എൽ.എഫ്. എൽ. പി. എസ്. പെരിഞ്ചേരി/അക്ഷരവൃക്ഷം/ഇത്തിരിക്കുഞ്ഞൻ ലോകത്തെ കരയിപ്പിച്ചു

Schoolwiki സംരംഭത്തിൽ നിന്ന്
ഇത്തിരിക്കുഞ്ഞൻ ലോകത്തെ കരയിപ്പിച്ചു

ഡീ .....വന്നു ചായ കുടിക്കു, 'അമ്മ നീട്ടി വിളിച്ചു. എനിക്ക്‌ ഇപ്പൊ വേണ്ട. പത്രം വായിക്കുന്നതിനിടയിൽ ഞാൻ നീട്ടി പറഞ്ഞു. കൊല്ലപരീക്ഷയില്ലാതെ അടുത്ത ക്ലാസ്സിലേക്ക് സ്ഥാനക്കയറ്റം കിട്ടിയ സന്തോഷത്തിലാണ് ഞാൻ. "ഇത്തിരിക്കുഞ്ഞൻ കുട്ടിയെ കരയിപ്പിച്ചു" എന്ന കടങ്കഥയുടെ ഉത്തരം മുളക് എന്നല്ലേ? അതിലും ചെറിയ കുഞ്ഞൻ ഇപ്പോൾ ലോകത്തെ മുഴുവൻ കരയിപ്പിക്കുന്നു. അമ്പട കേമാ, കൊറോണേ ... എല്ലാവരും വീട്ടിലിരിക്കുന്നു. പുറത്തേക്കു പോവാൻ പറ്റില്ല. ബസ്സില്ല, ട്രൈനില്ല, ഓട്ടോറിക്ഷയും ഇല്ല. അമ്പലത്തിലും പള്ളിയിലും പോവാൻ പറ്റില്ല. ആരെങ്കിലും വരുന്നുണ്ടെങ്കിൽ അവർ ആരെന്നു തിരിച്ചറിയാനും പറ്റില്ല. കണ്ണ് മാത്രമേ പുറത്തുള്ളൂ. ബാക്കിയെല്ലാം മാസ്ക് സ്വന്തമാക്കി. നമ്മുടെ കേരളത്തിൽ മാത്രമല്ല, ഈ ലോകം മുഴുവൻ അടച്ചിട്ടിരിക്കുകയാണെന്നും, പതിനായിരക്കണക്കിന് ജനങ്ങൾ മരിച്ചു എന്നും, ലക്ഷക്കണക്കിന് ആളുകൾ രോഗബാധിതരായി എന്നും മാധ്യമങ്ങളിൽ വാർത്ത വരുന്നു. നമ്മുടെ കേരളത്തിൽ സർക്കാരിന്റെ മുൻകരുതലും, ഡോക്ടർമാർ, പോലീസുകാർ, നഴ്സുമാർ തുടങ്ങിയവരുടെ തീവ്രശ്രമത്തിലുംസേവനങ്ങളുടെയും ഫലമാണ് ഇവിടെ അപകടകരമായ സ്ഥിതിയിൽ നിന്നും ആശ്വാസം തോന്നുന്ന രീതിയിൽ കാര്യങ്ങൾ മുന്നോട്ടു പോകുന്നു.
വീട്ടിൽ എല്ലാവരും എല്ലാ കാര്യങ്ങളും ഒരുമിച്ചു ചെയ്യുന്നു. ആദ്യമായിട്ടാണ്, അച്ഛനും അമ്മയും ഞങ്ങൾ മക്കളുമായി ചെസ്സ്, കവടി, തുടങ്ങിയ കളികളിൽ മുഴുകിയതു. ലോകം മുഴുവൻ പ്രത്യേകിച്ച് അമേരിക്ക, യൂറോപ് എന്നിവിടങ്ങളിലെ സമ്പന്നരാജ്യങ്ങൾ ഈ കൊറോണയ്ക്ക് മുന്നിൽ വിറച്ചു നിൽകുമ്പോൾ ഈ രാജ്യങ്ങളിൽ മരണം ആയി . രണ്ടു പ്രളയത്തിൽ നിന്നും നമ്മൾ മതവും രാഷ്ട്രിയവും മറന്നു ഒറ്റകെട്ടായി പ്രവർത്തിച്ചതിന്റെ ഫലമാണ്. ഈ കൊറോണ വൈറസിനെയും ഒറ്റകെട്ടായി ചെറുത്തതിന്റെ ഫലമാണ് ലോകത്തിന്റെ മുമ്പിൽ നാമഭിമാനത്തിടെ തലയുയർത്തി നില്കുന്നത്.
ചൈനയിലെ വുഹാനിൽനിന്നും പടർന്നുപിടിച്ച കോറോണവൈറസ് ലോകത്തു നിന്ന് കുറ്റിയറ്റു പോകുംവരെ ജാഗ്രഥയിൽത്തന്നെ കഴിയണം നമ്മൾ. ഒരു സുനാമിയോ, പ്രളയമോ, സൂക്ഷ്മനേത്രങ്ങൾ കാണാൻ പോലും കഴിയാത്ത ഒരു വൈറസോ മതി ജീവിതമാകെ തകിടം മറിയാൻ... എത്രയും വേഗം ഈ ഇരുട്ട് മാറട്ടെ! പുതിയ പ്രകാശത്തിലേക്ക് പുതിയ മനസ്സുമായി കടന്നുവരാൻ നമുക്ക് കഴിയട്ടെ.
ദാ ..അമ്മ പിന്നെയും വിളിക്കുന്നു. ഡീ ....ചായ കുടിക്കു. ഞാൻ എഴുനേറ്റു ചായ കുടിക്കാൻ ചെന്നപ്പോൾ 'അമ്മ അടുക്കളയിൽ റേഡിയോ ഓൺ ചെയ്തു വച്ചിരിക്കുന്നു. പഴയ മലയാളം ഗാനമാണ് അപ്പോൾ!.
"ലോകം മുഴുവൻ സുഖം പകരാനായി സ്നേഹദീപമേ മിഴി തുറക്കു.........."

എമറിൻ തോമസ്
4 B എൽ എഫ് എൽ പി എസ് പെരിഞ്ചേരി
ചേർപ്പ് ഉപജില്ല
തൃശ്ശൂർ
അക്ഷരവൃക്ഷം പദ്ധതി, 2020
ലേഖനം


 സാങ്കേതിക പരിശോധന - Sunirmaes തീയ്യതി: 20/ 04/ 2020 >> രചനാവിഭാഗം - ലേഖനം