ജി.ബി.എച്ച്.എസ്.എസ്. മ‍‍ഞ്ചേരി /വിദ്യാരംഗം കലാ സാഹിത്യ വേദി.
കേരള സർക്കാരിൻ്റെ പൊതുവിദ്യാഭ്യാസ വകുപ്പിന് കീഴിൽ വിദ്യാലയങ്ങളിൽ പ്രവർത്തിക്കുന്ന കലാ സാഹിത്യ വേദിയാണ് വിദ്യാരംഗം.പഠനത്തോടൊപ്പം കുട്ടികളുടെ സർഗ്ഗാത്മക ശേഷികൾ വികസിപ്പിക്കുക, കലാപരവും സാംസ്കാരികവുമായ കഴിവുകൾ, ഭാഷാനൈപുണി പരിപോഷിപ്പിക്കുക തുടങ്ങിയവയാണ് വിദ്യാരംഗം കലാസാഹിത്യ വേദിയുടെ ലക്ഷ്യങ്ങൾ.
സംഘാടനം
സ്കൂളിലെ മുഴുവൻ കുട്ടികളും വിദ്യാരംഗം കലാസാഹിത്യ വേദിയിലെ അംഗങ്ങളാണ്. കുട്ടികളെ ഏകോപിപ്പിക്കുന്നതിനായി ക്ലാസ് തല കൺവീനറെ തെരഞ്ഞെടുക്കുകയും, അതിൽ നിന്ന് സ്കൂൾതല കൺവീനറെ തെരഞ്ഞെടുക്കുന്നു. വിദ്യാരംഗം കലാസാഹിത്യ വേദിയുടെ പ്രവർത്തനങ്ങൾ സ്കൂൾ തലത്തിൽ നടത്തുന്നതിനായി ഒരു അധ്യാപകനെ / അധ്യാപികയെ സ്കൂൾ തല കൺവീനറായും തെരഞ്ഞെടുക്കുന്നു. മുഴുവൻ പ്രവർത്തനങ്ങൾക്കും നേതൃത്വം നൽകുന്നത് ഹെഡ്മാസ്റ്ററാണ്.
വിവിധ ദിനാചരണങ്ങൾ ആഘോഷിക്കുമ്പോൾ അതിൻ്റെ പ്രാധാന്യം കുട്ടികളിലേക്ക് എത്തിക്കുന്നതിന് ആവശ്യമായ വ്യവഹാര പ്രവർത്തനങ്ങൾ (പ്രഭാഷണം, ശില്പശാല etc) വിദ്യാരംഗം കലാ സാഹിത്യ വേദിയുടെ ആഭിമുഖ്യത്തിൽ നടത്തിവരുന്നു.