ഗവ.മോഡൽ എച്ച്എസ്എസ് വെള്ളമുണ്ട/ഗണിത ക്ലബ്ബ്
ഗണിത ക്ലബ്ബ്
രൂപീകരണം
ഗണിത പഠനം അസ്വാദ്യകരമാക്കുന്നതിനും കുട്ടികളിൽ ഗണിതത്തോട് താത്പര്യമുണ്ടാക്കിയെടുക്കുന്നതിനും വേണ്ടി വിദ്യാലയത്തിൽ പ്രവർത്തിക്കുന്ന ക്ലബ്ബാണ് ഗണിത ക്ലബ്ബ്. ശ്രീമതി ഷഫീന വി കെ ആണ് ഗണിതക്ലബ്ബിന്റെ കൺവീനർ. ഗണിത ക്ലബ്ബിന്റെ ആഭിമുഖ്യത്തിൽ വിവിധ മത്സരങ്ങൾ നടത്തിവരുന്നു. കുുട്ടികൾക്ക് ഗണിതത്തോടുള്ള ഭയം ഒഴിവാക്കുന്നതിനും ഗണിതത്തിലുള്ള കുട്ടികളുടെ താൽപര്യം വർദ്ധിപ്പിക്കുന്നതിനും ഇത്തരം പ്രവർത്തനങ്ങൾ സഹായകരമാണ്. ഗണിത ശാസ്ത്രമേളയിൽ തിളക്കമാർന്ന നേട്ടങ്ങൾ കാഴ്ച വെക്കാൻ വിദ്യാലയത്തിലെ പ്രതിഭകൾക്ക് സാധിച്ചിട്ടുണ്ട്.
18-6-21 ന് 110 പേർ അംഗങ്ങളായി ഗണിത ക്ലബ്ബ് രൂപീകരിച്ചു. മാനസ് ജോബി കൺവിനറും കെസിയ ജോർജ്ജ് ജോയിന്റ് കൺവീനറുമായി തിരഞ്ഞെടുത്തു.
ഓണാഘോഷത്തിന്റെ ഭാഗമായി വിദ്യാർത്ഥികൾക്കായി 16 -08 - 21 ന് ഓൺലൈൻ ഗണിത പൂക്കള ഡിസൈനിങ്ങ് മത്സരം സംഘടിപ്പിച്ചു. ഒന്ന്, രണ്ട് , മൂന്ന് സ്ഥാനങ്ങൾ നേടിയവർക്ക് സമ്മാനങ്ങൾ വിതരണം ചെയ്തു. സ്കൂൾ തലത്തിൽ ഒന്നാം സ്ഥാനത്തിന് അർഹയായ ഹനാന ഫാത്തിം ജില്ലാ തല മത്സരത്തിൽ പങ്കെടുത്തു.
ഗണിത ക്വിസ് മത്സരം
12-10 -21 ന് സ്കൂൾ തല ഗണിത ക്വിസ് മത്സരം സംഘടിപ്പിച്ചു. ഒന്ന്, രണ്ട് , മൂന്ന്, നാല് സ്ഥാനങ്ങൾ നേടിയ മഹിൻ സൈഫുള്ള ഷംല ഷെറിൻ , ശ്രീലക്ഷമി സുരേഷ്, ഇവ് ലിൻ മേരി ടോം എന്നിവർക്ക് ട്രോഫിയും സർട്ടിഫിക്കറ്റും വിതരണം ചെയ്തു.
ദേശീയ ഗണിത ശാസ്ത്രദിനം - ഓൺലൈൻ ഗണിത ക്വിസ് മത്സരം
പ്രശസ്ത ഗണിത ശാസ്ത്രജ്ഞനായ ശ്രീനിവാസ രാമാനുജന്റെ ജൻമദിനമായ ഡിസംബർ 22 ദേശീയ ഗണിത ശാസ്ത്രദിനത്തിന്റെ ഭാഗമായി ഓൺലൈൻ ഗണിത ക്വിസ് മത്സരം നടത്തി. 450 ഓളം പേർ മത്സരത്തിൽ പങ്കെടുത്തു. ഹനാന ഫാത്തിം, മുഹമ്മദ് സബീൽ, ചൈത്ര ഷൈജു എന്നിവർ യഥാ ക്രമം ആദ്യത്തെ 3 സ്ഥാനങ്ങൾക്ക് അർഹരായി. വിജയികൾക്ക് സമ്മാനങ്ങൾ നൽകി.
ഗണിതം മധുരം - സെമിനാർ സംഘടിപ്പിച്ചു (26-07-2022)
വെള്ളമുണ്ട:- വെള്ളമുണ്ട ഗവൺമെൻറ് മോഡൽ ഹയർസെക്കൻഡറി സ്കൂൾ ഗണിതശാസ്ത്ര ക്ലബ്ബിന്റെ ആഭിമുഖ്യത്തിൽ കുട്ടികളിൽ ഗണിതത്തോട് താൽപര്യവും അഭിരുചിയും വളർത്തുക എന്ന ലക്ഷ്യത്തോടെ ഗണിതം മധുരം എന്ന പേരിൽ സെമിനാർ സംഘടിപ്പിച്ചു. ഗണിതശാസ്ത്ര ക്ലബ്ബിലെ അംഗങ്ങളായ നൂറോളം വിദ്യാർത്ഥികൾ പങ്കെടുത്തു. പരിപാടി എച്ച് എം ഇൻചാർജ് ഷീജ നാപ്പള്ളി ടീച്ചർ ഉദ്ഘാടനം ചെയ്തു. വിദ്യാർത്ഥികളായ ശിവഹരി, സിദ്ധാർത്, ആദില തസ്നിം, ഫാത്തിമ സുഹാന, റിയ ഫാത്തിമ, റിഷ നസ്രി, നേഹ, സഫ്ന എന്നിവർ വ്യത്യസ്ത ഗണിത ശാസ്ത്രജ്ഞരെ കുട്ടികൾക്ക് മുമ്പിൽ പരിചയപ്പെടുത്തി . ഗണിത ശാസ്ത്ര അധ്യാപിക ജിജി എം കെ അധ്യക്ഷത വഹിച്ചു.
എസ് ആർ ജി കൺവീനർ പ്രസാദ് വി കെ . അധ്യാപകരായ അഞ്ജലി മോഹൻ,ഷഫീന വി കെ, എന്നിവർ ആശംസകൾ അർപ്പിച്ചു ഗണിത അധ്യാപകരായ വിനു കെ എ സ്വാഗതവും അജിനാസ് മാസ്റ്റർ നന്ദിയും പറഞ്ഞു
