ഗവ. എൽ. പി. എസ്. പരവൂർക്കോണം/അക്ഷരവൃക്ഷം/വസന്തം

Schoolwiki സംരംഭത്തിൽ നിന്ന്
വസന്തം

പാറു ഉറക്കമുണർന്ന് മുറ്റത്തേക്കിറങ്ങി. ഇപ്പോൾ സ്കൂൾ അവധിയാണ്. അതുകൊണ്ടുതന്നെ അവൾക്ക് സന്തോഷമാണ്. കുറേസമയം കളിക്കാമല്ലോ. മുറ്റത്തിറങ്ങി യ പാറു കണ്ടത് രണ്ട് ചിത്ര ശലഭങ്ങൾ പാറി പറക്കുന്നു. പക്ഷേ അവൾ ചെടികളിൽ നോക്കിയപ്പോൾ പൂക്കൾ ഒന്നും കാണുന്നില്ല. അവൾ ആ ചിത്രശലഭങ്ങളെ ശ്രദ്ധിച്ചു. അവർ എന്തോ പരസ്പരം സംസാരിക്കുന്നുണ്ട്. പതിയെപ്പതിയെ അവരുടെ സംസാരം പാറുവിന് മനസ്സിലായി. പൂക്കളില്ലാതെ... അതിലെ തേൻ നുകരാതെ... നമ്മൾ എത്ര നാൾ കഴിയും!!!. മനുഷ്യർ ചെടികളും മരങ്ങളും വെട്ടി നശിപ്പിച്ച് അവിടെ വലിയ വീടുകളുണ്ടാക്കി. നമ്മളെപ്പോലെ ഒരുപാട് ജീവജാലങ്ങൾക്ക് ജീവിക്കാൻ കഴിയാതെയായി. ഇത്രയും പറഞ്ഞുകൊണ്ട് ചിത്രശലഭങ്ങൾ പറന്നുപോയി.
ഇതുകേട്ട പാറു ഒരു തീരുമാനമെടുത്തു. അവൾ എല്ലാ ദിവസവും ആ ചെടികൾക്ക് വെള്ളമൊഴിച്ച് കൊടുത്തു. അപ്പോൾ ആ ചെടികൾ തളിർക്കുകയും പൂക്കുകയും ചെയ്തു. പാറുവിന്റെ വീട്ടുമുറ്റത്ത് ഇപ്പോൾ രണ്ട് ചിത്രശലഭങ്ങൾ അല്ല. ധാരാളം പേരുണ്ട്. അവരെല്ലാം പൂക്കളിൽ നിന്ന് ആവോളം തേൻ നുകരുന്നത് കണ്ട് പാറുവിനും വളരെയധികം സന്തോഷമായി. അവർ ആഗ്രഹിച്ച ഒരു വസന്തം കൊണ്ടുവരാൻ പാറു എന്ന കൊച്ചുമിടുക്കിക്ക്‌ കഴിഞ്ഞു.

അഷ്ടമി എം
3 എ ഗവ.എൽ.പി.എസ്.പരവൂർക്കോണം
ആറ്റിങ്ങൽ ഉപജില്ല
തിരുവനന്തപുരം
അക്ഷരവൃക്ഷം പദ്ധതി, 2020
കഥ


 സാങ്കേതിക പരിശോധന - Sathish.ss തീയ്യതി: 16/ 04/ 2020 >> രചനാവിഭാഗം - കഥ