എസ്. ഡി. പി. വൈ. കെ. പി. എം. എച്ച്. എസ്. എടവനക്കാട്/എന്റെ ഗ്രാമം
കൃസ്ത്യൻ - ഹിന്ദു - മുസ്ളീം ജനവിഭാഗങ്ങൾ ഐക്യത്തോടെ ഇവിടെ വസിച്ചു പോരുന്നു. ഇരുപത്തഞ്ച്‌ കിലോമീറ്റർ നീളവും ഏതാണ്ട്‌ ഒന്നര കിലോമീറ്റർ വീതിയും (എല്ലായിടത്തും അത്രയും ഇല്ല.) നാൽപ്പത്‌ ചതുരശ്രമീറ്റർ വിസ്തീർണ്ണവും ഉള്ള വൈപ്പിൻ കരയ്ക്ക്‌ 1960ന്‌ മുൻപ് വരെ പുറം ലോകവുമായി ഇന്നത്തെപ്പോലെ അത്ര വലിയ ബന്ധമൊന്നും ഉണ്ടായിരുന്നില്ല. 1960സെപ്റ്റമ്പറിൽ സ്ഥാപിച്ച ചെറായി പാലമാണ്‌ വടക്കൻ പറവൂറ്‍ വഴി ഈ നാടിനെ വൻകരയുമായി ബന്ധിപ്പിച്ചത്‌. 2004ൽ ഗോശ്രീ പദ്ധതിയുടെ ഭാഗമായി നിർമ്മിച്ച മൂന്നു പാലങ്ങൾ വന്നതോടെ ഇന്ന് വൈപ്പിൻ കരക്കും നഗര ബാന്ധവം കൈവന്നു. അക്ഷരാർത്ഥത്തിൽ തിരക്കു പിടിച്ച ഒരു ജനതയായി വൈപ്പിൻ കരയിലേത്‌.
കൃഷിയും മത്സ്യബന്ധനവുമാണ്‌ പ്രധാന ജീവിതമാർഗ്ഗം. നെല്ലും തെങ്ങും ആണ് പ്രധാന കൃഷി. പാടങ്ങളിൽ നെല്ല്‌ വിതക്കാതെ ചെമ്മീൻ കൃഷിക്ക്‌ ഉപയോഗിക്കുന്നതാണ്‌ പുതിയ ട്രെണ്റ്റ്‌. കേവലം ഒരു മുണ്ട്‌ വിരിച്ചിട്ടാലുണ്ടാകാവുന്ന നീളം മാത്രമുള്ള റോഡിലൂടെ ബസ്സുകൾ അടക്കമുള്ള വാഹനങ്ങൾ അങ്ങോട്ടുമിങ്ങോട്ടും പായുന്ന കാഴ്ച്ച ആരെയും അത്ഭുതപ്പെടുത്തുമെന്നതിൽ സംശയമില്ല. അത്‌ കൊണ്ട്‌ തന്നെ വൈപ്പിനിലെ ഡ്രൈവർമാർ എവിടെയും വാഹനമോടിക്കാനുള്ള പ്രാവീണ്യവും ചങ്കുറപ്പും ഉള്ളവരാണെന്ന്‌ ഞങ്ങൾ പരസ്പരം പറയാറുണ്ട്‌. പക്ഷെ,ബസ്സുകളുടെ മത്സരയോട്ടം ഇന്നും ഇവിടെയൊരു ശാപം തന്നെയാണ്‌.
ആറ്‌ പഞ്ചായത്തുകളാണ്‌ ദ്വീപിലുള്ളത്‌. പള്ളിപ്പുറം, കുഴുപ്പിള്ളി, എടവനക്കാട്, നായരമ്പലം, ഞാറക്കൽ, എളങ്ങുന്നപ്പുഴ എന്നിവയാണ്‌ അവ.
പ്രധാന സ്ഥലങ്ങൾ : മുനമ്പം, പള്ളിപ്പുറം, കൊവിലകത്തുംകടവ്‌, ചെറായി, അയ്യമ്പിള്ളി, കുഴുപ്പിള്ളി, പഴങ്ങാട്‌, എടവനക്കാട്, അണിയൽ, നായരമ്പലം, വെളിയത്താം പറമ്പ്‌, മാനാട്ടുപറമ്പ്‌, ഞാറക്കൽ, മാലിപ്പുറം, എളങ്ങുന്നപ്പുഴ, ഓച്ചന്തുരുത്ത്‌, വളപ്പ്‌, തെക്കൻ മാലിപ്പുറം, പുതുവൈപ്പ്‌, അഴീക്കൽ
പള്ളിപ്പുറം കോട്ട
കേരളത്തിലെ എറണാകുളം ജില്ലയിലെഒരു കോട്ടയാണ്പള്ളിപ്പുറം കോട്ട.ഇംഗ്ലീഷ്: Pallipuram Fort.പോർച്ചുഗീസുകാരാണ്1503-ൽ ഈ കോട്ട നിർമ്മിച്ചത്.അയീക്കോട്ടഎന്നാണിത് അറിയപ്പെടുന്നത്. ഒരു കാവൽ നിലയമായാണ് ഇത് വികസിപ്പിച്ചിട്ടുള്ളത്. ഇന്ത്യയിൽ യൂറോപ്യർ ഏറ്റവും ആദ്യമുണ്ടാക്കിയ കോട്ട എന്ന പദവി കൊച്ചിയിലെ പള്ളിപ്പുറം കോട്ടയ്ക്കാണ്. രണ്ടാം പോർച്ചുഗീസ് വൈസ്രോയിയും കോളനി വത്കരണത്തിന്റെ സ്ഥാപകനുമായ അൽ ബുക്കർക്കാണ് ഇത് പണിതത്. വൈപ്പിൻ കോട്ട, ആയക്കോട്ട എന്നൊക്കെ ഇതിന് പേരുണ്ട്.
1663-ൽഡച്ചുകാർഈ കോട്ട പിടിച്ചടക്കി. പിന്നീട് ഡച്ചുകാർ ഈ കോട്ട 1789-ൽ തിരുവിതാംകൂർരാജ്യത്തിനു വിറ്റു.വൈപ്പിൻ ദ്വീപിന്റ വടക്കേ അറ്റത്തായിപള്ളിപ്പുറത്ത്ആണ് ഈ കോട്ട സ്ഥിതിചെയ്യുന്നത്.കോട്ടപ്പുറത്തെ,കൊടുങ്ങല്ലൂർ കോട്ടഇതിനടുത്താണ്. ഈ കോട്ടയിൽ നിന്ന് കൊടുങ്ങല്ലൂർ കോട്ടയിലേയ്ക്ക് നദിക്കടിയിലൂടെ ഒരു തുരങ്കം ഉണ്ടെന്ന് പറയപ്പെടുന്നു. ഇന്ന് ഈ കോട്ട കേരള പുരാവസ്തു വകുപ്പിന്റെ സ്മാരകമായിട്ടുള്ള കോട്ടകളിൽ കേടു വരാത്ത അപൂർവ്വം ഒന്നാണ്.ഇന്ത്യയിൽ യൂറോപ്യന്മാർ നിർമ്മിച്ചതിൽ ഇന്ന് നിലനില്ക്കുന്നഏറ്റവും പഴക്കമുള്ള സൗധം എന്ന് എ. ഗില്ലറ്റി ഇതിനെ വിശേഷിപ്പിക്കുന്നത്.
പള്ളത്താംകുളങ്ങര ഭഗവതി ക്ഷേത്രം
പള്ളത്താംകുളങ്ങര ഭഗവതി ക്ഷേത്രംകേരളത്തിലെ പുരാതന ക്ഷേത്രങ്ങളിൽ ഒന്നാണ്, സ്ഥിതി ചെയ്യുന്നത്കുഴുപ്പിള്ളി ഗ്രാമം,വൈപ്പിൻ ദ്വീപ്, എറണാകുളം ജില്ല. 19 കിലോമീറ്റർ മാത്രം അകലെകൊച്ചി നഗരം. "ദുർഗ്ഗാഭഗവതി"യുടെ പൂർണ്ണമായ പ്രതാപത്തിൽ "പരാശക്തി" (മാതൃദേവി) ആണ് പ്രതിഷ്ഠ.
ഏകദേശം 700 വർഷങ്ങൾക്ക് മുമ്പ് ക്ഷേത്രം സ്ഥിതി ചെയ്യുന്ന സ്ഥലം കടലായിരുന്നു, അവിടെ നിന്ന് മത്സ്യത്തൊഴിലാളികൾക്ക് അത്ഭുതകരമായ ഒരു ദേവീ വിഗ്രഹം ലഭിച്ചു, അവർ വിഗ്രഹം ആ പ്രദേശത്തെ ഭരണാധികാരികൾക്ക് (ദേശ പ്രമാണി) കൈമാറി. പിന്നീട്, ആ പ്രദേശത്ത് നിന്ന് കടൽ പിന്നോട്ട് നീങ്ങുകയും അവിടെ അവർ ഇന്നത്തെ ക്ഷേത്രം നിർമ്മിക്കുകയും ചെയ്തു.പള്ളത്ത് ക്ഷേത്രം". ഈ "പള്ളത്ത്" പിന്നീട് "പള്ളത്താംകുളങ്ങര" ആയിത്തീർന്നു. ഏകദൈവം (ഏക വിഗ്രഹ പ്രതിഷ്ഠ) ഇവിടെ ഒരു പ്രത്യേകതയാണ്.
സിപ്പി പള്ളിപ്പുറം.
1943 മെയ് 18-നു എറണാകുളം ജില്ലയിലെ വൈപ്പിൻ പള്ളിപ്പുറത്തു ജനിച്ചു. 1966 മുതൽ പള്ളിപ്പുറം സെന്റ് മേരീസ് ഹൈസ്കൂളിൽ അദ്ധ്യാപകനായിരുന്നു. കഴിഞ്ഞ മൂന്നുദശകങ്ങളായി മലയാള ബാലസാഹിത്യരംഗത്ത് പ്രവർത്തിച്ചുവരുന്നു. ഇതിനകം 130 ബാലസാഹിത്യകൃതികൾ പ്രസിദ്ധീകരിച്ചിട്ടുണ്ട്. ഇപ്പോൾ പുഴ മാസികയുടെ എഡിറ്ററായി പ്രവർത്തിക്കുന്നു. കഴിഞ്ഞ നാലു ദശകങ്ങളായി മലയാള ബാലസാഹിത്യ രംഗത്ത്‌ സജിവമായി പ്രവർത്തിച്ചുവരുന്നു. ഇതിനകം ഇരുന്നൂറിൽപ്പരം ബാലസാഹിത്യ കൃതികൾ പ്രസിദ്ധീകരിച്ചിട്ടുണ്ട്. 'കാട്ടിലെ കഥകൾ' ഇംഗ്ലീഷിലേക്കും, “തത്തകളുടെ ഗ്രാമം” തമിഴ്- ഗുജറാത്തി, തെലുങ്ക് എന്നീ ഭാഷകളിലേക്കും ക്രേന്ദ്രസാഹിത്യ അക്കാഡമി വിവർത്തനം ചെയ്തു പ്രസിദ്ധീകരിച്ചിട്ടുണ്ട്. കേരളയുവത, ചെറുപുഷ്പം, ദിദിമുസ്‌ എന്നി മാസികകളുടെ പത്രാധിപസമിതി അംഗമാണ്‌. സംസ്ഥാന ബാലസാഹിത്യ ഇൻസ്റ്റിറ്റ്യൂട്ട് ഗവേണിംഗ്‌ ബോഡി അംഗമായി നാലു തവണ പ്രവർത്തിച്ചിട്ടുണ്ട്‌. സമസ്ത കേരള സാഹിത്യ പരിഷത്തിന്റെ എക്‌സിക്യൂട്ടിവ്‌ അംഗം എന്ന നിലയിലും പ്രവർത്തിച്ചുവരുന്നു. ഇപ്പോൾ സഹോദരൻ അയ്യപ്പൻ സ്മാരകകമ്മിറ്റിയുടെ വൈസ് ചെയർമാനാണ്. കുട്ടികളിൽ പ്രകൃതിസ്നേഹം, ദേശഭക്തി, ഗുരുഭക്തി, മാതാപിതാക്കളോടുള്ള ബഹുമാനം, സത്യസന്ധത, ആത്മാർത്ഥത, കാരുണ്യശിലം തുടങ്ങിയ സദ്ഗുണങ്ങൾ വളർത്തിയെടുക്കന്നവയാണ്‌ ഈ കൃതികൾ.
കൃതികൾ
- ചെണ്ട
- പൂരം
- അപ്പൂപ്പൻ‌താടിയുടെ സ്വർഗ്ഗയാത്ര
- ആനക് തുമ്പിക്കൈ ഉണ്ടായതെങ്ങനെ?
- നൂറ് നേഴ്സറിപ്പാട്ടുകൾ
- ചാഞ്ചാടുണ്ണീ ചാഞ്ചാട് (50 നാടൻപാട്ടുകൾ)
- നൂറ് അക്ഷരപ്പാട്ടുകൾ
- നൂറ് ഗണിതഗാനങ്ങൾ
- തത്തമ്മേ പൂച്ചപൂച്ച
- മിന്നാമിനുങ്ങ്
- ഉണ്ടനും ഉണ്ടിയും പുലിയച്ചനും
- തേൻ‌തുള്ളികൾ
- ചന്ദനപ്പാവ
- മയിലും മഴവില്ലും
- കാട്ടിലെ കഥകൾ
- കുറുക്കൻ കഥകൾ
- ഗുരുഭക്തിയുടെ കഥകൾ
- ഉണ്ണിക്ക് നല്ലകഥകൾ
- നമ്പൂര്യച്ചനും ഭൂതവും
- പാവയ്ക്കക്കുട്ടൻ
- കുരങ്ങാട്ടിയും കള്ളനോട്ടുകാരും
- പാൽക്കിണ്ണം
- സ്വർണ്ണക്കമ്പിളി
- കഥകളിപ്പൈങ്കിളി
- തത്തകളുടെ ഗ്രാമം
- പപ്പടം പഴം പായസം
- ഒരിടത്ത് ഒരിടത്ത് ഒരു കുഞ്ഞുണ്ണി
- അമ്മപ്രാവും കുഞ്ഞിപ്രാവും
പുരസ്കാരങ്ങൾ
- ചെണ്ട എന്ന കൃതിക്ക് ബാലസാഹിത്യത്തിനുള്ള ദേശീയ അവാർഡ് (1988)
- പൂരം എന്ന കൃതിക്ക് പ്രഥമ ഭീമ ബാലസാഹിത്യ അവാർഡ് (1988), എൻ.സി.ഇ.ആർ.ടിയുടെ ദേശീയ അവാർഡ്
- തത്തകളുടെ ഗ്രാമം എന്ന കൃതിക്ക് തൃശ്ശൂർ സഹൃദയവേദി അവാർഡ് (1988), കൈരളി ചിൽഡ്രൺസ് ബുക്ക്‌ട്രസ്റ്റ് അവാർഡ്
- പപ്പടം പഴം പായസം എന്ന കൃതിക്ക് കുടുംബദീപം അവാർഡ്
- 1992-ൽ ഏറ്റവും നല്ല അദ്ധ്യാപകനുള്ള ദേശീയ അവാർഡ്
- അപ്പൂപ്പൻ‌താടിയുടെ സ്വർഗ്ഗയാത്ര എന്ന കൃതിക്ക് കേരള സാഹിത്യ അക്കാദമി അവാർഡ് (1990), കെ.സി.ബി.സി. അവാർഡ്, സംസ്ഥാന ബാലസാഹിത്യ ഇൻസ്റ്റിറ്റ്യൂട്ട് അവാർഡ്, ഏറ്റവും നല്ല മുദ്രണത്തിനുള്ള സംസ്ഥാന അവാർഡ്
- കേരള സംസ്ഥാന ബാലസാഹിത്യ ഇൻസ്റ്റിട്യൂട്ട് നൽകുന്ന ബാലസാഹിത്യരംഗത്തെ സമഗ്ര സംഭാവനയ്ക്കുള്ള സി.ജി. ശാന്തകുമാർ അവാർഡ് (2009)
- കുഞ്ഞുണ്ണിമാഷിന്റെ ജീവിതത്തെ ആസ്പദമാക്കി എഴുതിയ ഒരിടത്ത് ഒരിടത്ത് ഒരു കുഞ്ഞുണ്ണി എന്ന പുസ്തകത്തിന് 2010-ലെ കേന്ദ്രസാഹിത്യ അക്കാദമിയുടെ ബാലസാഹിത്യപുരസ്കാരം.
പ്രധാന സ്ഥലങ്ങൾ
ചെറായി ബീച്ച്
കേരളത്തിലെ എറണാകുളം ജില്ലയിലെ ഒരു കടൽത്തീരമാണ് ചെറായി ബീച്ച്. വൈപ്പിൻ ദ്വീപിന്റെ ഭാഗമാണ് ചെറായി.
കേരളത്തിന്റെ വാണിജ്യ തലസ്ഥാനമായ കൊച്ചിയിൽ നിന്നും 30 കിലോമീറ്റർ അകലെയാണ് ചെറായി ബീച്ച്. കൊച്ചി അന്താരാഷ്ട്ര വിമാനത്താവളം ചെറായിയിൽ നിന്ന് 20 കിലോമീറ്റർ അകലെയാണ്.
15 കിലോമീറ്റർ നീളമുള്ള ഈ കടൽത്തീരം ആഴം കുറഞ്ഞതും വൃത്തിയുള്ളതുമാണ്. ഒരുപാട് വിനോദസഞ്ചാരികൾ കടലിൽ നീന്തുവാനും വെയിൽ കായുവാനുമായി ചെറായി കടൽത്തീരത്ത് എത്തുന്നു.
പ്രധാന വ്യക്തികൾ
സിദ്ദിഖ്
ഇന്ത്യൻ നടനും നിർമ്മാതാവുമാണ് സിദ്ദിഖ് എന്നറിയപ്പെടുന്ന സിദ്ദിഖ് മാമതു (ജനനം 1 ഒക്ടോബർ 1962) . 350-ലധികം മലയാള സിനിമകളിൽ അഭിനയിച്ചതിനൊപ്പം തമിഴ് , തെലുങ്ക് , ഹിന്ദി ഭാഷാ ചിത്രങ്ങളിലും അദ്ദേഹം അഭിനയിച്ചിട്ടുണ്ട് . ഹാസ്യകഥാപാത്രങ്ങൾ, റൊമാൻ്റിക് നായകന്മാർ, ആൻറി ഹീറോകൾ, വില്ലന്മാർ എന്നിവയുൾപ്പെടെ നിരവധി കഥാപാത്രങ്ങളും സഹകഥാപാത്രങ്ങളും അവതരിപ്പിച്ചതിന് അദ്ദേഹം അറിയപ്പെടുന്നു.
വിദ്യാഭ്യാസ സ്ഥാപനങ്ങൾ
ഗവ. യൂ പി സ്ക്കൂൾ എടവനക്കാട്
വൈപ്പിന്കരയിലെ ഏകദേശം മധ്യഭാഗത്തുള്ള എടവനക്കാട് പഞ്ചായത്തിലെ ഏക സർക്കാർ വിദ്യാലയമാണ് ഗവർമെന്റ് അപ്പർപ്രൈമറി സ്കൂൾ എടവനക്കാട് . ശതാബ്ദി പിന്നിട്ട ഈ വിദ്യാലയം കൊല്ലവർഷം 1804 ഇൽ അന്നത്തെ സംസ്ഥാന ദിവാനായിരുന്ന ആർ.കെ ഷൺമുഖം ചെട്ടിയുടെ ഭരണകാലത്തു ഒരു ഏക്കർ നാലു സെന്റിൽ സ്ഥാപിതമായി ഹരിജനങ്ങൾക്കുവേണ്ടി തുടങ്ങിയ ഈ വിദ്യാലയത്തിന്റെ മേൽനോട്ടം മുൻമന്ത്രി ശ്രീ എം. കെ കൃഷ്ണന്റെ പിതാവ് ശ്രീ കണ്ണൻ അവറുകളുടെ ഉത്തരവാദിത്വത്തിലായിരുന്നു . വിദ്യാലയത്തിന്റെ അന്നത്തെ പേര് ഇംഗ്ലീഷ് സ്കൂൾ എടവനക്കാട് എന്നായിരുന്നു
എസ് പി സഭ എൽ പി സ്ക്കൂൾ
ആമുഖം സ്കൂൾ ചരിത്രം എസ് പി സഭാ എൽ പി സ്കൂൾ എടവനക്കാട് എടവനക്കാട് ഗ്രാമപഞ്ചായത്ത് എതിർവശത്തായി14ആം വാർഡിൽ വൈപ്പിൻ മുനമ്പം റോഡ് പടിഞ്ഞാറുഭാഗത്ത് ഏകദേശം 45 സെന്റ് സ്ഥലത്താണ് ഈ വിദ്യാലയം സ്ഥിതി ചെയ്യുന്നത്. 102 വർഷങ്ങൾക്ക് മുൻപ് സ്ഥാപിതമായ ഈ വിദ്യാലയം കാറ്റിൽ വീണുപോയതിനെ തുടർന്ന് 1918 ൽ സന്മർഗ്ഗ പ്രദീപിക സഭ രൂപീകരിക്കുകയും ഇപ്പോഴുള്ള സ്ഥലത്ത് വിദ്യാലയം സ്ഥാപിക്കുകയും ചെയ്തു ആദ്യം 1,2ക്ലാസുകൾ ആരംഭിക്കുകയും പിന്നീട് 5ആം ക്ലാസ്സ്‌ വരെ ഉയർത്തുകയും ചെയ്തു.1മുതൽ 4വരെ എൽ പി യായും 5മുതൽ 7വരെ യു പി യായും തരംതിരിച്ചപ്പോൾ 5ആം ക്ലാസ്സ്‌ ഈ വിദ്യാലയത്തിന് നഷ്ടമായി. വിദ്യാലയം സ്ഥാപിച്ചു 27 വർഷത്തിന് ശേഷമാണ് ഓടിട്ട കെട്ടിടമാക്കി മാറ്റിയത്.
സെന്റ് അംബ്രോസ് എൽ പി സ്ക്കൂൾ എടവനക്കാട്
1914 - ൽ ഫാ. നിക്ളാവൂസ് ഡിസൂസയുടെ കാലത്ത് പ്രവർത്തനമാരംഭിച്ചു.മതപഠനമായിരുന്നു ഉദേശ്യമെന്നാലും നാനാജാതി മതസ്ഥർ അക്ഷരം പഠിക്കാനായി എത്തിചേർന്നു. പ്രഥമവിദ്യാർത്ഥി ശ്രീ.കൊല്ലാട്ടുത്തറ അന്തോണി. പ്രഥമ ഹെഡ്മാസ്റ്റർ ശ്രീ.പരമേശ്വര മേനോൻ ആയിരുന്നു.വരാപ്പുഴ അതിരൂപതയുടെ കീഴിൽ പ്രവർത്തിക്കുന്ന ഈ വിദ്യാലയം അനേകംവിദ്യാർത്ഥികളുടെ കഴിവുകൾ പ്രോൽസാഹിപ്പിച്ചു ,പരിശീലിപ്പിച്ചു വരുന്നു.
ഹിദായത്തുൽ ഇസ്‌ലാം എച്ച്.എസ്.എസ്. എടവനക്കാട്
എറണാകുളം ജില്ലയിലെ വൈപ്പിൻ ദ്വീപിന്റെ മധ്യഭാഗത്ത് സ്ഥിതിചെയ്യുന്ന ഈ വിദ്യാലയം ഇന്ന് രണ്ടായിരത്തിലധികം കുട്ടികളും നൂറിലധികം അധ്യാപകരുമുള്ള ഒരു ഹയർ സെക്കന്ററി സ്കൂളായി എടവനക്കാട് ഗ്രാമത്തിന്റെ സാമൂഹ്യ സാംസ്കാരിക മണ്ഡലങ്ങളിൽ തലയുയർത്തി നിൽക്കുന്നു.
1920 ജൂൺ മാസത്തിൽ 3 ഡിവിഷനുകളും 120 വിദ്യാർഥികളുമായി എൽ.പി. സ്കൂളായി ആരംഭിച്ച ഈ മഹത്സ്ഥാപനം,1965 ൽ യു.പി. സ്കൂളായും, 1979 ൽ ഹൈസ്കൂളായും 2000 ൽ ഹയർസെക്കന്ററിയായും ഉയർത്തപ്പെട്ടു.