"ഗവ.എച്ച്.എസ്.എസ് മ‍ഞ്ഞപ്ര/അക്ഷരവൃക്ഷം/നേരിടാം,ഒറ്റക്കെട്ടായ്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

                           ലോകം ഇന്നേവരെ നേരിട്ടില്ലാത്തത്ര വെല്ലുവിളിയാണ് നേരിട്ടുകൊണ്ടിരിക്കുന്നത്. കൊറോണ പേടിയിലാണ് ഇന്ന് ലോകജനത . അങ്ങ് ചൈനയിലെ വുഹാനിൽ തുടങ്ങി ഇന്ന് ലോകത്താകമാനം പടർന്നുപിടിച്ചിരിക്കുന്ന കോവിഡ്-19  പരത്തുന്ന കൊരോണ വൈറസ് മനുഷ്യരുടെ ഉറക്കം കെടുത്തിയിരിക്കുന്നു.

                              2019- ന്റെ  അവസാനത്തിലാണ് ഇതിന്റെ ആരംഭം. ഈ വൈറസിന്റെ സാന്നിധ്യം സ്ഥിരീകരിച്ചപ്പോൾ അതങ്ങ് ചൈനയിലല്ലേ എന്ന് കരുതി ആശ്വസിച്ചിരുന്നവരാണ് നാം. എന്നാലിന്ന് അതേ അവസ്ഥയിൽ ഇന്ത്യാ മഹാരാജ്യവും എത്തി നിൽക്കുമ്പോൾ കൊറോണ വൈറസ് എത്ര മാത്രം ഭീകരനാണെന്ന് നാം തിരിച്ചറിയുന്നു .

                 കൊറണ വൈറസിന്റെ സൂചന കിട്ടിയ അന്നുമുതൽ ഇന്നുവരെ പഴുതടച്ച പ്രതിരോധ മാർഗങ്ങളാണ് പ്രധാനമന്ത്രിയുടെ നേതൃത്വത്തിൽ നടക്കുന്നത്. ആരോഗ്യ മേഖലയിലെ പ്രവർത്തകരുടെ ജീവിത ത്യാഗമാണ് നമ്മുടെ വിജയത്തിനടിസ്ഥാനം. വീടും കുടുംബവും ഉപേക്ഷിച്ച് ഭാരതത്തിനായിഭാരതാംബയുടെ മക്കൾക്കായി , മരണം കണ്ടു കിടക്കുന്ന ജനസഹസ്രങ്ങൾക്കു വേണ്ടി ്വർ പോരാടുകയാണ്. മറ്റുള്ളവരുടെ രോഗമുക്തിക്കുവേണ്ടി സ്വന്തം ജീവൻ ബലിയായി കൊടുത്ത നഴ്സ് ലിനിയെ പോലുള്ള സ്നേഹത്തിന്റെ മാലാഖമാർ തന്നെയാണ് നമ്മുടെ അഭിമാനം.

                  അമേരിക്ക,  ഇറ്റലി, ന്യൂയോർക്ക് തുടങ്ങിയ സമ്പന്ന രാജ്യങ്ങൾ ഇന്ന് കോവിഡ് ബാധയിൽ ഉലയുകയാണ്.  വളരെ പരിതാപകരമാണ് അവിടത്തെ സ്ഥിതിഗതികൾ.   ഇവിടെയാണ് പതിറ്റാണ്ടുകൾ കൊണ്ട് കെട്ടിപ്പടുത്ത നമ്മുടെ ആരോഗ്യ പരിപാലന സംവിധാനം ലോകത്തിനാകെ മാതൃകയാകുന്നത്. 

 

"വിജയത്തിൻറെ മാധുര്യമേറുക വെല്ലുവിളി സ്വീകരിക്കുമ്പോഴാണ് " എന്ന തോമസ് പൈനിന്റെ  വാക്കുകൾ നമുക്കോർക്കാം.  കോവി‍ഡ്-  19നെ  ഒരു വെല്ലുവിളിയായ് തന്നെ നമുക്ക് സ്വീകരിക്കാം.  ഒറ്റക്കെട്ടായ്  ഒരുമയോടെ മുന്നേറാം.  ഈ ഇരുണ്ട രാത്രികൾക്ക് ശേഷം സൂര്യോദയത്തിന്റെ പൊൻ കിരണം നാം ദർശിക്കുക തന്നെ ചെയ്യും.  അതിനായ് നമുക്ക് കാത്തിരിക്കാം.