സെന്റ് ഏൻസ് ജി എച്ച് എസ് എടത്തിരുത്തി/പ്രവർത്തനങ്ങൾ/2025-26
പ്രവേശനോത്സവം
നവ അധ്യയന വർഷം ആരംഭിച്ചു: എടത്തിരുത്തി സെന്റ് ആൻസ് ഗേൾസ് ഹൈസ്കൂളിൽ പുതിയ അധ്യയന വർഷം ആരംഭിച്ചു. പ്രശസ്ത സാഹിത്യകാരൻ ശ്രീ അശോകൻ ചരുവിൽ ഉദ്ഘാടനം ചെയ്ത യോഗത്തിൽ സ്കൂൾ പിടിഎ പ്രസിഡൻറ് ശ്രീ. ജോമോൻ വലിയവീട്ടിൽ അധ്യക്ഷത വഹിച്ചു. സ്കൂൾ ഹെഡ്മിസ്ട്രസ് സി. ലിസ്ജൊ സ്വാഗതം ആശംസിച്ചു. സിഎംസി ഉദയ പ്രോവിൻസ് എഡ്യുക്കേഷൻ കൗൺസിലർ സിസ്റ്റർ മരിയറ്റ് ആശംസകൾ അർപ്പിച്ച് സംസാരിച്ചു. അധ്യാപക പ്രതിനിധി ശ്രുതി ടീച്ചർ,സ്കൂൾ അസിസ്റ്റന്റ് ലീഡർ ദിയ സന്ദീപ് എന്നിവർ സംസാരിച്ചു. കുട്ടികളുടെ കലാപരിപാടികൾ ചടങ്ങുകൾക്ക് മോടികൂട്ടി.
പരിസ്ഥിതി ദിനാഘോഷം
St.Annes GHS Edathuruthy യിൽ ഈ വർഷം June 5 ന് പരിസ്ഥിതിദിനാചരണം വിവിധ പരിപാടികളോടെ ആചരിച്ചു. Sr.Alphonsa ഒരു ഇലച്ചെടി പരിസ്ഥിതി ക്ലബ് ലീഡർ Nakshatra Warrier നൽകി കൊണ്ട് പരിസ്ഥിതിദിനം ഉദ്ഘാടനം ചെയ്തു . "പ്ലാസ്റ്റിക് മലിനീകരണത്തെ തോൽപ്പിക്കുക" എന്ന ഈ വർഷത്തെ പരിസ്ഥിതി ദിനത്തിന്റെ പ്രധാന സന്ദേശത്തെ ആസ്പദമാക്കി Anaidha Jaison പ്രസംഗിച്ചു. പരിസ്ഥിതി ദിന പ്രതിജ്ഞ Ellaine Mary ചൊല്ലി കൊടുത്തു. പോസ്റ്റർ മത്സരവും കവിതാ മത്സരവും നടത്തി. പരിസ്ഥിതിദിനത്തിന്റെ പ്രാധാന്യം തിരിച്ചറിയാൻ ഇലച്ചെടികളുടെ ശേഖരണം നടത്തി.
ട്രാഫിക് നിയമങ്ങൾ - ബോധവത്കരണ ക്ലാസ്സ്
ട്രാഫിക്ക് നിയമങ്ങളെക്കുറിച്ചുള്ള ബോധവത്കരണക്ലാസ്സിൽ റോഡിൽ കൂടി നടക്കുന്നവർക്ക് ഉള്ള നിർദ്ദേശങ്ങളും, ബസ് അല്ലെങ്കിൽ സ്കൂൾ വാഹനത്തിൽ യാത്ര ചെയ്യുമ്പോൾ ശ്രദ്ധിക്കേണ്ട കാര്യങ്ങളെക്കുറിച്ചും നവീന ടീച്ചർ കുട്ടികൾക്ക് വളരെ വിശദമായി വിവരിച്ചു കൊടുത്തു.
വായനാദിനം
എടത്തിരുത്തി സെന്റ് ആൻസ് ഗേൾസ് ഹൈസ്കൂളിൽ 2025 ജൂൺ 19 രാവിലെ സ്കൂൾ അസംബ്ലിയോടുകൂടി വായനാദിനം സമുചിതമായി ആചരിച്ചു. വായനയുടെ പ്രാധാന്യവും പ്രസക്തിയും ഓർമ്മപ്പെടുത്തി അസ് ലിയ മാതൃഭാഷയിൽ പ്രഭാഷണം നടത്തി. ഇംഗ്ലീഷ് പദ്യത്തിന്റെ ദൃശ്യാവിഷ്കാരവും, രാഷ്ട്രഭാഷയായ ഹിന്ദിയിൽ നൃത്തവും സംഘടിപ്പിച്ചു. സിസ്റ്റർ ലിസ്ജോ വായനാദിന സന്ദേശം നൽകി. സിസ്റ്റർ സിനി റോസ് വായനാദിന പ്രവർത്തനങ്ങൾക്ക് നേതൃത്വം നൽകി.
വിജയോത്സവം
എടത്തുരുത്തി സെന്റ് ആൻസ് ജി.എച്ച്.എസ് ലെ വിജയോത്സവം ആഘോഷിച്ച യോഗത്തിൽ ഹെഡ്മിസ്ട്രസ് സിസ്റ്റർ ലിസ്ജോ ഏവർക്കും സ്വാഗതം ആശംസിച്ചു. പി.ടി.എ പ്രസിഡന്റ് ശ്രീ.ജോമോൻ വലിയവീട്ടിൽ അധ്യക്ഷത വഹിച്ചു. തൃശ്ശൂർ ജില്ലാ പഞ്ചായത്ത് പ്രസിഡന്റ് ശ്രീ വി.എസ് പ്രിൻസ് ഉദ്ഘാടന കർമ്മം നിർവഹിച്ച ചടങ്ങിൽ ഫുൾ എ പ്ലസ് നേടിയ 41 വിദ്യാർത്ഥിനികളെയും 9 എ പ്ലസ് നേടിയ 8 വിദ്യാർത്ഥിനികളെയും 100% വിജയം നേടിയ എല്ലാ വിദ്യാർത്ഥിനികളെയും ട്രോഫിയും മെഡലുംനൽകി ആദരിച്ചു.
പി.ടി.എ ജനറൽ ബോഡി
എടത്തിരുത്തി സെന്റ് ആൻസ് ജി എച്ച് എസ് സ്കൂളിലെ പിടിഎ ജനറൽ ബോഡി യോഗം സിനി ആർട്ടിസ്റ്റും മോട്ടിവേഷൻ സ്പീക്കറുമായ ശ്രീ പയസ് പോൾ ഉദ്ഘാടനം ചെയ്ത്, ക്ലാസ്സിന് നേതൃത്വം നൽകി. പിടിഎ പ്രസിഡന്റ് ശ്രീ ജോമോൻ വലിയ വീട്ടിൽ അധ്യക്ഷത വഹിച്ചു. പ്രധാനാധ്യാപിക സിസ്റ്റർ ലിസ്ജോ സ്വാഗതം ആശംസിച്ചു. പി ടി എ സെക്രട്ടറി ശ്രീമതി.റീമ ഫ്രാൻസീസ് റിപ്പോർട്ട് അവതരിപ്പിച്ചു. ശ്രീമതി സുജ സാജൻ നന്ദിയർപ്പിച്ച് സംസാരിച്ചു.
സ്കൂൾ പാർലമെന്റ് ഇലക്ഷൻ
എടത്തുരുത്തി സെന്റ് ആൻസ് ജി.എച്ച്. എസിൽ സ്കൂൾ പാർലമെന്റ് ഇലക്ഷനും സ്ഥാനാരോഹണ ചടങ്ങും നടന്നു. ജൂലൈ രണ്ടാം തീയതി സ്ഥാനാർത്ഥികൾ പത്രിക സമർപ്പിച്ചു. 'മീറ്റ് ദ കാൻഡിഡേറ്റ്' എന്ന പരിപാടിയിലൂടെ സ്ഥാനാർത്ഥികളെ നേരിൽ കാണുവാനും സംസാരിക്കുവാനുമുള്ള അവസരം ഒരുക്കി. ജൂലൈ 10ആം തീയതി കമ്പ്യൂട്ടർ സാങ്കേതികവിദ്യ ഉപയോഗപ്പെടുത്തി ആധുനികരീതിയിൽ ഇലക്ഷൻ നടത്തി. വിജയികളെ ഹെഡ്മിസ്ട്രസ് Sr.ലിസ്ജൊ പ്രഖ്യാപിച്ചു. 13 അംഗങ്ങളുള്ള പാർലമെന്റ് രൂപീകരിച്ചു. പതിനൊന്നാം തീയതി സ്ഥാനാരോഹണ ചടങ്ങ് നിർവഹിക്കപ്പെട്ടു. ഗ്രാൻഡ്മാസ്റ്റർ കൃഷ്ണേന്ദു മുഖ്യ അതിഥിയായിരുന്നു.
എക്സിബിഷൻ
ഈ അധ്യയന വർഷത്തെ ശാസ്ത്ര - ഗണിത ശാസ്ത്ര - സാമൂഹ്യ ശാസ്ത്ര പ്രവൃത്തി പരിചയമേള ജൂലൈ 10 വ്യാഴാഴ്ച നടക്കുകയുണ്ടായി. ശാസ്ത്രീയ മനോഭാവം വികസിപ്പിക്കാൻ ആവശ്യമായ വർക്കിങ് മോഡൽ, സ്റ്റിൽ മോഡൽ, സിംപിൾ എക്സ്പിരിമെന്റ് എന്നീ മത്സരങ്ങൾ നടത്തുകയുണ്ടായി. ശാസ്ത്രത്തിൽ പ്രാദേശിക ചരിത്രമെഴുതൽ, അറ്റ്ലസ് നിർമ്മാണം, ന്യൂസ് പേപ്പർ റീഡിങ്, പ്രസംഗം മത്സരം വർക്കിഗ് മോഡൽ സ്റ്റിൽ മോഡൽ എന്നിവയായിരുന്നു ഉണ്ടായിരുന്നത്. പ്രവർത്തി പരിചയമേളയിലും ധാരാളം മത്സരാർത്ഥികളുടെ പങ്കാളിത്തം ഉണ്ടായിരുന്നു. അഗർബത്തി മേക്കിങ്, പേപ്പർ ക്രാഫ്റ്റ് എന്നിവ മത്സരങ്ങൾ നടത്തിയിരുന്നു. ഓരോ സബ്ജറ്റ് അധ്യാപകരും തങ്ങളുടെ വിഷയമായി ബന്ധപ്പെട്ട കുട്ടികളുടെ മൂല്യനിർണയം നടത്തുകയും ചെയ്തു.
യുവജനോത്സവം
സെൻറ് ആൻസ് ഹൈസ്കൂളിൽ 2025 ഓഗസ്റ്റ് ഒന്നാം തീയതി വെള്ളിയാഴ്ച യൂത്ത് ഫെസ്റ്റിവൽ നടന്നു. സൊക്കോർസോ വിദ്യാലയത്തിലെ സംഗീത അധ്യാപിക ശ്രീമതി ലക്ഷ്മി സുധീർ ഉദ്ഘാടന കർമ്മം നിർവഹിച്ചു. പിടിഎ പ്രസിഡണ്ട് ശ്രീമതി. അമ്പിളി പ്രിൻസ് അധ്യക്ഷത വഹിച്ചു. നാല് സ്റ്റേജുകളിൽ ആയി മത്സരങ്ങൾ ആരംഭിച്ചു. കുട്ടികൾ ആരോഗ്യകരമായ മത്സരബുദ്ധിയോടെ മത്സരിച്ചു. Total pointഒന്നാം സ്ഥാനം റെഡ് ഹൗസും, രണ്ടാം സ്ഥാനം ബ്ലൂ ഹൗസും, മൂന്നാം സ്ഥാനം ഗ്രീൻ ഹൗസും നേടുകയുണ്ടായി. സ്കൂൾ പരിസരത്ത് സജീവമായി കാൻറീൻ പ്രവർത്തിച്ചു. സമ്മാനദാന വിതരണവും നടത്തി. വിജയികൾ സ്കൂൾ അങ്കണത്തിൽ ഘോഷയാത്ര നടത്തി നാലുമണിയോടെ യൂത്ത് ഫെസ്റ്റിവലും ആഘോഷങ്ങളും സമാപിച്ചു.
ഒാണനിറവ് 2K25
2025-26 അധ്യയന വർഷത്തെ ഓണാഘോഷ പരിപാടികൾ ആഗസ്റ്റ് 29 ന് വിവിധ പരിപാടികളോടെ സെന്റ് ആൻസ് ഹൈസ്കൂളിൽ ആഘോഷിച്ചു. ഒമ്പതാം ക്ലാസുകാരുടെ നേതൃത്വത്തിലാണ് ഓണാഘോഷ പരിപാടികൾ സംഘടിപ്പിച്ചത്. പിടിഎ വൈസ് പ്രസിഡന്റ് ശ്രീ.ജോമൻ ജോർജ് വലിയവീട്ടിൽ അധ്യക്ഷത വഹിച്ച ചടങ്ങിൽ ഹെഡ്മിസ്ട്രസ് സിസ്റ്റർ ലിസ്ജോ, സ്കൂൾ ലോക്കൽ മാനേജർ സിസ്റ്റർ അൽഫോൻസ എന്നിവർ ഓണ സന്ദേശം നൽകി.കുട്ടികളുടെ തിരുവാതിര, കൈകൊട്ടിക്കളി, സിനിമാറ്റിക് ഡാൻസ്, ഓണപ്പാട്ട് എന്നിവയും അധ്യാപകരുടെ തിരുവാതിരക്കളിയും, പിടിഎയുടെ നാടൻപാട്ടും ചടങ്ങിന് മാറ്റുകൂട്ടി. അതിനുശേഷം വിവിധ ഓണക്കളികൾ നടന്നു. ഓണസദ്യ ഒരുക്കിയിരുന്നു. പായസവും ഓണാഘോഷത്തിന് മധുരം കൂട്ടി. ഒരു ദിവസം പൂർണ്ണമായും ഓണാഘോഷത്തിനായി മാറ്റിവെച്ചു.
ടീച്ചേഴ്സ് ഡേ
ഓണാവധി കഴിഞ്ഞ് 8 -ാം തിയ്യതി സ്കൂൾ തുറന്നു. 8-ാം തീയതി Teachers day ആഘോഷിച്ചു. ഇതിന് നേതൃത്വം നൽകിയത് വിദ്യാർത്ഥികളും PTA അംഗങ്ങളും ആണ്. എല്ലാ ടീച്ചേഴ്സിനും ആശംസകൾ നേരുകയും കുറച്ച് മൽസരങ്ങൾ സംഘടിപ്പിക്കുകയും ചെയ്തു. വിജയികളായ അധ്യാപകർക്ക് സമ്മാനങ്ങൾ നൽകി. ടിന്റു ടീച്ചർ നന്ദി പറഞ്ഞു കൊണ്ട് പരിപാടികൾ അവസാനിപ്പിച്ചു.
ഉപജില്ലാ ശാസ്ത്രോത്സവം
2025- 26 അധ്യയന വർഷത്തെ കേരള സ്കൂൾ ശാസ്ത്രോത്സവം തിങ്കൾ ചൊവ്വ എന്നീ ദിവസങ്ങളിൽ സെൻറ് ആൻസ് ജി.എച്ച്.എസ്.എസ് എടത്തിരുത്തി, സെൻറ് ആൻസ് യു.പി.എസ്, ആർ.സി.യു പി.എസ് എന്നിവിടങ്ങളിലായി നടന്നു. ഉദ്ഘാടന കർമ്മം 2025 October 6 തിങ്കളാഴ്ച രാവിലെ 9.30ന് പ്രാർത്ഥനയോടെ ഹൈസ്കൂളിൽ ആരംഭിച്ചു. ഏവരെയും ഹെഡ്മിസ്ട്രസ് സിസ്റ്റർ ലിസ്ജോ സ്വാഗതം ചെയ്തു. ബഹുമാനപ്പെട്ട എ ഇ ഒ ശ്രീമതി അമ്പിളി മാഡം ആമുഖ പ്രസംഗം നടത്തി. ശ്രീ. ടി.വി ചന്ദ്രബാബു അധ്യക്ഷ പ്രസംഗം നടത്തി. മതിലകം ബ്ലോക്ക് പഞ്ചായത്ത് പ്രസിഡൻ്റ് ശ്രീ.ഗിരിജ പരിപാടി ഉദ്ഘാടനം ചെയ്തുകൊണ്ട് സംസാരിച്ചു. ജില്ലാ പഞ്ചായത്ത് ക്ഷേമ കാര്യ സ്റ്റാൻഡിങ്' കമ്മിറ്റി ചെയർമാൻ ശ്രീപി എം.അഹമ്മദ് മുഖ്യാതിഥിയായിരുന്നു. ഏങ്ങണ്ടിയൂർ ഗ്രാമപഞ്ചായത്ത് പ്രസിഡൻ്റ് ശ്രീമതി.ബിന്ദു സുരേഷ് വാടാനപ്പള്ളി ഗ്രാമപഞ്ചായത്ത് പ്രസിഡൻ്റ് ശ്രീമതി ശാന്തി ഭാസി,തളിക്കുളം ഗ്രാമപഞ്ചായത്ത് പ്രസിഡൻ്റ് ശ്രീമതി സജിത പി.ഐ , നാട്ടിക ഗ്രാമപഞ്ചായത്ത് പ്രസിഡൻ്റ് ശ്രീ.എം. ആർ ദിനേശൻ, വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ എന്നിവരുടെ വിശിഷ്ട സാന്നിധ്യത്തിൽ ശ്രീമതി നവമി പ്രസാദ്, ശ്രീമതി പ്രസി പി.സി, ശ്രീ.എൻ.സി പ്രശാന്ത്, ശ്രീ ഷാജി ജോർജ്, ശ്രീമതി ശ്രീജശ മൗസമി, സിസ്റ്റർ മരിയറ്റ് ശ്രീമതി അമ്പിളി പ്രിൻസ് എന്നിവർ ആശംസ അർപ്പിച്ച് സംസാരിച്ചു. ജോയിൻ ജനറൽ കൺവീനറും ആർ സി യു പി എസ് സ്കൂളിന്റെ ഹെഡ്മിസ്ട്രസ്സുമായ ശ്രീമതി ഷെമി ഏവർക്കും നന്ദി അർപ്പിച്ചു സംസാരിച്ചു. ഏകദേശം 9.45ഓടുകൂടി യോഗം അവസാനിച്ചു.
ശാസ്ത്രോത്സവം വിജയികൾ
വലപ്പാട് ഉപജില്ലാ കേരള സ്കൂൾ ശാസ്ത്രോൽസവത്തിൽ സെന്റ് ആൻസ് ജി എച്ച് എസ് എടത്തിരുത്തി മികച്ച പ്രകടനം കാഴ്ച വെച്ചു. ഐ ടി മേളയിൽ 4 ഇനങ്ങളിൽ ഒന്നാം സ്ഥാനം നേടി. ഹൈസ്കൂൾ വിഭാഗം ഓവറോൾ ഒന്നാം സ്ഥാനം കരസ്ഥമാക്കി. പ്രവൃത്തിപരിചയ മേളയിൽ 8 ഇനങ്ങളിൽ ഒന്നാം സ്ഥാനവും 5 ഇനങ്ങളിൽ രണ്ടാം സ്ഥാനവും 3 ഇനങ്ങളിൽ മൂന്നാം സ്ഥാനവും നേടി. ഹൈസ്കൂൾ വിഭാഗം ഓവറോൾ രണ്ടാം സ്ഥാനം നേടുകയുണ്ടായി. ഗണിത മേളയിൽ 6 ഇനങ്ങളിൽ ഒന്നാം സ്ഥാനവും രണ്ടിനങ്ങളിൽ മൂന്നാം സ്ഥാനവും നേടി. ഹൈസ്കൂൾ വിഭാഗം ഓവറോൾ രണ്ടാം സ്ഥാനം നേടുകയുണ്ടായി. ശാസ്ത്രമേളയിൽ 3 ഇനങ്ങളിൽ ഒന്നാം സ്ഥാനവും ഒരിനത്തിന് രണ്ടാം സ്ഥാനവും നേടി ഹൈസ്കൂൾ വിഭാഗം ഓവറോൾ രണ്ടാം സ്ഥാനം നേടി. സോഷ്യൽ സയൻസ് മേളയിൽ 2 ഇനങ്ങളിൽ ഒന്നാം സ്ഥാനവും രണ്ടിനങ്ങളിൽ മൂന്നാം സ്ഥാനവും നേടി ഹൈസ്കൂൾ വിഭാഗം ഓവറോൾ മൂന്നാം സ്ഥാനം കരസ്ഥമാക്കി.
കരുതൽ
കരുതൽ 2025എന്ന പദ്ധതിയുമായി ബന്ധപ്പെട്ട സെൻറ് ആൻസ് ജി.എച്ച.എസ്സി ലെ പത്താം ക്ലാസിലെ 25 കുട്ടികൾ എടമുട്ടത്തുള്ള ആൽഫ പെയിൻ ആൻഡ് പാലിയേറ്റീവ് കെയറിലെ അന്തേവാസികളെ സന്ദർശിച്ചു. പത്താം ക്ലാസിലെ ക്ലാസ് ടീച്ചേഴ്സും അതോടൊപ്പം തന്നെ പി ടി എ പ്രസിഡണ്ടായ അമ്പിളി പ്രിൻസിനോടൊപ്പം കുട്ടികൾ തന്നെ സമാഹരിച്ച 150 പൊതിച്ചോറുകളും ആയിട്ടായിരുന്നു സന്ദർശനം. കൂടുതലും വൃദ്ധരും സ്ഥിരം രോഗികളും ആയവരായിരുന്നു. അന്തേവാസികൾ അവരുടെ വേദനകളുടെ ലോകത്തുനിന്ന് കുറച്ചുനേരം ആശ്വാസം നൽകാനായി നമ്മുടെ കുട്ടികൾ ശ്രമിച്ചു. അതിനായി അവർ പാട്ടുപാടിയും കളികളിൽ പങ്കെടുത്തും അവരെ സന്തോഷിപ്പിക്കാൻ പരിശ്രമിച്ചിരുന്നു. പഠനത്തോടൊപ്പം മറ്റുള്ളവരെ പരിഗണിക്കാനും മനുഷ്യഹൃദയങ്ങളിൽ കരുണ ആവശ്യമാണ് എന്ന് മനസ്സിലാക്കാനും ഈ സന്ദർശനം വളരെയധികം സഹായിച്ചു. അതോടൊപ്പം സ്വന്തം ജീവിതത്തെ എങ്ങനെ നോക്കിക്കാണണമെന്ന് ആശയവും കുട്ടികളിൽ ലഭിച്ചു. ഈ സന്ദർശനം കുട്ടികൾക്ക് വളരെ നല്ല ഒരു അനുഭവമായിരുന്നു എന്ന് അവർ അഭിപ്രായപ്പെട്ടു.
സ്വാതന്ത്ര്യദിനം
ബ്രിട്ടീഷ് ഭരണത്തിൽ നിന്നും ഇന്ത്യക്ക് സ്വാതന്ത്ര്യം ലഭിച്ചതിന് ഓർമ്മദിനം 15-8-2025 വെള്ളിയാഴ്ച രാവിലെ 9.00am നു സ്കൂളിൽ ആചരിച്ചു. ഗൈഡ്സിന്റെ നേതൃത്വത്തിൽ ഫ്ലാഗ് സെറിമണി സ്കൂൾ ഹെഡ്മിസ്ട്രസ് സിസ്റ്റർ ലിസ്ജോ നടത്തി. ചടങ്ങിന് സ്കൂൾ ലീഡർ എലൈൻ മേരി സ്വാഗതം ആശംസിച്ചു. അധ്യക്ഷൻ, സ്കൂൾ പിടിഎ പ്രസിഡണ്ട് അമ്പിളി പ്രിൻസ് സ്വാതന്ത്ര്യദിന സന്ദേശം പറഞ്ഞു. MPTA പ്രസിഡൻറ് ജാസ്മിൻ ഷമീർ ആശംസകൾ അർപ്പിച്ചു സംസാരിച്ചു. ഇംഗ്ലീഷ്, മലയാളം, ഹിന്ദി ഭാഷകളിൽ കുട്ടികൾ പ്രസംഗം പറയുകയുണ്ടായി. തുടർന്ന് ദേശഭക്തിഗാനം, ഡാൻസ് തുടങ്ങിയ വിവിധ പരിപാടികൾ അരങ്ങേറി. ഭാരത് സ്കൗട്ട്സ് ആൻഡ് ഗൈഡ്സിന്റെ തൃതീയ പരീക്ഷയിൽ വിജയികളായവർക്ക് ഹെഡ്മിസ്ട്രസ്സ് സി.ലിസ്ജോ സമ്മാനദാനം നിർവഹിച്ചു. നിയശ്രീ ചടങ്ങിൽ പങ്കെടുത്തവർക്ക് നന്ദിപറഞ്ഞു. ദേശീയ ഗാനത്തോടെ പരിപാടി അവസാനിച്ചു. തുടർന്ന് എല്ലാവർക്കും മധുരം നൽകി.
കേരളപ്പിറവി
നവംബർ 1 കേരളപ്പിറവി വിവിധ പരിപാടികളോടെ വിദ്യാലയത്തിൽ ആചരിച്ചു. ഹെഡ്മിസ്ട്രസ് സിസ്റ്റർ ലിസ്ജോ അധ്യക്ഷത വഹിച്ച ചടങ്ങിൽ ലയ ടീച്ചർ ഏവർക്കും സ്വാഗതം പറഞ്ഞു. കേരളത്തിന്റെ പ്രത്യേകതകൾ ഉൾക്കൊള്ളുന്ന പ്രസംഗവും, കേരളത്തിലെ ജില്ലകളെ പരിചയപ്പെടുത്തുന്ന ഗാനവും, സംഘഗാനവും, ഒപ്പന, മാർഗംകളി, മംഗലം കളി, ഇരുള നൃത്തം എന്നിവയും കുട്ടികൾ അവതരിപ്പിച്ചു. മലയാളം അധ്യാപിക ലയ ടീച്ചർ സന്ദേശം നൽകി. ഹെറിൻ ടീച്ചർ നന്ദി രേഖപ്പെടുത്തി. ക്ലാസുകളിൽ കേരള പിറവിയോട് അനുബന്ധിച്ച് ക്വിസ് മത്സരം നടത്തി.
ശിശുദിനം
സെന്റ് ആൻസ് ജി എച്ച് എസ് എടത്തിരുത്തി സ്കൂളിൽ നവംബർ 14 ശിശുദിനം ഹെഡ്മിസ്ട്രസ് സിസ്റ്റർ ലിസ്ജോയുടെ നേതൃത്വത്തിൽ ആരംഭിച്ചു. ഓരോ ക്ലാസുകളിൽ നിന്നും കുട്ടികൾ ചാച്ചാജിയുടെ വേഷം ധരിച്ച് ഈ ധന്യ ദിനം മഹനീയമാക്കി. യുപി സ്കൂളിലെ കുട്ടികൾ ഹൈസ്കൂളിൽ വരികയും പരിപാടികൾ അവതരിപ്പിക്കുകയും ചെയ്തു. തുടർന്ന് കുട്ടികൾക്ക് മധുരപലഹാരം വിതരണം ചെയ്തു. സന്തോഷത്തോടെ പരിപാടികൾ പര്യവസാനിച്ചു.
ENGLISH FEST
The English fest was conducted on 17th November. The aim was to in still confidence in the children to speak and think in English. The programme was dedicated to headmistress Sr lisjo as it was her feast and it was called Lis Fiesta. After The prayer song, there was welcome speech by Adhilakshmi. Spoken English teacher Gladis teacher spoke about the importance of English. Charlie Chaplin, Julius Caeser , Pandora, Cinderella and snow white all came alive. The skit of Cinderella and the drama Shakunthala created a lot of excitement and happiness among students. The JAM competition was also good. Finally there was the perfect vote of thanks by Kripa teacher.
ക്രിസ്തുമസ്സ്
ക്രിസ്തുമസിനോടനുബന്ധിച്ച് വിപുലമായ പരിപാടികളാണ് സെൻറ് ആൻസിൽ 2025 ൽ നടന്നത്. അതിഥിയായി ഇവിടെ നിന്നും പഠിച്ചുപോയി പിന്നീട് സിസ്റ്റർ ആയ സി.അലീനയെ സ്കൂളിലേക്ക് ക്ഷണിച്ച് ആദരിച്ചു. എട്ടാം ക്ലാസുകാരാണ് ക്രിസ്തുമസ് സെലിബ്രേഷൻ നടത്തിയത്.അതിനുശേഷം ക്രിസ്തുമസിനോട് അനുബന്ധിച്ച് മനോഹരമായ കരോൾ ഗാന മത്സരവും അധ്യാപകരുടെ ആവേശകരമായ നൃത്തവും ക്രിസ്തുമസ്സിനെ വർണ്ണാഭമാക്കി. പതിവിൽ നിന്നും വ്യത്യസ്തമായി ക്രിസ്തുമസിന് ക്രിസ്തുമസ് റീത്ത് മത്സരമാണ് ഇക്കുറി നടന്നത്. 2025ലെ ക്രിസ്തുമസ് പുൽക്കൂട് ഗ്രോട്ടോയിലാണ് നിർമിച്ചത്. പരീക്ഷത്തിരക്കുകൾക്കുശേഷം ക്രിസ്തുമസ്സിന്റെ കേക്ക് മുറിക്കാനും, മധുരം പകരാൻ കുട്ടികൾക്ക് ഐസ്ക്രീം വിതരണം ചെയ്യലും പരിപാടികളുടെ അവസാനത്തിൽ എല്ലാ കുട്ടികളും ഗ്രൗണ്ടിൽ ഒരുമിച്ച് നിർത്താൻ വയ്ക്കലും ക്രിസ്തുമസിന് കുട്ടികൾക്ക് നല്ലൊരു ഓർമ്മ സമ്മാനിക്കാൻ സാധിച്ചു. പരസ്പരം ആശംസകൾ നേർന്ന് കുട്ടികൾ സന്തോഷം പങ്കുവച്ചു.
REPUBLIC DAY
2026 ജനുവരി 26 റിപ്പബ്ലിക് ദിനം സ്കൂളിൽ ഗൈഡ്സും ജെ.ആർ.സി.യും സംയുക്തമായി ആഘോഷിച്ചു. രാവിലെ 9.30ന് പ്രാർത്ഥനയോടെ പരിപാടികൾ ആരംഭിച്ചു. സ്കൂൾ ഹെഡ്മിസ്ട്രസ് സിസ്റ്റർ ലിസ്ജോ പതാക ഉയർത്തി. സ്കൂളിലെ JRC യുടെ നേതൃത്വത്തിൽ ദേശഭക്തിഗാനം ആലപിച്ചു. സെയിന്റ് ആൻസ് കോൺവെൻറ് സുപ്പീരിയർ മദർ സിസ്റ്റർ അൽഫോൺസ, മുൻ ഹെഡ്മിസ്ട്രസ് സിസ്റ്റർ ഗ്രേസ്, എന്നിവർ ചടങ്ങിൽ പങ്കെടുത്തു.
പൂർവ്വവിദ്യാർത്ഥി സംഗമം
2026 January 26 തിങ്കളാഴ്ച ST. Anne’s GHS Edathuruthy സ്കൂളിൽ പൂർവവിദ്യാർഥി സംഗമം നടത്തി. സ്കൂൾ HM സിസ്റ്റർ Lisjo CMC ഏവർക്കും സ്വാഗതം ആശംസിച്ചു. സ്കൂളിലെ പൂർവവിദ്യാർഥി ശ്രീമതി സുമയ്യ റിപ്പോർട്ട് അവതരിപ്പിച്ചു. മുൻ പഞ്ചായത്ത് പ്രസിഡണ്ടും സ്കൂളിന്റെ PTA പ്രസിഡണ്ടും ആയ ശ്രീമതി അമ്പിളി പ്രിൻസ് ചടങ്ങിൽ അധ്യക്ഷത വഹിച്ചു. യുപി സ്കൂൾ HM ആയ Sr Remi CMC ചടങ്ങ് ഭദ്രദീപം കൊളുത്തി ഉദ്ഘാടനം ചെയ്തു. സ്കൂളിൽ നിന്നും ഈ വർഷം വിരമിക്കുന്ന ഹിന്ദി അധ്യാപിക Sr. Pradeepa CMC ഏവർക്കും ആശംസകൾ അർപ്പിച്ചു സംസാരിച്ചു. തുടർന്ന് പൂർവ വിദ്യാർത്ഥികൾ അവരുടെ മുൻകാല സ്കൂൾ അനുഭവങ്ങൾ പങ്കുവെച്ചു. പൂർവ വിദ്യാർത്ഥി നവമി ചന്ദ്ര ഏവർക്കും നന്ദി അർപ്പിച്ചു.
