"ജി.എൽ..പി.എസ് കൊടലിക്കുണ്ട്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

  മലപ്പുറം ജില്ലയിലെ ഊരകം പഞ്ചായത്തിൽ അഞ്ചാം വാർഡിലെ ഏക പൊതു വിദ്യാഭ്യാസ സ്ഥാപനമാണ്‌ കൊടലിക്കുണ്ട് ഗവ. എൽ.പി.സ്കൂൾ . നവംബർ 3 ന് മർഹൂം ഓ.കെ അബ്ദുറഹിമാൻ ഹസ്രത്ത് അവർകളുടെ വീടിൻറെ തിണ്ണയിൽ വെച്ചാണ് ഈ സ്കൂളിൻറെ പ്രാരംഭ പ്രവർത്തനം ആരംഭിച്ചത് . തുടർന്ന് കൊടലിക്കുണ്ട് 'മണ്ണാൻറെ തൊടി ' എന്നറിയപ്പെടുന്ന സ്ഥലത്ത് ആദരണീയനായ മുൻ പഞ്ചായത്ത്‌ പ്രസിഡണ്ട്‌ ജനാബ് പൂക്കോയ തങ്ങൾ സ്കൂൾ സ്ഥാപിക്കാനായി ഒരു ഏക്കർ സ്ഥലം സൌജന്യമായി സർക്കാരിലേക്ക് രാജിസ്ടെർ ചെയ്തു കൊടുക്കുകയും നാട്ടുകാരുടെ ശ്രമ ഫലമായി പ്രസ്തുത സ്ഥലത്ത് ഒരു തുറന്ന സ്കൂൾ കെട്ടിടം സ്ഥാപിക്കുകയും ചെയ്തു.ഈ വിദ്യാലയത്തിൽ ഇന്ന് 250 കുട്ടികൾ പഠിക്കുന്നു. വിദ്യാഭ്യാസപരമായും സാമ്പത്തികമായും പിന്നോക്കം നിൽക്കുന്ന കുടുംബങ്ങളിൽ നിന്നുള്ളവരാണ് ഭൂരിഭാഗം കുട്ടികളും. ജനാബ് പി.കെ.കുഞ്ഞാലിക്കുട്ടി എം .എൽ .എ. യുടെ ഫണ്ടിൽ നിന്നും ഒരു തുറന്ന സ്കൂൾ കെട്ടിടം അനുവദിച്ചു കിട്ടി. 1956 -96 ആദ്യയന വർഷത്തിൽ ഡി.പി.ഇ.പി.പദ്ധതി പ്രകാരം ഒരു ക്ലാസ് മുറിയും ഒരു ടോയിലെട്ടും കിട്ടി.1998 -99 ൽ ബ്ലോക്ക്‌ പഞ്ചായത്തിൻറെ പദ്ധതിയിൽ മൂന്ന് ക്ലാസ്സ്‌ റൂം അടങ്ങുന്ന കെട്ടിടം അനുവദിച്ചു കിട്ടി.2004 -05  അധ്യയന വർഷത്തിൽ  എസ്.എസ്.എ പദ്ധതി പ്രകാരം രണ്ടു ക്ലാസ് മുറികളും കൂടി അനുവദിച്ചു.2008 ൽ ഊരകം പഞ്ചായത്ത് നിർമ്മിച്ച്‌ നൽകിയ രണ്ടു ക്ലാസ്സ്‌ മുറികളോട് കൂടിയ കെട്ടിടം നിർമ്മിച്ച്‌ നൽകി. ആകെ അഞ്ചു കെട്ടിടങ്ങളുള്ളതിൽ ഒരു ക്ലാസ്സ്‌ മുറി എം.എൽ.എ.ഫണ്ടിൽ നിന്നും  ടി.കെ.ഹംസയുടെ എം.പി.ഫണ്ടിൽ നിന്നും ലഭിച്ച മൂന്നു കംപുടറുകൾ കുട്ടികളുടെ കംപുടർ പഠനത്തിന്നായി ഉപയോഗിക്കുന്നു. പി.ടി.എ.വാങ്ങിയതടക്കം നാല് കംപുടറുകൾ ഇപ്പോൾ നിലവിലുണ്ട്. ഒരു പി ടി സി എം കൂടാതെ  ആകെ ഒമ്പത് അധ്യാപകർ ഇവിടെ ജോലി ചെയ്യന്നു.  നൂറ്റിപതിനഞ്ചു ആൺകുട്ടികളും നൂറ്റിമുപ്പതിയഞ്ചു പെൺകുട്ടികളും ഇവിടെ പഠിക്കുന്നു.