ഗവ. എച്ച്.എസ്.എസ്. പുത്തൻതോട്/സ്റ്റൂഡന്റ് പോലീസ് കാഡറ്റ്/2023-24

2023-24 പ്രവർത്തനങ്ങൾ വാർഷിക പ്രവർത്തന റിപ്പോർട്ട് 2023 - 24 2023 - 24 അധ്യയനവർഷത്തിലെ പുത്തൻതോട് ഗവ. ഹയർ സെക്കൻ്ററി സ്കൂൾ സ്റ്റുഡന്റ് പോലീസ് കേഡറ്റ് പദ്ധതി പ്രവർത്തനങ്ങൾ സ്കൂൾ പ്രവേശനോൽസവ പ്രവർത്തനങ്ങളിൽ നേതൃത്വം നൽകി ആരംഭിച്ചു. പ്രവേശനോൽസവ റാലി കേഡറ്റുകളുടെ നേതൃത്വവും പങ്കാളിത്തവും കൊണ്ട് ശ്രദ്ധയാകർഷിക്കുന്നതായിരുന്നു.

എസ്.പി.സി പ്രവർത്തനങ്ങൾ ആക്റ്റിവിറ്റി കലണ്ടർ പ്രകാരം സീനിയർ, ജൂനിയർ കേഡറ്റുകളുടെ ബുധൻ, ശനി ദിവസങ്ങളിലെ പ്രവർത്തനങ്ങൾ, ദിനാചരണങ്ങൾ എന്നിവ കൃത്യമായി സംഘടിപ്പിച്ചു.

ഗാർഡിയൻ എസ് പി സി മീറ്റിംഗ് 21.08.2023 തിങ്കൾ ഉച്ചയ്ക്ക് 2 മണിക്ക് പിടിഎ വൈസ് പ്രസിഡൻ്റ് ശ്രീ. റോമൽ അവർകളുടെ അധ്യക്ഷതയിൽ ചേർന്ന ഗാർഡിയൻ SPC മീറ്റിംഗിൽ ഡെപ്യൂട്ടി എച്ച് എം സെലീന ജെയിംസ്, ഡി ഐ അനിഷ് കെ പി, സി പി ഒ മാർ, സീനിയർ ജൂനിയർ കേഡറ്റുകളുടെ രക്ഷകർത്താക്കൾ എന്നിവർ പങ്കെടുത്തു.

കമ്മ്യൂണിറ്റി പ്രോജക്റ്റ് സീനിയർ കേഡറ്റുകളുടെ നേതൃത്വത്തിൽ സ്കൂൾ ബസ് സ്റ്റോപ്പിൽ ട്രാഫിക് ഡ്യൂട്ടി നിർവ്വഹിച്ചു വരുന്നു.ഫ്രണ്ട്സ് അറ്റ് ഹോം കമ്മ്യൂണിറ്റി പ്രോജക്ടിന്റെ ഭാഗമായി ക്രിസ്മസ് ദിനാഘോഷത്തിന്റെ ഭാഗമായി കേഡറ്റുകൾ മസ്കുലർ ഡിസ്ട്രോഫി ബാധിച്ച ആൽഡ്രിൻ സിജു , എഡ്വിൻ സിജു എന്നിവരുടെ ഭവനം സന്ദർശിക്കുകയും സമ്മാനങ്ങൾ നൽകുകയും ചെയ്തു.

ചലഞ്ച് ദ ചലഞ്ചസ് പ്രോഗ്രാം നവംബർ മാസത്തിൽ ചലഞ്ച് ദ ചലഞ്ചസ് പ്രോഗ്രാമിന്റെ ഭാഗമായി കേഡറ്റുകൾ സ്വയം വിലയിരുത്തൽ നടത്തുകയും റിപ്പോർട്ട് അവതരിപ്പിക്കുകയും ചെയ്തു.പ്രസ്തുത പ്രോഗ്രാമിന്റെ ഭാഗമായി കേഡറ്റുകൾ 100 വ്യക്തികളിൽ 'ഡിജിറ്റൽ അഡിക്ഷൻ ' എന്ന വിഷയത്തെ ആസ്പദമാക്കി സർവ്വേ സംഘടിപ്പിക്കുകയും റിപ്പോർട്ട് ക്രോഡീകരിച്ച്സമർപ്പിക്കുകയും ചെയ്തു

എസ് വി സി പുത്തൻതോട് പ്രവർത്തനങ്ങൾ പുത്തൻതോട് എസ് വി സി യൂണിറ്റിൻ്റെ ആഭിമുഖ്യത്തിൽ അലുമിനി കേഡറ്റുകളായ സീഷെൽ ജയേഷ്, ആര്യ പി വി എന്നിവർ ജൂനിയർ കേഡറ്റുകൾക്ക് എസ് പി സി പ്രവർത്തനങ്ങളെക്കുനിച്ച് ക്ലാസ് നൽകി.ഒക്ടോബർ 2 ഗാന്ധിജയന്തിനത്തോട് അനുബന്ധിച്ച് എസ് വി സി യുടെ നേതൃത്വത്തിൽ ഗാന്ധി ക്വിസ് സംഘടിപ്പിച്ചു.

പാഠ്യേതര മികവുകൾ സംസ്ഥാന സ്കൂൾ കലോത്സവത്തിൽ സൂപ്പർ സീനിയർ കേഡറ്റ് ശ്രേയ പി വി കവിതാരചനയിൽ എ ഗ്രേഡ് നേടുകയുണ്ടായി. കുറ്റകൃത്യങ്ങൾക്കെതിരെ കൊച്ചി സിറ്റി പോലീസ് ക്യാംപെയ്ൻ ൻ്റെ ഭാഗമായി സംഘടിപ്പിച്ച ഉപന്യാസമത്സരത്തിൽ സൂപ്പർ സീനിയർ കേഡറ്റ് അബേസ് ജോസഫ് ഒന്നാം സ്ഥാനം നേടി. 2023 നവംബർ 14 ചൊല്ലാനം ഗ്രാമ പഞ്ചായത്ത് സംഘടിപ്പിച്ച ഹരിത സഭയിൽ സീനിയർ കേഡറ്റ് ആൻ ലിറ്റ ഗ്രേസ് അവതരിപ്പിച്ച " മാലിന്യ സംസ്കരണം ' എന്ന വിഷയത്തെ ആസ്പദമാക്കിയുള്ള റിപ്പോർട്ട് രണ്ടാം സ്ഥാനം നേടുകയുണ്ടായി. മറ്റു SPC പ്രവർത്തനങ്ങൾ ജൂൺ 5 ലോക പരിസ്ഥിതിദിനത്തിൽ വൃക്ഷത്തൈ വിതരണം, ജൂൺ 19 വായനദിനത്തിൽ വായനാ കാർഡ് നിർമ്മാണം, ജൂൺ 21 യോഗ ദിനത്തിൽ സ്കൂൾ അസംബ്ലിയിൽ യോഗ പ്രദർശനം , ജൂൺ 24 രക്തദാന ദിനത്തിൽ ബോധവല്ക്കരണസന്ദേശ പോസ്റ്റർ പ്രദർശനം. ജൂൺ 26 ലഹരി വിരുദ്ധ ദിനത്തിൽ കണ്ണമാലി സ്റ്റേഷനിലെ ഉദ്യോഗസ്ഥരുടെ സഹകരണത്തോടെ ലഹരി വിരുദ്ധ പ്രതിജ്ഞ ,റാലി, പോസ്റ്റർ പ്രദർശന എന്നിവ സംഘടിപ്പിച്ചു. ആഗസ്റ്റ് 2 എസ് പി സി ദിനത്തോടനുബന്ധിച്ച് റാലി, ഫ്ലാഷ് മോബ് എന്നിവ സംഘടിപ്പിക്കുകയുണ്ടായി.

ആഗസ്റ്റ് 15 സ്വാതന്ത്ര്യ ദിനത്തിൽ സീനിയർ ജൂനിയർ കേഡറ്റുകൾ പരേഡിൽ പങ്കെടുത്തു. സെപ്റ്റംബർ 5 അധ്യാപകദിനഞ്ഞാൽ ഗുരുക്കന്മാർക്ക് ആശംസകളുമായി കേഡറ്റുകൾ അണിനിരന്നു. സെപ്റ്റംബർ 16 ഓസോൺ ദിനത്തിൽ 'ആഗോളതാപനം ദൂഷ്യവശങ്ങൾ' എന്ന വിഷയത്തെ ആസ്പദമാക്കി പോസ്റ്റർ മത്സരം സംഘടിപ്പിച്ചു.ഒക്ടോബർ 16 ലോക ഭക്ഷ്യ ദിനത്തോടനുബന്ധിച്ച് വിവിധ ഭക്ഷ്യവിഭവങ്ങളുടെ പ്രദർശന വിപണനം എന്നിവ സംഘടിപ്പിക്കുന്നതിൽ എസ് പി സി നേതൃത്വം വഹിച്ചു.ഒക്ടോബർ 24 ഐക്യരാഷ്ട്ര ദിനത്തിൽ യുദ്ധവിരുദ്ധ പോസ്റ്ററുകളുമായി കുട്ടികൾ എസ് പി സി കേഡറ്റുകളുടെ നേതൃത്വത്തിൽ സമാധാനത്തിന്റെ ചിഹ്നമായ പ്രാവിൻറെ രൂപത്തിൽ അണിനിരന്നത് വേറിട്ട പ്രവർത്തനമായി.നവംബർ 1 കേരളപ്പിറവി ദിനത്തിൽ കേഡറ്റുകൾ ലഹരി വിരുദ്ധ ബാനറുമായി കേരള മാതൃകയിൽ അണിനിരന്ന നിശ്ചലദൃശ്യം ശ്രദ്ധേയമായിരുന്നു.ഡിസംബർ ഒന്ന് എയ്ഡ്സ് ദിനത്തിൽ സൂപ്പർ സീനിയർ കേഡറ്റ് എബേസ് ജോസഫ് ബോധവൽക്കരണസന്ദേശം നൽകുകയുണ്ടായി.ഡിസംബർ 9 ഫോർട്ട് കൊച്ചി വെളി ഗ്രൗണ്ടിൽ വച്ച് സംഘടിപ്പിച്ച നവകേരള സദസ്സിൽ 26 സീനിയർ കേഡറ്റുകൾ വോളണ്ടിയർ ആയി പ്രവർത്തികുകയുണ്ടായി. 2024 ജനുവരി 26റിപ്പബ്ലിക് ദിനാഘോഷത്തിലും എസ് പി സി കേഡറ്റുകൾ പങ്കെടുത്തു.

ഓണം ക്യാമ്പ് 2023 ആഗസ്റ്റ് 26.27, 28 തീയ്യതികളിലായി ഓണം ക്യാമ്പ് സംഘടിപ്പിച്ചു. കണ്ണമാലി പ്രിൻസിപ്പൽ SI ശ്രീ. നവീൻ എസ് ക്യാമ്പ് ഉദ്ഘാടനം ചെയ്തു. ഇൻഡോർ ക്ലാസുകൾ ,ഫിസിക്കൽ ട്രെയിനിങ്ങ്, പരേഡ് പ്രാക്റ്റീസ് എന്നിവ ക്യാമ്പിൻ്റെ ഭാഗമായി സംഘടിപ്പിച്ചു.

പാസിങ്ങ് ഔട്ട് 41 സൂപ്പർ സീനിയർ കേഡറ്റുകളുടെ പാസിങ്ങ് ഔട്ട് 2023 ആഗസ്റ്റ് 27 ന് തോപ്പുംപടി പ്രതീക്ഷാ നഗറിൽ വെച്ച് വിവിധ സ്കൂളുകൾക്കൊപ്പം നടത്തി. ശ്രീ. കെ ജെ മാക്സി എം എൽ എ പരേഡിൻ്റെ അഭിവാദ്യം സ്വീകരിച്ച ചടങ്ങിൽ മട്ടാഞ്ചേരി അസിസ്റ്റൻ്റ് കമ്മിഷണർ ശ്രീ.മനോജ് , കണ്ണമാലി CI ശ്രീ. രാജേഷ് എന്നിവരും പങ്കെടുത്തു.

ഗാന്ധി ജയന്തി ഒക്ടോബർ 2 ഗാന്ധിജയന്തി യോടനുബന്ധിച്ച് സേവനവാരമായി ആചരിച്ചു.സേവനവാരത്തിന്റെ ഭാഗമായി കേഡറ്റുകൾ അവരുടെ വീടും പരിസരവും സ്കൂൾ പരിസരവും ശുചിയാക്കുന്ന പ്രവർത്തനങ്ങളിൽ ഏർപ്പെട്ടു.

എസ് പി സി ജില്ലാ ക്യാംപ് തൃപ്പൂണിത്തുറ ഗവൺമെൻറ് ബോയ്സ് ഹയർ സെക്കൻഡറി സ്കൂളിൽ വച്ച് സംഘടിപ്പിക്കപ്പെട്ട എസ് പി സി ജില്ലാ ക്യാമ്പിൽ 13 സീനിയർ കേഡറ്റുകൾ പങ്കെടുക്കുകയുണ്ടായി. ക്യാമ്പിന്റെ അവസാന ദിനം സംഘടിപ്പിക്കപ്പെട്ട ചടങ്ങിൽ വച്ച് 2022 - 23 അധ്യയന വർഷത്തിലെ മികച്ച എസ്പി സ്കൂൾ ,മികച്ച സിപിഒ മാർ , മികച്ച ഡി ഐ മാർ എന്നിവ നേടാൻ കഴിഞ്ഞത് പുത്തൻതോട് എസ് പി സി യൂണിറ്റിന്റെ മികവുകളിൽ എടുത്ത പറയാനാകുന്നതാണ്.