ഗവ വി വി എച്ച് എസ് എസ് , കോടംതുരുത്ത്/ചരിത്രം

കിഴക്കിൻറെ വെനീസ് എന്നറിയപ്പെടുന്ന ആലപ്പുഴ പട്ടണത്തിൽ നിന്നും 36 കിലോമീറ്റർ വടക്കും കൊച്ചി നഗരത്തിൽ നിന്നു 27 കിലോമീറ്റർ തെക്കുമായി എൻ എച്ചിൻറെ ഇരുവശങ്ങളിലുമായി സ്ഥിതി ചെയ്യുന്ന കോടംതുരുത്ത് ഗ്രാമം മികവിന്റെ പട്ടികയിൽ ഉൾപ്പെട്ടതാണ് . ചേർത്തല താലൂക്കിലുള്ള പ്രകൃതി മനോഹരമായ ഈ പഞ്ചായത്തിൻറെ വടക്ക് എഴുപുന്ന പഞ്ചായത്തും തെക്ക് കുത്തിയതോട് പഞ്ചായത്തും കിഴക്ക് വേമ്പനാട്ട് കായലിൻറെ ഉപശാഖയായ ഉളവയ്പ്പ് കായലും പടിഞ്ഞാറ് എറണാകുളം ജില്ലയുടെ ഭാഗമായ ചെല്ലാനവും അതിരുകൾ പങ്കിടുന്നു .അരൂർ അസംബ്ലി മണ്ഡലത്തിലാണ് ഈ പഞ്ചായത്ത് ഉൾപ്പെടുന്നത്

കോടം തുരുത്തിൻറെകിടപ്പ് വളഞ്ഞും പുളഞ്ഞുമാണ് .ഈ പ്രത്യേകതയെ 'കോടിയ'എന്ന വാക്കുപയോഗിച്ചാണ് വ്യവഹരിച്ചു പോന്നത് .

വേമ്പനാട്ട് കായലിൻറെ ഉപശാഖയായ ഉളവയ്പ്പ് കായലിൻറെയും പടിഞ്ഞാറ് കുറുമ്പിക്കായലിൻറെയും വല്ലേത്തോട്,പൊഴിത്തോട് ,കരേത്തോട് ,തയ്യിൽത്തോട് തുടങ്ങിയവയുടെ ഉള്ളിലേയ്ക്ക് വളഞ്ഞുംപുളഞ്ഞും കയറിക്കിടക്കുന്ന ഭൂപ്രദേശമായത്തിനാൽ ഇതിനെ കോടിയതുരുത്ത് എന്നാണ് ഈ നാടിനെ പഴമക്കാർ വിളിച്ചിരുന്നത് .ഈ പേര് പിന്നീട് കോടംതുരുത്ത് ആയി മാറുകയാണുണ്ടായത് എന്നു പറയപ്പെടുന്നു .

ഉളവയ്പ്പ് കായൽ
കുറുമ്പിക്കായൽ

കൂടാതെ മറ്റൊരു ചരിത്രവും പറയപ്പെടുന്നുണ്ട് .പണ്ടുകാലത്ത് എട്ടുവീട്ടിൽ കർത്താക്കന്മാരുടെ വീടുകളിലേയ്ക്ക് തയ്യിൽ തോട് വഴി ആഴ്വാഞ്ചേരി തമ്പ്രാക്കൾ എത്തിയിരുന്നു .പള്ളിയോടങ്ങളിലായിരുന്നു ഇവരുടെ സഞ്ചാരം .അങ്ങനെ പള്ളിയോടങ്ങളിൽ വന്നിരുന്നതിനാൽ ഓടം തുരുത്ത് എന്നറിയപ്പെടുകയും പിന്നീടത് കോടംതുരുത്ത് ആയി മാറുകയും ചെയ്തു എന്നു പറയപ്പെടുന്നു .

കരപ്പുറം എന്ന പേരിലാണ് ചേർത്തല താലൂക്ക് അറിയപ്പെട്ടിരുന്നത് .മൂത്തേടത്ത് ,ഇളയേടത്ത്എന്ന രണ്ടു നാടുകൾ ഇവിടെ ഉണ്ടായിരുന്നു .ഇതിൽ മുട്ടം കേന്ദ്രമാക്കി ഭരിച്ചിരുന്ന മൂത്ത കൈമളിൻറെ നാട്ടുരാജ്യത്തിലാണ് ഈ പ്രദേശം ഉൾപ്പെട്ടിരുന്നത് .

ഈ ഗ്രാമത്തിൽ 6 ഔപചാരിക വിദ്യാഭ്യാസ സ്ഥാപനങ്ങളാണ് ഉള്ളത് .ഇവയിൽ നാലെണ്ണം സർക്കാർ വിദ്യാലയങ്ങളും രണ്ടെണ്ണം എയിഡെഡ് വിദ്യാലയങ്ങളുമാണ് .ഇതിൽ ഗവ :വി വി എച്ച് എസ് എസും ,ഇ സി ഇ കെ യൂണിയൻ എച്ച് എസ്സും,കോടംതുരുത്ത് ഗവ: എൽ പി എസ്സും നാഷനൽ ഹൈ വേയുടെ ഓരത്ത് സ്ഥിതി ചെയ്യുന്നു . യൂ പി സ്കൂളുകളായ ഗവ :ചങ്ങരം യൂ പി എസ്സും ,സെൻറ് മാർടിൻ യൂ പി എസ്സും സെൻറ് ആൻറണീസ് ഗവ :എൽ പി എസ്സും പഞ്ചായത്തിൻറെ പടിഞ്ഞാറ് ഭാഗത്ത് സ്ഥിതി ചെയ്യുന്നു . വേലിക്കകത്ത് സ്ക്കൂൾ എന്നറിയപ്പെടുന്ന വാണിവിലാസം സ്ക്കൂൾ നിലത്തെഴുത്തു കളരിയായി 1930 ൽ ആരംഭിച്ചു. ശ്രീ ഗോവ്ന്ന കർത്താവിന്റെ ശ്രമഫലമായി എൽ.പി. സ്ക്കൂളായി 1935 ല് ഉയർത്തി.പിന്നീട് മാനേജർ ശ്രീ. വി.എൻ. കൃഷ്ണകർത്താവ് 1947-ൽ സ്ക്കൂള് ‍‍സര്ക്കാരിനു കൈമാറി.യു.പി. സ്ക്കൂലായി 1968- ല് അപ് ഗ്രേഡ് ചെയ്തു. 1981-ല് ഹൈസ്ക്കൂളായി. 2004-ല് ഹയര് സെക്കണ്ടറി സ്ക്കൂളായി.

കോടംതുരുത്ത്ഗ്രാമപഞ്ചായത്ത് പതിനൊന്നാം വാർഡിൽ സ്ഥിതി ചെയ്യുന്ന ഈ വിദ്യാലയം എഴുപുന്ന ,കോടംതുരുത്ത് ,കുത്തിയതോട് ,തുറവൂർ എന്നീ നാലു പഞ്ചായത്തുകളുടെ പരിധിയിലുള്ള ഏക ഗവൺമെൻറ് ഹയർ സെക്കൻററി സ്കൂളാണ് .വേലിക്കകത്ത് കുടുംബാംഗങ്ങളുടെ ശ്രമഫലമായിട്ടാണ് ഈ വിദ്യാലയം ആരംഭിച്ചത് .അതുകൊണ്ട് തന്നെ ഈ വിദ്യാലയം വേലിക്കകത്ത് സ്കൂൾ എന്നും അറിയപ്പെടുന്നു . പ്രൈമറിയായി ആരംഭിച്ച ഈ വിദ്യാലയത്തിൻറെ ഭരണച്ചുമതല എൻ എസ് എസ് കരയോഗത്തെ ഏൽപ്പിച്ചു .1943-ഇൽ (സർ സി പി രാമസ്വാമി അയ്യരുടെ കാലത്ത് )ഈ സ്ഥാപനം സർക്കാരിന് വിട്ടു കൊടുത്തു .തുടർന്ന് തദ്ദേശ വാസികളുടെ ശ്രമ ഫലമായി 1961 ഇൽ യൂ പി സ്കൂളായി ഉയർത്തപ്പെട്ടു . ഇക്കാലത്ത് 'അരക്ലാസ്സ് 'എന്നറിയപ്പെട്ടിരുന്ന നേഴ് സറിയും പ്രവർത്തിച്ചിരുന്നു .1981ഇൽ ഹൈ സ്കൂളായും 2004 ഇൽ ഹയർ സെക്കൻററിയായും ഉയർത്തപ്പെട്ടു .

ചരിത്രം https://www.facebook.com/111224076916926/posts/111259550246712/?sfnsn=wiwspmo