ഗവ. എൽ. പി. എസ് അരുവിക്കര പുന്നാവൂർ/അക്ഷരവൃക്ഷം/കണ്ണാ നീ മനസ്സിലാ
കണ്ണാ നീ മനസ്സിലാ
നാളെ വിഷു ആണ് . എപ്രിൽ 14 . കഴിഞ്ഞ വർഷവും വിഷു ഇതേ ദിവസം തന്നെ ആയിരുന്നു എന്നാണ് എന്റെ ഓർമ . കഴിഞ്ഞ വർഷം വിഷുവിനു എല്ലാവരും കൈനീട്ടം തന്നു . കണി വയ്ക്കാനായി വഴിയരികിൽ നിന്ന് ഒരു കൃഷ്ണന്റെ പ്രതിമയും കടുത്ത വിലപേശലിലൂടെ 'അമ്മ വാങ്ങി തന്നു , കണി വെള്ളരിക്ക ഇല്ല എന്ന് പറഞ്ഞു കരഞ്ഞപ്പോൾ രാത്രിയിൽ അച്ഛൻ ഒരു കണിവെള്ളരിക്കയും വലിയ പൈസ കൊടുത്തു വാങ്ങി തന്നു. ഇതൊക്കെ കഴിഞ്ഞ വർഷം . കൃഷ്ണൻ്റെ പ്രതിമ ഇപ്പോഴും വീട്ടിൽ ഇരിപ്പുണ്ട് . പക്ഷെ കണി വയ്ക്കുന്നില്ല . ആരും ഒരു തയ്യാറെടുപ്പും നടത്തുന്നില്ല . അച്ഛനോട് ചോദിച്ചപ്പോൾ പറഞ്ഞു കൊറോണയാണ് അതുകൊണ്ടു വിഷുക്കണിയും കൈനീട്ടവും ഒന്നും ഇല്ല എന്ന് . അച്ഛൻ ജോലിക്കു പോയിട്ടും കുറെ നാളായി .എല്ലാവരും നല്ല വിഷമത്തിലാണ് . സത്യമായിട്ടു കൊറോണായോട് ആദ്യമായി എനിക്ക് ദേഷ്യം തോന്നിയതു ഇപ്പോഴാണ് ...എന്നാലും കുഴപ്പമില്ല കൃഷ്ണ നീ എന്റെ ഉള്ളിലല്ലേ
|
