കിളിക്കൊഞ്ചൽ
കിളിക്കൊഞ്ചൽ - കുട്ടികളുടെ ആകാശവാണി
കുട്ടികളിൽ അറിവും സർഗ്ഗാത്മകതയും പ്രോത്സാഹിപ്പിക്കുക എന്നതാണ് ഇതിന്റെ പ്രധാന ലക്ഷ്യം.കുട്ടികളുടെ സ്വന്തം രചനകളും പ്രകടനങ്ങളും ഉൾപ്പെടുത്താറുണ്ട്.
കുട്ടികളുടെ റേഡിയോ കേൾവിശീലം പ്രോത്സാഹിപ്പിക്കാനും, അവരുടെ ഭാഷാപരമായ കഴിവുകൾ വികസിപ്പിക്കാനും, പൊതുവേദിയിൽ സംസാരിക്കാനുള്ള ആത്മവിശ്വാസം വളർത്താനും 'കിളിക്കൊഞ്ചൽ' പോലുള്ള പരിപാടികൾ വലിയ പങ്ക് വഹിക്കുന്നു.എല്ലാ ദിവസവും ഉച്ചനേരങ്ങളിലാണ് കുട്ടികൾ പരിപാടികൾ അവതരിപ്പിക്കുന്നത്
ഓരോ ദിവസവും ഓരോ ക്ലാസിനാണ് അവതരണച്ചുമതല.
പത്ര വായന, ക്വിസ്മത്സരങ്ങൾ നടത്തൽ , ജന്മദിന ആശംസകൾ നൽകൽ തുടങ്ങി വിവിധ ഇനങ്ങൾ റേഡിയോയിലൂടെ അവതരിപ്പിക്കപ്പെടുന്നു .റേഡിയോ ജോക്കി മാരായി മാറാനും പരിപാടി അവതാരകരാകാനും കുട്ടികൾക്ക് ലഭിക്കുന്ന മികച്ച അവസരമാണ് കിളികൊഞ്ചൽ.കുട്ടികളുടെ സംസാരത്തിൽ ഉച്ചാരണശുദ്ധിയും വ്യക്തതയും കൊണ്ടുവരാൻ സഹായിക്കുന്നു.
പുതിയ വാക്കുകളും ശൈലികളും റേഡിയോ പരിപാടികളിലൂടെ പരിചയപ്പെടാൻ അവസരം ലഭിക്കുന്നു, ഇത് അവരുടെ ഭാഷാപരമായ അറിവ് (Vocabulary) വർദ്ധിപ്പിക്കുന്നു.മികച്ച രീതിയിൽ കഥകൾ പറയാനും അവതരിപ്പിക്കാനുമുള്ള കഴിവുകൾ വളർത്തുന്നു.