തിരക്കിട്ടൊഴുകുന്ന നമ്മുടെ ജീവിതം
ഒരൊഴുക്കാർന്ന പുഴയെപ്പോലായിരുന്നു
ചിരിക്കാനും കളിക്കാനും ചിന്തിക്കാനുമൊക്കെ
തിരക്കാർന്ന ജീവിതത്തിൽ സമയം കുറവായിരുന്നു
മഹാമാരി പെയ്തപോലെ
മഹാദുരിതം വിതക്കാൻ കൊറോണയെത്തിയപ്പോൾ
തിരക്കാർന്ന ജീവിതം ഭയമായി മാറിയത്
അറിയാതെ പോയ് നാം ഇടവഴികളിൽ
പൂമരത്തിൽ ഇല കൊഴിയുന്നത്പോലെ
കൈവിട്ടുപോയ് നമ്മിൽ നിന്നും പലർ
ആത്മവിശ്വാസവും മനസ്സിൽ കണ്ട്
അതിജീവിച്ചു പലരുമിതിനെ
വീട്ടിലിരിക്കൂ എന്നും ചൊല്ലി
കർഫ്യൂവും ലോക്ഡൗണുമെത്തിയപ്പോൾ
വിദേശത്തു നാടും വീടും കുടുംബവുമകന്നു ജോലി തേടി
പോയവർക്കെല്ലാം ഇപ്പോൾ അടുക്കണമകന്നവരോടൊക്കെ
ഇന്നേരം ഭയമല്ല ജാഗ്രതയാണെന്നും പറഞ്ഞു
ആത്മവിശ്വാസം കൊണ്ട് സർക്കാർ എത്തി
എന്നറിയാതെ പോയ പാവങ്ങളെ
ഇന്നറിഞ്ഞൂ പലവിധത്തിൽ
അപ്പോഴും പറക്കുന്നു കൊറോണയെപ്പോലെ
കയ്യൊഴിയാത്തൊരീ വ്യാജസന്ദേശം
വ്യാജത്തെ തള്ളീ സത്യവുമായെത്തി
പത്രവും വാർത്താ ചാനലുകളും
കരുതലോടെ ജാഗ്രതയോടെ
തുഴയുകയാണു നാം മഹാസമുദ്രവും
ചെറുപങ്കായത്തിൽ കൈപ്പിടിച്ചു
അക്കരെയെത്താൻ നമുക്ക് കഴിയും
കൊറോണയെ പൊരുതി ഒരു ജന്മം കൂടി
ഈ തിരക്കാർന്ന ജീവിതത്തിൽ
നമുക്ക് വാഴാൻ കഴിയും,
പരിശ്രമിക്കാം ഒന്നിച്ചു .