മേരി ക്യൂൻസ് ഹൈസ്കൂൾ കുടിയാൻമല/അക്ഷരവൃക്ഷം/എരിയുന്ന കനലുകൾ

ഇരുളിൽ ഒരു തിരി നാളമായി ആൾത്തിരക്കൊഴിഞ്ഞൊരാ ഉത്സവനഗരിയാകുന്നിതാ മമ വിധിവൈവിധ്യം . . . . നിശാസഞ്ചാരിയാമെൻ സഹചാരികളായ് അവശേഷിക്കുന്നിതാ ഉപേക്ഷിക്കപ്പെട്ടവർ . . . പലതായ ആവർത്തനങ്ങളുളവാക്കിയ  നൊമ്പരങ്ങൾ കൺകളിറുക്കി , വയർരുക്കിയമർത്തി , പുഞ്ചിരിയോടങ്ങനെ സ്വീകരിക്കാൻ അവൾക്കിന്നു കഴിഞ്ഞിരിക്കുന്നു . . . തളിരിടുന്നു സ്ത്രീത്വത്തിന്റെ നാനുകൾ . ഉത്സവവീഥികൾ തൻ തോരണങ്ങൾ  മറയാക്കിടും നിരവധിയാം മിഴികളെന്നിലേക്കായ്  കൂരമ്പുകൾ തെറുത്തീടുന്നു , പലതായ നിഴലുകൾ എൻ കാലടികൾ പരതി പിന്തുടരുന്നു .  . പകൽവെളിച്ചമാന്യർ ഈ രാവിൻ നിലാവിൽ പോലുമേ അന്ധകാരം കലർത്തുന്നു . . . വിറക്കുന്നിതെൻ കരങ്ങൾ , വിതുമ്പുന്നിതെൻ അധരങ്ങൾ . . .  നിശാവീഥികളെന്നിൽ നന്നേ ദയമുളവാക്കീടുന്നിതാ . . . ഉത്സവമങ്ങനെ ആഘോഷത്തിമിർപ്പിൻ ഉച്ചകോടിയിലെത്തവെ , തടയുവാനാരുമില്ലെന്നിരിക്കെ പരിഹാസനിർഭരമാം നോട്ടങ്ങളെൻ മാറുപിളർത്തി കാമനിർവൃതിക്കൊരിരയാകാൻ ഞാനും വിധിക്കപ്പെട്ടിരിക്കുന്നുവോ ?   ലിസ് റോസ് 10A മേരി ക്വീൻസ് ഹൈസ്ക്കൂൾ ,കുടിയാന്മല ഇരിക്കൂർ ഉപജില്ല കണ്ണൂർ അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Mtdinesan തീയ്യതി: 20/ 04/ 2020 >> രചനാവിഭാഗം - കവിത