ജി.എച്ച്.എസ്.എസ്. വെള്ളൂർ/അക്ഷരവൃക്ഷം/പരിസ്ഥിതി ശുചിത്വം രോഗപ്രതിരോധം

പരിസ്ഥിതി ശുചിത്വം രോഗപ്രതിരോധം ലോകം ഇന്ന് കോവിഡ്-19 എന്ന് പേരിട്ടിരിക്കുന്ന മഹാമ്രിയുടെ പിടിയിലാണല്ലോ.ചൈനയിലെ വുഹാനിൽ പൊട്ടിപ്പുറപ്പെട്ട ഈ രോഗം ഇന്ന് മിക്കവാറും എല്ലാ രാജ്യങ്ങളിലും വൻ ഭീഷണി സൃഷ്ടിക്കുന്നു.വൈറസ് പരത്തുന്ന ഈ രോഗം വുഹാനിലെ ഇറച്ചിചന്തയിൽ നിന്നാണ് തുടങ്ങിയതെന്ന് വിശ്വസിക്കുന്നു.ഈ വൈറസിനെ പിടിച്ചുകെട്ടാൻ ലോക രാജ്യങ്ങൾ പെടാപ്പാട് പെടുന്നു.ഇതുവരെ മരുന്ന് കണ്ടെത്തിയിട്ടില്ലാത്ത ഈ രോഗം പകരുന്നത് സ്രവത്തിലൂടെയാണ്.അതുകൊണ്ടുതന്നെ നിശ്ചിത അകലം പാലിക്കാനും , കൈകൾ സോപ്പോ സാനിറ്റൈസറോ ഉപയോഗിച്ച് വൃത്തിയാക്കാനും ആരോഗ്യപ്രവർത്തകർ നമ്മെ ഉപദേശിക്കുന്നു. വ്യക്തി ശുചിത്വത്തിലൂടെ ആരോഗ്യം നിലനിർത്താൻ സാധിക്കും.ഇത് പല രോഗങ്ങളേയും ചെറുക്കും.പരിസര ശുചിത്വം സാമൂഹ്യ സുരക്ഷ ഉറപ്പ് വരുത്തുന്നു.പരിസര മലിനീകരണമാണ് ഇന്ന് നാം കാണുന്ന പല രോഗങ്ങൾക്കും കാരണം.പ്ലാസ്റ്റിക്കിന്റെ അമിതമായ ഉപയോഗം പരിസ്ഥിതിക്ക് ആഘാതം സൃഷ്ടിക്കുന്നു.അറവുമാലിന്യങ്ങളും മത്സ്യമാർക്കറ്റിലെ മാലിന്യങ്ങളും വേണ്ടരീതിയിൽ സംസ്കരിക്കാത്തത് പല രോഗങ്ങളും വരാൻ ഇടയാകുന്നു.കൊതുക് ,എലി മുതലായവ പെരുകുന്നത് പരിസര ശുചിത്വം ഇല്ലാത്തതുകൊണ്ടാണ്. ഓരോ വ്യക്തിയും ശുചിത്വം പാലിച്ചാൽ സാമൂഹിക ശുചിത്വം ഉറപ്പാക്കാൻ നമുക്ക് സാധിക്കും.അതുവഴി പല രോഗങ്ങളേയും നമുക്ക് അകറ്റി നിർത്താം.ഈ കൊറോണക്കാലത്ത് ലോക്ക്ഡൗണായി വീട്ടിലിരിക്കേണ്ടിവന്നത് സാമൂഹിക അകലം പാലിക്കാനും സമൂഹ വ്യാപനം തടയാനുമാണ്.നാം പ്രകൃതിയോട് കാണിച്ച ക്രൂരതയുടെ ഫലമാണോ ഈ മഹാമാരി എന്ന് സംശയിക്കേണ്ടിയിരിക്കുന്നു. വ്യക്തി ശുചിത്വത്തിലൂടെയും പരിസര ശുചിത്വത്തിലൂടെയും അതുപോലെ സാമൂഹിക അകലം പാലിച്ചും നമുക്ക് ഈ മഹാമാരിയേയും പിടിച്ചുകെട്ടാനാവും എന്ന് പ്രത്യാശിക്കാം. ഹൃദ്യ ഭാസ്കർ 7 സി ജി. എച്ച്. എസ്. എസ്. വെള്ളൂർ പയ്യന്നൂർ ഉപജില്ല കണ്ണൂർ അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Mtdinesan തീയ്യതി: 20/ 04/ 2020 >> രചനാവിഭാഗം - ലേഖനം