വയനകം വി എച്ച് എസ് എസ് ‍ഞക്കനാൽ/പ്രവർത്തനങ്ങൾ/2025-26

2026-27

പ്രവേശനോത്സവം

ഈ വർഷത്തെ പ്രവേശനോത്സവം വളരെ സമുചിതമായി ആഘോഷിച്ചു.നവാഗതരെ ഘോഷയാത്രയുടെ അകമ്പടിയോട്കൂടി സ്വീകരിച്ചു.സ്കൂൾ പിടിഎ.പ്രസിഡന്റിന്റെ അദ്ധ്യക്ഷതയിൽ ചേർന്ന യോഗം ഓച്ചിറ ഗ്രാമപ‍‍‍ഞ്ചായത്ത് പ്രസി‍ഡന്റ് ശ്രീമതി .ശ്രീദേവി അവറുകൾ നി‍ർവഹിച്ചു. യോഗത്തിന് സ്വാഗതം സ്കൂൾ എച്ച് എം ശ്രീമതി പ്രീത എം ഉണ്ണിത്താൻ ആശംസിച്ചു. ശ്രീ.അരുണോദയൻ( റിട്ടയർഡ് എസ് ഐ ) മുഖ്യപ്രഭാഷണവും സ്കൂൾ മാനേജർ ശ്രീ ആർ പ്രസന്നകുമാർ കഴിഞ്ഞവർഷത്തെ മികച്ച വിജയം കരസ്തമാക്കിയവരെ അനുമോദിച്ചു. കഴിഞ്ഞവർഷം പഠിച്ചിറങ്ങിയ കുട്ടികൾ ഇപ്പോഴുള്ള കുട്ടികൾക്ക് അക്ഷരദീപം കൈമാറി. ക്ഷണിക്കപെട്ട അതിഥികൾ ആശ്സകൾ അർപ്പിച്ചു.തുടർന്ന് കുട്ടികൾ അവതരിപ്പിച്ച കലാപരിപാടികൾ നടന്നു ചടങ്ങിന് സിന്ധു ടീച്ച‍ർ നന്ദിയും അർപ്പിച്ചു.

തെളിവാനം വരയ്കുന്നവർ

മയക്ക്മരുന്ന് ,ലഹരി ഇവയ്ക്ക് എതിരെ കുട്ടികളിൽ പൊതുധാരണ നൽകുന്നതിനായി സമഗ്ര ഗുണമേന്മ പദ്ധതിയുടെ ഭാഗമായി ഒരു ബോധവൽക്കരണ ക്ലാസ് നടത്തുകയുണ്ടായി.ക്ലാസ് നയിച്ചത് എക്സൈസ് പ്രിവെന്റീവ് ഓഫിസറായ ശ്രീ .ഷിഹാസ് എച്ച് ആയിരുന്നു. കുട്ടികളിൽ നല്ല ശീലങ്ങൾ വളർത്തുന്നതിനും,ലഹരി ,മയക്ക്മരുന്ന് എന്നിവയുടെ ഉപയോഗം കൊണ്ടുള്ള ദോഷവശങ്ങളെക്കുറിച്ചും വളരെ വിശദമായ ചർച്ചകൾ നടന്നു. ജീവിതമാണ് ലഹരി എന്നതും വായന ,പഠനം,സാമൂഹിക പ്രവർത്തനങ്ങൾ എന്നിവയിലേക്ക് കുട്ടികളെ നയിക്കുന്നതിന് പ്രചോദനം ആകുന്നതായിരുന്നു ക്ലാസ്.

വായനാദിനം

ജൂൺ 19 വായനാദിനം വളരെ സമുചിതമായി ആചരിച്ചു.ആർ.എസ് വാര്യർ ഗ്രന്ഥശാലയുടെ ആഭിമുഖ്യത്തിൽ സ്കൂളിൽ ശില്പശാല നടത്തുകയുണ്ടായി. "കുമാരനാശാൻ കവിതകൾ -ഒരു ആസ്വാദനം "എന്ന വിഷയം ആസ്പദമാക്കി കുട്ടികളുമായി ഗ്രന്ഥശാല പ്രവർത്തകനും അദ്ധ്യാപകനും ആയ ശ്രീ അനിൽ സംവംദിച്ചു. കവിതാസ്വദനത്തിൻ്റെ വിവിധ തലങ്ങളെക്കുറിച്ച് വിദ്യാരംഗം കൺവീനറും അദ്ധ്യാപകനും ആയിരുന്ന ശ്രീ . വത്സൻ വിശദീകരിച്ചു. കവിത രചനയുടെ അന്തർതലങ്ങളെക്കുറിച്ച് പ്രശ്സ്ത കവി ശ്രീ ബിജു സംസാരിച്ചു. പുസ്തക വായന, ക്വിസ്, ആസ്വാദന കുറിപ്പ് ,പ്രസംഗം, കഥ രചന, കവിത രചന എന്നിവ സ്കൂളിൽ നടത്തപ്പെട്ടു. അടുത്തുള്ള ഗ്രന്ഥശാല സന്ദർശിച്ചു. ഇതെല്ലാം കുട്ടികളിൽ വായനയുടെ പ്രാധാന്യം മനസ്സിലാക്കുന്നതിന് സാധിച്ചു.

പരിസ്ഥിതി ദിനം

ലോക പരിസ്ഥിതി ദിനം ജൂൺ 5 ന് വളരെ വിപുലമായി ആഘോഷിച്ചു. സ്കൂൾ അസംബ്ലിയിൽ പരിസ്ഥിതി ദിന പ്രതിജ്ഞയെടുക്കുകയും സന്ദേശം കൈമാറുകയും ചെയ്തു.പൂർവ്വ വിദ്യാർത്ഥികളുടെ നേതൃത്വത്തിൽ സ്കൂളിൽ വൃക്ഷത്തൈകൾ നട്ടു. പോസ്റ്റർ രചന, ക്വിസ്,ഉപന്യാസ രചന,പച്ചക്കറി തൈ നടീൽ എന്നിവ നടത്തുകയുണ്ടായി.സ്കൂൾ എച്ച് എം ശ്രീമതി പ്രീത എം ഉണ്ണിത്താൻ പരിസ്ഥിതി ക്ലബ് ഉത്ഘാടനം നിർവഹിച്ചു.ക്ലബ് അംഗങ്ങളെയും ലീഡർമാരേയും തെരഞ്ഞെടുത്തു.ചടങ്ങിന് ക്ലബ് കോർഡിനേറ്ററായ ശ്രീമതി .സന്ധ്യ കൃതജ്ഞതയുമർപ്പിച്ചു.

യോഗാദിനം

ഈ വ‌‌ർഷവും അന്താരാഷ്ട്ര യോഗദിനം സമുചിതമായി ആഘോഷിച്ചു.ഒരു യോഗമാസ്റ്ററുടെ നേതൃത്വത്തിൽ കുട്ടികൾക്ക് യോഗ പരശീലനം നൽകുകയുണ്ടായി .

ചാന്ദ്രദിനം

സയൻസ് ക്ലബിന്റെ ആഭിമുഖ്യത്തിൽ ചാന്ദ്രദിനം ആഘോഷിച്ചു. പ്രത്യേക അസംബ്ലി നടത്തുകയുണ്ടായി . ക്വിസ്, പോസ്ററർ നിർമ്മാണം , ഉപന്യാസ രചന, വീഡിയോ പ്രദർശനം എന്നിവ നടത്തുകയുണ്ടായി. ഇത് കുട്ടികളിൽ ശാസ്ത്രാഭിരുചി വളർത്തുന്നതിന് വളരെ സഹായകമായിരുന്നു.

നിയമം അറിഞ്ഞ് പഠിക്കാം

ലഹരി വിരുദ്ധ ക്ലബിൻ്റെ ആഭിമുഖ്യത്തിൽ നിയമബോധവൽക്കരണ ക്ലാസ് നടത്തുകയുണ്ടായി. പ്രസ്തുത ക്ലാസ് അഡ്വ; ശ്രീ രാജീവ് രാജധാനിയാണ് നയിച്ചത്. പോക്സൊ,റാഗിംഗ്, ലഹരി എന്നിവയുംമായി ബന്ധപ്പെട്ട ക്ലാസായിരുന്നു. കുട്ടികൾക്ക് നിയമബോധമുണ്ടാക്കൻ ഈ ക്ലാസ് പ്രയോജനപ്പെട്ടു.

അമൃതം മലയാളം കുട്ടികളിൽ വായനശീലം വളർത്തുന്നതിനായി അമൃതം മലയാളം പദ്ധതിപ്രകാരം സ്കൂളിൽ ഓരോ ക്ലാസ്സിലേക്കും പത്രം നൽകുകയുണ്ടായി .വാ‌ർത്ത വായന ശീലം വളർത്താൻ ഇത് പ്രയോജനപ്പെട്ടു.സ്കൂൾ പിടിഎ പ്രസിഡണ്ട് ശ്രീമതി.ശ്രീജ അശോക് പത്രം എച്ച് എം ശ്രീമതി പ്രീത എം ഉണ്ണിത്താന് നൽകി ഉത്ഘാടനം നിർവഹിച്ചു.

ക്ലാസ് പിടിഎ

കുട്ടികളുടെ പഠനനിലവാരം രക്ഷകർത്താക്കളെ നിരന്തരം ബോധ്യപ്പെടുത്തുകയും പഠന കാര്യത്തിൽ കുട്ടികൾക്കാവിശ്യമായ പിന്തുണ നൽകാനും സാധിക്കുന്നു.കൂടാതെ കോർണർ പിടിഎ കളും നടത്തപ്പെടുന്നു.സ്കൂളിന്റെ എല്ലാ പ്രവർത്തനങ്ങളിലും രക്ഷകർത്താക്കളുടെ സഹകരണം ഉറപ്പാക്കാൻ കഴിയുന്നുട

ഓണാഘോഷം

മുൻവർഷങ്ങളിലെ പോലെ വളരെ ഗംഭീരമായി ഈ ഓണവും ആഘോഷിച്ചു..പൂക്കളം ഒരുക്കൽ, വടവലി, ഓണക്കളികൾ തുടങ്ങിയവ സംഘടിപ്പിച്ചു. വളരെ വിപുലമായ ഓണ സദ്യയും നടത്തപ്പെട്ടു.നാട്ടുകാരുടെയും രക്ഷകർത്താക്കളുടെയും സഹകരണമുണ്ടായിരുന്നു.

സ്കൂൾ പാർലമെന്റ് ഇലക്ഷൻ ജനാധിപത്യ മൂല്യങ്ങളുടെ അന്തസത്ത കുട്ടികളിൽ എത്തിക്കുന്നതിന് ഉതുകന്ന തരത്തിൽ തന്നെ ഈ വർഷത്തെ സ്കൂൾ പാ‌ർലമെന്റ് ഇലക്ഷൻ നടത്തുകയുണ്ടായി. ഓരോ ക്ലാസ്സും പോളിങ്ങ് ബൂത്ത് ക്രമീകരിച്ച് വോട്ടിങ് നടത്തുകയും ക്ലാസ് ലീഡറമാരെ തെര‍ഞ്ഞെടുത്തു. തുടർന്ന് സ്കൂൾ ലീഡർ,ചെയർ പേർസൺ എന്നിവരെ തെരഞ്ഞെടുത്തു.

മാ കെയർ സെന്റർ

കുടുംബശ്രീയുടെയും സ്കൂളിന്റേയും ആഭിമുഖ്യത്തിൽ കുട്ടികൾക്കാവിശ്യമായ ലഘു ഭക്ഷണശാല തുറന്ന് പ്രവർത്തിക്കുന്നു. ഓച്ചിറ ഗ്രാമ പഞ്ചായത്തിന്റെ നേതൃത്വത്തിൽ നടത്തപ്പെടുന്നു.

സ്കൂൾ യുവജനോത്സവം

സ്കൂൾ യുവജനോത്സവം വളരെ വിപുലമായി നടത്തപ്പെട്ടു. കുട്ടികളുടെ കലയെ പരിപോഷിപ്പിക്കുന്ന എല്ലാ ഇനങ്ങളും ഉൾപ്പെടത്തിയായിരുന്നു. കഥ,കവിത, ചിത്ര രചന ,ചെണ്ട, നൃത്തയിനങ്ങൾ.. പങ്കെടുത്ത എല്ലാ കുട്ടികൾക്കും സ‌ർട്ടിഫിക്കറ്റും ട്രോഫിയും നൽകി. മികച്ചയിനങ്ങൾ സബ് ജില്ലാ തലത്തിൽ പങ്കെടുപ്പിച്ചു. പങ്കെടുത്ത എല്ലായിനങ്ങൾക്കും ഏ ഗ്രേഡ് ലഭിച്ചു. ഒപ്പനയ്ക്ക് സെക്കൻ്റ് ലഭിച്ചു.

ശാസ്ത്ര മേള ശാസ്ത്രമേളയ്ക് കുട്ടികളെ പങ്കെടുപ്പിക്കുന്നതിനുള്ള വർക്കഷോപ്പുകൾ നടത്തി. ജ്യോമെട്രിക് ചാർട്ട്, ക്വിസ്, വർക്കിങ് മോഡൽ,തുടങ്ങിയിനങ്ങളിലും,ഐ ടി മേളയിലെ വിവിധയിനങ്ങളിലു കുട്ടികൾ സബ്ജില്ലാ തലത്തിൽ പങ്കെടുത്തു.വർക്കേസ്പിരിയൻസ് മേളയും നടത്തപ്പെട്ടു,

ലിറ്റിൽ കൈറ്റ്സ് പ്രവർത്തനങ്ങൾ ലിറ്റിൽ കൈറ്റ്സ് ക്ലബിന്റെ നേതൃത്വത്തിൽ വിവിധപ്രവർത്തനങ്ങൾ നടത്തപ്പെട്ടു. 8,9 ക്ലാസ്സുലെ കുട്ടികൾക്കായി ക്യാമ്പുകൾ, സോഫ്റ്റ് ദിനാചരണവുമായി ബന്ധപ്പെട്ട് സപെഷ്യൽ അസംമ്പ്ലി, ഇൻസ്റ്റലേഷൻ, സെമിനാർ,പോസ്റ്റ‌ ‌ർ എന്നിവയും റോബോട്ടിക്ക് ഫെസ്റ്റ്, എ ഐ ബോധവൽക്കരണ ക്ലാസുകൾ .സാമുഹിക പങ്കാളിത്തത്തോടെ ദിനാചരണങ്ങൾ നടത്തപ്പെട്ടു.

വിദഗ്ദ ക്ലാസ്സുകൾ വിവിധ ക്ലബുകളുടെ ഭാഗമായി കുട്ടികളിൽ മൂല്യബോധം വളർത്തുന്നതിനും ആരോഗ്യ സംരംക്ഷണം ഫുഡ് സേഫ്റ്റി,സൈബർ സുരക്ഷ, കൗമാര വിദ്യാഭ്യാസം , മാനസികോല്ലാസം ,നിയമം, ലഹരി വിരുദ്ധ തുടങ്ങിയവയുടെ വിവിധ വിദഗ്ദരുടെ ക്ലാസുകൾ നടത്തപ്പെട്ടു.

ക്രിസ്തുമസ് ആഘോഷം വളരെ സന്തോഷകരമായ രീതിയിൽ ഈ വർഷത്തെ ക്രിസ്തമസ് ആഘോഷിച്ചു.കുട്ടികളുടെ കലാപരിപാടികൾ,ഫാദർ നൽകിയ സ്നേഹ സന്ദേശം, കേക്ക് കട്ടിങ്ങ്, ഘോഷയാത്ര,എന്നിങ്ങനെ വിവിധ പരിപാടികളോട് സമുചിതമായി ആഘോഷിച്ചു.

സ്കൂൾ വിനോദയാത്ര ഈ വർഷത്തെ പത്താം ക്ലാസ് കുട്ടികൾക്ക് മാത്രമായിരുന്നു വിനോദയാത്ര ഉണ്ടായിരുന്നത്. പൊൻമുടി,മീൻമുട്ടി , വിവിധ കൊട്ടാരങ്ങൾ എന്നിവ ഉൾപ്പെടുന്ന ഏകദിന യാത്രയായിരുന്നു.കുട്ടികൾക്ക് വളരെ മാനസികോല്ലാസം നൽകിയ യാത്രയായിരുന്നു.

കായിക മൽസരങ്ങൾ സ്കൂൾ സ്പോർട്സ് ക്ലബിന്റെ നേതൃത്വത്തിൽ വിവിധ പ്രവർത്തനങ്ങൾ നടന്നു വരുന്നു. ഫുട്ബോൾ കോച്ചിങ്, ഖോ ഖോ പരിശീലനം, മറ്റ്കായികയിനങ്ങളുടെ പരിശീലനം തുടങ്ങിയവ.സബ്ജില്ല .ജില്ലാ മൽസരങ്ങളിൽ കുട്ടികൾ പങ്കെടുത്തു

പഠനപിന്തുണ ക്ലാസുകൾ കുട്ടികളുടെ പഠന നിലവാരം ഉയർത്തുന്നതിനും പഠന പിന്തുണ ആവശ്യമുള്ള കുട്ടികൾക്കും പ്രയോജന പെടുന്നതരത്തിൽ എല്ലാ ദിവസവും രാവിലെ 8.30 മുതൽ ഒരു മണിക്കൂർ അധിക സമയക്ലാസുകൾ നടത്തപ്പെടുന്നു

സ്കൂൾ വാർഷികം 2025-26 വർഷത്തെ പഠന പാഠ്യേതര മികവുകളുടെ ഒരു പ്രദർശനം കൂടിയായിരുന്നു ഈ വർഷത്തെ സ്കൂൾ വാർഷികം. ജനപ്രതിനിധികളും പ്രഗൽഭരായ വ്യക്തിത്വത്തങ്ങളും നല്ലവരായ നാട്ടുകാരും പൂർവ വിദ്യാ‌ർത്ഥികളും രക്ഷകർത്താക്കളുടെയും സാനിദ്ധ്യം കൊണ്ട് വളരെ സമ്പുഷ്ടമായിരുന്നു ചടങ്ങ്. കുട്ടികളുടെ കലാപരിപാടികൾ കൂടാതെ ടീ വി ഫെയിംമിന്റെ കോമഡി ഷോയും നടന്നു.