ഗവൺമെന്റ് യു പി എസ്സ് നട്ടാശ്ശേരി/ചരിത്രം

എല്ലാ വിഭാഗത്തിൽപെട്ട കുട്ടികൾക്കും സ്കൂളിൽ പ്രവേശനം ഉണ്ടായിരുന്നു. നട്ടാശ്ശേരി കരയിലെ ഏക വിദ്യാലയമായിരുന്നു ഇത് . മീനന്തറയാറിന്നും മീനച്ചിലാറിനും മധ്യത്തിൽ ആയിട്ടാണ് ആണ് ഈ വിദ്യാലയം സ്ഥിതി ചെയ്യുന്നത്. വളരെ ദരിദ്രമായ സാഹചര്യത്തിൽ നിന്നുള്ള കുട്ടികളായിരുന്നു ഏറെയും സ്കൂളിൽ പഠിച്ചിരുന്നത്. അന്ന് വളരെയധികം പ്രതിസന്ധികൾ ഉണ്ടായിരുന്നിട്ടും അവയെ മറികടന്ന് ഇന്ന് പ്രഗൽഭരായ ഒരു കൂട്ടം വ്യക്തികളെ സൃഷ്ടിക്കാൻ ഈ വിദ്യാലയത്തിന് സാധിച്ചിരുന്നു. കഥകളി ആചാര്യൻ കുറൂർ വാസുദേവൻ നമ്പൂതിരി, സ്വാതന്ത്ര്യസമരസേനാനി ആയിരുന്ന എം ആർ ജി പണിക്കർ, വിജയപുരം ഗ്രാമ പഞ്ചായത്ത് മുൻ പ്രസിഡണ്ട് ഗീതാ സുധാകരൻ, ബ്ലോക്ക് മെമ്പർ ആയിരുന്ന വി ആർ സുരേന്ദ്രൻ, പാമ്പൻ അവാർഡ് ജേതാവും പ്രശസ്ത പത്രപ്രവർത്തകനുമായിരുന്ന ജി വേണുഗോപാൽ, പ്രസിദ്ധ സിനിമ സംവിധായകൻ സുരേഷ് വിനോദ്, എഡിഎം ആയി വിരമിച്ച ശ്രീ രാധാകൃഷ്ണൻ തുടങ്ങിയവർ ഇവരിൽ ചിലർ മാത്രം.