ചിറക്കടവ്
കോട്ടയം ജില്ലയിൽ കാഞ്ഞിരപ്പള്ളി താലൂക്കിലെ ഒരു പ്രധാന ഗ്രാമമാണ് ചിറക്കടവ്. പൊൻ‌കുന്നം ചിറക്കടവ് പഞ്ചായത്തിലെ ഒരു പ്രധാന പട്ടണമാണ്.
ഐതിഹ്യം
പാണ്ഡവപരമ്പരകളുടെ പാദസ്‌പർശമേറ്റ സ്ഥലമാണിതെന്ന് ഐതിഹ്യമുണ്ട് [അവലംബം ആവശ്യമാണ്]
ചരിത്രം
ആൾവാർ വംശാധിപത്യകാലത്തും ഈസ്ഥലത്തെക്കുറിച്ച്‌ പരാമർശമുണ്ട്‌. അമ്പലപ്പുഴ ചെമ്പകശ്ശേരി രാജാവ്‌ ആൾവാർ വംശത്തെ തുരത്തി ചിറക്കടവിനെ അധീനതയിലാക്കി. ഇതിനിടെ മാർത്താണ്ഡവർമ്മ മഹാരാജാവ്‌ ചെമ്പകശ്ശേരി രാജാവിനെ പരാജയപ്പെടുത്തി തിരുവിതാംകൂറിന്റെ ഭാഗമാക്കി. ഈ പ്രദേശത്തെ ചെമ്പകശ്ശേരി രാജാവിനെ കീഴ്‌പ്പെടുത്താൻ മാർത്താണ്ഡവർമ്മയ്‌ക്ക്‌ സഹായം നൽകിയത്‌ ചെങ്ങന്നൂർ വഞ്ഞിപ്പുഴ തമ്പുരാനാണ്‌. പ്രത്യുപകാരമായി ചിറക്കടവ്, ചെറുവള്ളി, പെരുവന്താനം എന്നീ മൂന്നുദേശങ്ങൾ കരമൊഴിവായി വഞ്ഞിപ്പുഴ തമ്പുരാന്‌ കിട്ടി. പിന്നീട്‌ 1956 ൽ ഐക്യകേരളപ്പിറവിയോടെ നാടുവാഴിത്തം ഇല്ലാതായി സർക്കാരിന്‌ അവകാശമായി. [അവലംബം ആവശ്യമാണ്]
ഗ്രാമത്തിനെ പതിനാറ് വാർഡുകളായി തിരിച്ചിരിക്കുന്നു. ചിറക്കടവ് പഞ്ചായത്തിന്റെ ഭരണം ഇപ്പോൾ ഇടതുപക്ഷമാണ്‌ കൈയാളുന്നത്‌. അഡ്വ. ജയാ ശ്രീധർ ആണ് പഞ്ചായത്ത്‌ പ്രസിഡന്റ്‌. മൊത്തം വിസ്തീർണം ഏകദേശം 38.4 ച. കി. മീ. ആണ്. പ്രധാന കാർഷിക ഉല്പന്നം റബ്ബർ ആണ്. ശബരിമലയിലേക്കും, എരുമേലിക്കുമുള്ള പ്രധാന പാത ഈ ഗ്രാമത്തിലൂടെയാണ് കടന്നു പോകുന്നത്. ദേശീയപാത 220(കെ.കെ റോഡ്) ആണ് ചിറക്കടവിലൂടെയുള്ള പ്രധാന പാത.
അവലംബം
കുറിപ്പുകൾ