ഗവ. എച്ച്.എസ്.എസ്. വെണ്ണല/പരിസ്ഥിതി ക്ലബ്ബ്

പരിസ്ഥിതി ക്ലബ്

പരിസ്ഥിതി ദിനം ആചരിച്ചു

വെണ്ണല: ലോക പരിസ്ഥിതി ദിനത്തോടനുബന്ധിച്ച് ഗവ. ഹയർ സെക്കൻഡറി സ്കൂൾ വെണ്ണലയിൽ വിവിധ പരിപാടികളോടെ പരിസ്ഥിതി ദിനാചരണം സംഘടിപ്പിച്ചു. “പ്രകൃതിയിൽ നിന്നും പ്രചോദനം ഉൾക്കൊണ്ട് (Inspired by Nature) | കാലാവസ്ഥയ്ക്കായി (For Climate) | നമ്മുടെ ഭാവിക്കായി (For Our Future)” എന്ന സന്ദേശം മുൻനിർത്തിയാണ് പരിപാടികൾ നടന്നത്.

സ്കൂൾ ഹെഡ്മിസ്ട്രസ് ശ്രീമതി ചന്ദ്രലേഖ ടീച്ചറുടെ അധ്യക്ഷതയിൽ ചേർന്ന യോഗത്തിൽ പരിസ്ഥിതി സംരക്ഷണ പ്രതിജ്ഞ ചൊല്ലി. വാർഡ് കൗൺസിലർ ശ്രീ. സാബു കോറോത്ത് പരിപാടി ഉദ്ഘാടനം ചെയ്തു. ഹരിതസേന ക്ലബ് കോർഡിനേറ്ററും ജീവശാസ്ത്ര അധ്യാപകനുമായ ശ്രീ. ബ്രയിലി ചന്ദ്ര ബാലൻ പരിസ്ഥിതി ദിന സന്ദേശം നൽകി.

തുടർന്ന് ആദി ദേവ് (10 C) അവതരിപ്പിച്ച പരിസ്ഥിതി ഗാനവും യു.പി. വിഭാഗം വിദ്യാർത്ഥികളായ അക്ഷിത രാജേഷ്, അൻഷി എ. രാജ് (7 B) എന്നിവർ അവതരിപ്പിച്ച “ഒരു തൈ നടാം നമുക്കമ്മയ്ക്ക് വേണ്ടി” എന്ന കവിതയുടെ ദൃശ്യാവിഷ്കാരവും പരിപാടിക്ക് മാറ്റുകൂട്ടി. ഹരിതസേന ക്ലബിന്റെ പ്രവർത്തന പരിപാടികൾ സാറ നീലാംബ്ര (10 B) അവതരിപ്പിച്ചു.

ഹരിതസേന ക്ലബ്ബിന്റെ 2025–26 അധ്യയന വർഷത്തെ സ്കോളർഷിപ്പ് ജേതാവായ ഇന്ദ്രനീൽ ജീവൻ (10 B) പാഴ്‌വസ്തുക്കളിൽ നിന്ന് മൂല്യവർധിത ഉൽപ്പന്നങ്ങൾ നിർമ്മിക്കുന്നതിനെക്കുറിച്ച് വിശദീകരിച്ചു. പ്ലാസ്റ്റിക് മാലിന്യങ്ങളുടെ ദോഷഫലങ്ങളെക്കുറിച്ച് ബോധവത്കരണ പ്രവർത്തനങ്ങളും സംഘടിപ്പിച്ചു.

ഇന്ത്യയിലെ ആദ്യത്തെ ആൽഗ ട്രീ (ഓക്സിജൻ ട്രീ) ഭോപ്പാലിൽ സ്ഥാപിച്ചതിന്റെ മാതൃക പിന്തുടർന്ന്, എക്കോ ക്ലബ്ബിന്റെ നേതൃത്വത്തിൽ ഇന്ത്യയിലെ രണ്ടാമത്തെയും കേരളത്തിലെ ആദ്യത്തെയും ആൽഗ ട്രീ GHSS വെണ്ണലയിൽ സജ്ജമാക്കി. പദ്ധതിയുടെ പ്രാരംഭ പ്രവർത്തനങ്ങൾ എക്കോ ക്ലബ് കോർഡിനേറ്റർ വിശദീകരിച്ചു.

പരിസ്ഥിതി സംരക്ഷണ സന്ദേശമുയർത്തി വിദ്യാർത്ഥികൾ തയ്യാറാക്കിയ പോസ്റ്ററുകൾ പ്രദർശിപ്പിച്ചു. പരിപാടിയുടെ ഭാഗമായി പോസ്റ്റർ രചന, പരിസ്ഥിതി ക്വിസ്, ഡിജിറ്റൽ പോസ്റ്റർ നിർമ്മാണം, മൊബൈൽ വീഡിയോ നിർമ്മാണം തുടങ്ങിയ മത്സരങ്ങളും സംഘടിപ്പിച്ചു.

അവസാനമായി ദേശിയഗാനത്തോടെ പരിപാടികൾ സമാപിച്ചു. പരിസ്ഥിതി സംരക്ഷണം ഓരോ പൗരന്റെയും ഉത്തരവാദിത്തമാണെന്നും അതിനായി വിദ്യാർത്ഥികൾ സജീവമായി മുന്നിട്ടിറങ്ങണമെന്നും ചടങ്ങിൽ പങ്കെടുത്തവർ ആഹ്വാനം ചെയ്തു. 🌿🌎

ലോക പരിസ്ഥിതി ദിന ക്വിസ് ഫൈനൽ വിജയകരമായി സംഘടിപ്പിച്ചു

ലോക പരിസ്ഥിതി ദിനത്തോടനുബന്ധിച്ച് ഗവ. ഹയർ സെക്കൻഡറി സ്കൂൾ വെണ്ണലയിൽ സംഘടിപ്പിച്ച ക്ലാസ് തല ക്വിസ് മത്സരത്തിൽ വിജയികളായ 3 അംഗങ്ങൾ വീതമുള്ള 5 ടീമുകൾ (10B, 10C, 9B, 8A, 8B) ഇന്ന് നടന്ന ഗ്രാൻഡ് ഫിനാലെയിൽ പങ്കെടുത്തു.

ഓഡിയോ-വിഷ്വൽ റൗണ്ടുകൾ ഉൾപ്പെടെ ആകെ 6 റൗണ്ടുകളിലായി നടന്ന മത്സരത്തിൽ വിദ്യാർത്ഥികൾ മികച്ച പ്രകടനം കാഴ്ചവച്ചു. മത്സരത്തിലെ ചോദ്യങ്ങളും ഉത്തരങ്ങളും വീഡിയോ രൂപത്തിൽ എല്ലാവരുടെയും അറിവിലേക്കായി പങ്കുവെക്കുന്നതാണ്.

വിജയികൾ

🥇 ഒന്നാം സ്ഥാനം – 10C

ആദിദേവ്

മുഹമ്മദ് അൽദിൻ

മുഹമ്മദ് ഫർഹാൻ കെ. എസ്.

🥈 രണ്ടാം സ്ഥാനം – 9B

ആഞ്ജലീന

മുഹമ്മദ് നാസിം

ഫാത്തിമ ഷിഫാന

🥉 മൂന്നാം സ്ഥാനം – 10B

ഇന്ദ്രനീൽ ജീവൻ

ഇസാക്കി മുത്തു

സാറ നീലാമ്പ്ര

മറ്റ് ടീമുകൾ

നാലാം സ്ഥാനം – 8A

രാഖി

നിരഞ്ജന

അനന്യ

അഞ്ചാം സ്ഥാനം – 8B

ബിലാൽ മുഹമ്മദ്

ഹംദ ഫാത്തിമ

ഇയാൻ അക്വിനോ സാംസൺ

പരിസ്ഥിതി സംരക്ഷണത്തെക്കുറിച്ചുള്ള അറിവും അവബോധവും വർധിപ്പിക്കുന്നതിനായി സംഘടിപ്പിച്ച ഈ ക്വിസ് മത്സരത്തിൽ പങ്കെടുത്ത എല്ലാ വിദ്യാർത്ഥികളെയും ഹൃദയം നിറഞ്ഞ അഭിനന്ദനങ്ങൾ. വിജയികൾക്കും മത്സരാർത്ഥികൾക്കും ഭാവിയിലും കൂടുതൽ നേട്ടങ്ങൾ കൈവരിക്കാൻ ആശംസകൾ.

"പ്രകൃതിയെ സംരക്ഷിക്കാം, ഭാവിയെ സുരക്ഷിതമാക്കാം." 🌱🌍

എല്ലാ വിദ്യാർത്ഥികൾക്കും ഒരിക്കൽ കൂടി അഭിനന്ദനങ്ങൾ! 👏🏆