ജി.വി.എൽ.പി.എസ് ചിറ്റൂർ/தமிழ்/தனித்துவமான செயல்பாடுகள்/எழுத்துக்கூடம்

எழுத்துக்கூடம்

எழுத்துக்கூடம் என்பது மாணவர்களிடையே வாசிப்புப் பழக்கத்தை வளர்ப்பதற்காகப் பள்ளியில் உருவாக்கப்பட்ட ஒரு நூலகமாகும். ஒவ்வொரு குழந்தையும் தனது விருப்பப்படி புத்தகங்களைத் தேர்ந்தெடுத்து வாசிப்பதற்கேற்ற ஒரு நட்புச் சூழல் இங்கே உருவாக்கப்பட்டுள்ளது.

நோக்கம்

• மாணவர்களிடையே வாசிப்புப் பழக்கத்தை வளர்க்க உதவுகிறது.

• வாசித்த புத்தகத்தைப் பற்றிய குறிப்பு எழுதுவதன் மூலம் எழுதும் திறன் வளர்கிறது.

• பாடப்புத்தகங்களுக்கு அப்பால் தாராளமான அறிவைப் பெறுவதற்கான ஒரு களம் அமைகிறது.

• குழந்தைகள் இணைந்து வாசிக்கும் பழக்கம் கூட்டுக் கற்றலின் மதிப்பை எடுத்துக் காட்டுகிறது.

​செயல்பாடு

ஒவ்வொரு வகுப்பு மாணவர்களும் தங்களுக்குப் பிடித்த புத்தகங்களைத் தேர்ந்தெடுத்து வாசிக்க வாய்ப்பளிப்பதே எழுத்துக்கூடத்தின் முதன்மை நோக்கமாகும். ஓய்வு நேரங்களில் மாணவர்கள் வாசிப்பிற்காகச் சிறிது நேரத்தை ஒதுக்குகிறார்கள். முக்கியமாக மலையாளம், தமிழ், ஆங்கிலம் ஆகிய மொழிகளிலான புத்தகங்கள் இந்த நூலகத்தில் சேகரிக்கப்பட்டுள்ளன. மாணவர்கள் தாங்கள் வாசித்த புத்தகங்கள் குறித்த கருத்துக்களை எழுதி, காலைக்கூட்டத்தில் வாசிக்கின்றனர். சிறுகதைகள், நாவல்கள், படக்கதைகள், கவிதைகள், பொது அறிவு வினாக்கள், சுதந்திரப் போராட்ட வீரர்களின் வாழ்க்கை வரலாறு எனப் பல்வேறு வகைப்பட்ட புத்தகங்களின் களஞ்சியமாக எழுத்துக்கூடம் திகழ்கிறது. ​

சிறப்பம்சங்கள்

பள்ளியில் அனைத்து மாணவர்களுக்கும் வாசிப்பதற்கான வாய்ப்பை வழங்குவதன் மூலம் அவர்களின் வாசிப்புப் பழக்கம் அதிகரிக்கிறது. அறிவுப்பூர்வமான புத்தகங்களை வாசிப்பதன் மூலம் போட்டித் தேர்வுகளில் மாணவர்களுக்கு அதிக தன்னம்பிக்கை ஏற்படுகிறது. கைப்பேசி பயன்பாட்டிலிருந்து மாணவர்களை ஓரளவிற்குத் திசைதிருப்ப வாசிப்புப் பழக்கத்தை வளர்ப்பது பொருத்தமானதாக இருக்கும். இதன் மூலம் மாணவர்கள் பல புதிய புத்தகங்களை அறிந்துகொள்ளவும் முடிகிறது.