വേണ്ടാ നമുക്ക് ഭയം
വേണ്ടാ നമുക്ക് ഭീതി
വേണ്ടത്
കരുതലാണ്.
വേണ്ടത്
ജാഗ്രതയാണ്.
ഈ നാടിനെ കാത്തിടാൻ,
ജനതയെ കാത്തിടാൻ,
കരുതി മുന്നേറിടാം...
ജാതിമതഭേദമില്ലായിന്ന്…
വലുപ്പച്ചെറുപ്പമില്ലായിന്ന്...
നാം ഒന്ന് ലക്ഷ്യമൊന്ന്
ചെറുത്തു തോൽപ്പിച്ചിടും
മാനവരാശിയെ നക്കിത്തുടച്ചു -
തിന്നാൻ വെമ്പുന്നയാ-
യദൃശ്യനാം ഭീമനെ!
ഈ മഹാമാരിയാൽ
ജീവൻ പൊലിഞ്ഞ
ഭൂമിതൻമക്കളെയോർത്തിടാം...
ഈ മഹാവ്യാധിയെ-
ത്തുരത്താൻ ശ്രമിക്കുന്ന
ഭൂമിതൻ മാലാഖമാരെ
കൈതൊഴുതിടാം...
പുറലോകവുമായൊരു
ബന്ധമില്ലായെങ്കിലും
ഒരുമനസ്സായൊരുസ്വരമായ്
കൈകോർത്തിടാം....
ഭയന്നിടില്ല നാം തളർന്നിടില്ല നാം
ഒരുമിച്ചു മുന്നേറി ചെറുത്തിടുംനാം
പൊരുതിടും വീണ്ടെടുക്കും നന്മനിറഞ്ഞ,
വ്യാധിമുക്തമായൊരു മാനവകുലം.
………….