കർണ്ണകയമ്മൻ എച്ച്.എസ്സ്.എസ്സ്. മൂത്താൻതറ/

സീത ടീച്ചർ മലയാളം അദ്ധ്യാപിക

വണിക വൈശ്യ സംസ്കാരത്തിൻ

നിഴലിൽ മാത്രമൊതുങ്ങാതെ

അക്ഷര വൈഖരി നാദമുണർത്താൻ

അറിവിൻ ശംഖൊലി പകരാൻ

പാലക്കാട്ടിൻ വലിയങ്ങാടിയിൽ

കാച്ചനാം കുളം വക്കിൽ

ഉദിച്ചുണർന്നൊരു ചെന്താമരപോൽ

വിദ്യ പകർന്നതു മിവിടം

പാഠത്തിനതിരു കളില്ലാതെ

പുസ്തക താളുകളിലൊളിക്കാതെ

ആലസ്യത്തിൽ കുരുക്കുകളി

ലൊന്നും വ്യാകുലമില്ലാതെ

കലാ - കായിക സാഹിത്യ

വെന്നികൊടികൾ പാറിച്ചും

ശാസ്‌ത്ര -കലാ - കായിക സാഹിത്യ

വൈജയന്തികൾ അറിയിച്ചും

ദേവികർണ്ണകയമമന്നു

തെളിഞ്ഞിരുന്നലങ്കാരമായ്

ആയിരം വർഷങ്ങളായ്

ഉയർന്നുറച്ചൊരു സംസ്കൃതി

നഗരലക്ഷ്മിയണിഞ്ഞിരുന്ന

സുവർണ്ണ ഭൂഷണമെന്ന പോൽ

അതിനൊരൊത്ത പതക്കമീ

വിദ്യാലയം വിലസുന്നിതേ

പൊരുൾതേടും പാലക്കാടൻ

കാറ്റുകൾ പാടുന്നു

കരളിൽ കനിവായ് വിരിഞ്ഞിടുന്നൊരു

അറിവുകൾ പാടുന്നു.......

ഈ തണലത്തിത്തിരി നേര-

മിരിക്കാം അതിഥികളേ.....

ഈ നിറവിലൊരജലി കൂപ്പാം

അഖിലാത് മികയേ.......

സ്വാഗതം....... സ്വാഗതം.......

സാരസ്വതാമൃത തീരം.......

പാടുന്നു ഹർഷോന്മത്തം

സ്വാഗതം....... സ്വാഗതം.....

സ്വാഗതം.......

ജ്ഞാനോത്സവ കൊടി വാനിൽ

പാറുന്നു ധീരമുദാരം.......

സ്വാഗതം....... സ്വാഗതം.......

സ്വാഗതം.......