അമ്മയെപ്പോലെ നാം സ്നേഹിച്ചിടേണ്ടുന്ന
നമ്മുടെ ഭാരതഭൂമി സ്വർഗ്ഗം
അരുവികൾ വയലുകൾ കുന്നുകൾ വൃക്ഷങ്ങ-
ളെല്ലാം നിറഞ്ഞൊരു സ്വർഗ്ഗഭൂമി
ഓരോ ചെടികളും നട്ടുവളർത്തുവിൻ
നല്ലൊരു ഭാവിയെ പുൽകിടാനായ്
പച്ചപ്പരവതാനി അണിഞ്ഞുള്ളൊരു ഭൂമി
നമ്മുടെ ഭാരത സ്നേഹഭൂമി
ഒരു തൈ നടാം നൂറുകിളികൾക്കു വേണ്ടിയി-
ട്ടൊരു തൈ നടാം കൊച്ചുമക്കൾക്കുമായ്
മഴയാർത്തു പെയ്യുന്ന വിളവുകൾനിറയുന്ന
പ്രകൃതിയെ തൊട്ടുണർത്തീടുവാനായ്
പുഴകളും പൂക്കളും പുൽമേടുമെല്ലാം
നിറഞ്ഞൊരു ഭൂമി സ്നേഹ ഭൂമി
നല്ലൊരു നാളേയ്ക്കു വേണ്ടി നമു-
ക്കൊന്നിച്ചു ചേരാം പ്രതിജ്ഞ ചെയ്യാം
ഒന്നിച്ചു നിന്ന് ഒരുമിച്ച് പൊരുതാം
നമ്മുടെ ഭാരത സ്നേഹഭൂമിയ്ക്കായ്