ഗവ ഹൈസ്കൂൾ, അരൂർ/പ്രവർത്തനങ്ങൾ

കുറിപ്പ്1
കുറിപ്പ്2

പരിസ്‌ഥിതി ക്ലബ് 2021-22 അധ്യയനവർഷത്തെ ഇകോക്ലബിൻ്റെ സ്കൂൾ തല ഉത്ഘാടനം ജൂലൈ 31ന് വൈകിട്ട് 7 മണിക്ക് ഓൺലൈനായി നടന്നു. വിശിഷ്ട അതിഥിയായി ശ്രീ ജിമ്മി കെ ജോസ് സർ പങ്കെടുത്തു. 7ആം തരത്തിൽ പഠിക്കുന്ന സിദ്ധാർത്ഥ് പി എസ് പരിസ്ഥിതി ഗാനം പാടി. ക്ലബിലേക്ക് പതിനേഴ് അംഗങ്ങളെ തെരഞ്ഞെടുത്തു. പരിസ്ഥിതി ദിനവുമായി ബന്ധപ്പെട്ട് വിവിധ പരിപാടികൾ ജൂൺ 5ന് ഓൺലൈനായി സംഘടിപ്പിച്ചു. ക്ലബ് പ്രവർത്തനങ്ങൾ നടന്നുവരുന്നു.

Health Club

2021 - 22 അധ്യയന വർഷത്തെ ഹെൽത്ത് ക്ലബ്ബിന്റെ പ്രവർത്തനോദ്ഘാടനനം 31/07/21 ൽ ഓൺലൈനിലൂടെ മുൻ അഡീഷണൽ ഡി പി ഐ ശ്രീ.ജിമ്മി കെ.ജോസ് സർ നിർവഹിച്ചു. കേന്ദ്ര സർക്കാർ ഹെൽത്ത് സ്കീമിന്റെ ചീഫ് മെഡിക്കൽ ഓഫീസർ (കണ്ണൂർ )ആയ ഡോ. ജയചന്ദ്രൻ നയിച്ച ഫലപ്രദമായ ഒരു ക്ലാസ്സ് ഉണ്ടായിരുന്നു. കുട്ടികളിൽ പോഷകാഹാരത്തിന്റെ പ്രാധാന്യത്തെക്കുറിച്ച് ബോധവാന്മാരാക്കാൻ രക്ഷകർത്താക്കൾക്ക് ഒരു ബോധവത്ക്കരണ ക്ലാസ്സു നടത്തി. പിന്നീട് ഹെൽത്ത് ക്ലബ്ബിന്റെ നേതൃത്വത്തിൽ പ്രത്യേക പോഷക അഭിയാൻ അസംബ്ലി നടത്തി. ചോറ്റാനിക്കര ആയുഷ് ആയുർവേദ ഡിസ്പെൻസറിയിലെ മെഡിക്കൽ ഓഫീസറായ ഡോ.ജി സ്മോൾ കുട്ടികളിലെ പോഷകാഹാരത്തിന്റെ പ്രാധാന്യം എന്ന വിഷയവുമായി ബന്ധപ്പെട്ട് വളരെ ഫലപ്രദമായ ഒരു ക്ലാസ്സ് കുട്ടികൾക്കും, രക്ഷകർത്താക്കൾക്കും നൽകി.

സയൻസ് ക്ലബ് & എനർജി ക്ലബ്

2021-22 അധ്യയനവർഷത്തെ സയൻസ് ക്ലബ് & എനർജി ക്ലബിന്റെ ഉദ്ഘാടനം 31/07/21 ൽ ഓൺലൈനിലൂടെ മുൻ അഡീഷണൽ ഡിപിഐ ശ്രീ. ജിമ്മി കെ ജോസ് സാർ നിർവഹിച്ചു.ഒമ്പതാം ക്ലാസിലെ ശ്രീഹരി എസ് പിള്ള ബോട്ടു നിർമ്മാണം എല്ലാ കുട്ടികൾക്കും ലൈവായി കാട്ടി കൊടുത്തു.ഹരിശങ്കർ വീട്ടിൽ ചെയ്യാവുന്ന രണ്ടു ശാസ്ത്ര പരീക്ഷണം പങ്കുവച്ചു. UP, HSവിഭാഗങ്ങളിൽ നിന്നുള്ള ഇരുപതോളം കുട്ടികൾ ക്ലബിൽ അംഗങ്ങളാണ്. ജൂലൈ 21 ചാന്ദ്രദിനവുമായി ബന്ധപ്പെട്ട് കുട്ടികൾക്ക് ക്വിസ്, ചിത്രരചന, പ്രസംഗം മത്സരങ്ങൾ നടത്തി,വിജയികൾക്ക് സമ്മാനം കൊടുത്തു. SEP ചേർത്തല വിദ്യാഭ്യാസജില്ലയുടെ ഭാഗമായി LP & HSവിഭാഗത്തിലെ കുട്ടികൾക്ക് "Electric Vehicles & Electric Cooking " വിഷയത്തെ അടിസ്ഥാനമാക്കി ചിത്രരചനയും UP ക്ക് പ്രസംഗ മത്സരവും നടത്തുകയുണ്ടായി. Dec 14 ഊർജസംരക്ഷണ ദിനത്തിന് ഊർജം എങ്ങനെയെല്ലാം സംരക്ഷിക്കാമെന്നും ഊർജസംരക്ഷണത്തിന്റെ ആവശ്യകതയെക്കുറിച്ചും അരൂർ KSEBഓവർസിയർ ശ്രീ. സുധാകരൻ, രാജേന്ദ്രൻ എന്നിവർ 7 മുതൽ10 വരെയുള്ള കുട്ടികൾക്ക് ഒരു ക്ലാസ് നടത്തുകയുണ്ടായി.

ചാന്ദ്രദിനത്തോടനുബന്ധിച്ച് തയാറാക്കിയ പോസ്റ്റർ1

ഗണിത ശാസ്ത്ര ക്ലബ്ബ്

2021 - 22 അധ്യയന വർഷത്തെ ഗണിത ശാസ്ത്ര ക്ലബ്ബിന്റെ ഉദ്ഘാടനം 31/7/21/ ന് മറ്റു ക്ലബ്ബുകളോടൊപ്പം മുൻ അഡീഷണൽ DPI ശ്രീ ജിമ്മി കെ ജോസ് സാർ online ആയി നിർവ്വഹിച്ചു. ജ്യാമതീയപാറ്റേൺ നിർമ്മാണത്തിന് യൂ ട്യൂബ് വഴി പരിശീലനം നൽകി. ഇതിനെ തുടർന്ന് ഓണാഘോഷത്തോടനുബന്ധിച്ച് . ജ്യാമതീയപാറ്റേണുകൾ ഉപയോഗിച്ച് നിർമ്മിച്ച അത്തപ്പൂക്കളങ്ങളുടെ ചിത്രങ്ങൾ ഡിജിറ്റലൈസ് ചെയ്തു. നമ്പർ പാറ്റേണുകളും കുട്ടികൾ നിർമ്മിച്ചിട്ടുണ്ട്. LP വിഭാഗം കുട്ടികൾക്ക് ഗണിതത്തിൽ താത്പര്യം വർദ്ധിപ്പിക്കുവാനുള്ള പ്രവർത്തനങ്ങളും വാട്ട്സ് ആപ്പ് ഗ്രൂപ്പ് വഴി നടത്തുന്നു. സ്കൂൾ തുറന്ന സാഹചര്യത്തിൽ ഇപ്പോൾ ക്ലാസ് റും പ്രവർത്തനമായും നൽകി വരുന്നു. X'mas ഉം ആയി ബന്ധപ്പെട്ട് നക്ഷത്രങ്ങൾ തോരണം എന്നിവയുടെ നിർമ്മാണം നടത്തിവരുന്നു.

ലഹരി വിരുദ്ധ ബോധവൽക്കരണ ക്ലബ്ബ്

സമൂഹത്തിനും കുടുംബത്തിനും ഒരുപോലെ നാശം വിതയ്ക്കുന്ന ലഹരിക്കെതിരെ പൊതുവിദ്യാഭ്യാസ വകുപ്പിന്റെ നിർദ്ദേശപ്രകാരം ഗവൺമെൻറ് ഹൈസ്കൂൾ അരൂരിൽ ലഹരി ബോധവൽക്കരണ പരിപാടികൾ നടപ്പിലാക്കി . ആദ്യമായി ഒരു ലഹരി വിരുദ്ധ ബോധവൽക്കരണ ക്ലബ്ബ് രൂപീകരിച്ചു. മുഖ്യമന്ത്രിയുടെ ലഹരി വിരുദ്ധ വിമുക്ത കേരളം ബോധവൽക്കരണ പരിപാടിയിൽ സ്കൂളിലെ എല്ലാ അധ്യാപകരും പങ്കെടുത്തു തുടർന്ന് രക്ഷിതാക്കൾക്ക് ബോധവൽക്കരണ ക്ലാസ് സംഘടിപ്പിച്ചു. 14/10/2022 ൽ അരൂർ പഞ്ചായത്ത് സംഘടിപ്പിച്ച സൈക്കിൾ റാലിയിൽ സ്കൂൾ വിദ്യാർത്ഥികൾ പങ്കെടുത്തു. കുട്ടികൾക്കായി അരൂർ പോലീസ് ഉദ്യോഗസ്ഥൻ ബോധവൽക്കരണ ക്ലാസ് നയിച്ചു. ദീപാവലി ദിനത്തിൽ എല്ലാ കുട്ടികളും രക്ഷിതാക്കളും അധ്യാപകരും ദീപം തെളിക്കുകയും ലഹരി വിരുദ്ധ പ്രതിജ്ഞ എടുക്കുകയും ചെയ്തു.12/10/2022 ൽ പഞ്ചായത്ത് അംഗങ്ങൾ ,ഹെൽത്ത് ഇൻസ്പെക്ടർ , ഡോക്ടർ ,പോലീസ് ഉദ്യോഗസ്ഥർ, എക്സൈസ് ഉദ്യോഗസ്ഥർ എന്നിവരെ ഉൾപ്പെടുത്തി ബോധവൽക്കരണ ക്ലാസ് നടത്തി .ലഹരി വിരുദ്ധ മനുഷ്യ ചങ്ങലയിൽ കുട്ടികളെ പങ്കെടുപ്പിച്ചു. ലഹരിക്കെതിരെ ഞങ്ങൾ ഒരുമയോടെ പോരാട്ടം തുടങ്ങിയിരിക്കുകയാണ്.