എൻ എ എൽ പി എസ് എടവക/അക്ഷരവൃക്ഷം/അമ്മുക്കുട്ടിയുടെ അസുഖം
അമ്മുക്കുട്ടിയുടെ അസുഖം
അമ്മുക്കുട്ടിയും കൂട്ടുകാരും വീടിനടുത്ത് കളിച്ചു കൊണ്ടിരിക്കുകയായിരുന്നു. കുറച്ചു സമയം കഴിഞ്ഞപ്പോൾ മഴ പെയ്തു. അവർ കളിച്ചു കൊണ്ടിരുന്ന ചിരട്ട അവിടെയിട്ട് വീടിനകത്തേക്ക് കയറിപ്പോയി. കുറേ ദിവസം കഴിഞ്ഞപ്പോൾ അമ്മുക്കുട്ടിക്ക് പനി വന്നു. ആശുപത്രിയിൽ കൊണ്ടുപോയി. മരുന്ന് കഴിച്ചിട്ടും കുറഞ്ഞില്ല. വീണ്ടും ആശുപത്രിയിൽ കൊണ്ടുപോയപ്പോൾ രക്തം പരിശോധിക്കാൻ പറഞ്ഞു.രക്തം പരിശോധിച്ചപ്പോഴാണ് ഡെങ്കിപ്പനിയാണെന്ന് അറിഞ്ഞത് അവളുടെ വീട്ടിലെ എല്ലാവർക്കും വിഷമമായി. അവർ വീട്ടിലെത്തിയപ്പോൾ ആശാവർക്കറും ഹെൽത്ത് നേഴ്സും അവിടേക്ക് വന്നു. അമ്മുക്കുട്ടിയുടെ പനിയെക്കുറിച്ച് അന്വേഷിച്ചപ്പോൾ അവർ പറഞ്ഞു, "ഈഡിസ് ഈജിപ്തി എന്ന ഒരിനം കൊതുകാണ് ഡെങ്കിപ്പനിക്ക് കാരണം അത് വളരുന്ന ഉറവിടം കണ്ടെത്തി നശിപ്പിക്കണം. വെള്ളം കെട്ടി നിൽക്കുന്ന വസ്തുക്കൾ നശിപ്പിക്കണം". അപ്പോഴാണ് അമ്മുക്കുട്ടി അന്ന് കളിച്ച ചിരട്ടയിൽ വെള്ളം നിറഞ്ഞിരിക്കുന്നതും കൊതുക് മുട്ടയിട്ടതും അവർക്ക് കണ്ടെത്താനായത്. അവർ ആ ചിരട്ട എടുത്ത് കളഞ്ഞ് അമ്മുക്കുട്ടിയോടും വീട്ടുകാരോടും പറഞ്ഞു, "വീടും പരിസരവും വ്യത്തിയായി സൂക്ഷിക്കണം. അതുപോലെ, വ്യക്തി ശുചിത്വം പാലിക്കണം. പുറത്ത് പോയി കളിച്ച് വന്നാൽ കയ്യും കാലും മുഖവും സോപ്പിട്ട് കഴുകിയിട്ട് വേണം അകത്തു കയറാൻ. പിന്നെ ആഹാരം കഴിക്കുന്നതിന് മുമ്പും ശുചി മുറിയിൽ പോയതിനു ശേഷവും കൈകൾ സോപ്പ് ഉപയോഗിച്ച് കഴുകി വൃത്തിയാക്കണം കേട്ടോ". "ശരി സിസ്റ്ററേ" അമ്മുക്കുട്ടിയുടെ അമ്മ പറഞ്ഞു. അവരുടെ വാക്കുകൾ അമ്മുക്കുട്ടിക്കും കുടുംബത്തിനും ഒരു പുതിയ അനുഭവമായിരുന്നു. ഇതാണ് കൂട്ടുകാരേ പറയുന്നത്, "ശുചിത്വത്തെ അംഗീകരിക്കാതെ ജീവിക്കരുത് വീടും പരിസരവും സ്ക്കൂളും കളിസ്ഥലവും നാമേവരും തന്നെയാണ് വൃത്തിയാക്കേണ്ടത് വേറെ ആരെങ്കിലും വന്ന് വൃത്തിയാക്കട്ടെ എന്ന് വിചാരിച്ച് നിൽക്കരുത്. നമ്മുടെ പരിസരം നാം തന്നെയല്ലേ വൃത്തിയാക്കേണ്ടത്". ആരോഗ്യമുണ്ടെങ്കിലേ രോഗത്തെ പ്രതിരോധിക്കാൻ കഴിയൂ ശുചിത്വമുണ്ടെങ്കിലേ ആരോഗ്യമുണ്ടാകൂ ശുചിത്വം ഉണ്ടാകാൻ നമ്മൾ തന്നെ വഴിയൊരുക്കണം നമ്മുടെ നന്മയ്ക്കായി നമ്മുടെ സമൂഹത്തിൻ്റെ നന്മയ്ക്കായി നമുക്ക് ഒത്തൊരുമിച്ച് പ്രവർത്തിക്കാം...................
|
വർഗ്ഗങ്ങൾ:
- അക്ഷരവൃക്ഷം പദ്ധതിയിലെ സൃഷ്ടികൾ
- വയനാട് ജില്ലയിലെ അക്ഷരവൃക്ഷം-2020 സൃഷ്ടികൾ
- മാനന്തവാടി ഉപജില്ലയിലെ അക്ഷരവൃക്ഷം-2020 സൃഷ്ടികൾ
- അക്ഷരവൃക്ഷം പദ്ധതിയിലെ കഥകൾ
- വയനാട് ജില്ലയിലെ അക്ഷരവൃക്ഷം കഥകൾ
- വയനാട് ജില്ലയിലെ അക്ഷരവൃക്ഷം സൃഷ്ടികൾ
- മാനന്തവാടി ഉപജില്ലയിലെ അക്ഷരവൃക്ഷം-2020 കഥകൾ
- വയനാട് ജില്ലയിൽ 15/ 03/ 2022ന് ചേർത്ത അക്ഷരവൃക്ഷം സൃഷ്ടികൾ
- അക്ഷരവൃക്ഷം 2020 പദ്ധതിയിൽ നാലാം ഘട്ടത്തിൽ പരിശോധിച്ച സൃഷ്ടികൾ
- അക്ഷരവൃക്ഷം 2020 പദ്ധതിയിൽ നാലാംഘട്ടത്തിൽ പരിശോധിച്ച കഥ