"വെളിയമ്പ്ര എൽ.പി.എസ്/എന്റെ ഗ്രാമം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

   കലശപ്പറമ്പ്, കാര്യപ്പറമ്പ്, കോട്ടക്കുന്ന് തുടങ്ങിയ സ്ഥലനാമങ്ങൾ ഒരു രാജഭരണത്തിന്റെ തിരുശേഷിപ്പുകളാണ്. കലശകാര്യങ്ങൾ കലശ പ്പറമ്പിലും, കാര്യസ്ഥന്മാരുടെ സംഗമസ്ഥലമായ കാര്യപ്പറമ്പും ഈ ശേഷിപ്പുകളിൽപ്പെടുന്നു. ദൈരവൻ അയ്യനാർ തുടങ്ങിയ  രാജക്കൻമാരുടെയും ഐതിഹ്യങ്ങൾ നിലനിൽക്കുന്നായി കാണാം രാജവംശത്തിന്റെ കോട്ടസ്ഥിതിചെയ്യ്തസ്ഥലം കോട്ട കുന്നായും, കോട്ടതട്ടായും കാണാം. ഭൈരവന്റെ കുന്ന് ഭീരൻ കുന്നായും അക്ക(ചേച്ചി)യുടെ പറമ്പ് ആക്കാംപറമ്പായും , പരിണമപ്പെടാനാണ് സാധ്യത, പഴശ്ശിരാജവംശത്തിന്റെ ആവിർഭാവവുമായി ബന്ധപ്പെട്ട് എലിപ്പറ്റമാളികത്താഴത്ത് എന്ന് സ്ഥല നാമങ്ങൾ കാണാം. ഇന്നത്തെ എലിപ്പറമ്പ് കൊട്ടാരം പ്രദേശങ്ങളിൽ എവിടെയോ ഇത് ഒളിഞ്ഞുകിടക്കുന്നുണ്ടാവാം. മലമക്കാവിനു മുന്നിൽ നിന്ന് ആരംഭിക്കുന്ന വയൽ മുൻകാ ലത്ത് കാഞ്ഞിരംകരി വരെ നീണ്ടുകിടന്നിരുന്നു. വർഷങ്ങൾക്കുശേഷം ഈ രാജാവ് ചാവശ്ശേരിയിലേക്ക് എത്തിച്ചേർന്നു. മണ്ണോറ ശിവവിഷ്ണു ക്ഷേത്രത്തോടനുബന്ധിച്ച് പഴശ്ശിരാജവംശത്തിന്റെ കോവിലകാവശിഷ്ടങ്ങൾ മൂന്നുനാലു വർഷം മുമ്പുവരെ നിലനിന്നു. പിന്നീട് മുഴക്കുന്ന് കോട്ടയം പഴശ്ശി പ്രദേശത്തിലേക്ക് ഭാഗം പിരി ഞ്ഞവരിൽ വംശ പാരമ്പര്യം നിലനിർത്തിയത് കേരള വർമ്മ പഴശ്ശിരാജയാണ്. രാജകുടുംബങ്ങളുടെ ഗുരുനാഥൻമാരായി അന്ന് അറിയപ്പെട്ടിരുന്നത് ചെമ്മരം കുടുംബമായിരുന്നു. അവരുടെ പിൻതലമുറ ഇന്നും ഇവിടെ വസിക്കുന്നു.       രാജഭരണകാലത്ത് ശിക്ഷാവിധികൾ നടപ്പിലാ ക്കിയിരുന്ന സ്ഥലമായിരുന്നു കാഞ്ഞിരംകരിക്കടുത്ത് വളപട്ടണം പുഴയിൽ വെളിയമ്പ്രതോട് സംഗമിക്കുന്ന സ്ഥലമായ തലവെട്ടിപാറ (അനന്തൻക്കാടവ്). ഈ സ്ഥലത്തുവച്ച് കുറ്റവാളി കൾക്കുള്ള ശിക്ഷ നടപ്പിലാക്കിയിരുന്നതുകൊ ണ്ടാക്കാം. ഈ സ്ഥലത്തിന് ഇന്നും ആ പേരു തന്നെ നിലനിന്നുപോരുന്നത്. കൊട്ടാരം എന്ന സ്ഥലം പണ്ടുകാലത്ത് രാജകൊട്ടാരം സ്ഥിതി ചെയ്യിതിരുന്ന സ്ഥലമായിരുന്നു. ആ പേരുതന്നെ പൂർവ്വകാല സ്മരണയുയർത്തികൊണ്ട് ഇന്നും അറിയപ്പെടുന്നു.  

പെരിയത്തിൽ എന്നപേര് പെരിവിത്ത് എന്ന നെൽവിത്തിൽ നിന്നും രൂപംകൊണ്ടതാണെന്നു കരുതുന്നു. പെരിവിത്ത് വയൽ ലോപിച്ച് പെരിയത്തിൽ എന്നയിമാറി. പെരുമരം നിലനിന്നസ്ഥലം പെരുവാട് എന്നായും. കുന്നുകളാൽ ചുറ്റപ്പെട്ട ചതുപ്പു പ്രദേശം എന്നനിലയിൽ ഒളയം എന്നപേ രും കൈവന്നിരിക്കാം. പെരുംതുവരച്ചാൽ പെരുന്തറച്ചാൽ ആയതാണ് എന്നും പഴമക്കാർ പറയുന്നു. പഴയകാലത്തെ ഭരണ സിരാകേന്ദ്രം എന്ന നിലയിൽ നെല്ല്, തുവര കൃഷികൾക്കായി ഈ പ്രദേശം ഉപയോഗപ്പെടുത്തിയിരിക്കാനാണ് സാധ്യത. പുനം കൃഷിയോടനുബന്ധിച്ച് തുവര കൃഷി ചെയ്യുന്ന രീതി അടുത്തകാലം വരെ നില നിന്നിരുന്നു.  

ചാവശ്ശേരി കോവിലകത്തിന്റെതായ ശ്ശേരിപറമ്പ് ജോർജ് എന്നയാൾ വിലക്കുവാങ്ങി കശുമാവ്തോട്ടമാക്കിയത് ചാവശ്ശേരിയുടെ ചരി ത്രത്തിലെ സുപ്രധാനമായ ഒരു സംഭവമാണ്. പണിയവിഭാഗത്തിലുള്ള ആദിവാസികളെ തോട്ടം പണിക്കായി വയനാട്ടിൽ നിന്ന് പറമ്പിൽ എത്തിച്ചതും ഇദ്ദേഹമാണെന്ന് കരുതുന്നു. മണ്ണോറ വയലിലേക്കുള്ള ജൈവവളം(തോൽ) ശേഖരിച്ചിരുന്നത് ചാവശ്ശേരി പറമ്പിൽ നിന്നായിരുന്നു. ഇത് വിലക്കപ്പെട്ടത് ചാവശ്ശേരിയിലെ കർഷകർ സംഘടിക്കുന്നതിനും സർക്കാറിലേക്ക് നിവേദനങ്ങൾ നൽകുന്നതിനും ഇടയാക്കിയതാ യി ചരിത്ര രേഖകളുണ്ട്.  

     ജാതി വ്യവസ്ഥ ശക്തമായിരുന്നെങ്കിലും ഇതു മറികടക്കാനുള്ള സംഘടിത സമരങ്ങൾ രൂപപ്പെട്ടില്ല. കരിമ്പാലൻ സമുദായത്തിലെ ആളുകളെ സംഘടിപ്പിച്ച് സ്വാതന്ത്ര്യസമര സേനാ നിയായിരുന്ന കുങ്കൻ നായരുടെ നേതൃത്വത്തിൽ കോവിലകം കുളത്തിൽ കുളിപ്പിച്ച ഒരു സംഭവം മാത്രമാണ് എടുത്തുപറയേണ്ടതായിട്ടുള്ളത്. ഇതിനെ പ്രതിരോധിക്കാൻ കോവിലകം തയ്യാറായില്ല.