"എ.എം.യു.പി.എസ് വലിയോറ ഈസ്റ്റ്/ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ആദ്യകാലത്ത് ഇതിന്റെ നിയന്ത്രണം കൊല്ലം തൊടികക്കാരുടെ  കയ്യിൽ ആയിരുന്നു. ക്രമേണ അത് മുതലമാട് ഭാഗത്തേക്ക് വന്നതിനു ശേഷം അഞ്ചു കണ്ടൻ അഹമ്മദ് ഹാജി എന്നവരുടെ നിയന്ത്രണത്തിൽ വന്നു. അതിനുശേഷം അദ്ദേഹത്തിന്റെ അനുജൻ കുഞ്ഞീതു കുട്ടി ഹാജി എന്നിവർക്ക് കൈമാറി. പിന്നീട് അദ്ദേഹത്തിന്റെ മകനായ അഞ്ചുകണ്ടൻ മുഹമ്മദ് ഹാജി എന്നിവരുടെ നിയന്ത്രണത്തിലും അതിനുശേഷം അദ്ദേഹത്തിന്റെ  ഭാര്യയായ പാത്തുമ്മക്കുട്ടി എന്നവരുടെ നിയന്ത്രണത്തിലും ആയി. ഇപ്പോൾ ഈ സ്കൂളിന്റെ മാനേജർ ആയി അവരുടെ മകനായ കുഞീതു കുട്ടി ഹാജി ആണ്.  

സ്കൂളിന്റെ വളർച്ചയിൽ തങ്ങളുടേതായ കടമ നിർവഹിച്ച ഈ പ്രദേശത്തെ ജനതയുടെ ഒടുങ്ങാത്ത ഒരാഗ്രഹം ആയിരുന്നു ഇതിനെ ഒരു യു പി സ്കൂൾ ആക്കി ഉയർത്തുക എന്നത്. അതിനു വേണ്ടി ആയിരത്തോളം ആളുകൾ ഒപ്പിട്ട ഒരു മാസ് പെറ്റീഷൻ അന്നത്തെ ഭരണ സാരഥികൾക്ക് സമപ്പിക്കുകയുണ്ടായി.1962 കാലഘട്ടത്തിൽ ആയിരുന്നു ഈ ശ്രമം. അവശ്യ അനുഭാവപൂർവം പരിഗണിക്കുകയും 1962 ൽ തന്നെ യു പി സ്കൂൾ ആയി ഉയർത്തുകയും ചെയ്തു. പിന്നീട് ഉള്ള കാലങ്ങളിൽ വിദ്യാർത്ഥികളുടെ എണ്ണം അടിക്കടി വർധിക്കുകയും അതനുസരിച്ചു ഭൗതിക സാഹചര്യം മെച്ചപ്പെടുത്തുകയും ചെയ്തു. അതോടെ ഇത് വലിയ ഒരു സ്ഥാപനം ആയി വളർന്നു. ഇന്ന് 30 ഡിവിഷനുകളിലായി 1200 ൽ അധികം വിദ്യാർത്ഥികൾ പഠിക്കുന്ന സ്ഥാപനം ആണിത്.39 അധ്യാപകരും ഒരു ഓഫീസ് അറ്റന്ററും അടക്കം ഉള്ള വലിയ  ടീം തന്നെയാണ് ഈ സ്ഥാപനത്തെ സജീവമാക്കി കൊണ്ട് പോകുന്നത്. അവർക്കു ഒരു തണലായി പി ടി എ കമ്മിറ്റിയും മാനേജ്മെന്റും പ്രവർത്തിച്ചു വരുന്നു.