"ഗവ.എച്ച്.എസ്. എസ്.മാരൂർ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

അജ്‍ഞതയുടെ അന്ധകാരത്തിൽ നിന്നും അറിവിന്റെ തൂവെളിച്ചത്തിലേക്ക് അനേകായിരങ്ങളെ കൈപിടിച്ചുയർത്തിയ വിദ്യാലയ മുത്തശ്ശിയാണ് മാരൂർ ഗവ ഹയർ സെക്കന്ററി സ്കൂൾ. കൃത്യമായി പ്രായം നിർണ്ണയിക്കാൻ സാധിച്ചിട്ടില്ലായെങ്കിലും വിദ്യാഭ്യാസം സമൂഹത്തിലെ ചില പ്രത്യേകജനവിഭാഗങ്ങളുടെ മാത്രം അവകാശമായിരുന്ന കാലത്ത് കടുത്ത വെല്ലുവിളികളെ നേരിട്ടുകൊണ്ട് ഏതാണ്ട് 110 വർഷങ്ങൾക്കുമുമ്പ് (1904ലാണ് കുടിപ്പള്ളിക്കൂടം ആരംഭിച്ചതെന്ന് കരുതിപ്പോരുന്നു)ആഴ്വാഞ്ചേരി തമ്പ്രാക്കളുടെ പിൻമുറക്കാരായ കൊച്ചുവിളവീട്ടിൽ കുടുംബാംഗങ്ങളിലൊരാളായ ശ്രീ കൊച്ചുമാധവൻ തുടങ്ങിവെച്ച കുടിപ്പള്ളിക്കൂടമാണ് ഇന്ന് വളർന്ന് ഹയർ സെക്കന്ററി സ്കൂളായി മാറിയിരിക്കുന്ന ഈവിദ്യാലയം.സമൂഹത്തിലെ എല്ലാ വിഭാഗം ജനങ്ങളുടെയും ഉന്നമനത്തെ ലക്ഷ്യംവെച്ചുകൊണ്ട് വെള്ളയാംകോട്ട് വീട്ടിൽ ശ്രീമതി കുഞ്ഞിപ്പെണ്ണ് എന്ന മഹതിയാണ് സ്ഥലത്തിന്റെ ഉടമസ്ഥാവകാശം സർക്കാരിന് കൈമാറിയത്.

                                            വിദ്യാലയം തുടങ്ങിയകാലത്ത് 80അടി നീളത്തിൽ അത്രയും തന്നെ നീളമുള്ള വരാന്തയോടുകൂടിയ ഓലഷെഡിന്റെ വലത്തേയറ്റത്തായിരുന്നു ഓഫീസുമുറി. ഒരുമേശയും ഒരു ബെഞ്ചും മാത്രമായിരുന്നു ഉപകരണങ്ങൾ. ശ്രീ ചിത്തിരതിരുന്നാൾ ബാലരാമവർമ്മയുടെ ചിത്രം ഭിത്തിയിൽ തൂക്കിയിരുന്നു.മുറിയുടെ ഒരുഭാഗത്ത് ഒരു തേര് വച്ചിട്ടുണ്ടായിരുന്നു. തെക്കോട്ട് 1 മുതൽ 4 വരെ ക്ലാസ്സുകൾ സ്ക്രീൻ ഉപയോഗിച്ച് വേർ തിരിച്ചിരുന്നു.

                                            സ്കൂളിന്റെ അപ്ഗ്രേഡിംഗ് 2 ഘട്ടങ്ങളിലായാണ് നടന്നത്.1907ൽ ഈസ്കൂൾ അപ്പർ പ്രൈമറി സ്കൂളായും 1980ൽ ഹൈസ്കൂളായും ഉയർത്തപ്പെട്ടു.ജില്ലയിൽ ആദ്യമായി കംപ്യൂട്ടർ വിദ്യാഭ്യാസം തുടങ്ങിയ ഏക സർക്കാർ വിദ്യാലയവും മാരൂർ ഗവൺമെന്റ് സ്കൂളാണ്.2005-2006 വർഷത്തിൽ 1വർഷം നീണ്ടു നിന്ന പ്രൗഢഗംഭീരപരിപാടികളോടുകൂടി സ്കൂളിന്റെ ശതാബ്ദി ആഘോഷിക്കുകയുണ്ടായി.ഒൗദ്യോഗികരംഗങ്ങളിലും കലാസാംസാകാരികരംഗങ്ങളിലുംഉൾപ്പെടെ സമൂഹത്തിലെ വിവിധ മേഖലകളിൽ പ്രവർത്തിക്കുന്ന നിരവധി പ്രഗത്ഭരായ പ്രതിഭകളെ വാർത്തെടുക്കുന്നതിൽ ഈ സ്കൂൾ ന്ർണ്ണായക പങ്കു വഹിച്ചിട്ടുണ്ട്.

1903 ജൂലൈ മാസം‍ ഒരു ലോവർ പ്രൈമറി സ്കൂൾ എന്ന നിലയിലാണ് ഈ വിദ്യാലയം സ്ഥാപിതമായത്. 20-ാം നൂററാണ്ടിന്െ തുടക്കത്തിൽ കേവലം കുടിപ്പളളികുടമായി തുടങ്ങിയ മാരൂർ ഹൈസ്കൂശ്‍ പല ഘട്ടങ്ങളിലായി എൽപി, യുപി തലങ്ങളിലൂടെ 1980 -ൽ ഹൈസ്കൂൾ ആയി മാറി.ഇന്ന് എല്ലാവിധ സൗകര്യങ്ങലുമുല്ല സ്കുൽ ആന്ന്.

 

പത്തനംതിട്ട ജില്ലയിലെ അടൂർ സബ് ജില്ലയിൽ ഏനാദിമംഗലം പഞ്ചായത്തിൻ്റെ പരിധിയിൽ വരുന്ന ഏക ഗവ ഹയർ സെക്കൻ്ററി വിദ്യാലയമാണ് ഗവ. H. S.Sമാരൂർ .കെ .പി .റോഡിൽ സ്ഥിതി ചെയ്യുന്നതിനാൽ ഗതാഗത സൗകര്യമേറെയുള്ള ഈ വിദ്യാലയത്തിൽ നാനൂറോളം കുട്ടികൾ പഠിക്കുന്നു 3 കെട്ടിടങ്ങളിലായി ക്ലാസ് റൂമുകൾ പ്രവർത്തിക്കുന്നു അതിവിശാലമായ ഒരു കളിസ്ഥലവും സ്കൂളിനുണ്ട്. കുട്ടികളുടെ ശാസ്ത്രാഭിരുചി വളർത്തുന്നതിനായി ലാബ് സൗകര്യവും ലഭ്യമാണ്. ബ്രോഡ്ബാൻ്റ് ഇൻ്റർനെറ്റ് സൗകര്യമുള്ള കമ്പ്യൂട്ടർ ലാബും ഈസ്കൂളിൻ്റെ പ്രത്യേക തയാണ് പൊതുവിദ്യാഭ്യാസ സംരക്ഷണ യജ്ഞത്തിൻ്റെ ഭാഗമായി നടപ്പിലാക്കിയ മൾട്ടിമീഡിയ ക്ലാസ് റൂമുകളും സ്കൂളിൽ പ്രവർത്തിച്ചു വരുന്നു.8 ക്ലാസ് റൂമുകൾ ഹൈടെക് ആയി .കുടിവെളള സംവിധാനവും ശൗചാലയങ്ങളും സ്കൂളിൽ ലഭ്യമാണ്. ജില്ലാ പഞ്ചായത്തിൻ്റെ സഹായത്തോടെ നിർമ്മിച്ച അതിവിശാലമായ ഓഡിറ്റോറിയം സ്കൂളിൻ്റെ മാറ്റ് കൂട്ടുന്നു.കുട്ടിയുടെ സമ്പൂർണ്ണ വികാസം സാധ്യമാക്കുന്ന പഠനാന്തരീക്ഷങ്ങളെല്ലാം തന്നെ ഇവിടെ ലഭ്യമാണ്.