ജി.എച്ച്.എസ്. എസ്. പട്ള/പ്രവർത്തനങ്ങൾ/2026-27
പ്രവർത്തനങ്ങൾ
ലോക പരിസ്ഥിതി ദിനം
ലോക പരിസ്ഥിതി ദിനം വിവിധ പരിപാടികളോട് കൂടി ജി എസ് എസ് പട്ല യിൽ ആചരിച്ചു. 'പ്രകൃതിയിൽ നിന്നും പ്രചോദനം ഉൾക്കൊണ്ടുകൊണ്ട് കാലാവസ്ഥയ്ക്കായി നമ്മുടെ ഭാവിക്കായി' എന്ന സന്ദേശം ഉൾക്കൊണ്ടുകൊണ്ട് രാവിലെ പരിസ്ഥിതി ദിന പ്രത്യേക അസംബ്ലി കൂടുകയും പരിസ്ഥിതി ദിന സന്ദേശം കുട്ടികൾക്ക് നൽകുകയും, പരിസ്ഥിതി സംരക്ഷണ പ്രതിജ്ഞയും ശുചിത്വ പ്രതിജ്ഞയും എടുക്കുകയും ചെയ്തു.പ്രസ്തുത പരിപാടിയിൽ ഹരിത കർമ്മ സേന അംഗങ്ങളെ മുഖ്യാതിഥികളായി ക്ഷണിക്കുകയും അവർക്ക് ആദരവ് നൽകുകയും ചെയ്തു. കൂടാതെ സ്കൂൾ പരിസരത്തിനടുത്ത് HM ഖദീജ ടീച്ചർ വൃക്ഷതൈ നട്ടുകൊണ്ട് ഈ പരിപാടിക്ക് തുടക്കം കുറിച്ചു.തുടർന്ന് പിടിഎ ഭാരവാഹികളും ഇക്കോ ക്ലബ്ബ് അംഗങ്ങളും കുട്ടികളുംചേർന്ന് വൃക്ഷ തൈകൾ നട്ടുപിടിപ്പിക്കുകയുണ്ടായി.കുട്ടികൾ തയ്യാറാക്കി കൊണ്ടുവന്ന പരിസ്ഥിതി ദിന പോസ്റ്ററുകൾ പ്രദർശിപ്പിക്കുകയും രക്ഷകർത്താക്കൾക്ക് പോസ്റ്റർ രചന മത്സരവും സംഘടിപ്പിക്കുകയുണ്ടായി.പരിസ്ഥിതി സംരക്ഷണത്തെക്കുറിച്ച് അവബോധം ഉണർത്തുന്ന ഫ്ലാഷ് മോബ് രൂപത്തിലുള്ള മൈമും കുട്ടികൾ അവതരിപ്പിച്ചിരുന്നു . മണ്ണ് കുഴച്ചു ഉരുളകളാക്കി അതിൽ ശേഖരിച്ച് വെച്ച വിത്തുകൾ നിറച്ച് 'seed bombing ' എന്ന പേരിൽ വിതറിയിരുന്നു . ഇക്കോ ക്ലബ് അംഗങ്ങൾ ക്ലാസുകൾ തോറും കയറി മറ്റു കുട്ടികൾക്ക് പരിസ്ഥിതി സംരക്ഷണത്തെക്കുറിച്ചും മാലിന്യങ്ങൾമൂലമുണ്ടാകുന്ന ദോഷവശങ്ങളെ കുറിച്ചും ബോധവൽക്കരണം നടത്തുകയും.തുടർന്ന് പരിസ്ഥിതി ദിന റാലിയും ക്വിസ് മത്സരവും സംഘടിപ്പിപ്പിക്കുകയും ചെയ്തു. കുട്ടികളിൽ പരിസ്ഥിതി സംരക്ഷണത്തെക്കുറിച്ച് അവബോധം വളർത്തിയെടുക്കുന്നതിന് ഈ പരിപാടി നല്ല രീതിയിൽ ഉപയോഗപ്പെട്ടിട്ടുണ്ടെന്ന് വിലയിരുത്തുന്നു
പ്രവേശനോത്സവം 2026-27 ജൂൺ 1
ഒരു പുതിയ അധ്യയന കാലം കൂടി വന്നു ചേർന്നിരിക്കുന്നു. ആദ്യാക്ഷരത്തിന്റെ മധുരവനത്തിലേക്ക് ഇടവ മഴത്തുള്ളികൾക്കൊപ്പം ആടിയും പാടിയും ഒരുപാടു കുരുന്നു പ്രതിഭകൾ കടന്നു വരുന്നു. അവരുടെ ഹൃദയത്തിന്റെ ചിലമ്പൊച്ച എങ്ങും പടരുന്നു. അങ്ങനെ അക്ഷരം പകരുന്ന വിദ്യാലയം ഒരു സംസ്കാരമായി മാറുന്നു.
2026 - 27 അധ്യയന വർഷത്തെ പഞ്ചായത്ത് തല പ്രവേശനോത്സവം നമ്മുടെ സ്കൂളിൽ വച്ചാണ് നടന്നത്. നവാഗതരെ മധുരവും സമ്മാനപ്പൊതിയും നൽകി സ്വീകരിച്ചു. ചടങ്ങിന്റെ ഭാഗമായി കുട്ടികൾ സൈബർ സുരക്ഷ പ്രതിജ്ഞ എടുത്തു. സംസ്ഥാന സ്കൂൾ പ്രവേശനോത്സവത്തിന്റെ തത്സമയ പ്രക്ഷേപണവും വിദ്യാഭ്യാസ മന്ത്രിയുടെ ആശംസ വീഡിയോയും പ്രവേശനോത്സവ ഗാനവും പ്രദർശിപ്പിച്ചു.
പ്രതിഭകൾക്കുള്ള അനുമോദനം
പ്രവേശനോത്സവത്തോടനുബന്ധിച്ച് 2025 - 26 വർഷത്തിൽ വിവിധ മേഖലകളിൽ മികച്ച നേട്ടം കൈവരിച്ച പ്രതിഭകൾക്കായി അനുമോദന ചടങ്ങും നടത്തി. ചടങ്ങ് കാസർഗോഡ് ജില്ലാ പഞ്ചായത്ത് പ്രസിഡൻറ് ശ്രീ. സാബു എബ്രഹാം ഉദ്ഘാടനം ചെയ്തു. എസ് എസ് എൽ സി, പ്ലസ് ടു, എൻ എം എം എസ്, എൽ എസ് എസ്, എന്നീ പരീക്ഷകളിൽ മികച്ച വിജയം കൈവരിച്ച കുട്ടികളെ അനുമോദിച്ചു.
[വീഡിയോ]