"സി.ജി.എച്ച്.എസ്സ്.എസ്സ്.വടക്കഞ്ചേരി/നാടോടി വിജ്ഞാനകോശം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

                                   അഞ്ചുമൂർത്തി മംഗലം ടൗണിന്റെ വടക്കുവശം സ്ഥിതിചെയ്യുന്ന പ്രദേശമാണ് വടക്കേത്തറ.മാരിയമ്മൻകോവിൽ മുതൽ അഞ്ചുമൂർത്തിക്ഷേത്രം വരെ ഇതിൽ ഉൾപ്പെടുന്നു.വടക്കേത്തറ, കുന്നേക്കാട് ,വടക്കേഗ്രാമം,പടിഞ്ഞാറെവീട്,പാണത്തറ,പുഴയ്ക്കൽ പറമ്പ്,വേണാട്ടുകളപ്പറമ്പ്,ചീറമ്പംകാവ്,നൊച്ചുപറമ്പ്,വാവുള്ളിയാം കാട്,ആലയ്ക്കൽ എന്നിവയാണ് ഈ വാർഡിലെ പ്രധാന സ്ഥലങ്ങൾ.1960 ൽ ആയക്കാട്,മംഗലം,വടക്കഞ്ചേരി എന്നീ പ്രദേശങ്ങൾ ചേർത്ത് വടക്കഞ്ചേരി പഞ്ചായത്ത് നിലവിൽ വരുന്നതിനു മുൻപ് മംഗലം പഞ്ചായത്തിന്റെ ഭാഗമായിരുന്നു ഈ പ്രദേശങ്ങളെല്ലാം.അങ്ങാടി (മംഗലം ടൗൺ)യിലാണ് മംഗലം പഞ്ചായത്ത് പ്രവർത്തിച്ചിരുന്നത് അങ്ങാടിയുടെ തെക്കെ അറ്റം നായരങ്ങാടിയും വടക്കേ അറ്റം ചെട്ടിയങ്ങാടിയുമെന്നാണ് അറിയപ്പെട്ടിരുന്നത് ഇന്നത്തെപ്പോലെയുള്ള തെരഞ്ഞെടുപ്പല്ലാ അന്നുണ്ടായിരുന്നത്. കൈപ്പൊക്കി വോട്ടവകാശം രേഖപ്പെടുത്തുന്ന സമ്പ്രദായം നിലനിന്നിരുന്ന കാലമായിരുന്നു അത്.അന്നത്തെ മംഗലം പഞ്ചായത്തു പ്രസിഡന്റായിരുന്നു പരേതനായ സി.വി.ശങ്കരനാരായണൻ  മംഗലം അങ്ങാടിയോട് ചേർന്ന് ഒരു കച്ചേരിത്തൊടിയുണ്ടായിരുന്നു. നിത്യോപയോഗസാധനങ്ങൾ കച്ചവടം ചെയ്തിരുന്നത് ഇവിടെയാണ്.   

അണക്കപ്പാറ എന്നീ പ്രദേശങ്ങൾ ഉൾപ്പെട്ട ഒരു മഹൽ ആയിരുന്നു ഇവിടം എന്നും പറയുന്നുണ്ട്.കരയുടെ അധികാരിയായിരുന്ന കണ്ടശ്ശാം വീട്ടുകാർ പോലീസ് വകുപ്പിൽ പ്രവർത്തിച്ചിരുന്ന നാരായണൻ മേനോൻ,തമിഴ്‌നാട് D.M.Oആയിരുന്ന എം.കെ.രാമസ്വാമി അയ്യർ എന്നിവരായിരുന്നു ജന്മിത്തം കൊടികുത്തിവാണിരുന്ന അക്കാലത്ത് ഇവിടെയുണ്ടായിരുന്ന പ്രമുഖ ജന്മിമാർ.മലബാറിൽ ഭൂപരിഷ്കരണ നിയമം പ്രാബല്യത്തിൽ വന്നപ്പോൾ ഇവരുടെ ഭൂമിയെല്ലാം മിച്ചഭൂമിയാമി അളക്കപ്പെട്ടു.  

                             പാരമ്പര്യചികിത്സാ സമ്പ്രദായമനുസരിച്ച് ആയുർവേദ ചികിത്സ നടത്തിയിരുന്ന വീര‍ൻ വൈദ്യരുടെ കുടുംബം അക്കാലത്തെ ജനങ്ങൾക്ക് പലവിധ രോഗങ്ങളി‍ൽ  നിന്നും ആശ്വാസം നൽകിയിരുന്നു. കുപ്പുവൈദ്യരും നാരായണൻ വൈദ്യരും ഈ കുടുംബത്തിലെ കേൾവികേട്ട വൈദ്യന്മാരായിരുന്നു. പിൻ തലമുറക്കാരായ കൃഷ്ണൻ വൈദ്യൻ, Dr ഹരിദാസ് എന്നിവരിലൂടെ ഈ പാരമ്പര്യം ഇന്നും നിലനിൽക്കുന്നു.ആദ്യ കാലത്ത് മൃഗചികിത്സയും വിഷചികിത്സയും ഉണ്ടായിരുന്നതായി അനുഭസ്ഥർ പറയുന്നു.

                       വിദ്യാഭ്യാസം സമ്പന്നരുടേതുമാത്രമായിരുന്ന അക്കാലത്ത് സാധാരമക്കാരുടെ ഏക ആശ്രയം മംഗലം ടൗണിനോട് ചേർന്നുണ്ടായിരുന്ന എൽ.പി.സ്കൂൾ അഥവാ മാപ്പിള സ്കൂൾ ആയിരുന്നു.കുടിപ്പള്ളിക്കൂടമായിരുന്ന ഈസ്കൂളാണ് ഇന്ന് ടൗണിൽ നിന്നും മാറി സ്ഥിതി ചെയ്യുന്ന മംഗലം ഗവൺമെന്റ് എൽ.പി സ്കൂൾ.മാപ്പിള സ്കൂളിലെ ആദ്യകാല അധ്യാപകനായിരുന്നു ശ്രീമാൻ മൂസക്കുട്ടി.1957നു ശേഷമാണ്  എല്ലാവർക്കും വിദ്യാഭ്യാസം നേടാനുള്ള സ്വാതന്ത്ര്യം ലഭിച്ചത്.എഴുത്താണിയും താളിയോലയുമായിരുന്നു അന്നത്തെ പഠനോപകരണങ്ങൾ.

വടക്കേ ആല അവ രണ്ടും ചേർന്നതാണ് കൊല്ലത്തറ.ഇവരുടെ പാരമ്പര്യത്തൊഴിലാണ് കൊല്ലപ്പണി അഥവാ ഇരുമ്പുപണി.കരുവാൻ എന്നും ഇവർക്കു പേരുണ്ട്.വിശ്വകർമ്മ V.S.A എന്ന പേരിലും ഈ സ്ഥലം അറിയപ്പെട്ടിരുന്നു എന്ന് അഭിപ്രായമുണ്ട്.15 വീട്ടുകാരാണ് ഇപ്പോൾ ഇവിടെയുള്ളത്.പപ്പടനിർമ്മാണത്തൊഴിൽ ചെയ്യുന്ന ചെട്ടിസമുദായത്തിൽപ്പെട്ടവരും ഇവിടെയുണ്ട്.