ജി.എൽ.പി.എസ്. കുന്നക്കാവ്/പ്രവർത്തനങ്ങൾ
പാഠ്യാനുബന്ധ പ്രവർത്തനങ്ങൾ
I DO I LEARN
സ്‌കൂൾ ശാസ്ത്രക്ലബ്ബിന്റെ ഭാഗമായി കുട്ടികളുടെ ശാസ്ത്ര പരീക്ഷണങ്ങളുടെ അവതരണം. അദ്ധ്യാപകർ കാണിച്ചു നൽകിയതും കുട്ടികൾ സ്വന്തമായി കണ്ടെത്തിയതുമായ നിരവധി പരീക്ഷണങ്ങളുടെ അവതരണമാണ് നടക്കുന്നത്. കുട്ടികളിൽ ശാസ്ത്ര അവബോധം വളർത്താനും ശാസ്ത്ര അഭിരുചി ഉണ്ടാക്കാനും ഇത് വഴി കഴിയുന്നു.
Let's Talk
ഇംഗ്ലീഷ് ഭാഷയിൽ കുട്ടികൾക്ക് ആത്മവിശ്വാസത്തോടെ കാര്യങ്ങൾ പറയാൻ അവസരം നൽകുന്ന ഒരു പരിപാടിയാണിത്. കുട്ടികളെ സ്വാഭാവിക അന്തരീക്ഷത്തിൽ ഇംഗ്ലീഷ് ഭാഷയിലൂടെ അവരുടെ കാര്യങ്ങൾ പറയാൻ അവരെ പ്രാപ്തരാക്കുന്നു. നിരവധി വൈവിധ്യമാർന്ന പ്രവർത്തനങ്ങളിലൂടെ കുട്ടികളിൽ ഇംഗ്ലീഷ് ഭാഷയിൽ സംസാരിക്കാനുള്ള ആത്മവിശ്വാസം വളർത്താൻ ഇതിലൂടെ കഴിയുന്നു.
ലിറ്റിൽ സ്റ്റാർ
കോവിഡ് മഹാമാരിയുടെ സമയത്ത് കുട്ടികളുടെ സർഗ്ഗ വാസനകൾ പുറത്തുകൊണ്ടു വരാൻ അവസരം നൽകുന്ന ഒരു പരിപാടിയാണിത്. ഡാൻസ്, പാട്ട് , ഏകാഭിനയം തുടങ്ങി നിരവധി വൈവിധ്യമാർന്ന കലാപ്രകടങ്ങൾ കുട്ടികളുടെ ഭാഗത്തു നിന്നും ലഭിച്ചു. ഇത്തരത്തിൽ ലഭിക്കുന്ന കലാപ്രകടങ്ങൾ സ്‌കൂളിന്റെ ചാനലിൽ എല്ലാവർക്കും കാണായി ദിവസവും അപ്‌ലോഡ് ചെയ്യുന്നു. കുട്ടികളിൽ മാനസിക സമ്മർദ്ദം കുറക്കാനും അവരെ കൂടുതൽ പ്രോത്സാഹിപ്പിക്കാനും ഇത് വഴി കഴിഞ്ഞു.
KKV Vision
സ്‌കൂളിന്റെ ഒരു ചാനൽ ആണിത്. കുട്ടികളുടെ ദിവസേനയുള്ള വാർത്താ വായന, ലിറ്റിൽ സ്റ്റാർ പരിപാടികൾ, ഇന്നത്തെ ചിന്താ വിഷയം തുടങ്ങിയ പരിപാടികൾ എല്ലാവരിലേക്കും എത്തിക്കുന്നതിനായി രൂപീകരിച്ചതാണിത്.
KKV News
കോവിഡ് കാലത്ത് ദിവസേനയുള്ള പ്രധാന വാർത്തകൾ എല്ലാവരിലേക്കും എത്തിക്കുന്നതിനായി അതാത് ദിവസത്തെ വാർത്തകൾ കുട്ടികൾ വായിക്കുന്നു. കുട്ടികളിൽ വായന ശീലവും പൊതു വിജ്ഞാനവും വാർത്താ വായനാശേഷിയും വളർത്താൻ ഇത് വഴി കഴിയുന്നു. സ്‌കൂളിലെ രണ്ടാം ക്ലാസ് മുതലുള്ള കുട്ടികൾ ഇതിൽ വാർത്താ വായിക്കുന്നുണ്ട്.