"സെന്റ് തോമസ്സ് എച്ച്.എസ് പാലാ/പ്രവർത്തനങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

പാലാ സെന്റ് തോമസ് ഹയർ സെക്കന്ററി സ്കൂളിൽ 2024 ജൂൺ 19-ന് വായനാദിനാചരണം നടത്തി. പി.ടി.എ.പ്രസിഡന്റ് ഡോ.റ്റി.സി.തങ്കച്ചൻ അദ്ധ്യക്ഷത വഹിച്ച യോഗത്തിൽ പാലാ രൂപത വികാരി ജനറാൾ മോൺ.സെബാസ്റ്റ്യൻ വേത്താനത്ത് വായനാദിനാഘോഷങ്ങളും ക്ലബ് പ്രവർത്തനങ്ങളും ഉദ്ഘാടനം ചെയ്തു.ശ്രീ സുബിൻ എസ്. മുഖ്യപ്രഭാഷണം നടത്തി കുട്ടികൾ പ്രസംഗം, കവിതാലാപനം, നാടൻപാട്ട് തുടങ്ങി വിവിധ കലാപരിപാടികൾ അവതരപ്പിച്ചു.<br>

'''കായികരംഗം'''

കായികരംഗത്ത് സുദീർഘവും ശ്രദ്ധേയവുമായ നേട്ടങ്ങളുടെ ചരിത്രമാണ് പാലാ സെൻറ് തോമസ് ഹയർസെക്കണ്ടറി സ്കൂളിനുള്ളത്. മീനച്ചിൽ താലൂക്കിലുള്ളവർ പൊതുവെ അദ്ധ്വാനശീലരായിരുന്നു. അവരുടെ അധ്വാനശീലമാണ് അവരെ സ്പോർട്സിൽ ശക്തരാക്കിയത്. സ്കൂളിലെ കായിക വിദ്യാഭ്യാസത്തിന് വേണ്ടത്ര പ്രോത്സാഹനം നൽകിയത് ദീർഘനാൾ സ്കൂൾ കായികാധ്യാപകനായിരുന്ന ശ്രീ. സി. ജോസഫ് പുതിയിടംസാറായിരുന്നു. കായികരംഗവുമായി ബന്ധപ്പെട്ട ആർക്കും ആ നാമധേയം മറക്കുവാൻ കഴിയുകയില്ല. തികഞ്ഞ അർപ്പണബോധവും ആത്മാർത്ഥതയും കൂടിച്ചേർന്ന അദ്ദേഹത്തിൻറെ പ്രവർത്തനശൈലി പാലായിൽ നിന്നും ഒട്ടനവധി ദേശീയ, അന്താരാഷ്ട്ര കായിക പ്രതിഭകളെ കണ്ടെത്തുവാൻ സഹായകരമായി. ഹ്രസ്വദൂര ഓട്ടക്കാരനായിരുന്ന ശ്രീ. ജോസഫ് കുഞ്ഞ് പുതുമന, ശ്രീ. പി.ജെ. ചെറിയാൻ വെളുത്തേടത്തുപറമ്പിൽ എന്നിവരും ദീർഘദൂര ഓട്ടക്കാരായിരുന്ന ശ്രീ. കെ.എം. മാത്യു കുറിച്ചിയിൽ, ശ്രീ. പാപ്പച്ചൻ പുല്ലാട്ട്, ശ്രീ.കെ.കെ. കുരുവിള കളപ്പുര എന്നിവരും ജമ്പിംഗ് രംഗത്തെ മികച്ച അത്ലറ്റുകളായ ശ്രീ. എസ്. പഴനിയാപിള്ള, ശ്രീ. ജോസ് ജോസ് വെട്ടം എന്നിവരും ത്രോ ചാമ്പ്യന്മാരായ ശ്രീ. കുരുവിള കുരുവിള ഇലഞ്ഞിയിലും പോൾവോൾട്ട് ഇതിഹാസമായിരുന്ന മൺമറഞ്ഞ ശ്രീ. കെ.എസ്. തോമസ് കാപ്പനും ശ്രീ. സി ജോസഫ് സാറിൻറെ കണ്ടെത്തലുകളിൽ ചിലർ മാത്രമായിരുന്നു.