ജി.ഒ.എച്ച്.എസ്സ്.എസ്സ്. എടത്തനാട്ടുകര/പ്രവർത്തനങ്ങൾ

സ്കൂൾ പ്രവർത്തനങ്ങൾ (2018-2023)[തിരുത്തുക | മൂലരൂപം തിരുത്തുക]

പ്രമാണം:21096 school activity 2019-22.pdf

*അക്കാദമിക മാസ്റ്റർ പ്ലാൻ

പ്രമാണം:21096 year plan 2022-23.pdf

*ഭിന്നശേഷിക്കാർക്ക് ആകാശയായാത്ര

ഭിന്നശേഷിക്കാരായ കുട്ടികളുടെ സമഗ്രവികസനം അടയാളപ്പെടുത്തിക്കൊണ്ട് പ്രത്യേക വികസന

പദ്ധതികൾ തയ്യാറാക്കി വിദ്യാലയത്തിൽ ഉൾച്ചേരൽ വിദ്യാഭ്യാസത്തിന്റെ ഭാഗമായി ഭിന്നശേഷി

വിദ്യാർഥികൾക്ക് വിമാന യാത്ര ഒരുക്കി.2019-20അധ്യയന വർഷത്തിലെ വികസന പദ്ധതികളിൽ

ഒന്നായിരുന്നു സ്വപ്ന പദ്ധതിയായ വിമാനയാത്ര. മുൻ വർഷത്തെ ഒരു പരിഹാര ബോധന ക്ലാസിൽ

ഗതാഗത മാർഗ്ഗങ്ങളെക്കുറിച്ചുള്ള പഠന വേളയിൽ കുട്ടികളുടെ പങ്കുവെക്കലുകളാണ് യാത്രക്ക് അടിസ്ഥാനം

.കടൽ കാണാത്തവർ, തീവണ്ടിയിൽ യാത്ര ചെയ്യാത്തവർ, വിമാനത്തിൽ പിന്നെ നമ്മൾ കയറുകയുമില്ലല്ലോ

എന്ന നെടുവീർപ്പോടെയുള്ള കുട്ടികളുടെ സംസാര ശകലങ്ങൾ എന്നിവയാണ് ഇങ്ങനൊരു യാത്രയെക്കുറിച്ച്

ചിന്തിക്കാനിടയായത്. വിവിധ സ്ഥലങ്ങൾ സന്ദർശിക്കുന്നതോടൊപ്പം കര ജല വ്യോമ ഗതാഗത ഉപാധികൾ

ഒരേ സമയം അനുഭവവേദ്യമാകുന്ന നേരനുഭവം ഈ യാത്രയുടെ പ്രത്യേക തയായിരുന്നു. ജീവ പ്രവാസി

കൂട്ടായ്മയുടെയും പി ടി എ, അധ്യാപകർ, നാട്ടിലെ നല്ല വ്യക്തിത്വങ്ങൾ അടക്കമുള്ള നിരവധി സുമനസ്സുകളുടെ

സാമ്പത്തിക പിന്തുണ യോടെ 28 കുട്ടികളും രക്ഷിതാക്കളുടെ പ്രതിനിധികളും അധ്യാപകരും യാത്ര യുടെ ഭാഗമായി.

കൊച്ചി മുതൽ തിരുവനന്തപുരം വരെയുള്ള യാത്രക്ക് പ്രധാനാധ്യാപകൻ എൻ അബ്ദുന്നാസർ,പി.ടി.എ എക്സിക്യൂട്ടീവ്

അംഗം പി. അഹമ്മദ് സുബൈർ, അധ്യാപകരായ ഒ. മുഹമ്മദ് അൻവർ, എസ്. ഉണ്ണികൃഷ്ണൻ, എം.കെ. ഇഖ്ബാൽ, പി.

ദിലീപ്, സി.ജി. വിപിൻ, പി. ദിവ്യ,ടി കെ സുനിത കെ ടി സക്കീന തുടങ്ങിയവർ നേതൃത്വം നൽകി.

*ഹാൻഡ് വാഷ്, ഡിഷ്‌ വാഷ്, ഫ്ലോർ ക്ലീനർ നിർമാണം

കൊറോണ വ്യാപനത്തെ തടയുന്നതിന് വേണ്ടി എൻ എസ് എസ് വോളണ്ടിയർമാർ

സ്‌കൂളിൽ വച്ച് 1200 ബോട്ടിൽ ഹാൻഡ് വാഷ് നിർമിച്ചു,പൊതു സ്ഥാപനങ്ങളിലേക്ക്

ആവശ്യമായ എണ്ണം സൗജന്യമായി നൽകി.വീടുകളിൽ ഉപയോഗിക്കുന്നതിനായി ഡിഷ്

വാഷും ഫ്ലോർ ക്‌ളീനറും നിർമ്മിച്ചു.ഇവ വിപണനം ചെയ്തതിലൂടെ 55000 രൂപ ലാഭമായി ലഭിച്ചു.

ഈ തുകയിൽ നിന്നും 10000 രൂപ എൻ എസ് എസ് ന്റെ ജില്ലാ ഭവന നിർമ്മാണത്തിലേക്ക് നൽകി.

13000 രൂപ ഉപയോഗിച്ച് നിർധനയായ ഒരു വിദ്യാർത്ഥിയുടെ അടച്ചുറപ്പില്ലാത്ത വീടിന്
ആവശ്യമായ വാതുലുകളും ജനൽ പാളികളും വച്ച് നൽകി.

പാലിയേറ്റീവ് പ്രവർത്തനങ്ങൾക്ക് 15000 രൂപ സംഭാവന നൽകി.

*സ്നേഹഭവനം

എടത്തനാട്ടുകര ഗവൺമെൻറ് ഹയർ സെക്കൻഡറി സ്കൂളിൽ സ്നേഹ ഭവന നിർമ്മാണ പ്രവർത്തനങ്ങൾക്ക്

തുടക്കമായി സ്കൂളിലെ തന്നെ യു പി വിഭാഗത്തിൽ പഠിക്കുന്ന ഒരു നിർധന വിദ്യാർത്ഥിക്കാണ് വീട് വെച്ച്

നൽകാൻ തീരുമാനിച്ചത്അധ്യാപകരിൽ നിന്നും വിദ്യാർത്ഥികളിൽ നിന്നും സ്കൂളിലെ തന്നെ എൻഎസ്എസ്

പി സി എന്നീ വിവിധ യൂണിറ്റുകളിൽ നിന്നും ജനങ്ങളിൽ നിന്നുമെല്ലാം ഇതിനുള്ള സാമ്പത്തികസഹാസഹായം

ലഭിച്ചു ധനശേഖരണാർത്ഥം സമ്മാനക്കൂപ്പൺ ചാലഞ്ച് ബിരിയാണി ചലഞ്ച് എന്നിവയും യൂണിറ്റിനു കീഴിൽ

സംഘടിപ്പിക്കുകയുണ്ടായി

*കാടിന്റെ മക്കൾക്കൊരു പുസ്തകത്തണൽ

കൊറോണ വ്യാപനം മൂലം സ്‌കൂൾ അടച്ചിട്ടിരിക്കുന്ന കാലത്ത് പൊൻപാറ കാട്ടുനായ്ക്കർ

ആദിവാസി കോളനി സന്ദർശിച്ച് അവിടെ ലൈബ്രറി തയ്യാറാക്കുന്നതിലേക്കായി

5000 രൂപയുടെ പുസ്തകങ്ങൾ കൈമാറി.

*ഫുഡ് ചലഞ്ചിലൂടൊരു കാരുണ്യഹസ്തം

എടത്തനാട്ടുകര പാലിയേറ്റീവ് കെയർ സൊസൈറ്റിയുടെ പ്രവർത്തനങ്ങൾക്ക് കൈത്താങ്ങാവുന്നതിനും

എൻ എസ് എസ് യൂണിറ്റിന്റെ ജീവകാരുണ്യപ്രവർത്തനങ്ങൾക്കുള്ള ധന സമാഹരണത്തിനുമായി

വോളണ്ടിയർമാർ ചിക്കൻ മന്തി ഫെസ്റ്റ് സംഘടിപ്പിച്ചു. 1900 പാക്കുകൾ 100 രൂപ തോതിൽ വിറ്റഴിച്ചു

.ഇതിലൂടെ 83000 രൂപ ലാഭമായി കിട്ടി.ഇതിൽ 50000 രൂപ പാലിയേറ്റീവ് കെയറിന് കൈമാറി.33000 രൂപ

എൻ എസ് എസ് പ്രവർത്തനങ്ങൾക്കായി മാറ്റിവച്ചു.

*ക്ലീൻ ദി ബ്യൂട്ടി സ്പോട് ഓഫ് എടത്തനാട്ടുകര

കോവിഡ്കാലത്ത് സഞ്ചാരികളുടെ ഇഷ്ടകേന്ദ്രങ്ങളായി മാറിയ സൈലന്റ്‌വാലി ബഫർസോണിലുള്ള

ഇടമല വട്ടമല ആനപ്പാറ കപ്പി വെള്ളച്ചാട്ടപ്പാറ എന്നീ സ്ഥലങ്ങളിലെ പ്ലാസ്റ്റിക ഉൾപ്പെടെയുള്ള മാലിന്യങ്ങൾ

പല ദിവസങ്ങളിയായി നീക്കം ചെയ്ത ബോധവൽക്കരണ ബോർഡുകൾ സ്ഥാപിച്ചു.പദ്ധതിയുടെഉദ്‌ഘാടനം

ബഹു.മണ്ണാർക്കാട് എം എൽ എ അഡ്വ.എൻ ഷംസുദ്ധീൻ നിർവഹിച്ചു.

*കേസ് ഫയൽ നിർമാണം പാലിയേറ്റീവ് കെയർ സൊസൈറ്റി

എടത്തനാട്ടുകര പാലിയേറ്റീവ് കെയർ സൊസൈറ്റി യിലെ രോഗികളുടെ വിവരങ്ങൾ സൂക്ഷിക്കുന്നതിനാവശ്യമായ

കേസ് ഫയലുകൾ കഴിഞ്ഞ അഞ്ചു വർഷമായി നിർമ്മിച്ചുനൽകുന്നത് സ്‌കൂളിലെ എൻ എസ് എസ് വോളണ്ടിയർമാരാണ്.

*കൊയ്ത്തുത്സവം

അലനല്ലൂർ സർവീസ് സഹകരണ ബാങ്കിന്റെയും കർഷക സേവന കേന്ദ്രത്തിന്റെയും ആഭിമുഖ്യത്തിൽ

ജിഎച്ച്എസ്എസ് എടത്തനാട്ടുകര സ്കൗട്ട് ആൻഡ് ഗൈഡ്സിന്റെ കീഴിൽ കൊയ്ത്തുത്സവം

സംഘടിപ്പിച്ചു ചുണ്ടയിൽ ശേഖരം അലനല്ലൂരിൽ വച്ച് നടന്ന പരിപാടി മുളളത്ത് ലത ഉദ്ഘാടനം നിർവഹിച്ചു

*കേസ് ഫയൽ നിർമാണം പാലിയേറ്റീവ് കെയർ സൊസൈറ്റി

ജിഎച്ച്എസ്എസ് എടത്തനാട്ടുകരയിലെ സ്കൗട്ട് ആൻഡ് ഗൈഡ് വിദ്യാർത്ഥികൾ പാലിയേറ്റീവ് പ്രവർത്തകരോടൊപ്പം ചെന്ന് രോഗികളെ പരിചരിച്ചു ഇതുവഴി വിദ്യാർഥികളിൽ ഒരു സഹായ മനോഭാവം ഉണ്ടാക്കിയെടുക്കാൻ സാധിച്ചു വിവിധ രോഗങ്ങളാൽ കഷ്ടപ്പെടുന്ന രോഗികളുടെ പ്രയാസങ്ങൾ നേരിട്ടറിയാനും സാധിച്ചു.

*ഉപജീവനത്തിനായൊരു സ്നേഹസമ്മാനം

2019വർഷത്തിൽ ഒരു കുടുംബത്തിന് ആടിനെയും 2021, 2022വർഷങ്ങളിൽ നിർധനരായ

രണ്ടു കുടുംബങ്ങൾക്ക് തയ്യൽ മെഷീനുകളും ഉപജീവനത്തിനായി വിതരണം ചെയ്തു.

*ഡാറ്റാ ചലഞ്ചു

കോവിഡ് കാലത്ത് നിർധനരായ കുട്ടികളുടെ ഓൺലൈൻ പഠനത്തിനായി 15 കുട്ടികൾക്ക് ഡാറ്റ

റീചാർജ് ചെയ്യുന്നതിനുള്ള തുക ഡാറ്റാ ചലഞ്ചിലൂടെ എൻ എസ് എസ് വോളണ്ടിയർമാർ സമാഹരിച്ച് നൽകി.

*പൾസ് ഓക്സിമീറ്റർ ,പി പി ഇ കിറ്റ് വിതരണം

കോവിഡ് പ്രധിരോധ പ്രവർത്തനങ്ങളുടെ ഭാഗമായി അലനല്ലൂർ ഗ്രാമപഞ്ചായത്തിന് എൻ എസ് എസ് യൂണിറ്റ്

*പൾസ ഓക്സിമീറ്ററുകളും 10 പി പി ഇ കിറ്റുകളും നൽകി.

സ്‌കൂളിന്റെ സമീപപ്രദേശത്തുള്ള കോവിഡ്

രോഗികൾക്ക് ഓക്സിജൻ ലെവൽ പരിശോധിക്കുന്നതിനായി യൂണിറ്റിൽ പൾസ് ഓക്സിമീറ്റർ ലഭ്യമാക്കി.

വോളന്റിയർമാർ നിർധനരായ വീട്ടുകാർക്ക് സാനിറ്റൈസർ കൈമാറി.

*പുട്ടും കട്ടനും - ഫുഡ് ഫെസ്റ്റ്

സ്‌കൂൾ കലോത്സവത്തിനോടനുബന്ധിച്ച് ഫെസ്റ്റിലൂടെ സമാഹരിച്ച ലാഭമായ

15000 രൂപയിൽ നിന്നും 10000 (പതിനായിരം) രൂപ എടത്തനാട്ടുകരക്കുവേണ്ടി

വാങ്ങുന്ന ആംബുലൻസ് ന് വേണ്ടി സംഭാവന ചെ

*സീഡ് ബാൾ നിർമ്മാണം

എൻ എസ് എസ് വോളണ്ടിയർമാർ 1500 വിത്ത്‌പന്തുകൾ നിർമ്മിക്കുകയും പരിസ്ഥിതിദിനത്തിൽ അവ

വിതരണം ചെയ്യുകയും ചെയ്തു.

*ജനകീയ തടയണ നിർമ്മാണം

ജലസംരക്ഷണത്തിന്റെ ഭാഗമായി സ്കൗട്ട് ആൻഡ് ഗൈഡ്സ് മുണ്ടക്കുന്ന് വെള്ളിയാർ പുഴയിൽ

തടയണ നിർമ്മിച്ചു ജനുവരി 31ന് രാവിലെ 7 30ന് സ്കൂളിൽ നിന്നും സ്കൗട്ട് ആൻഡ് ഗൈഡ് സംഘം

തീരത്തേക്ക് പുറപ്പെട്ടു. എട്ടുമണിയോടുകൂടി തടയണ ജനകീയ കൂട്ടായ്മയുടെ സഹകരണത്തോടുകൂടി

ആരംഭിച്ചു ജില്ലാ പഞ്ചായത്ത് അംഗം മെഹർബാൻ ടീച്ചർ ഉദ്ഘാടനം ചെയ്തു

*ജീവാമൃതം

എല്ലാ വർഷവും വേനൽക്കാലത്ത് പറവകൾക്ക് കുടിക്കുന്നതിനും കുളിക്കുന്നതിനുമായി വോളണ്ടിയർമാർ

വീടുകളിൽ മൺപാത്രങ്ങളിൽ വെള്ളം നിറച്ചു വക്കുന്നു.

*പെൺകരുത്ത് വനിതാ സംഗമം

വിദ്യാർത്ഥികളിൽ സാമൂഹിക സമത്വവും സുരക്ഷിതത്വബോധവും വളർത്തിയെടുക്കുക വനിതകൾക്ക്

നേരെയുള്ള അതിക്രമങ്ങൾക്കും ചൂഷണങ്ങൾക്കും എതിരെ ബോധവൽക്കരണം നടത്തുക എന്നീ

ലക്ഷ്യങ്ങളോടെ ജി.ഒ.എച്ച്.എസ്.എസ് എടത്തനാട്ടുകര പെൺകരുത്ത് വനിതാ സംഗമം സംഘടിപ്പിച്ചു

*പുഴയോരം ജല സംരക്ഷണ സദസ്സ്

ലസ്രോതസ്സുകൾ സംരക്ഷിക്കുക പുഴയുടെ ചരിത്രവും ഐതിഹ്യങ്ങളും പുതുതലമുറയ്ക്ക് പകർന്നു നൽകുക

ജലസംരക്ഷണ പ്രവർത്തനങ്ങളിൽ വിദ്യാർത്ഥികളുടെ കർമ്മശേഷി ഫലപ്രദമായി വിനിയോഗിക്കുക

എന്നീ ലക്ഷ്യത്തോടെ എടത്തനാട്ടുകര ഗവൺമെൻറ് ഹയർ സെക്കൻഡറി സ്കൂൾ സ്കൗട്ട്സ് ആൻഡ്

യൂണിറ്റ് സംഘടിപ്പിച്ച പുഴയോരം ജലസംരക്ഷണ സദസ്സ് ശ്രദ്ധേയമായി.

*രക്തദാന ക്യാമ്പ്

സ്‌കൂളിലെ എൻ എസ് എസ് , സ്കൗട്ട്സ് ആൻഡ് ഗൈഡ്സ് യൂണിറ്റുകളുടെ നേതൃത്വത്തിൽ

പെരിന്തൽമണ്ണ ബ്ലഡ് ബാങ്കിന്റെ സഹകരണത്തോടെ രക്തദാന ക്യാമ്പ് സംഘടിപ്പിച്ചു.

*സഹപാഠിക്കൊരെഴുത്തു് പുസ്തകം.

എൻ എസ് എസ് വോളണ്ടിയർമാരുടെ ഇടപെടൽ മൂലം 2020-21,2021-22 വർഷങ്ങളിൽ

സ്‌കൂളിലെ സാമ്പത്തിക ബുദ്ധിമുട്ടനുഭവിക്കുന്ന കുട്ടികൾക്ക് വിതരണം ചെയ്യുന്നതിനായി മൊത്തം

1350നോട്ട് ബുക്കുകൾ 100ഇൻസ്ട്രുമെന്റ് ബോക്സുകൾ 500 പേനകൾ എന്നിവ വ്യക്തകളെക്കൊണ്ടും

സംഘടനകളെക്കൊണ്ടും

*ചൂൽ നിർമ്മാണം - സ്ക്രാപ്പ് ചലഞ്ച്

NSSവോളണ്ടിയർമാർ ചൂൽ നിർമ്മിച്ച് വിപണനം ചെയ്തും പഴയ ന്യൂസ് പേപ്പർ ശേഖരിച്ച് വിറ്റും

ലഭിച്ച രൂപ സ്‌കൂളിലെ സ്കൗട്ട് & ഗൈഡ്‌സ് യൂണിറ്റ് നിർമ്മിക്കുന്ന സ്നേഹഭാവനത്തിലേക്ക് സംഭാവന നൽകി.

*ഗൃഹനിർമ്മാണ സഹായം

സാമ്പത്തികമായി ബുദ്ധിമുട്ടനുഭവിക്കുന്ന ഒരു കുടുംബത്തിന്റെ വീട്പണി സമയത്ത് 50 എൻ എസ് എസ്

വോളണ്ടിയർമാരുടെ ഒരു ദിവസത്തെ സേവനം ലഭ്യമാക്കി

*സ്‌നേഹപ്പുടവ

ആഘോഷ വേളകളിൽ പുതുവസ്ത്രങ്ങൾ അണിയാൻ പ്രയാസമനുഭവിക്കുന്ന സഹപാഠികൾക്ക് സ്‌നേഹ

സമ്മാനവുമായി സ്‌കൂൾ നല്ലപാഠം സ്കൗട്ട്സ് ആൻഡ് ഗൈഡ്‌സ് യൂണിറ്റുകൾ സ്‌നേഹപ്പുടവ പദ്ധതി

നടപ്പിലാക്കി.സ്‌കൂളിലെ സാമ്പത്തികമായി പിന്നോക്കം നിൽക്കുന്ന വിദ്യാർഥികൾക്കാണ് സ്‌നേഹപ്പുടവ

പദ്ധതിയുടെ ഭാഗമായി പുതുവസ്ത്രം നൽകിയത്. നല്ലപാഠം, സ്‌കൗട്ട് ആന്റ് ഗൈഡ് അംഗങ്ങൾ, അധ്യാപകർ,

സ്‌കൂളിലെ മറ്റു ജീവനക്കാർ, രക്ഷിതാക്കൾ എിവരാണ് ഈ പദ്ധതിക്കായി പണം സ്‌പോസർ ചെയ്തത്.

മാതാവോ പിതാവോ അകാലത്തിൽ മരണമടഞ്ഞവരുടെ കുട്ടികൾ, അപകടത്തെത്തുടർന്നും ചികിത്സയെത്തുടർന്നും

കടക്കെണിയിലായ രക്ഷിതാക്കളുടെ മക്കൾ എിവർക്കാണ് പദ്ധതിയുടെ ഭാഗമായി പുതുവസ്ത്രങ്ങൾ വിതരണം ചെയ്തത്.

നല്ലപാഠം അധാപക കോ ഓർഡിനേറ്റർമാരായ ഒ. മുഹമ്മദ് അൻവർ, പി. അബ്ദുസ്സലാം എന്നിവർ പ്രവർത്തനങ്ങൾക്ക്

നേതൃത്വം നൽകി.

*സ്നേഹസ്പർശം

എൻ എസ് എസ് വോളണ്ടിയർമാർ അണയംകോട് അംഗൻവാടി കുട്ടികൾക്കായി കളിപ്പാട്ടങ്ങളും ഡിജിറ്റൽ

ലൈബ്രറിയുടെ സഹായത്തോടെ തയ്യാറാക്കിയ ഓഡിയോ ബുക്കും കൈമാ

*കൈത്താങ്ങ് ആട് വിതരണം.

അകാലത്തിൽ പിതാവ് മരണപ്പെട്ട രണ്ട് നിർധന കുടുംബങ്ങൾക്ക് കൈത്താങ്ങ് പദ്ധതിക്ക് കീഴിൽ ആടുകളെ

വിതരണം ചെയ്ത് എടത്തനാട്ടുകര ഗവൺമെൻറ് ഹയർ സെക്കൻഡറി സ്കൂളിലെ വിദ്യാർത്ഥികൾ സ്കൂളിലെ

സ്കൗട്ട് ആൻഡ് ഗൈഡ്സ് വിദ്യാർത്ഥികളും നല്ല പാഠം അംഗങ്ങളും സംയുക്തമായാണ് ഈ പരിപാടി

നടപ്പിലാക്കിയത്. ഗ്രാമപഞ്ചായത്ത് അംഗം അക്ബർ അലി പാറോക്കോട്ട് പരിപാടി ഉദ്ഘാടനം ചെയ്തു

*മാസ്‌ക് നിർമ്മാണം

കോവിഡ് കാലം മാസ്‌കുകളുടേത് കൂടിയാണ്. സ്‌കൂളിൽ എത്തു വിദ്യാർത്ഥികളും രക്ഷിതാക്കളും മാസ്‌കില്ലാതെ

പ്രയാസപ്പെടരുത് എന്ന ലക്ഷ്യത്തോടെ സ്‌കൂളിലെ റെഡ് ക്രോസ് യൂണിറ്റിനു കീഴിൽ തുണി മാസ്‌കുകൾ

നിർമ്മിച്ച് സ്‌കൂൾ അധികാരികൾക്ക് കൈമാറി. സ്‌കൂൾ പ്രധാനാധ്യാപകൻ എൻ. അബ്ദുാസർ മാസ്‌ക്കുകൾ

സ്വീകരിച്ചു. സ്റ്റാഫ് സെക്ര'റി ടി.കെ. മുഹമ്മദ് ഹനീഫ, അധ്യാപകരായ കെ. യൂനസ് സലീം, സി. സക്കീന,

പി. അബ്ദുസ്സലാം എിവർ സംബന്ധിച്ചു.

*ഫലവൃക്ഷത്തൈകൾ വച്ചുപിടിപ്പിക്കലും വിതരണവും

ലോക ഭക്ഷ്യ ദിനത്തിന്റെ ഭാഗമായി എടത്തനാട്ടുകര സ്കൗട്ട് ആൻഡ് ഗൈഡ് കോട്ടപിള്ള മുതൽ വട്ടമണ്ണപുറം

വരെയുള്ള റോഡിൻറെ ഇരുവശങ്ങളിലുമായി ഫലവൃക്ഷത്തൈകൾ വെച്ചുപിടിപ്പിച്ചു അലനല്ലൂർ സർവീസ്

സഹകരണ ബാങ്ക് പ്രസിഡൻറ് കെ അബൂബക്കർ ഫലവൃക്ഷത്തൈകൾ വെച്ചുപിടിപ്പിച്ചു കൊണ്ട് ഉദ്ഘാടനം നിർവഹിച്ചു

*സാന്ത്വനത്തിന് ഞങ്ങളുണ്ട് കൂടെ

മാറാരോഗങ്ങൾ കൊണ്ട് പ്രയാസമനുഭവിക്കുന്നവർക്ക് സാന്ത്വനമേകുന്നതിനായി പാലിയേറ്റീവ് കെയർ

സൊസൈറ്റിക്ക് വേണ്ടി എടത്തനാട്ടുകര സ്കൗട്ട് ആൻഡ് ഗൈഡ്സ് കേക്ക് ഫെസ്റ്റ് സംഘടിപ്പിച്ചു

ഫെബ്രുവരി അഞ്ചിന് ആരംഭിച്ച കേക്ക് fest25 ന് അവസാനിച്ചു. കേക്ക് ഫെസ്റ്റിലൂടെ സമാഹരിച്ച്

50,000 രൂപ പാലിയേറ്റീവ് ഭാരവാഹികൾക്ക് കൈമാറി.

*ജനകീയ രക്തദാനം

കോവിഡ് കാലത്ത് രക്തം പ്ലേറ്റ്ലറ്റ് എന്നിവയ്ക്ക് നേരിടുന്ന ക്ഷാമം പരിഹരിക്കാൻ എടത്തനാട്ടുകര

ഗവൺമെൻറ് ഹയർ സെക്കൻഡറി സ്കൂൾ യൂണിറ്റ് നടത്തിയ ജനകീയ രക്തദാന യാത്ര ശ്രദ്ധേയമായി.

സ്കൗട്ട് ആൻഡ് ഗൈഡ് സംസ്ഥാന ട്രെയിനിങ് കമ്മീഷണർ കെ എൻ മോഹൻകുമാർ ഉദ്ഘാടനം ചെയ്തു.

*എന്റെ വീട്ടിലും കൃഷി തോട്ടം

വിദ്യാർത്ഥികളിൽ കാർഷിക സംസ്കാരം വളർത്തുക വിഷരഹിത സ്വയം പര്യാപ്തത നേടുക എന്ന

ലക്ഷ്യങ്ങളോടെ ഗവൺമെൻറ് ഹയർ സെക്കൻഡറി സ്കൂൾ എടത്തനാട്ടുകര ഭാരത് സ്കൗട്ട് ആൻഡ്

ഗൈഡ്സ് യൂണിറ്റിന്റെ ഭാഗമായി വിത്തുകൾ വിതരണം ചെയ്തു പച്ചക്കറി വിത്തു വിതരണം പഞ്ചായത്ത്

അംഗം അക്ബറലി പാറക്കോട്ട് ഉദ്ഘാടനം ചെയ്തു പ്രിൻസിപ്പൽ പ്രതിഭ സ്കൗട്ട് മാസ്റ്റർ മുഹമ്മദ് അൻവർ

എന്നിവർ സംസാരിച്ചു.

*ലഹരിക്കെതിരെ നാട് പ്രതികരിക്കുന്നു

ലഹരി വിരുദ്ധ ക്യാമ്പയിന്റെ ഭാഗമായി വീഡിയോ പ്രചാരണം നടത്തി. വ്യത്യസ്ത മേഖലയിലുള്ള പ്രമുഖർ

സമൂഹമാധ്യമങ്ങളിലൂടെ പ്രതികരണം രേഖപ്പെടുത്തി.ലഹരി വിരുദ്ധ പ്രതികരണ ക്യാമ്പയിൻ പാലക്കാട്

പാർലമെന്റ് അംഗം ശ്രീ പി കെ ശ്രീകണ്ഠൻ ഉദ്ഘാടനം ചെയ്തു.

*പഠനോപകരണ വിതരണം

കോവിഡിന്റെ വറുതിക്കാലത്ത് സാമ്പത്തിക പ്രയാസങ്ങളാൽ പഠനം വഴിമുട്ടിയ സ്‌കൂളിലെ നൂറോളം

വിദ്യാർഥികൾക്ക് പഠനോപകരണങ്ങൾ എത്തിച്ചു നൽകി അവരുടെ വിദ്യാഭ്യാസത്തിന് കൈത്താങ്ങേകിയ

സ്‌കൂളിലെ മലയാള മനോരമ നല്ലപാഠം പഠനോപകരണ വിതരണം വേറിട്ടതായി.സ്‌കൂളിലെ സാമ്പത്തിക

പ്രയാസം അനുഭവിക്കു വിദ്യാർഥികൾക്കും കുടുംബനാഥൻമാർ അകാലത്തിൽ മരണമടഞ്ഞ കുടുംബങ്ങളിലെ

തെരഞ്ഞെടുക്കപ്പെ'വിദ്യാർഥികൾക്കും അപകടത്തെത്തുടർന്ന് കടക്കെണിയിലായ കുടുംബങ്ങളിലെ ചില

വിദ്യാർഥികൾക്കും ഈ പദ്ധതിയിലൂടെ പഠനോപകരണങ്ങൾ നൽകി.കൈത്താങ്ങ് ആവശ്യമായവർക്ക്

സഹായം നേരിട്ടെത്തിക്കുന്ന ഈ പദ്ധതിയിലൂടെ നട്ടു പുസ്തകങ്ങൾ, പെൻസിൽ, ഇറൈസർ, ക്രയോ

അടക്കമുള്ള സഹായമാണ് നൽകിയത്.

*ഭക്ഷ്യകിറ്റ് വിതരണം

കോവിഡ് മഹാമാരി കാരണം സാമ്പത്തികമായി ഏറെ പ്രയാസപ്പെട്ടിരുന്ന നിരാലംബരായ 15

കുടുംബങ്ങൾക്ക് ഭക്ഷ്യ കിറ്റ് സംവിധാനമൊരുക്കി അശരണരുടെ കണ്ണീരൊപ്പിയ സ്‌കൂളിലെ നല്ലപാഠം

പദ്ധതി മികവുറ്റതായി.കുടുംബനാഥൻ അകാലത്തിൽ മരണമടഞ്ഞ 9 കുടുംബങ്ങൾക്കും

അപകടത്തെത്തുടർന്നും ചികിത്സയെത്തുടർന്നും കടക്കെണിയിലായ ആറ് കുടുംബങ്ങൾക്കുമടക്കം

15 കുടുംബങ്ങൾക്കാണ് സ്‌കൂളിൽ ജീവ കാരുണ്യ പദ്ധതിയുടെ ഭാഗമായി ഭക്ഷ്യ കിറ്റ് നൽകിയത്.

ലവ് ആന്റ് സെർവ്വ് വളണ്ടിയർ മുഹമ്മദാലി പോത്തുകാടനിൽ നിന്നും പ്രധാനാധ്യാപകൻ എൻ. അബ്ദുാസർ

ഫണ്ട് ഏറ്റു വാങ്ങി.15 കുടുംബങ്ങൾക്ക് ഭക്ഷ്യ കിറ്റ് സഹായം എത്തിച്ചു കൊടുത്ത ഈ ഈ ജീവ കാരുണ്യ

പ്രവർത്തനങ്ങൾക്ക് പ്രമുഖ വ്യവസായിയും പട്ടിക്കാട് കുർബാൻ അസ്സോസിയേറ്റ്‌സ് മാനേജിങ് ഡയറക്റ്ററുമായ

കുർബാൻ മുഹമ്മദാലി, ലവ് ആന്റ് സെർവ് കൊ- ഓർഡിനേറ്റർ ബഷീർ കരിഞ്ചാപ്പാടി, നല്ലപാഠം

കൊ ഓർഡിനേറ്റർമാരായ ഒ. മുഹമ്മദ് അൻവർ, പി. അബ്ദുസ്സലാം എിവർ നേത്യത്വം നൽകി.

*മൂന്ന് കുടുംബത്തെ ദത്തെടുത്ത് നല്ലപാഠം യൂണിറ്റ്

കോവിഡ് കാലത്ത് നിർദ്ധനരായ മൂന്ന്കുടുംബത്തെ ദത്തെടുത്ത് സ്‌കൂൾ നല്ലപാഠം യൂണിറ്റ്. മഞ്ഞപ്പിത്തം

പിടിപെട്ട് പിതാവ് മരണപ്പെട്ട ഒരു കുടുംബത്തേയും ജോലിക്കിടെ നട്ടെല്ലിന് പരുക്കുപറ്റി വീൽ ചെയറിൽ

ജീവിതം തള്ളി നീക്കുന്ന ഒരു ഭിന്നശേഷിക്കാരന്റെ കുടുംബത്തേയും പിതാവ് അപകടത്തിൽ പെട്ട് മരണപ്പെട്ട

ഒരു കുടുംബത്തേയുമാണ് നല്ലപാഠം യൂണിറ്റ് ദത്തെടുത്തത്.ഈ മൂന്ന് കുടുംബങ്ങൾക്കും എല്ലാ മാസവും

ആയിരം രൂപയുടെ ഭക്ഷണ സാധനങ്ങൾ വാങ്ങുതിന് നല്ലപാഠം യൂണിറ്റിനു കീഴിൽ സംവിധാനം ഒരുക്കി.

കുടുംബങ്ങൾക്ക് പണം നേരിട്ട് ൽകുതിനു പകരം ഭക്ഷ്യ സാധനങ്ങൾകോട്ടപ്പള്ളയിലെ ഒരു കടയിൽ നിന്നും

വാങ്ങുതിനുള്ള സജ്ജീകരണങ്ങൾ ചെയ്തു. എല്ലാ മാസവും പണം നല്ലപാഠം കൊ ഓർഡിനേറ്റർമാർ കടയിൽ

നൽകുന്നു.സ്‌കൂൾ വർഷം ആരംഭത്തിൽ ഈ കുടുംബത്തിലെ മൂന്ന് വിദ്യാർത്ഥികൾക്കും യൂണിഫോം,

പഠനോപകരണങ്ങൾ എിവ വാങ്ങുതിനും നമ്മുടെ സ്‌കൂളിലെ പത്താം ക്ലാസ്സിൽ പഠിക്കു കുട്ടിക്ക് ട്യൂഷന്

പോകുതിനുള്ള സാമ്പത്തിക സഹായവും നൽകുന്നു. ആഘോഷ വേളകളിൽ സ്‌പെഷ്യൽ ഭക്ഷ്യ കിറ്റുകളും

കുടുംബങ്ങളിലെ മുഴുവൻ അംഗങ്ങൾക്കും പുതു വസ്ത്രങ്ങൾ വാങ്ങുതിനുള്ള ഫണ്ടും നൽകുന്നു.

*മാസ്ക് നിർമ്മാണവും കോവിഡ് 19 പ്രതിരോധ പ്രചരണവും.

കോവിഡ് 19 വളരെ രൂക്ഷമായ സാഹചര്യത്തിൽ എടത്തനാട്ടുകര സ്കൗട്ട് ആൻഡ് ഗൈഡ്സ് മാസ്ക്

നിർമ്മിച്ച് വിതരണത്തിനായി ചലഞ്ചേഴ്സ് ക്ലബ്ബിന് കൈമാറി. കോവിഡ് 19-പ്രതിരോധത്തിനായി

കൈകോർക്കാം അഥിതി തൊഴിലാളികൾക്കായി അവരുടെ ഭാഷയിൽ കൊറോണ പ്രതിരോധ

സന്ദേശ പ്രയാണം എടത്തനാട്ടുകര ഗവണ്മെന്റ് ഹയർ സെക്കന്ററി സ്കൗട്ട് and ഗൈഡ്സ്

യൂണിറ്റിന്റെ ആഭിമുഖ്യത്തിൽ സന്ദേശ പ്രയാണം സംഘടിപ്പിച്ചു.

തനത് പ്രവർത്തനങ്ങൾ

*സ്നേഹപൂർവ്വം പദ്ധതി.

സ്‌കൂളിലെ നിർധന കുടുംബങ്ങളിൽ നിന്നും വരുന്ന കുട്ടികളുടെ പഠനസംബന്ധവും ചികിത്സാസംബന്ധവുമായ

ആവശ്യങ്ങൾക്ക് സഹായം നൽകുന്നതിന് വേണ്ടി 2013-14 അധ്യയന വർഷത്തിലാണ് "സ്നേഹപൂർവ്വം"

പദ്ധതി ആരംഭിച്ചത് .പദ്ധതി ആരംഭിച്ചതുമുതൽ ഇതുവരെ ഒൻപത് ലക്ഷത്തിൽ കൂടുതൽ രൂപയുടെ വിവിധ

തരത്തിലുള്ള സഹായങ്ങൾ നൽകാൻ സാധിച്ചിട്ടുണ്ട്.

ഉപഭോക്താക്കൾ

മാറാ രോഗങ്ങൾ കൊണ്ട് കഷ്ട്ടപ്പെടുന്ന രക്ഷിതാക്കളുള്ള കുട്ടികൾ.

രക്ഷിതാക്കൾക്ക് പെട്ടന്ന് വന്ന അനാരോഗ്യം കാരണം സ്ഥിര വരുമാനം നിലച്ച വീടുകളിൽനിന്നും വരുന്ന കുട്ടികൾ.

സ്വന്തമായി സ്ഥലം വീട് എന്നിവ ഇല്ലാത്ത കുടുംബത്തിൽനിന്നും വരുന്ന കുട്ടികൾ.

രക്ഷിതാക്കൾ മരിച്ച/ഉപേക്ഷിച്ച ,ദാരിദ്രാവസ്ഥയിൽ ഉള്ള കുട്ടികൾ.

കിഡ്‌നി സംബന്ധമായ,കാൻസർ ...തുടങ്ങിയ മാരക രോഗങ്ങൾ ഉള്ള കുട്ടികൾ/രക്ഷിതാക്കൾ.

നൽകുന്ന സഹായങ്ങൾ

തിരഞ്ഞെടുത്ത കുട്ടികൾക്ക് ആവശ്യമുള്ള പഠനോപകരണങ്ങൾ.

യൂണിഫോം തുണി ,തയ്ക്കാനുള്ള തയ്യൽ കൂലി.

കുട്ടിക്കോ രക്ഷിതാവിനോ ഉള്ള വിവിധ ചികിത്സാ സഹായം.
സ്‌പെഷ്യൽ ഫീസ് പരീക്ഷ ഫീസ് തുടങ്ങിയവ.

വീടില്ലാത്തവർക്ക് വീടുപണിക്കുള്ള സഹായം.

രക്ഷിതാക്കൾ ആകസ്മികമായി മരണപ്പെട്ടാൽ ആ കുടുമ്പത്തിനുള്ള ധനസഹായം.

വളരെയധികം സാമ്പത്തിക ബുദ്ധിമുട്ടുള്ള വീടുകളിലേക്ക് പ്രതിമാസ 500/ 1000 രൂപയുടെ ധനസഹായം.

ഉപഭോക്താക്കളെ കണ്ടെത്തുന്ന രീതി.

ഓരോ വർഷവും ജൂൺ മാസത്തിലെ ആദ്യവാരത്തിൽ തന്നെ 5 മുതൽ +2 വരെയുള്ള എല്ലാ

ക്‌ളാസ്സുകളിൽ നിന്നും ക്‌ളാസ് ടീച്ചർമാർ വഴി അർഹതയുണ്ടെന്ന് തോന്നുന്ന കുട്ടികളുടെ ലിസ്റ്റ്

ശേഖരിച്ചശേഷം പദ്ധതിയുടെ നടത്തിപ്പിനായി നിയോഗിക്കപ്പെട്ട അധ്യാപകർ കുട്ടികളുമായി

വിശദമായ അഭിമുഖം നടത്തി വിവരങ്ങൾ രേഖപ്പെടുത്തുന്നു.അതിനു ശേഷം അവരുടെ

പഠനസംബന്ധമായ ആവശ്യങ്ങൾ ചോദിച്ചറിഞ്ഞു മികച്ച നിലവാരം പുലർത്തുന്ന പഠനോപകരണങ്ങൾ

വിതരണം ചെയ്യുന്നു .കുട്ടികളുടെ മനസിന്‌ വിഷമം ഉണ്ടാക്കാതെ അവരെ ഒരു പ്രദര്ശനവസ്തു

ആക്കാത്ത രീതിയിലാണ് പഠനോപകരണവിതരണം നടത്തുന്നത്.അഭിമുഖത്തിൽ നിന്നും ലഭിക്കുന്ന

വിവരങ്ങളുടെ അടിസ്ഥാനത്തിൽ ഉപഭോക്താക്കളുടെ മുൻഗണനാക്രമം നിശ്ചയിക്കുന്നു.പ്രവർത്തന

രീതിസ്‌കൂളിലെ മേലധികാരികൾ,PTA പ്രസിഡണ്ട് തിരഞ്ഞെടുത്ത അധ്യാപകർ എന്നിവർ

അടങ്ങിയ ഒരു കമ്മിറ്റിയുടെ മേൽനോട്ടത്തിൽ രണ്ട് അധ്യാപകർക്കാണ് പദ്ധതിയുടെ നടത്തിപ്പ്

ചുമതല.പ്രധാനപ്പെട്ട തീരുമാനങ്ങൾ എടുക്കുന്നതിനുവേണ്ടി ആവശ്യമായ സമയത്ത് കമ്മിറ്റി കൂടുന്നു.

വർഷാവസാനം കോ ഓർഡിനേറ്റർമാർ കമ്മിറ്റിയിൽ വരവ് ചെലവ് കണക്ക് അവതരിപ്പിക്കുന്നു.ഇത്

ഓഡിറ്റ് ചെയ്യുന്നതിനായി സ്‌കൂളിലെ അധ്യാപകനെ ചുമതലപ്പെടുത്തുന്നു.വിതരണം ചെയ്യുവാനുള്ള

നോട്ട് ബുക്ക്,ടെക്സ്റ്റ് ബുക്ക് ,പേന,പെൻസിൽ,ഇൻസ്ട്രുമെന്റ് ബോക്സ്...തുടങ്ങിയ പഠനോപകരണങ്ങൾ

സ്‌കൂളിലുള്ള കോ ഓപ്പറേറ്റീവ് സ്റ്റോറിൽനിന്നുമാണ് ലഭ്യമാക്കുന്നത് .കുട വാങ്ങുന്നത് അപകടം മൂലം

അരക്കുതാഴെ ചലനശേഷി നഷ്ടപ്പെട്ട ഒരു യുവാവിൽനിന്നുമാണ്.കുട നിർമ്മാണം ജീവിക്കാനുള്ള

അദ്ദേഹത്തിന്റെ വരുമാനമാർഗ്ഗം കൂടിയാണ്.ഗുണനിലവാരം കൂടിയ സ്‌കൂൾ ബാഗുകൾ പുറത്തുനിന്നും

വാങ്ങുന്നു.പ്രതിമാസം 500 / 1000 രൂപയുടെധനസഹായം വർഷം മുഴുവൻ നൽകുന്നതിനു വേണ്ടി

വളരെയധികം സാമ്പത്തിക ബുദ്ധിമുട്ട് അനുഭവിക്കുന്ന കുടുമ്പങ്ങളിൽ നിന്നും വരുന്ന കുട്ടികളെ

കണ്ടെത്തുന്നു.അഭിമുഖം വഴി രക്ഷിതാക്കളിൽ ആരെങ്കിലും മരണപ്പെട്ട കുട്ടികളെ കണ്ടെത്തി അവർക്ക്

കേരളാ സാമൂഹ്യ സുരക്ഷമിഷൻ നൽകുന്ന സ്നേഹപൂർവ്വം സ്‌കോളർഷിപ്പിന് അപേക്ഷിക്കുന്നതിനുള്ള

സഹായം നൽകുന്നു.രക്ഷിതാക്കൾ ആരെങ്കിലും പെട്ടന്ന് മരണപ്പെട്ടാൽ ആവശ്യമെങ്കിൽ ആ കുടുംബത്തിന്

ധനസഹായം നൽകുന്നു.വലിയ ചിലവ് വരുന്ന ചികിത്സകൾക്ക് രോഗത്തിന്റെ ഗൗരവത്തിന് അനുസരിച്ചുള്ള

ധനസഹായം നൽകുന്നു.വരുമാനമാർഗ്ഗംപദ്ധതിനടത്തിപ്പിനായുള്ള ധനസമാഹരണം പ്രധാനമായും സ്‌കൂളിൽ

നിന്നുതന്നെയാണ് .അതിൽ മുഴുവൻ അധ്യാപക അനധ്യാപകരും കുട്ടികളും പങ്കാളികളാകുന്നു.എല്ലാ മാസവും

ഒരു ദിവസം ക്‌ളാസ്സുകളിൽ വയ്ക്കുന്ന "സ്നേഹക്കൂടുക്കയിൽ"കുട്ടികൾ അവർ മിഠായി വാങ്ങാനോ മറ്റോ

മാറ്റിവെക്കുന്ന തുക നിക്ഷേപിക്കുന്നു.ഈ ഇനത്തിൽ ഓരോമാസവും 4000 മുതൽ 5000 രൂപ വരെ

ലഭിക്കുന്നു.അതുകൂടാതെ എല്ലാ മാസവും സ്‌കൂൾസ്റ്റാഫ് അംഗങ്ങൾ ഒരു നിശ്ചിത തുക ഇതിലേക്കായി

മാറ്റിവെക്കുന്നു.ഈ ഇനത്തിൽ 7000 രൂപയോളം ലഭിക്കുന്നു.ഇത് പദ്ധതി ആരംഭിച്ചതുമുതൽ എല്ലാമാസവും

തുടർന്നുവരുന്നു.ചില പ്രത്യേക സാഹചര്യങ്ങളിൽ സ്റ്റാഫ് അംഗങ്ങളും രക്ഷിതാക്കളുടെ അടുത്തുനിന്നും

കുട്ടികളും കൂടുതൽ തുക ഇതിലേക്ക് സംഭാവനയായിനൽകാറുണ്ട്.ഒരു കുട്ടിയുടെ രക്താർബുദ ചികിത്സാക്കായി

175000 രൂപ വരെ ഈ പദ്ധതിവഴി നൽകാൻ കഴിഞ്ഞിട്ടുണ്ട്.അപൂർവ്വം ചില സാഹചര്യങ്ങളിൽ സ്‌കൂളിന്

പുറമെനിന്നുള്ള ചില വ്യക്തികളും പദ്ധതിക്ക് വേണ്ടി സംഭാവന നൽകാറുണ്ട്.പദ്ധതി ഇതുവരെ

പദ്ധതി തുടങ്ങിയ കാലം മുതൽ ഇതുവരെ അഞ്ഞൂറിലധികം കുട്ടികൾക്ക് വിവിധതരത്തിലുള്ള

പഠനോപകരണങ്ങൾ നൽകുവാൻ കഴിഞ്ഞു.

ചില കുട്ടികളുടെ വീടുപണിക്കായി സഹായം നല്കാൻ കഴിഞ്ഞു.

മുപ്പതോളം കുട്ടികൾക്ക് 500 രൂപാ മുതൽ 1000 രൂപ വരെയുള്ള പ്രതിമാസ ധനസഹായം നൽകാൻ കഴിഞ്ഞു.

അർഹതപ്പെട്ട കുട്ടികൾക്ക് സ്പെഷ്യൽ ഫീസ് പരീക്ഷ ഫീസ് യൂണിഫോം തുണി ,തയ്യൽ കൂലി എന്നിവ നൽകാൻ കഴിഞ്ഞു.
കേരളാ സാമൂഹ്യ സുരക്ഷാമിഷൻ രക്ഷിതാക്കളിൽ ആരെങ്കിലും മരണപ്പെട്ട കുട്ടികൾക്ക് നൽകുന്ന സ്കോളർഷിപ്പിലേക്ക്
അപേക്ഷിക്കുവാനുള്ള സഹായം നൽകുക വഴി പത്ത് ലക്ഷത്തിൽ കൂടുതൽ തുക ഈ സ്കൂളിലെ കുട്ടികൾക്കായി നേടിയെടുക്കാൻ കഴിഞ്ഞു.

ഇത്രയും പ്രവർത്തനങ്ങൾക്കായി ഇതുവരെ 10 ലക്ഷത്തിനു മുകളിൽ തുക ചിലവഴിക്കുവാൻ ഈ പദ്ധതികൊണ്ട് സാധിച്ചു.

*ഡിജിറ്റൽ ലൈബ്രറി

കോവിഡ് കാലത്ത് കുട്ടികൾക്ക് ഓൺലൈൻ പഠനത്തിന് കൈതാങ്ങാവാൻ അധ്യാപകർ സംഭാവനയായി

നൽകിയ 200000 (രണ്ടുലക്ഷം )രൂപയും നാട്ടിലെ സ്ഥാപനങ്ങളും വ്യക്തികളും ചേർന്ന്

74455 (എഴുപതിനാലായിരത്തി നാന്നൂറ്റി അൻപത്തിയഞ്ചു )രൂപയും ചേർത്ത് 33 ടാബ്‌ലറ്റ്‌ കൾ

വാങ്ങി ഒരു ഡിജിറ്റൽ ലൈബ്രറി സ്‌കൂളിൽ ആരംഭിച്ചു.ഇതിൽനിന്നും അർഹരായ കുട്ടികൾക്ക് ഓൺലൈൻ

പഠനാവശ്യത്തിനായി ഉപകരണങ്ങൾ നൽകുകയും കുട്ടികൾ അവ പ്രയോജനപ്പെടുത്തുകയും ചെയ്തു.

ഇപ്പോഴും NMMS,STEPS,USSതുടങ്ങിയ കോച്ചിങ്ങുകൾക്ക് സാമ്പത്തികമായി പിന്നോക്കം നിൽക്കുന്ന

മിടുക്കരായ കുട്ടികൾ ഈ ഡിജിറ്റൽ ലൈബ്രറി പ്രയോജനപ്പെടുത്തുന്നുണ്ട്.കൂടാതെ സ്‌കൂളിൽ നടക്കുന്ന

എൻ.എസ്.എസ് പോലെയുള്ള യൂണിറ്റുകളുടെ പല പരിപാടികളും ഷൂട്ട് ചെയ്യുന്നതിനും എഡിറ്റ്

ചെയ്യുന്നതിനും ഈ ലൈബ്രറി പ്രയോജനപ്പെടുത്തുന്നു.

*ലവ് ആൻഡ് കെയർ സ്റ്റിപ്ലാക് -1

സ്‌കൂൾ ബിൽഡിംഗ് പെയിന്റിങ്ങിനു ശേഷം ലഭിച്ച 50 ലിറ്ററിന്റെ 17 പ്ലാസ്റ്റിക് കാനുകൾ പെയിന്റ്

ചെയ്ത് ലേബൽ ചെയ്ത് UP,HS,HSS ക്ലാസുകൾപ്രവർത്തിക്കുന്ന വിവിധ ബ്ലോക്കുകളിൽ സ്ഥാപിച്ചു.

സ്‌കൂളിൽ നിന്നും ശേഖരിക്കുന്ന എല്ലാ പ്ലാസ്റ്റിക് മാലിന്യങ്ങളും NSS യൂണിറ്റിന്റെ അഭ്യർത്ഥന പ്രകാരം

അലനല്ലൂർ ഗ്രാമ പഞ്ചായത്ത് സ്‌കൂളിൽ സ്ഥാപിച്ചിട്ടുള്ള മിനി എം സി എഫ് ൽ സൂക്ഷിക്കുകയും ചെയ്തുവരുന്നു.

*ലവ് ആൻഡ് കെയർ സ്റ്റിപ്ലാക് -2

2016 മുതൽ സ്‌കൂളിലെ സഹ്യാദ്രി പരിസ്ഥിതി ക്ലബ്ബിന്റെ നേതൃത്വത്തിൽ കുട്ടികൾ ഉപയോഗിച്ചശേഷം

ഉപേക്ഷിക്കുന്ന പ്ലാസ്റ്റിക് പേനകൾ ശേഖരിച്ചുവരുന്നു.പിന്നീട് ഇത് കേരളത്തിലെ മറ്റ് പല സ്‌കൂളുകളും

ഏറ്റെടുത്തു.പേന ശേഖരണത്തിനെക്കുറിച്ചുള്ള വാർത്ത ദ ഹിന്ദു ഉൾപ്പെടെയുള്ള പല മാധ്യമങ്ങളും

റിപ്പോർട്ട് ചെയ്യുകയുണ്ടായി.അന്നത്തെ ധനമന്ത്രി ശ്രീ.തോമസ് ഐസക് ഈ വിഷയത്തിൽ

സ്‌കൂളിനെക്കുറിച്ച് പരാമർശിക്കുകയുണ്ടായി.

*ലവ് ആൻഡ് കെയർ സ്റ്റിപ്ലാക് -3

2016 മുതൽ സ്‌കൂളിൽ ഉപയോഗം കഴിഞ്ഞ പ്ലാസ്റ്റിക് പേനകൾ സഹ്യാദ്രി പരിസ്ഥിതി ക്ലബ് നാഷണൽ

സർവീസ് സ്കീം എന്നിവയുടെ നേതൃത്വത്തിൽ ക്യാമ്പസിൽ നിന്നും ശേഖരിച്ചുവരുന്നുണ്ട്.ഒന്നരലക്ഷത്തിൽ

കൂടുതൽ പേനകൾ ഇതിനകം ശേഖരിച്ചുകഴിഞ്ഞു.കഴിഞ്ഞ വർഷം എൻ എസ് എസ് സംസ്ഥാന തലത്തിൽ

സംഘടിപ്പിച്ച മനസ്സ് - സർഗോത്സവം പരിപാടിയിൽ പ്രോഗ്രാം ഓഫീസർമാർക്കുള്ള ഇനമായ നവീന

ആശയങ്ങളുടെ അവതരണത്തിൽ പ്ലാസ്റ്റിക് പേനകളുമായി ബന്ധപ്പെട്ട വിഷയം അവതരിപ്പിക്കുകയും ഒന്നാം

സ്ഥാനം ലഭിക്കുകയും ചെയ്തിരുന്നു.ഉപേക്ഷിച്ച പ്ലാസ്റ്റിക് പേനകൾ കൊണ്ട് പെൻ സ്റ്റാൻഡ് , ലൈറ്റ് ഷേഡ്

,ഫോട്ടോ ഫ്രെയിം വാൾ ഡെക്കറേഷൻ ...തുടങ്ങിയ അലങ്കാര വസ്തുക്കൾ ഉണ്ടാക്കുന്നതിനുള്ള പരിശീലനം സംഘടിപ്പിച്ചു.

*.അക്ഷരദീപം ക്ലാസ്‌റൂം ലൈബ്രറി

വിദ്യാർത്ഥികളിൽ വായനാശീലം ഉണ്ടാക്കുന്നതിനും കൂടുതൽ പുസ്തകങ്ങളെ പരിചയപ്പെടുത്തുന്നതിനുമായി

സ്പോൺസർമാരുടെ സഹായത്തോടെ ഓരോ HSS ക്ലാസ് മുറികളിലും അക്ഷരദീപം എന്ന പേരിൽ

ബോക്സുകൾ സ്ഥാപിച്ചിരുന്നു.ഒരു ബോക്സിങ് 3000 രൂപ തോതിൽ പത്ത് ബോക്സുകൾക്കായി മൊത്തം

30000 (മുപ്പതിനായിരം രൂപ) സ്പോൺസർമാരിൽനിന്നും കണ്ടെത്താനായി.ബുക്ക് ചലഞ്ചിലൂടെ

വോളണ്ടിയർമാർ ശേഖരിച്ച കൂടുതൽ പുസ്തകങ്ങൾ ഉൾപ്പെടുത്തി ക്ലാസ് റൂം ലൈബ്രറി വിപുലമാക്കി.

പുസ്തകങ്ങൾ വിതരണം ചെയ്യുന്നതിനും അത് റെക്കോർഡ് ചെയ്യുന്നതിനും മറ്റും അതാത് ക്ലാസ്സുകളിലെ

വോളണ്ടിയർമാരെ ചുമതലപ്പെടുത്തിയിട്ടുണ്ട്.സ്‌കൂളിലെ 56 UP,HS ക്ലാസ് മുറികളിലും ഈ രീതിയിൽ

ലൈബ്രറി ബോക്സുകൾ ക്രമീകരിച്ചിട്ടുണ്ട്.വിവിധ സ്പോൺസർഷിപ്പിലൂടെ 188225 രൂപയുടെ ലൈബ്രറി

ബോക്സുകളാണ് സ്‌കൂളിൽ എല്ലാ ക്ലാസ് മുറികളിലിമായി ക്രമീകരിച്ചത്.സ്‌കൂളിൽ നല്ലൊരു ലൈബ്രറി

കെട്ടിടം ഇല്ല എന്ന പരിമിതി ഈ രീതിയിലാണ് മറികടന്നത്,കുട്ടികളിലേക്ക് പുസ്തകങ്ങൾ എളുപ്പത്തിൽ

എത്തിക്കാനും ഇത് സഹായിക്കുന്നു.

*പുസ്തകത്തണൽ ഓപ്പൺ ലൈബ്രറി

ലോഡിങ് തൊഴിലാളികൾക്കും ഓട്ടോ തൊഴിലാളികൾക്കും വ്യാപാരികൾക്കും ഒഴിവുസമയം

പുസ്തകങ്ങളുമായി ഇടപഴകുന്നതിനായി എൻ എസ് എസ് യൂണിറ്റിന്റെ നേതൃത്വത്തിൽ കോട്ടപ്പള്ള

അങ്ങാടിയിൽ പുസ്തകത്തണൽ എന്ന പേരിൽ ഒരു ലൈബ്രറി സ്ഥാപിച്ചു.ബുക്ക് ചാലഞ്ചിലൂടെ

വോളണ്ടിയർമാർ ശേഖരിച്ച നൂറോളം പുസ്തകങ്ങൾ വായനക്കായി ലൈബ്രറിയിൽ വച്ചിട്ടുണ്ട്.

*സമദർശൻ - നാടക ശില്പശാല

വിദ്യാർത്ഥികൾക്കിടയിൽ ലിംഗസമത്വത്തിന്റെ സന്ദേശം എത്തിക്കുന്നതിനായി നാടകശില്പശാല

സംഘടിപ്പിച്ചു.അഗളി സർക്കാർ സ്‌കൂൾ അദ്ധ്യാപിക സിന്ധു ടീച്ചറും മകളും ഏഴാം ക്ലാസ്

വിദ്യാർത്ഥിനിയുമായ മിത്രയുമാണ് നാടകശില്പശാലക്ക് നേതൃത്വം നൽകിയത്.

*കൂൺ കൃഷി

കോവിഡ് കാരണം അടച്ചിട്ട ക്ലാസ് മുറികളിൽ കൂൺ കൃഷി ആരംഭിച്ചു.കർഷകനായ വെളുത്തേടത്ത്

ശിഹാബുദീൻ പരിശീലനം നൽകി.മുണ്ടൂർ IRTCയിൽ നിന്നും കൊണ്ടുവന്ന വിത്തുപയോഗിച്ച്

ശാസ്ത്രീയമായ രീതിയിലാണ് കൃഷി തുടങ്ങിയത്.വാർഡ് മെമ്പർ ശ്രീ.അക്‌ബറലി പാറോക്കോട്

വിളവെടുപ്പിന്റെ ഉദ്‌ഘാടനം നിർവഹിച്ചു.

*ഹരിതം - ജൈവ കൃഷി.

എടത്തനാട്ടുകര കോട്ടപ്പള്ള ദാറുസ്സലാം മസ്ജിദ് സ്‌കൂളിന് കൃഷിചെയ്യാനായി വിട്ടുനൽകിയ ഒരേക്കറോളം

വരുന്ന സ്ഥലത്ത് മുളക് കപ്പ ചേമ്പ് ചേന മഞ്ഞൾ കൂവ കൂർക്ക കാച്ചിൽ എന്നിവ കൃഷിചെയ്തുവരുന്നു.

വിളവെടുപ്പിൽ ലഭിക്കുന്ന മഞ്ഞൾ കൂവ എന്നിവ വോളണ്ടിയർമാർ തന്നെ സംസ്കരിച്ച് വിപണനം

നടത്തുന്നു.ഇതിലൂടെ എൻ എസ് എസ് പ്രവർത്തനങ്ങൾക്കുള്ള സാമ്പത്തികം കണ്ടെത്തുന്നു.മറ്റുള്ള

വിളവുകൾ സ്‌കൂൾ ഉച്ചഭക്ഷണത്തിലേക്കോ ആവശ്യക്കാർക്കോ നൽകുന്നു. കാർഷികവൃത്തിയെക്കുറിച്ച്

അറിവ് നല്കാൻ ഈ പ്രവർത്തനങ്ങൾക്ക് കഴിയുന്നു.

*പാടത്തൊരു പാഠം

എൻ എസ് എസ് വോളണ്ടിയറുടെ കൃഷിയിടത്തിലെ കൊയ്ത്തുത്സവത്തിൽ പങ്കാളിയാകളായി.

*പൊതു സ്ഥാപനങ്ങൾ സന്ദർശനം

സാമൂഹിക ഉൾച്ചേർക്കൽ ലക്ഷ്യമിട്ടുകൊണ്ട് ഭിന്നശേഷി വിദ്യാർഥികൾ പൊതു സ്ഥാപനങ്ങൾ സന്ദർശിച്ചു.

2019 ഒക്ടോബർ മാസം നടത്തിയ യാത്രയിൽ മണ്ണാർക്കാട് പോലീസ് സ്റ്റേഷൻ ഫയർ സ്റ്റേഷൻ കരിമ്പുഴ

നെയ്ത്ത് ഗ്രാമം ബാപ്പുജി പാർക്ക് എന്നിവിടങ്ങൾ സന്ദർശിച്ചു. ഭിന്നശേഷിക്കാരും സഹപാഠികളും അധ്യാപകരും

ചേർന്ന് നടത്തിയ യാത്ര കുട്ടികളുടെ ആത്മവിശ്വാസം വളർത്തുന്നതിന് പ്രചോദനമേകി. സ്കൂൾ പിടിഎയുടെയും

അധ്യാപകരുടെയും പൂർണ്ണ പിന്തുണയോടെ നടത്തിയ യാത്രയിൽ 25 ഭിന്നശേഷി കുട്ടികളും അവരുടെ സഹപാഠികളും പങ്കെടുത്തു.

*കോവിഡ് കാലവും പാട്ടും

കോവിഡ് കാലത്ത് വിദ്യാർത്ഥികൾക്ക് ഓൺലൈൻ സംവിധാനത്തിലൂടെ പഠനസൗകര്യം കിട്ടി.

പറനത്തോടൊപ്പം അവരിൽ ഉള്ള കലാവാസനകൾ പുറത്ത് കൊണ്ടുവരാനും അത് അവതരിപ്പിക്കാനും

ഒരു വേദി എന്ന നിലയിൽ "സ്റ്റുഡന്റസ് മ്യൂസിക് "എന്ന പേരിൽ 20-21 അധ്യയന വർഷം

ജൂലൈ മാസത്തിൽ മ്യൂസിക് ഗ്രൂപ്പ്‌ആരംഭിച്ചു.കുട്ടികളും രക്ഷിതാക്കളും അവരവരുടെ കലാപരമായ

കഴിവുകൾ ഗ്രൂപ്പിൽ അവതരിപ്പിച്ചു.ഗ്രൂപ്പിൽ കോവിഡ് അവധിക്കാലത്ത് ഓൺലൈൻ ആയി

വിവിധ മത്സരങ്ങൾ സംഘടിപ്പിച്ചു.കുട്ടികളുടെ പങ്കാളിത്തവും രക്ഷിതാക്കളുടെ സഹകരണവും ഗ്രൂപ്പിൽ സജീവമായി ഉണ്ട്.

*പുസ്തക വണ്ടി

കോവിഡ്ക്കാലത്ത് സ്‌ക്കൂളിൽ വെച്ച് പാഠപുസ്തകങ്ങൾ വിതരണം ചെയ്യാൻ സാധിക്കാതെ വപ്പോൾ

സ്‌ക്കൂളിലെ അധ്യാപകരുടെ നേതൃത്വത്തിൽ എല്ലാ ക്ലാസിലേയും പാഠപുസ്തകങ്ങൾ സ്‌ക്കൂൾ ബസ് ഉപയോഗിച്ച്

എല്ലാ കുട്ടികളുടെയും വീട്ടിലേക്ക് എത്തിച്ച് കൊടുത്ത ഒരു പദ്ധതിയാണ് പുസ്തക വണ്ടി.

*ഓൺലൈൻ ‍ സർഗോൽസവങ്ങൾ

കോവിഡ് കാലത്ത് വീട്ടിലിരിക്കു വിദ്യാർത്ഥികളുടെ മാനസിക പിരിമുറുക്കം ഇല്ലാതാക്കുക, കലാപരമായ

കഴിവുകൾ പ്രകടിപ്പിക്കുതിന് അവസരമൊരുക്കുക എീ ലക്ഷ്യങ്ങളോടെ നല്ലപാഠം യൂണിറ്റിനു കീഴിൽ വിവിധ

ക്ലാസ്സുകൾക്കായി ഓലൈൻ സർഗോൽസവങ്ങൾ സംഘടിപ്പിച്ചു.സമന്വയ അവാർഡ് ജേതാവും

സ്‌കൂളിലെ ഒമ്പതാം ക്ലാസ് വിദ്യാർത്ഥിനിയുമായ ഒ. അഫ്‌നാൻ അൻവർ, എഴുത്തുകാരായ അബു ഇരിങ്ങാട്ടിരി,

സീനത്ത് അലി തുടങ്ങിയർ വിവിധ ക്ലാസ്സ് ഓലൈൻ സർഗോൽസവങ്ങൾ ഉൽഘാടനം ചെയ്തു.ഓൺലൈൻ ‍

സർഗോൽസവത്തിലെ മികച്ച കലാപ്രകടനങ്ങൾ സ്‌കൂൾ യുട്യൂബിലൂടെ ലൈവ് ടെലിക്കാസ്റ്റ് ചെയ്തിരുന്നു.

സ്‌കൂളിലെ എൻ എസ് എസ് യൂണിറ്റിന്റെ നേതൃത്വത്തിൽ മനസ് എന്ന പേരിൽ ഓൺലൈൻ സർഗോ

*നല്ലപാഠം തുണി സഞ്ചി

പ്ലാസ്റ്റിക് സഞ്ചികൾ പ്രകൃതിക്ക് വരുത്തു ദോഷങ്ങളെക്കുറിച്ച് ബോധവൽക്കരിക്കുക, വിദ്യാർഥികളിൽ

പരിസ്ഥിതി സ്‌നേഹം ഊ'ിയുറപ്പിക്കുക എീ ലക്ഷ്യങ്ങളോടെ സ്‌കൂളിൽ മലയാള മനോരമ നല്ലപാഠം

പദ്ധതിയുടെ ഭാഗമായി തുണി സഞ്ചി വിപണിയിലിറക്കി.സ്‌കൂളിലെ മലയാള മനോരമ നല്ലപാഠം യൂണിറ്റ്

സ്‌കൂളിലെ സഹ്യാദ്രി പരിസ്ഥിതി ക്ലബ്ബുമായി സഹകരിച്ചാണ് തുണി സഞ്ചികൾ വിതരണം ചെയ്തത്.

ഭിശേഷിക്കാരായ മക്കളുടെ അമ്മമാർ നിർമ്മിച്ച തുണി സഞ്ചികൾ അധ്യാപകർ, വിദ്യാർഥികൾ, രക്ഷിതാക്കൾ

എിവർക്കിടയിൽ വിതരണം ചെയ്തു. ഇതിലൂടെ ലഭിച്ച മുഴുവൻ തുകയും ഭിശേഷിക്കാർക്കിടയിൽ വിതരണം ചെയ്തു.

*റീ ടേക്ക് ലഹരി വിരുദ്ധ സദസ്സ്

ലഹരി വിരുദ്ധ ബോധവൽക്കരണത്തിന്റെ ഭാഗമായി യൂണിറ്റിന് കീഴിൽ ലഹരി വിരുദ്ധ സദസ്സ് സംഘടിപ്പിച്ചു മുൻ

എക്സൈസ് കമ്മീഷണർ ശ്രീ ഋഷിരാജ് സിംഗ് പരിപാടിയുടെ ഔപചാരിക ഉദ്ഘാടനം നിർവഹിച്ച് കുട്ടികളുമായി

സംവദിച്ചു. ലഹരി വിരുദ്ധ പോരാട്ടത്തിൽ ഉൾക്കാഴ്ച ലഭിക്കുവാനും ആവേശവും കരുത്തും നേടാനും ഈ പരിപാടി സഹായിച്ചു.

*അക്ഷരത്തിളക്കം

കോവിഡ് കാലത്തെ പഠന വിടവ് നികത്താൻ വേണ്ടി ആരംഭിച്ച സ്‌ക്കൂളിന്റെ തനതു പദ്ധതിയാണ്

അക്ഷരത്തിളക്കം . എല്ലാ കുട്ടികൾക്കും പ്രി ടെസ്റ്റ് നടത്തി 75 കുട്ടികളെ തെരെഞ്ഞെടുത്ത് മ‍ൂന്ന്

ബാച്ച‍ുകളാക്കി (രാവിലെ , ഉച്ചയ്ക്ക് , വൈകുരേം ) എന്നീ സമയങ്ങളിൽ ചിട്ടയായ പരിശീലനം നടത്തി.

ഇതിൽ നിന്നും പഠന പുരോഗതി കൈവരിച്ച കുട്ടികൾക്ക് പ്രത്യേക പ്രവർത്തനങ്ങൾ നൽകി ക്ലാസ്

ടീച്ചേഴ്‌സ് മോണിറ്റർ ചെയ്യുകയും ബാക്കിയുള്ള 30 കുട്ടികൾക്ക് ഉച്ച സമയത്ത് പരിശീലനം നൽകി വരുന്നു.

*സ്വീറ്റ് ഇംഗ്ലീഷ് പദ്ധതി

വിദ്യാർത്ഥികളുടെ ഇംഗ്ലീഷ് ഭാഷാ പഠനം എളുപ്പമുള്ളതാക്കുക, ഇംഗ്ലീഷ് പഠനം കൂറ്റുതൽ ജീവസ്സുറ്റതാക്കുക

എീ ലക്ഷ്യങ്ങളോടെ യു.പി.വിഭാഗം ഇംഗ്ലീഷ് ക്ലബ്ബിനു കീഴിൽ ആരംഭിച്ച പദ്ധതിയാണ് സ്വീറ്റ് ഇംഗ്ലീഷ് പദ്ധതി.

യു.പി.വിഭാഗം അധ്യാപകരുടെ നേതൃത്വത്തിൽ ഇതിനായി കൈപുസ്തകം രചിക്കുകയും അത് വെച്ച് വിദ്യാർത്ഥികൾക്ക്

പഠന പ്രവർത്തനങ്ങൾ നൽകുകയും ചെയ്യുന്നു.സ്‌കൂൾ ഓഡിറ്റോറിയത്തിൽ നടന്ന ചടങ്ങിൽ വെച്ച്

പ്രധാനാധ്യാപകൻ എൻ. അബ്ദുാസർ സ്വീറ്റ് ഇംഗ്ലീഷ് കൈപുസ്തകം പ്രകാശനം ചെയ്തു.

*സ്പെഷ്യൽ കെയർ സെന്റർ

ഭിന്നശേഷിക്കാരായ കുട്ടികൾക്ക് അധിക പിന്തുണ നൽകുക എന്ന ലക്ഷ്യമിട്ട് 2021 ജനുവരിയിൽ സ്പെഷ്യൽ

കെയർ സെന്റർ പ്രവർത്തനം ആരംഭിച്ചു. ശനിയാഴ്ചകളിൽ ഈ വിദ്യാലയത്തിലെയും ഫീഡർ സ്കൂളുകളി

ലെയും കുട്ടികളെ ഉൾപ്പെടുത്തിയാണ് കേന്ദ്രത്തിൽ പാഠ്യ പാഠയതര പ്രവർത്തനങ്ങൾക്ക് പരിശീലനം

നൽകി വരുന്നത്. വിദ്യാലയത്തിലെ റിസോഴ്സ് റൂം പ്രയോജനപ്പെടുത്തിക്കൊണ്ട് സ്പെഷൽ എഡ്യൂക്കേറ്ററുടെ

നേതൃത്വത്തിൽ നിശ്ചിത എണ്ണം വിഭാഗം തിരിച്ച് കുട്ടികൾക്ക് അധിക പിന്തുണ നൽകിവരുന്നു നൽകി വരുന്നു.

*ഗൃഹാധിഷ്ഠിത വിദ്യാഭ്യാസം

സ്കൂളിൽ സ്ഥിരമായി വരാൻ സാധിക്കാത്ത കുട്ടികൾക്ക് ബുധനാഴ്ചകളിൽ വിദ്യാലയത്തിലെ സ്പെഷ്യൽ

എജുക്കറ്ററും നിശ്ചിത ഇടവേളകളിൽ വിഷയ അധ്യാപകരും വീട്ടിലെത്തി പഠനത്തിൽ സഹായിച്ചു വരുന്നു.

വ്യക്തിഗത വിദ്യാഭ്യാസവും പാഠപുസ്തകം അടിസ്ഥാനമാക്കിയുള്ള പഠന പ്രവർത്തനങ്ങളും കുട്ടികളിൽ

ഗണ്യമായ പുരോഗതി കൈവരിക്കാൻ സഹായിക്കുന്നു.

*സിവിൽ സർവീസ് സ്വപ്നങ്ങൾക്ക് അടിത്തറ പാകാൻ സ്റ്റെപ്സ്

വളർന്നുവരുന്ന നമ്മുടെ മക്കളെ സിവിൽ സർവീസ് എന്ന മഹത്തായ ലക്ഷ്യം പൂവണിയിക്കാൻ വിദ്യാലയം

നടപ്പിലാക്കുന്ന ഏറ്റവും ശ്രദ്ധേയമായ തനത് മുന്നൊരുക്കമാണ് സ്റ്റെപ്‍സ് അഥവാ. (സ്റ്റുഡന്റസ് ടാലെന്റ്റ് എമ്പവർമെന്റ് സ്കീം ).

യൂ. പി, ഹൈസ്കൂൾ വിഭാഗങ്ങളിൽ നിന്ന് പ്രത്യേക വിഷയങ്ങളിൽ അഭിരുചി പരീക്ഷ നടത്തി

40 വീതം കുട്ടികളെ കണ്ടെത്തി. പ്രസ്തുത കുട്ടികൾക്കും രക്ഷിതാക്കൾക്കും ഒരു ബോധവൽക്കരണ

സെഷൻ സംഘടിപ്പിച്ചു.ഈ ബാച്ചുകളുടെ ഉദ്ഘാടനം 02- 08-2019 10 മണിക്ക് ബഹുമാനപ്പെട്ട

മണ്ണാർക്കാട് ബ്ലോക്ക് പഞ്ചായത്ത് പ്രസിഡണ്ട് ശ്രീ ഒ പി ശരീഫ് നിർവഹിച്ചു.അട്ടപ്പാടി ഗവൺമെന്റ്

കോളേജ് അസിസ്റ്റന്റ് പ്രൊഫസർ അബ്ദുറഹിമാൻ ആലങ്ങാടൻ ബോധവൽക്കരണ ക്ലാസ് നടത്തി.

2019 ഒക്ടോബർ 3 മുതൽ 2020 ഫെബ്രുവരി 22 വരെ. ഓരോ ആഴ്ചയിലും ക്ലാസുകൾ നടന്നു

ഓൺലൈൻ പഠനകാലത്ത് ഓരോ ദിവസവും വ്യത്യസ്ത വിഷയങ്ങളിൽ ഓരോ പാഠഭാഗങ്ങൾ നൽകി

അന്നുതന്നെ പത്തു ചോദ്യങ്ങൾ ഗൂഗിൾ ഫോമിലൂടെ നൽകി ക്ലാസുകളുടെ തുടർച്ച നടത്തി. സ്കൂൾ

തുറന്നതിനു ശേഷം എല്ലാ ശനിയാഴ്ചകളിലും പൊതു അവധി ദിവസങ്ങളിലും രണ്ടുമണിമുതൽ 4 15 വരെ

വ്യത്യസ്ത വിഷയങ്ങളിൽ വിദഗ്ധരായ അധ്യാപകരുടെ ക്ലാസുകളും4 15 മുതൽ 5 മണി വരെ OMR

മാതൃകയിലുള്ള പരീക്ഷയും നടത്തുന്നുഓരോ ദിവസത്തെയും പരീക്ഷയിൽ ക്ലാസുകളിൽ എടുത്ത അതാത്

പാഠഭാഗങ്ങളും പ്രസ്തുത ആഴ്ചയിലെ ആനുകാലിക സംഭവ വികാസങ്ങളും യുക്തിചിന്തയും മാനസികശേഷിയും

പരിശോധിക്കുന്നതിനുള്ള ചോദ്യങ്ങളും ഉൾപ്പെടുത്തുന്നു.കുട്ടികളിൽ മത്സരബുദ്ധിയും താല്പര്യവും വർദ്ധിപ്പിക്കുന്നതിനായി

സ്റ്റാർ ഓഫ് ദ വീക്ക് പുരസ്കാരവും ഓരോ മാസവും നൽകപ്പെടുന്ന പാഠഭാഗങ്ങൾ ഉൾപ്പെടുത്തി സ്റ്റാർ ഓഫ് ദി മന്ത്

പുരസ്കാരവും നൽകുന്നു.ഓരോ പ്രത്യേക ദിനാചരണങ്ങളുമായി ബന്ധപ്പെട്ട ക്വിസ് മത്സരങ്ങളിലും മറ്റു അധ്യാപക

സംഘടനകളും പൊതു സ്ഥാപനങ്ങളും നടത്തുന്ന ക്വിസ് മത്സരങ്ങളിലും സ്റ്റെപ്സ് ക്ലാസിലെ വിദ്യാർത്ഥികൾ

നിരന്തരം ഉന്നത സ്ഥാനങ്ങൾ കൈവരിച്ചിട്ടുണ്ട്.സ്റ്റെപ്സിൽ അംഗമായ മുഹമ്മദ്റയാൻ.പി എന്ന വിദ്യാർത്ഥി

ദേശാഭിമാനി അക്ഷരമുറ്റം ക്വിസ്സിൽ സംസ്ഥാനതലത്തിൽUP യുപി വിഭാഗത്തിൽ ഉന്നത വിജയവും

ക്യാഷ് അവാർഡുംകെ പി എസ് ടി എ നടത്തിയ സ്വദേശി സ്വദേശ് ക്വിസ്സിൽ സംസ്ഥാനതലത്തിൽ

രണ്ടാം സ്ഥാനവും ക്യാഷ് അവാർഡും നേടി.ഇത്തരത്തിൽ വിവിധ ക്വിസ് മത്സരങ്ങളിലും എഴുത്ത് പരീക്ഷകളിലും

ഉന്നത വിജയങ്ങൾ നേടുന്നതിന് സ്റ്റെപ്സ് വഹിക്കുന്ന പങ്ക് ഏറ്റവും ശ്ലാ ഗനീയമാണെന്ന് മുഴുവൻ രക്ഷിതാക്കളും

സിപിടി എ കളിലും ജനറൽ ബോർഡികളിലും അഭിപ്രായപ്പെടാറുണ്ട്ഓരോ ദിവസത്തെയും പരീക്ഷകളിൽ

അപ്പപ്പോൾ ടോപ്സ്കോറർമാർ ആകുന്ന കുട്ടികൾക്ക്അപ്പോൾ ലഭ്യമായ ജനപ്രതിനിധികളെയും

പിടിഎ എക്സിക്യൂട്ടീവ് അംഗങ്ങളെയും ഉൾപ്പെടുത്തി അനുമോദനങ്ങൾ നൽകി വരുന്നു.

ഇതിനും പുറമേ വർഷങ്ങളായിദേശീയതല എൻ.എം എം. എസ് സ്കോളർഷിപ്പ് പരീക്ഷകളിൽ പാലക്കാട്ജി

ല്ലയിൽ നമ്മുടെ സ്കൂളിന് ഗവൺമെന്റ് സ്കൂൾ വിഭാഗങ്ങളിൽ ഒന്നാം സ്ഥാനം നിലനിർത്തുന്നതിന് സ്റ്റെപ്സ് വളരെ

നിർണ്ണായകമായ പിന്തുണ നൽകുന്നുവെന്ന് രക്ഷിതാക്കൾ ഒന്നടങ്കം വിലയിരുത്തുന്നു

നിലവിൽ യുപി ഹൈസ്കൂൾ വിഭാഗങ്ങളിൽ നിന്നായി തിരഞ്ഞെടുക്കപ്പെട്ട 80 വിദ്യാർഥികൾ സ്റ്റെപ്സിൽ അംഗങ്ങളാണ്.

തങ്ങളുടെ സ്വപ്നസാക്ഷാത്കാരമായ സിവിൽ സർവീസ് നേടിയെടുക്കാൻ കുട്ടികളെ പ്രാപ്തരാക്കാൻ

അധ്യാപകരുടെയും രക്ഷിതാക്കളുടെയും നാട്ടുകാരുടെയും പൂർവ്വ വിദ്യാർത്ഥികളുടെയും അകമഴിഞ്ഞ

പിന്തുണയും സഹകരണവും വിലപ്പെട്ട നിർദ്ദേശങ്ങളും STEPS ന് എന്നും പ്രചോദനമേകുന്നു.

*മാത്‍സ് ക്ലിനിക്

കുട്ടികൾക്ക് ഗണിതവുമായി ബന്ധപ്പെട്ട സംശയങ്ങൾ പരിഹരിക്കുന്നതിനായി എല്ലാ വെള്ളിയാഴ്ചകളിലും

മാത്‍സ് ക്ലിനിക് നടന്നുവരുന്നു.കുട്ടികൾക്ക് അവരുടെ പാഠഭാഗയുമായി ബന്ധപ്പെട്ട സംശയങ്ങൾ

അധ്യാപകരുടെ സഹായത്തോടെ പരിഹരിക്കുന്നു.

*പെൺകുട്ടികൾക്കും ആൺകുട്ടികൾക്കും നീന്തൽ പരിശീലനം

*ഒരു വയറൂട്ടാം

വിദ്യാലയങ്ങൾ അടഞ്ഞുകിടന്ന കോവിഡ് മഹാമാരി കാലത്ത് ഈ വിദ്യാലയത്തിലെ SPC

കേഡറ്റുകൾ, സംസ്ഥാനതലത്തിൽ തന്നെ ശ്രദ്ധേയമായ "ഒരു വയറൂട്ടാം" പ്രോജക്റ്റിന്റെ

ഭാഗമായി ഓരോ കേഡറ്റ്സിന്റെയും വീടിനടുത്തുള്ള അശരണർക്ക് ഭക്ഷണപ്പൊതികൾ

എത്തിച്ചും ഭക്ഷണ കിറ്റുകൾ വിതരണം ചെയ്തും നാട്ടിലെ കണ്ണിലുണ്ണികളായി മാറി.

*സമൂഹ പങ്കാളിത്തത്തോടെ ജൈവകൃഷി

കോവിഡ് കാലത്തുതന്നെ വിദ്യാലയത്തിന്റെ പുറകിലായി എടത്തനാട്ടുകര ദാറുസ്സലാം ജുമാ മസ്ജിദ്

കമ്മിറ്റി കൃഷി ചെയ്യാൻ അനുവദിച്ചു നൽകിയ അര ഏക്കർ സ്ഥലത്ത് കേഡറ്റുകൾ ഗാർഡിയൻ

SPCയുടെ സഹകരണത്തോടെ ജൈവകൃഷി നടത്തുകയും, വിളവെടുപ്പിൽ നിന്നും ലഭിച്ച ലാഭം

സ്കൂളിലെ തന്നെ സ്കൗട്ട് ആൻഡ് ഗൈഡ് യൂണിറ്റിന്റെ സ്നേഹ ഭവനം പദ്ധതിയിലേക്ക് സംഭാവന ചെയ്യുകയും ചെയ്തു.

*ഫ്രണ്ട്സ് അറ്റ് ഹോം

ടാബ് ചലഞ്ച്, റീചാർജ് ചലഞ്ച് എന്നിവയിലൂടെ ഓൺലൈൻ പഠനത്തിന് ബുദ്ധിമുട്ട് അനുഭവിച്ചിരുന്ന

സഹപാഠികൾക്ക് താങ്ങാവാൻ സ്കൂളിലെ എസ് പി സി യൂണിറ്റിന് കഴിഞ്ഞു. ഫ്രണ്ട്സ് അറ്റ് ഹോം

പദ്ധതിയുടെ ഭാഗമായി സ്കൂളിലെ തന്നെ ഭിന്നശേഷി കൂട്ടുകാർക്ക് ഓണപ്പുടവകളും പഠന കിറ്റുകളും

അവരുടെ വീടുകളിൽ എത്തി വിതരണം ചെയ്തു

*ചേർത്തു പിടിക്കാം

കുട്ടികളിൽ സഹജീവി സ്നേഹം, അനുകമ്പ എന്നീ ഗുണങ്ങൾ വളർത്തുന്നതിന്റെ ഭാഗമായി, പാണ്ടിക്കാട്

സൽവ കെയർ ഹോം എന്ന വൃദ്ധസദനത്തിലേക്ക് ഫീൽഡ് ട്രിപ്പ് സംഘടിപ്പിക്കുകയും അവിടുത്തെ

അന്തേവാസികളോട് ഒന്നിച്ച് ഭക്ഷണം കഴിച്ച് കലാപരിപാടികൾ അവതരിപ്പിച്ച് മണിക്കൂറുകളോളം

ചെലവഴിക്കുകയും ചെയ്തത് കേഡറ്റുകൾക്ക് വേറിട്ട ഒരു അനുഭവമായി

*അവധിക്കാല ക്യാമ്പുകൾ

എസ് പി സിപദ്ധതി ഈ വിദ്യാലയത്തിൽ ആരംഭിച്ചത് മുതൽ എല്ലാ അവധിക്കാല ക്യാമ്പുകളും വളരെ

മുന്നൊരുക്കത്തോടെ കേഡറ്റുകൾക്ക് ആസ്വാദ്യകരമായ രീതിയിൽ ഭംഗിയായി നടത്താൻ കഴിഞ്ഞിട്ടുണ്ട്.

ഈ ക്യാമ്പുകളുടെ വിജയത്തിൽ ഗാർഡിയൻ SPCയുടെയും രക്ഷിതാക്കളുടെയും സഹായ സഹകരണങ്ങൾ

എടുത്തു പറയേണ്ട ഒന്നുതന്നെയാണ്.

*നേച്ചർ ക്യാമ്പുകൾ

വിദ്യാർത്ഥികളിൽ പ്രകൃതിസ്നേഹം വളർത്തുക എന്ന എസ് പി സി ലക്ഷ്യം മുൻനിർത്തി സംസ്ഥാന വനം വകുപ്പിന്റെ

നടന്ന ക്യാമ്പുകളിൽ പങ്കെടുക്കുകയുണ്ടായിഎടത്തനാട്ടുകര: വിദ്യാർഥികളിൽ പരിസ്ഥിതി സ്നേഹം ഊട്ടിയുറപ്പിക്കുക,

വന്യജീവി സങ്കേതങ്ങളെക്കുറിച്ച്‌ അവബോധം സൃഷ്ടിക്കുക എന്നീ ലക്ഷ്യങ്ങളോടെ എടത്തനാട്ടുകര ഗവ.ഓറിയന്റൽ

ഹയർ സെക്കന്ററി സ്കൂൾ സഹ്യാദ്രി പരിസ്ഥിതി ക്ലബ്ബിനു കീഴിൽ അട്ടപ്പാടി സൈലന്റ്‌ വാലിയിൽ ത്രിദിന നേച്ചർ

ക്യാമ്പ്‌ സംഘടിപ്പിച്ചു. സൈലന്റ്‌ വാലി നാഷണൽ പാർക്ക്‌ ഫോറസ്റ്റ്‌ ഡിവിഷനാണ്‌ വിദ്യാർഥികൾക്കായി ക്യാമ്പ്‌ ഒരുക്കിയത്‌.

*എസ് പി സി എഗൈൻസ്റ്റ് അഡിക്ഷൻ

വേറിട്ട ലഹരി വിരുദ്ധ പ്രവർത്തനങ്ങൾ കൊണ്ട് ശ്രദ്ധേയമാണ് ഈ വിദ്യാലയത്തിലെ എല്ലാ സന്നദ്ധ സംഘടനകളും.

ഫ്ലാഷ് മോബ്, mime, പൊതുജന പങ്കാളിത്തത്തോടുകൂടിയുള്ള റാലികൾ എന്നിവ അവയിൽ ചിലത് മാത്രം

SPCപദ്ധതി ഈ വിദ്യാലയത്തിൽ വന്നതിനുശേഷം നടന്ന സ്വാതന്ത്ര്യ ദിന / റിപ്പബ്ലിക് ദിന ആഘോഷ പരിപാടികൾ,

പ്രത്യേകിച്ച് SPC കേഡറ്റുകളുടെ നേതൃത്വത്തിൽ നടക്കുന്ന പരേഡ് ഈ വിദ്യാലയം സ്ഥിതി ചെയ്യുന്ന

കൊച്ചു ഗ്രാമവാസികൾക്ക് വേറിട്ട കാഴ്ചകൾ സമ്മാനിക്കുന്നതായി. ചുരുക്കത്തിൽ SPC പ്രോജക്ട് ഈ

വിദ്യാലയത്തിന്റെയും ഈ നാടിന്റെയും മുഖച്ഛായ തന്നെ മാറ്റിമറിച്ചിട്ടുണ്ടെന്ന് നിസംശയം പറയാം .

*റോഡ് വാക്ക് ആൻഡ് റൺ

എസ് പി സി ഫിസിക്കൽ ട്രെയിനിങ്

*കരാട്ടെ പരിശീലനം

2015 -16 അധ്യയന വർഷത്തിൽ ഹയർ സെക്കന്ററി ഡയറക്ടറേറ്റിന്റെ കീഴിൽ, പ്ലസ് വൺ

വിദ്യാർത്ഥിനികൾക്കാ യുള്ള സ്വയരക്ഷാ പരിശീലന പരിപാടിയായ 'കരുത്ത് ' പ്രോഗ്രാം ആരംഭിച്ചു.

2016-17 അധ്യയന വർഷവും ഈ പരിശീലന പരിപാടി തുടരുകയും ഇതോടൊപ്പം ഹൈ സ്കൂൾ

വിദ്യാർത്ഥിനികൾക്ക് കൂടി സൗജന്യമായി പരിശീലനം നൽകുകയും ചെയ്തു. തുടർന്നുള്ള വർഷങ്ങളിൽ

ജില്ലാ പഞ്ചായത്തിന്റെയും എസ് എസ് കെ യുടെയും സഹകരണത്തോടെ പെൺകുട്ടികൾക്കുള്ള

സ്വയരക്ഷാ പരിശീലന പരിപാടികളും സ്കൂളിൽ സംഘടിപ്പിച്ചു. നിലവിൽ ജില്ലാ പഞ്ചായത്തിന്റെ

സഹകരണത്തോടെ പരിശീലന പരിപാടി നടന്നുകൊണ്ടിരിക്കുന്നു. ഈ പരിപാടിയിലൂടെ ഇരുന്നൂറിൽ

കൂടുതൽ പെൺകുട്ടികൾക്ക് പരിശീലനം നൽകാൻ സാധിച്ചു. കുട്ടികളെ സ്കൂൾ കരാട്ടെ ഗെയിംസ്,

കരാട്ടെ അസോസിയേഷൻ നടത്തുന്ന അംഗീകൃത മത്സരങ്ങൾ എന്നിവയിൽ പങ്കെടുപ്പിക്കുകയും

സംസ്ഥാന തലത്തിൽ മെഡലുകൾ നേടുകയും ചെയ്തു. സ്കൂളിലെ 3 വിദ്യാർത്ഥിനികൾ, അലൻ

തിലക് കരാട്ടെ സ്കൂൾ സംഘടിപ്പിച്ച ടെസ്റ്റിൽ പങ്കെടുത്ത് ബ്ലാക്ക് ബെൽറ്റ്‌ നേടി. നാഷണൽ കോച്ചും

ഏഷ്യൻ കരാട്ടെ ഫെഡറേഷൻ ജഡ്ജുമായ സെൻസി അബ്ദുൽ അസീസിന്റെ നേതൃത്വത്തിലാണ് പരിശീലനം നടന്നുകൊണ്ടിരിക്കുന്നത്.

*നാടക ശില്പശാല

വിദ്യാർത്ഥികൾക്കിടയിൽ ലിംഗസമത്വത്തിന്റെ സന്ദേശം എത്തിക്കുന്നതിനായി നാടകശില്പശാല

സംഘടിപ്പിച്ചു.അഗളി സർക്കാർ സ്‌കൂൾ അദ്ധ്യാപിക സിന്ധു ടീച്ചറും മകളും ഏഴാം ക്ലാസ്

വിദ്യാർത്ഥിനിയുമായ മിത്രയുമാണ് നാടകശില്പശാലക്ക് നേതൃത്വം നൽകിയത്.

*പഠന-വിനോദ യാത്ര സംഘടിപ്പിച്ചു.

പ്രകൃതിയുടെ മാറ്റങ്ങളെ തൊട്ടറിഞ്ഞ ഒരു യാത്ര.മാനസിക ഉല്ലാസം പ്രകൃതി പഠനം തുടങ്ങിയ

ലക്ഷ്യം വെച്ച് എല്ലാ വർഷവും വിദ്യാർത്ഥികളും അധ്യാപകരും സംഘടിപ്പിക്കാറുണ്ട്ഈ

വർഷത്തെ തേനി കമ്പം യാത്ര വളരെ മനോഹരമായിരുന്നു

*മോട്ടിവേഷൻ ക്ലാസ്സ്‌ സംഘടിപ്പിച്ചു

പത്താം ക്ലാസ്സ്‌ വിദ്യാർത്ഥികൾക്ക്

പരീക്ഷയെ നേരിടുന്നതിൽ ആത്മവിശ്വാസം പകരുക എന്ന ലക്ഷ്യം മുൻനിർത്തി

പരീക്ഷ മാർഗനിർദേശക ക്ലാസ്സ്‌ നടത്തി.സ്കൂൾ സ്റ്റാഫ്‌ കൗൺസിലിന്റെയും 1990-91

എസ്‌.എസ്‌.എൽ.സി. ബാച്ച്‌ അലുമ്നി അസ്സോസിയേഷന്റേയും സംയുക്ത

ആഭിമുഖ്യത്തിൽ ആണ് ക്ലാസ്സ്‌ നടത്തിയത്.

*ഹൃദ്യം' അധ്യാപക പഠന യാത്ര

വിദ്യാലയത്തിന്റെ പ്രവർത്തനങ്ങളിൽ എല്ലാ അധ്യാപകരുടേയും സമ്പൂർണ്ണ സഹകരണം ഉറപ്പു വരുത്തുന്നതിന്‌

മനസ്‌ ഇണക്കം വരുത്തുക എന്ന ലക്ഷ്യത്തോടെ സ്കൂളിഅധ്യാപക പഠന യാത്ര

വിദ്യാലയത്തിന്റെ പ്രവർത്തനങ്ങളിൽ എല്ലാ അധ്യാപകരുടേയും സമ്പൂർണ്ണ സഹകരണം ഉറപ്പു

വരുത്തുന്നതിന്‌ മനസ്‌ ഇണക്കം വരുത്തുക എന്ന ലക്ഷ്യത്തോടെ സ്കൂളികെ അധ്യാപകർക്ക്‌ മാത്രമായി

പഠന യാത്ര സംഘടിപ്പിച്ചു.ഇടുക്കിയിലെ മൂന്നാർ, വട്ടവട എന്നിവിടങ്ങളിലേക്കായി, രണ്ട്‌ ദിവസത്തേക്കായി

സംഘടിപ്പിച്ച യാത്രയിൽ 45 പേർ പങ്കെടുത്തു. അധ്യാപകർക്ക്‌ മാത്രമായി പഠന യാത്ര സംഘടിപ്പിച്ചു.

ഇടുക്കിയിലെ മൂന്നാർ, വട്ടവട എന്നിവിടങ്ങളിലേക്കായി, രണ്ട്‌ ദിവസത്തേക്കായി സംഘടിപ്പിച്ച യാത്രയിൽ 45 പേർ പങ്കെടുത്തു.

78.ലിറ്റിൽ കൈറ്റ്സ് ഐ.ടി ക്ലബ്ബിന്റെ യൂനിറ്റ് തല ക്യാംമ്പ്

*വിദ്യാകിരണം പരിശീലനം

വിദ്യാകിരണം പദ്ധതിയിലൂടെ സ്കൂളിൽ ഗോത്രവർഗ വിദ്യാർത്ഥികൾക്ക് ലഭിച്ച ലാപ്ടോപ്പുകൾ സ്കൂൾ

ലിറ്റിൽ കൈറ്റ്സിന്റെ അംഗങ്ങൾ കുട്ടികൾക്കു എങ്ങനെ ഉപയോഗപ്പെടുത്താം എന്ന് പരിശീലനം നൽകി .

*ഭിന്നശേഷിക്കാർക്കുള്ള പരിശീലനം

സ്കൂളിൽ പത്താം ക്ലാസിൽ പരീക്ഷാനുകൂല്യങ്ങളോടെ പരീക്ഷ എഴുതുന്ന കുട്ടികൾക്ക് ലിറ്റിൽ

കൈറ്റ്സിന്റെ നേതൃത്വത്തിൽ ഐ.ടി. പരീക്ഷാ പാഠഭാഗവുമായി ബന്ധപ്പെട്ട് ഐ.സി.ടി പരിശീലനം നൽകി.

*അമ്മ അറിയാൻ

ലിറ്റിൽ കൈറ്റ്സ് വിദ്യാർത്ഥികൾ മുണ്ടക്കുന്നു അങ്കണവാടി ഓഡിറ്റോറിയത്തിൽ വെച്ച് '

സൈബർ ലോകത്തെ സുരക്ഷിതജീവിതം' എന്ന വിഷയത്തിൽ അമ്മമാർക്കായി ബോധവത്കരണ പരിപാടി നടത്തി.

*ലഹരിവിരുദ്ധ മൂകാഭിനയം

എടത്തനാട്ടുകര ഗവ.ഓറിയന്റൽ ഹൈസ്കൂൾ നേതൃത്വത്തിലുള്ള ജനകീയ സമിതിയുടെ ലഹരിവിരുദ്ധ

മനുഷ്യ ശൃംഖലയുടെ ഭാഗമായി സ്കൂളിലെ ലിറ്റിൽ കൈറ്റ്സ് വിദ്യാർത്ഥികൾ. വട്ടമണ്ണപ്പുറം ഐ.ടി. സി.

മുതൽ കോട്ടപ്പള്ള വരെ ലിറ്റിൽ കൈറ്റ്സ് വിദ്യാർത്ഥികൾ റാലി സംഘടിപ്പിച്ചു.കോട്ടപ്പള്ള സെന്ററിൽ

നടന്ന ലിറ്റിൽ കൈറ്റ്സ് വിദ്യാർത്ഥികളുടെ മൂകാഭിനയം ശ്രധേയമായി.

സ്‌കൂൾ പ്രോട്ടക്ഷൻ ഗ്രുപ്പ് യോഗം

എടത്തനാട്ടുകര ഗവ. ഓറിയന്റൽ ഹയർ സെക്കന്ററി സ്‌കൂളിൽ സ്‌കൂൾ പ്രോട്ടക്ഷൻ ഗ്രുപ്പ് യോഗം ചേർന്നു.സ്കൂളിന് പുറത്തുള്ള അച്ചടക്ക പ്രശ്നങ്ങൾ കൈകാര്യം ചെയ്യുന്നതിനായി യും ജാഗ്രത എസ്.പി.ജി. സമിതിയും സംയുക്തമായി പ്രവർത്തനങ്ങൾ ഏകോപിപ്പിച്ച് നടത്താൻ യോഗം തീരുമാനിച്ചു.സ്കൂൾ വിദ്യാർത്ഥികൾക്കിടയിലെദ്യാർത്ഥികൾക്കിടയിലെ ഇരുചക്രവാഹനങ്ങളുടെ ഉപയോഗം കുറയ്ക്കുക എന്ന ലക്ഷ്യത്തോടെ സ്കൂളിലെ എസ്.പി.സി. യൂണിറ്റിന്റെ കീഴിൽ 'ശുഭയാത്ര' എന്ന പദ്ധതിയുടെ ഭാഗമായി മോട്ടോർ വാഹന വകുപ്പും പോലീസ് ഡിപ്പാർട്ട്മെൻറ് ചേർന്ന് കുട്ടികൾക്കും നാട്ടുകാർക്കും ട്രാഫിക് ബോധവൽക്കരണം നടത്താൻ തീരുമാനിച്ചു. ഈ പദ്ധതിയുടെ തുടർച്ചയെന്നോണം മാസത്തിലൊരിക്കൽ നാട്ടുകൽ പോലീസിന്റെ സഹായത്തോടെ എസ്.പി.സി. യൂണിറ്റ് അംഗങ്ങൾ റോഡിലിറങ്ങി പദ്ധതിയുടെ തുടർ പുരോഗതി വിലയിരുത്തും.സ്കൂൾ പരിസര പ്രദേശങ്ങളിലെ ലഹരി വസ്തുക്കളുടെ വില്പന ഉപയോഗം എന്നിവ തടയുന്നതിന്റെ ഭാഗമായി കമ്മിറ്റി അംഗങ്ങളിൽ ചിലർ സൂചിപ്പിച്ച സ്ഥലങ്ങളിൽ ഇടയ്ക്കിടെ പോലീസിന്റെ മിന്നൽ പരിശോധന യോഗത്തിൽ പങ്കെടുത്ത പോലീസ് ഉദ്യോഗസ്ഥർ ഉറപ്പ് നൽകി.എത്രയും പെട്ടെന്ന് രക്ഷിതാക്കളുടെ ഒരു യോഗം വിളിച്ചു എസ്.പി.ജി.യുടെയും ജാഗ്രത സമിതിയുടെയും പ്രവർത്തനങ്ങളെക്കുറിച്ച് രക്ഷിതാക്കളിൽ ബോധവൽക്കരണം നടത്താൻ തീരുമാനിച്ചു അസംബ്ലിയിലൂടെ കുട്ടികൾക്കും ഇക്കാര്യങ്ങൾ ബോധ്യപ്പെടുത്താനും യോഗത്തിൽ തീരുമാനമായി.പ്രിൻസിപ്പാൾ എസ്. പ്രതീഭ, പ്രധാനാധ്യാപകൻ പി. റഹ്മത്ത്, പോലീസ് അധികാരികൾ, എസ്.പി.ജി. കമ്മറ്റി അംഗങ്ങൾ തുടങ്ങിയവർ സംബന്ധിച്ചു.