ഗവൺമെന്റ് എച്ച്.എസ്.എസ് കുളത്തുമ്മൽ/അക്ഷരവൃക്ഷം/മേഘപുത്രി

മേഘപുത്രി  പ്രകൃതി നിനക്കായൊരു ഗീതമെൻ - മനതാരിൽ നിന്നുതിരുന്നയാർദ്രമാം ഗാനം, എന്തെന്നറിയില്ല നീയെകാന്തവിവശയായി - കേഴുമ്പോഴുമെൻമനം ആനന്ദ തരളിതമായ് നൃത്തമാടും, പറവകൾ തൻ കളകളാരവത്താലാദിനം മധുരിതമാക്കും   സപ്തവർണ്ണചിറകുകൾ വിടർത്തി -  പ്പാറിപറക്കും രത്നനീലി ശലഭമോ അതോ;  നിൻ വരവിനാധാരമാം മാരിവില്ലോ, മേഘപുത്രീ നിൻ സഖീ ?  പ്രകൃതീ, ' ലാവണ്യവതി നിന്നിലൂടെ നിന്റൊരംശമായി -  യൊഴുകുന്നയീ പുഴയോ എൻനമ്മ ചോരിയുന്ന വാത്സല്യം!    മേഘപുത്രീയെന്തിന്നു നിയീ ഭൂമിയിൽവന്നു! മണ്ണിൻ ദാഹം തീർക്കുവാന്നോ ? പൂവുമായി സ്നേഹം പങ്കിടാനോ ? അതോ, ഭൂമിതൻ മന്ദസ്മിതം നുകരുവാനോ ?    ഒരു മഞ്ഞുകണംപ്പോൽ ഞാൻ നിന്നിലലിയുന്ന സമയം -  യെന്നിൽനിന്നകന്നുപോയതെന്തേ സഖീ ?  സന്തോഷമാണെനിക്കുനീ  ഒരു ചെറുപുഷ്പംതൻ സൗരഭമാണെനിക്കു നീ  നീയാണു മഴ , യെൻ മനം കവർന്ന മേഘ പുത്രി    അനാമിക . എം .എസ് 9 C ഗവണ്മെന്റ് എച്ച് എസ് എസ് കുളത്തുമ്മൽ കാട്ടാക്കട ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Sathish.ss തീയ്യതി: 09/ 02/ 2022 >> രചനാവിഭാഗം - കവിത