"ജി.യു.പി.എസ് പുള്ളിയിൽ/ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== വേദിക ഉയരുന്നു ==

[[പ്രമാണം:48482foundation stone.jpeg|ഇടത്ത്‌|ലഘുചിത്രം|1984 ലെ ശിലാഫലകം]]

സെഷൻ സമ്പ്രദായത്തിന് വിരാമമിടാൻ 1980 കാലഘട്ടത്തിൽ 6 ക്ലാസ് മുറികൾ കൂടി വേണമായിരുന്നു. എല്ലാ രീതിയിലും ശ്രമിച്ചുവെങ്കിലും അത് സാധ്യമാക്കാൻ കഴിഞ്ഞിരുന്നില്ല. ആ സമയത്താണ് സംസ്ഥാന ബജറ്റിൽ സ്കൂളിന് 100 രൂപ വകയിരുത്തപ്പെടുന്നത്. അതിനായി സൂപ്രണ്ട് എൻജിനീയറെ സമീപിച്ചെങ്കിലും നിരാശയായിരുന്നു ഫലം. നിരാശനായ പി.ടി.എ പ്രസിഡണ്ട് "ഇനി ഇപ്പൊ എനിക്ക് വയ്യ. ഞാൻ ഒരു പത്തോപതിനായിരമോ തരാം ബാക്കി നാട്ടിൽ നിന്നും സ്വരൂപിച്ച് ഒരു കെട്ടിടം ഉണ്ടാക്കാൻ പറ്റുമോ എന്ന് നോക്കൂ" എന്ന് അഭിപ്രായപ്പെടുകയും പി.ടി.എ യും മറ്റ് അഭ്യുദയകാംക്ഷികളും വീടുവീടാന്തരം കയറിയിറങ്ങുകയും ആവശ്യമായ ഫണ്ട് സ്വരൂപിക്കുകയും ചെയ്തു.പണം നൽകാൻ സാധിക്കാത്തവർ നിർമ്മാണ പ്രവർത്തനങ്ങളിൽ ഏർപ്പെട്ടു. പി.ടി.എ പ്രസിഡണ്ട് കെട്ടിടത്തിന് തറക്കല്ലിട്ടു. ലോക്കൽ എൻജിനീയറായ പൂന്തുരുത്തി മുഹമ്മദ് മനോഹരമായ പ്ലാൻ തയ്യാറാക്കി. ഒരേസമയം 6 ക്ലാസ് മുറികളും ആവശ്യമെങ്കിൽ കോൺഫറൻസ് ഹാളോ ,സ്‌റ്റേജോആക്കി മാറ്റാവുന്ന  പിടിഎ കെട്ടിടം ഉയർന്നു. ഈ കെട്ടിടം 2021ൽ പുതുക്കിപ്പണിയുകയും സ്കൂളിന്റെ സ്വന്തം വേദിക ഓഡിറ്റോറിയമായി മാറുകയും ചെയ്തു . ഈ ഓഡിറ്റോറിയം പല ഔദ്യോഗിക പരിപാടികൾക്കും  ഉപയോഗിക്കപ്പെടുന്നു.

== സെഷൻ സമ്പ്രദായം മാറുന്നു ==

വർഷങ്ങൾ കഴിയുംതോറും അടിസ്ഥാനസൗകര്യങ്ങൾ ഓരോന്നോരോന്നായി മെച്ചപ്പെട്ടുകൊണ്ടിരുന്നു. മൂത്രപ്പുരകൾ, വാട്ടർ സപ്ലൈ, പാചക മുറി, വൈദ്യുതി, ഓഫീസ് മുറി അങ്ങനെ അങ്ങനെ അത്യാവശ്യങ്ങൾ ഓരോന്നായി വന്നുചേർന്നു. 25/10/2004  ൽ പുതിയ ഒരു കെട്ടിടം ഉദ്ഘാടനം ചെയ്തതോടെ 15 ക്ലാസ് മുറികളായി. കുട്ടികളുടെ എണ്ണത്തിൽ ക്രമാതീതമായ വർധനവുണ്ടായി, എണ്ണം 500 കവിഞ്ഞു. കലാകായിക സാംസ്കാരിക സാമൂഹിക മേഖലകളിൽ വിജയം കൊയ്തു. സ്‌കൗട്ടും ഗൈഡ്സും ഉണ്ടായി. പഠന നിലവാരം ഉയർന്നു. രക്ഷിതാക്കളുടെയും വിദ്യാർത്ഥികളുടെയും അധികാരികളുടെയും കൂട്ടായ്മ ഉണ്ടെങ്കിൽ ഒരു വിദ്യാലയത്തിന് എന്തും സാധിക്കും എന്നതിന് ഉത്തമോദാഹരണമാണ് ഈ സ്കൂൾ.