എ.എം.എൽ.പി.എസ്. ഓമാനൂർ/അക്ഷരവൃക്ഷം/പരിസ്ഥിതി
പരിസ്ഥിതി
വായു, വെള്ളം,ആകാശം,ഭൂമി,വനങ്ങൾ എന്നിവ ചേർന്നതാണ് പരിസ്ഥിതി.പരിസ്ഥിതി സംരക്ഷിക്കാൻ നാം കടപ്പെട്ടിരിക്കുന്നു കാരണം പരിസ്ഥിതി ഇല്ലെങ്കിൽ നാം മനുഷ്യർ ഇല്ല. ജല മലിനീകരണം പല വിധത്തിൽ നടക്കുന്നു.കപ്പലിൽ നിന്ന് ഉണ്ടാകുന്ന എണ്ണ ചോർച്ച ജലത്തെ മലിനമാക്കുന്നു.കപ്പൽ യാത്രക്കാർ കടലിലേക്ക് വലിച്ചെറിയുന്ന പ്ലാസ്റ്റിക് കുപ്പികൾ കടൽ ജീവികളുടെ നാശത്തിന് കാരണമാകുന്നു.പല കടൽ ജീവികൾക്കും അഭയമാകുന്ന പവിഴപ്പുറ്റുകൾ നശിക്കുന്നു.പുഴവെള്ളം മലിനമാകാൻ കായൽ ടൂറിസം കാരണമാകുന്നു.വീടുകളിൽ നിന്നും ഫാക്ടറികളിൽ നിന്നും പുറന്തള്ളുന്ന മാലിന്യങ്ങൾ,പുഴയിലെ അലക്ക്,കുളി എന്നിവയും പുഴ വെള്ളത്തെ മലിനമാക്കുന്നു.പാടങ്ങളും നീർച്ചാലുകളും നികത്തപ്പെടുന്നത് കാരണം പല ജീവികൾക്കും അവയുടെ ആവാസ വ്യവസ്ഥ തന്നെ നഷ്ടപ്പെടുന്നു.പല തരത്തിലുള്ള കീടനാശിനികൾ കൃഷിക്ക് ഉപയോഗിക്കുന്നതിനാൽ ഭൂമി മലിനമാക്കുന്നു.അങ്ങനെ മനുഷ്യർക്ക് തന്നെ അത് ദോഷമായി ഭവിക്കുന്നു.
വന നശീകരണം മഴ കുറയുന്നതിനും അത് വഴി വരൾച്ചക്കും കാരണമാകുന്നു.
നാം ഒന്ന് മനസ്സ് വെച്ചാൽ നമ്മുടെ പരിസ്ഥിതി നമുക്ക് സംരക്ഷിക്കാനാകും.
|
