ഊർപ്പള്ളി എൽ പി എസ്/Say No To Drugs Campaign
സംസ്ഥാന സർക്കാർ നടത്തുന്ന ലഹരി വിമുക്ത കേരളം കാമ്പയിന്റെ ഭാഗമായി ഗാന്ധിജയന്തി ദിനമായ ഒക്ടോബർ രണ്ടു മുതൽ കേരളപ്പിറവി ദിനമായ നവംബർ ഒന്നു വരെ നീണ്ടുനിന്ന ലഹരി വിരുദ്ധ പ്രവർത്തനങ്ങൾ ഏറ്റെടുത്ത് ഊർപ്പള്ളി എൽ പി സ്കൂൾ വിദ്യാർത്ഥികളും. ലഹരി വിരുദ്ധശൃംഖലയും ബോധവത്കരണ ക്ലാസ്സും പോസ്റ്റർ നിർമ്മാണം തുടങ്ങിയ വിവിധ പ്രവർത്തനങ്ങൾക്ക് വിദ്യാർത്ഥികളും അണിചേർന്നു.
മയക്കുമരുന്നിന് എതിരെ ഊർപ്പള്ളി എൽ പി സ്കൂൾ വിദ്യാർഥികളെ അണിനിരത്തികൊണ്ട് ഫുട്ബോൾ ടീമുകൾ സംഘടിപ്പിച്ച് അങ്ങേയറ്റം ആവേശം നിറഞ്ഞ ഫുട്ബോൾ മത്സരം സംഘടിപ്പിക്കുകയും മയക്കുമരുന്ന് മനുഷ്യരാശിക്ക് അപകടമാണെന്ന് സന്ദേശം സ്കൂളിൽ ഒട്ടാകെ എത്തിക്കാനും സാധിച്ചു.
തുടർന്ന് 2022 നവംബർ 24 ന് വിദ്യാർത്ഥികളെ പങ്കെടുപ്പിച്ചുകൊണ്ട് 'വൺമില്ല്യൻ ഗോൾ ചല്ലഞ്ച്' ഊർപ്പള്ളിഎൽ പി സ്കൂളും ഏറ്റെടുത്തു. ഈ ഉദ്യമത്തിൽ കുട്ടികളോടൊപ്പം രക്ഷിതാക്കളും നാട്ടുകാരും അധ്യാപകരും പങ്കാളികളായി. കൂത്തുപറമ്പ് പൊലീസ് ഓഫിസർ ശ്രീ സൈഫു സർ ആദ്യ ഗോൾ നേടി ഉദ്ഘാടനം നിർവഹിച്ചു.