ജി.എച്ച്.എസ്.തേനാരി/സോഷ്യൽ സയൻസ് ക്ലബ്ബ്/2025-26

{{Yearframe/Pages}

പരിസ്ഥിതി ദിനം ജൂൺ 5

പരിസ്ഥിതി ദിനത്തോടനുബന്ധിച്ച് സോഷ്യൽ ക്ലബിൻെറ നേതൃത്വത്തിൽ വിവിധ പരിപാടികൾ സ്കൂളിൽ നടന്നു.മാഗസിൻ നിർമ്മാണം,പോസ്റ്റർ നിർമ്മാണം,വൃക്ഷത്തെെ നടൽ,പരിസ്ഥിതി ദിന ക്വിസ് എന്നിവ നടന്നു.

ജൂൺ 8 സമുദ്ര ദിനം

ലോകത്തിലെ പ്രധാന സമുദ്രങ്ങളെ കുറിച്ച് വിഡീയോ പ്രദർശനം ക്ലാസുകളിൽ നടത്തി.

ജൂൺ 12 ലോക ബാലവേല വിരുദ്ധ ദിനം

ലോക ബാലവേല വിരുദ്ധ ദിനം എൽ.പി, യു.പി. ഹെെസ്ക്കൂൾ തലത്തിൽ സോഷ്യൽ,മലയാളം ക്ലബുകളുടെ നേതൃത്വത്തിൽ വിവിധ പരിപാടികളോടെ ആചരിച്ചു.സ്കിററ്, പ്രതിജ്ഞ,പ്രസംഗം എന്നിവ നടന്നു.

ജൂലെെ 1 ഡോക്ടേഴ്സ് ദിനം

ഡോക്ടേഴ്സ് ദിനത്തോടനുബന്ധിച്ച് ഡോ.ബൽവന്ത് റോയിയെ കുറിച്ച് അസംബ്ലിയിൽ പ്രസംഗവും ക്ലാസിൽ വിഡിയോ പ്രദർശനവും നടന്നു.

ജൂലെെ 11 ജനസംഖ്യാദിനം

ജനസംഖ്യാദിനത്തോടനുബന്ധിച്ച് പ്രസംഗം,ജനസംഖ്യാദിന ക്വിസ് മത്സരം നടന്നു.

18.07.2025 സോഷ്യൽ സയൻസ് ക്ലബിൻെറ ഉദ്ഘാടനം

സോഷ്യൽ സയൻസ് ക്ലബിൻെറ ഉദ്ഘാടനം ഹെഡ് മിസ്ട്രസ് ജയശ്രീ ടീച്ചർ നിർവഹിച്ചു. ക്ലബ് ഉദ്ഘാടനത്തോടനുബന്ധിച്ച് കുട്ടികൾ തയ്യാറാക്കിയ ലോക രാജ്യങ്ങൾ എന്ന സോഷ്യൽ സയൻസ് മാഗസിനും സമകാലിക വാർത്തകൾ ഉൾപ്പെടുത്തിയ ഡിജിറ്റൽ മാഗസിൻ പ്രകാശനം നടത്തി. യു.പി തലത്തിൽ ക്ലബ് ഉദ്ഘാടനത്തോടനുബന്ധിച്ച് പഠനപ്രവർത്തനങ്ങളായ പുഷ്പോൽസവവും ഭക്ഷ്യമേളയും നടന്നു. പ്രസ്തുത പരിപാടി ഹെഡ് മിസ്ട്രസ് ജയശ്രീ ടീച്ചർ ഉദ്ഘാടനം ചെയ്തു

06.08.25

ഹിരോഷിമ ദിനം

ഹിരോഷിമ ദിനം വിവിധ പരിപാടികളോടെ സോഷ്യൽ ക്ലബിൻെറ നേതൃത്വത്തിൽ ആചരിച്ചു. യുദ്ധ ഭീകരത കാണിക്കുന്ന കൊളാഷ്,പോസ്റ്റർ നിർമ്മാണം, പ്ലക്കാർഡ് നിർമ്മാണം, ക്വിസ്, സഡാക്കോ നിർമ്മാണം എന്നിവ നടത്തി.

.

08.08.25

ക്വിറ്റിന്ത്യ ദിനം

ക്വിറ്റിന്ത്യ സമരത്തെ കുറിച്ചും അതിന് സ്വാതന്ത്യ സമരത്തിലുളള പ്രധാന്യത്തെ കുറിച്ചും സ്കൂൾ അസംബ്ലിയിൽ വായിച്ചു.

09.08.25

നാഗസാക്കി ദിനം

നാഗസാക്കി ദിനം ഹോളിഡേ ആയതിനാൽ അടുത്ത പ്രവൃത്തി ദിനം നാഗസാക്കി ദിനത്തിൻെറ ചരിത്രത്തിലുളള പ്രധാന്യം വായിച്ചു.

14.08.2025

സ്കൂൾ പാർലമെൻറ് ഇലക്ഷൻ

സ്കൂൾ പാർലമെൻറ് ഇലക്ഷൻ രാവിലെ 10 മണിക്ക് ആരംഭിച്ച് 11.30 മണിക്ക് അവസാനിച്ചു.കുട്ടികളിൽ ജനാധിപത്യബോധം വളർത്തുന്നതിനു വേണ്ടി സാധാരണ പാർലമെൻറ് ഇലക്ഷൻ പോലെയുളള ഇലക്ഷൻ പ്രക്രിയയിലുടെ തന്നെ നടത്തി.അന്നു തന്നെ സ്കൂൾ ലീഡറിനെയും തിരഞ്ഞെടുത്തു. ഇലക്ഷൻ പ്രക്രിയകളെല്ലാം ലിറ്റിൽ കെെറ്റ്സ് കുട്ടികൾ ഡിജിറ്റൽ ക്യാമറയിൽ പകർത്തി.

15.08.2025

സ്വാതന്ത്ര്യ ദിനം

സ്വാതന്ത്ര്യ ദിനം വിപുലമായ പരിപാടികളോടെ ആഘോഷിച്ചു. സ്വാതന്ത്ര്യ ദിന പരിപാടികൾ ബഹുമാനപ്പെട്ട ഹെഡ് മിസ്ട്രസ് ജയശ്രീ ടീച്ച‌‍ർ ഉദ്ഘാടനം ചെയ്തു. പ്രസ്തുത പരിപാടിയിൽ പി.ടി.എ പ്രസിഡൻറ് സുരേഷ് അവർകൾ സ്വാതന്ത്ര ദിന സന്ദേശം നൽകി.ഗാന്ധി പ്രതിമ പുഷ്പാർച്ചന, പ്രസംഗം, ഡാൻസ്, മൂകാഭിനയം തുടങ്ങിയ കുട്ടികളുടെ വിവിധ പരിപാടികളുടെ അവതരണം നടന്നു. കൂടാതെ രാമശ്ശേരി ഗാന്ധി ആശ്രമ സന്ദർശനം കുട്ടികളും അധ്യാപകരും നടത്തി. സ്വാതന്ത്ര്യ സമര സേനാനി എ.കെ.രാമൻ കുട്ടിയുടെ നാട്, വാർദ്ധ ആശ്രമത്തിൻെറ രീതിയിലുളള ആശ്രമം, ഗാന്ധിജിയുടെ കുടെ ദണ്ഡിയാത്രക്ക് പങ്കെടുത്ത താപ്പൻ നായരെ കുറിച്ചുളള വിവരം എന്നിവയെല്ലാം കുട്ടികളിൽ കൗതുകം ഉണർത്തി. ഇതിനെല്ലാം പുറമെ പാലക്കാട് ജില്ലയിലെ പ്രായം കൂടിയ വോട്ടറും തേനാരി സ്കുളിലെ തന്നെ പൂർവ്വ വിദ്യാർത്ഥി കൂടിയായ ദണ്ഡ പാണി അവർകളുമായുളള സംവാദം കുട്ടികൾക്ക് സ്വാതന്ത്ര്യത്തിനു മുമ്പൂളള അവസ്ഥ മനസ്സിലാക്കാൻ സഹായിച്ചു. 112 വയസുളള അദ്ദേഹത്തെ തേനാരി സ്കൾ ശതാബ്ദി ആഘോഷ വേളയിൽ ആദരിച്ചിരുന്നു. ഈ ആശ്രമ സന്ദർശനം കുട്ടികൾക്ക് 2025 ലെ സ്വാതന്ത്യ ദിനാഘോഷം അവിസ്മരണിയമാക്കി.

02.10.25

ഗാന്ധി ജയന്തിയോടനുബന്ധിച്ച് സോഷ്യൽ ക്ലബിൻെറ നേതൃത്വത്തിൽ ഗാന്ധി ക്വിസ് നടത്തി.

07.10.25

ഇംഗ്ലീഷ്, സോഷ്യൽ ക്ലബുകളുടെ നേതൃത്വത്തിൽ ഗാന്ധി ജയന്തിയോടനുബന്ധിച്ചുളള സ്പെഷ്യൽ അസംബ്ലി നടത്തി. "ഗാന്ധി അനുസ്മരണം " എന്ന മാഗസിൻ പ്രകാശനം ചെയ്തു.

01.11.25

കേരള പിറവി ദിനത്തോടനുബന്ധിച്ച് സ്പെഷ്യൽ അസംബ്ലി സംഘടിപ്പിച്ചു. കേരള മാപ്പ് കുട്ടികൾ സ്റ്റേജിൽ വരച്ച് പൂക്കൾ ഇട്ട് അലങ്കരിച്ചു. വിവിധ ധാന്യങ്ങൾ ഒട്ടിച്ച് കേരള മാപ്പ് തയ്യാറാക്കി. കേരളം ഇന്നു വരെ വിഷയത്തിൽ കൊളാഷ് തയ്യാറാക്കി പ്രദർശിപ്പിച്ചു.

വർഗ്ഗം:

YearframeArchive ഫലകം ചേർത്ത താളുകൾ