുടക്കത്തിൽ കേളോത്ത് കണാരൻ നമ്പ്യാർ മാനേജരായും പ്രധാനധ്യാപകനായും സേവനമനുഷ്ഠിച്ചുണ്ട്. തുടർന്ന് മഠത്തിൽ ഗോപാലൻ നമ്പ്യാർ സ്കൂളിന്റെ മാനേജരായി.വിദ്യാലയത്തിൽ ആദ്യമായി അറിവിന്റെ ആദ്യാക്ഷരം കുറിച്ചത് കോമത്ത് ചാത്തു മകൻ പോക്കനാണ്.