വീടിനു മുന്നിൽ പൂന്തോട്ടം
പൂക്കൾ നിറഞ്ഞൊരു പൂന്തോട്ടം
പലതരം നിറങ്ങളിൽ എന്തു രസം
പൂക്കൾ കാണും നേരത്ത്
മുല്ലപ്പൂവും തെച്ചിപ്പൂവും
വിടർന്നെന്നെ നോക്കുന്നു
റോസാപ്പൂവും ചെമ്പരത്തിയും
കാറ്റിലാടിക്കളിക്കുന്നു
തേൻകുടിക്കാൻവന്നല്ലോ
പൂമ്പാറ്റകളും വണ്ടുകളും
പരിസ്ഥിതി ഇങ്ങനെ മാറാനായ്
എന്നും നമ്മൾ ശ്രമിക്കേണം
ഭംഗിയോടെ കാത്തീടാൻ
ചെടികൾ നട്ടുവളർത്തീടാം
കൺകുളിർക്കെ കണ്ടീടാം
പൂക്കൾ കണ്ട് രസിച്ചീടാം
എത്ര നിറത്തിൽ പൂമ്പാറ്റ
മാറിമാറി വന്നീടും
പരിസ്ഥിതി എന്നും സുന്ദരമായ്
സംരക്ഷിക്കാം കൂട്ടരേ...
