"ക്രിസ്തുരാജ എൽ. പി. എസ്." എന്ന താളിന്റെ പതിപ്പുകൾ തമ്മിലുള്ള വ്യത്യാസം

  കോഴിക്കോട് കോർപ്പറേഷനിലെ മലാപ്പറമ്പിൽ വയനാട് റോഡിനു വടക്കുവശം ഈശോ സഭയുടെ കേരള പ്രവിശ്യ ആസ്ഥാനമായ ക്രൈസ്റ്റ് ഹാളിനോട് അനുബന്ധിച്ച് ഇഖ്‌റ ആശുപത്രിയുടെ എതിർവശത്താണ്‌ ക്രിസ്തുരാജ  എൽ.പി  സ്കൂൾ സ്ഥിതി ചെയ്യുന്നത് .1943  ൽ  ഈ പ്രദേശത്തെ സാധാരണക്കാരുടെയും പാർശ്വവൽക്കരിക്കപ്പെട്ടവരുടെയും  കുട്ടികളുടെ സമഗ്ര വികസനം ലക്ഷ്യമാക്കി സ്ഥാപിതമായി .കോഴിക്കോട് സിറ്റി സബ്ജില്ലയിലെ മികച്ച ഒരു പ്രാഥമിക വിദ്യാലയമായി ഈ വിദ്യാലയം ഇന്നും പ്രശോഭിക്കുന്നു . ഇരുന്നൂറിലധികം വിദ്യാർത്ഥികളാണ് ഈ വിദ്യാലയത്തിൽ പഠിക്കുന്നത് .

   സപ്തതിയുടെ നിറവിൽ മാനേജ്‌മന്റ് പണിതുനൽകിയ ആധുനിക സൗകര്യങ്ങളോടുകൂടിയ കെട്ടിടത്തിലാണ് ഇപ്പോൾ ഈ സ്കൂൾ പ്രവർത്തിക്കുന്നത് പട്ടണത്തിലെ തിരക്കുകൾക്കിടയിൽ ഹരിതാഭ നിറഞ്ഞ് പ്രകൃതിയോട് ഇണങ്ങിയ ഈ ക്യാമ്പസ് തന്നെ കുട്ടികൾക്ക് ഊർജ്ജ ദായകമാണ്  .ഈ രീതിയിൽ ഈ സ്കൂളിനെ നവീകരിക്കാൻ മുൻകൈ എടുത്ത് പ്രവർത്തിച്ച ഈശോ സഭയുടെ മുൻ പ്ര വിണ്ഷ്യൽ ഫാദർ. ജോസഫ് കല്ലേപ്പള്ളിൽ എസ്‌.ജെ മുൻ മാനേജർ ഫാദർ പയസ് വാച്ചപറമ്പിൽ  എസ്‌.ജെ പിന്തുണ നൽകിയ മറ്റു ഈശോ സഭാംഗങ്ങളെയും കൃതജ്ഞതാപൂർവ്വം സ്മരിക്കുന്നു .

,ആധുനിക ക്ലാസ് മുറികൾ ,

,ഓഡിയോ വിഷ്വൽ  തീയറ്റർ ,

ലൈബ്രറി ,

ഊട്ടുമുറി ,

സർഗാത്മക കഴിവുകൾ പ്രകടിപ്പിക്കാനും പരിശീലിക്കാനുമുള്ള വേദി .പാഠഭാഗങ്ങളുടെ യും സാമൂഹിക പ്രശ്നങ്ങളുടെയും നാടകീകരണം നടത്തുകയും ചെയ്യുന്നു.  

ദിനാചരണങ്ങളോട് അനുബന്ധിച്ചും,മറ്റ് പ്രാധാന്യമുള്ള ദിനങ്ങളെ കുറിച്ചും, പ്രത്യേക വിഷയങ്ങൾ തിരഞ്ഞെടുത്തും ക്വിസ് പരിപാടികളും പരിശീലനങ്ങളും നടത്തിവരുന്നു.

പട്ടുകുപ്പായങ്ങളിട്ട് ചന്നം പിന്നം മഴയത്ത്  പുള്ളിക്കുടയും ചൂടി കുരുന്നുകൾ സ്കൂൾ അങ്കണത്തിലെത്തി അറിവിന്റെ ആദ്യാക്ഷരങ്ങൾ  അറിവുമരത്തിൽ ചാർത്തി മധുരം നുണഞ്ഞു

സമ്മാനങ്ങളും വാങ്ങി പ്രവേശനോത്സവം ആഘോഷിച്ചു .

പ്രകൃതി എന്റേതുമാത്രമല്ല  എല്ലാവര്ക്കും ഉള്ളതാണെന്നും വരും തലമുറകൾക്കുകൂടി അവകാശപ്പെട്ട ഭൂമിയെ സംരക്ഷിക്കേണ്ടത് തന്റെ കൂടെ ഉത്തരവാദിത്വമാണ് എന്ന് ബോധ്യപ്പെടുത്തുന്ന രീതിയിലുള്ള പ്രവർത്തനങ്ങൾ നടത്തി .പരിസ്ഥിതി സംരക്ഷണ പ്രതിജ്ഞ ,റാലി എന്നിവ നടത്തി

പ്രൈമറി വിഭാഗം കുട്ടികൾക്ക് പരിചയപ്പെടേണ്ട സാഹിത്യ കാരന്മാരുടെയും കവികളുടെയും ഫോട്ടോകളും കൃതികളും പരിചയപ്പെടുത്തി പ്രദർശനം നടത്തി പ്രശ്നോത്തരി സംഘടിപ്പിച്ചു .കുട്ടികൾക്കും മാതാപിതാക്കൾക്കുമായി  വായനാമത്സരവും നടത്തി

കൂട്ടായ്മയുടെ പ്രതീകമായി അധ്യാപകരും രക്ഷിതാക്കളും ചേർന്ന് വിഭവസമൃദ്ധമായ ഓണസദ്യ നടത്തി  പലതരം കലാപരിപാടികൾ നടത്തി .പാർശ്വവത്ക്കരിക്കപ്പെട്ടവരോട്  പക്ഷം ചേരുന്നതിന്റെ ഭാഗമായി വെള്ളിമാട്കുന്ന് വൃദ്ധസദനം സന്ദർശിച്ച്  അവർക്ക് ഓണക്കോടികൾ നൽകി

സ്വാതന്ത്ര്യ സമര സേനാനികൾക്ക് സ്മരണാഞ്ജലി അർപ്പിച്ചു ചുമർ പത്ര നിർമ്മാണവും പ്രദർശനവും അതോടനുബന്ധിച്ച പ്രശ്നോത്തരി മത്സരവും നടന്നു .പ്രസംഗ മത്സരവും ദേശഭക്തി ഗാന മത്സരവും നടത്തപ്പെട്ടു .ദേശീയ പതാകവന്ദനവും പ്രഭാഷണവും മധുര വിതരണവും ഉണ്ടായിരുന്നു

അധ്യാപകരെ പി ടി എ യും,  പൂർവ്വാധ്യാപകരെ അധ്യാപകരും പൊതു ചടങ്ങിൽ ആദരിച്ചു .കുട്ടികൾക്ക് മധുര പലഹാര വിതരണവും നടന്നു

മത സൗഹാർദ്ദ പ്രാർത്ഥനയോടെ ആരംഭിച്ചു .ഗാന്ധിയുമായി ബന്ധപ്പെട്ട ചുമർ പത്ര നിർമ്മാണങ്ങൾ ക്‌ളാസ്സുകളിൽ നടന്നു .എല്ലാ ക്‌ളാസ്സുകാരും കൂടി കൈയെഴുത്തു മാസിക നിർമ്മിച്ച് പ്രകാശനം ചെയ്തു .ശുചീകരണ പ്രവർത്തനങ്ങളും നടന്നു

കേരളത്തെ കുറിച്ച് പൊതു അറിവുകൾ പങ്കുവെച്ചു .കേരളത്തിലെ ജലസമ്പത്ത് എന്ന വിഷയത്തെ കുറിച്ച് പഠനങ്ങളും ചാർട്ടുകളും സി ഡി  പ്രദർശനങ്ങളും ചുമർ പത്ര നിർമ്മാണവും നടന്നു

കുട്ടികൾക്ക് പ്രാധാന്യം നൽകിയ പ്രവർത്തനങ്ങൾ നടത്തി പി ടി എ  യുടെ സഹകരണത്തോടെ പായസ വിതരണവും നടത്തി

ക്രിസ്തുമസ് വിളക്കുകൾ , ട്രീ , പുൽക്കൂട്  എന്നിവ ഉണ്ടാക്കി ,ഫാൻസി ഫെറ്റ് നടത്തി .ക്രിസ്തുമസ്സിനോടനുബന്ധിച്ച സ്കിറ്റ് ,കരോൾ ഗാന മത്സരം എന്നിവ ഉണ്ടായിരുന്നു കുട്ടികൾക്ക് ക്രിസ്തുമസ് കേക്ക്  വിതരണം ചെയ്തു

അമ്മമാർക്കായി വിവിധ പരിപാടികൾ നടത്തി ,രചനാ മത്സരങ്ങൾ ,പാചക മത്സരങ്ങൾ  എന്നിവ നടത്തി .പയർ വിഭവങ്ങളുടെ പ്രദർശനം എന്നിവ നടത്തി

* കോഴിക്കോട് ബസ് സ്റ്റാന്റിൽനിന്നും 5 കി.മി അകലത്തിൽ ഇഖ്‌റ ആശുപത്രിക്ക് എതിർവശം സ്ഥിതിചെയ്യുന്നു.