ഗവ.എസ്സ്.വി.യു.പി.എസ്സ്.പുരവൂർ/പ്രവർത്തനങ്ങൾ/2025-26

2025 - 26 അധ്യയന വർഷം പാഠ്യ - പാഠേൄതര പ്രവർത്തനങ്ങൾ കാര്യക്ഷമമായി തന്നെ സ്കൂളിൽ നടന്നു വരുന്നു. പാഠ്യ പ്രവർത്തനങ്ങൾ കൃത്യമായ ആസൂത്രണത്തിലൂടെ അധ്യാപകരുടെ കാര്യക്ഷമമായ ഇടപെടലുകളിലൂടെ വളരെ നല്ല രീതിയിൽ നടന്നുവരുന്നു. അതോടൊപ്പം തന്നെ ദിനാചരണങ്ങൾ പരിസ്ഥിതി ദിനം, ബഷീർ ദിനം, വായനാദിനം തുടങ്ങി എല്ലാ പ്രധാനപ്പെട്ട ദിനങ്ങളും കുട്ടികളുടെ മികച്ച പങ്കാളിത്തത്തോടെ പ്രാധാന്യം ഉൾക്കൊണ്ടുകൊണ്ട് അവതരിപ്പിക്കുകയുണ്ടായി. E cube English, IT ലാബുകളുടെ മികച്ച പ്രവർത്തനം, ശാസ്ത്ര ലാബുകളുടെ പിന്തുണ എന്നിവയിലൂടെ പഠനം കൂടുതൽ രസകരവും ലളിതവുമായി. ശാസ്ത്രമേള, കലോത്സവം, കായികമേള, പ്രവർത്തി പരിചയമേള എന്നിവയിൽ കുട്ടികൾ മികച്ച പ്രകടനങ്ങൾ കാഴ്ചവെക്കുകയും സബ്ജില്ലാതലത്തിൽ മത്സരിച്ച് ഉയർന്ന ഗ്രേഡുകൾ കരസ്ഥമാക്കുകയും ചെയ്തു. ലഹരി വിരുദ്ധ ദിന ക്ലാസ്, പേപ്പട്ടി വിഷബാധയ്ക്കെതിരെ ബോധവൽക്കരണം, സാഹിത്യ ക്ലാസ്, സുരക്ഷയെ കുറിച്ചുള്ള അവബോധം തുടങ്ങി കുട്ടികൾക്ക് ബോധവൽക്കരണത്തിനായി വിവിധ ക്ലബ്ബുകളുടെ ആഭിമുഖ്യത്തിൽ ക്ലാസുകൾ സംഘടിപ്പിച്ചു. JRC നേതൃത്വത്തിൽ ചങ്ങാതിക്ക് ഒരു തൈ കൈമാറൽ എന്ന പരിസ്ഥിതി സംരക്ഷണ പ്രവർത്തനം നടത്തുകയുണ്ടായി. അതുപോലെ തന്നെ കുട്ടികളിൽ മനുഷ്യത്വം, സഹജീവി സ്നേഹം എന്നിവ വളർത്തുന്നതിനായി അംബേദ്കർ മെമ്മോറിയൽ റിഹാബിലിറ്റേഷൻ സെന്റർ സന്ദർശിക്കുകയും അന്തേവാസികളോടൊപ്പം ചെലവഴിക്കുകയും ചെയ്തു. കൂടാതെ RCC യിലേക്ക് ഭക്ഷണപ്പൊതികൾ എത്തിക്കുകയും ചെയ്തു. ഹരിത സഭയുടെ നേതൃത്വത്തിൽ ഗ്രീൻ പ്രോട്ടോകോൾ പാലിച്ചു കൊണ്ടുള്ള വിവിധ പ്രവർത്തനങ്ങൾ നടത്തുകയുണ്ടായി. സ്കൂളിന്റെ തനത് പ്രവർത്തനമായ പച്ചക്കറി കൃഷി നടത്തുകയും ചെയ്തു. കൂടെ പൂ കൃഷിയും നടത്തുകയുണ്ടായി. പ്രവർത്തനങ്ങളെല്ലാം പരിഗണിച്ചുകൊണ്ട് കിഴിവിലം പഞ്ചായത്തിലെ മികച്ച രണ്ടാമത്തെ ഹരിത വിദ്യാലയമായി മാറി. ഭക്ഷണം കഴിക്കുന്നതിനുള്ള പ്രാധാന്യം,പോഷകാഹാരം എന്നിവയെ കുറിച്ച് കുട്ടികൾക്ക് ബോധം ഉളവാക്കാൻ FOOD FEST നടത്തി. കുട്ടികളുടെ കഴിവുകൾ പ്രകടിപ്പിച്ചും വികസിപ്പിച്ചും കൊണ്ടുള്ള വിവിധ പ്രവർത്തനങ്ങളിലൂടെ സംഭവബഹുലമായ ഒരു അധ്യയന വർഷമാണിത്. അക്കാദമിക മാസ്റ്റർ പ്ലാൻ അനുസരിച്ചുള്ള പ്രവർത്തനങ്ങൾ കാര്യക്ഷമമായി നടത്തിയാണ് മുന്നോട്ടുപോകുന്നത്.